رواية حب في الباص كاملة بقلم فاطمة ابراهيم

رواية حب في الباص كاملة بقلم فاطمة ابراهيم 

 حب في الباص

(الأول)

حنان : يا بنتي بقولك أنا حاسة إنه معجب بيا

هدى : وعرفتي منين

حنان :من نظراته ليا أنا حاسة

هدى : طب ما شي يا أم نظرات هتعملي ايه يعني ماهو أكيد مش هتروحيله وتقوليله ممكن من فضلك تتجوزني

حنان : لا مش كدة يا ظريفة

هدى :أمال ايه يا ظريفة رقم 2 دا واحد شوفتيه في الباص كام مرة وشافك دا معناه انه بيحبك ودايب في دباديبك يا أختي

حنان :انا مقولتش بيحبني أنا قلت معجب بيا زي ما انا معجبة بيه بس كمان انتي عارفاني لا بتاعة صحوبية ولا ارتباط ولا مسخرة

هدى :صبرني يارب أومال هتخليه يتقدم لك إزاي

حنان :ماهو أنا جايباكي عشان كدة عاوزاكي تساعديني أنا عاوزاه يعرف اني معجبة بيه وكمان عاوزة أعرف هل إعجابه بيا دا وصل للحب ولا لا وكمان عاوزة أعرف هل هو صايع وبتاع بنات وكدة وبيبص علي أي واحدة ولا مؤدب عشان لو صايع مش هبصله ولا هعبره تاني وكمان عاوزة أعرف..

هدى:حيلك حيلك ما تاخدي رقمه بالمرة ماهي سايبة

حنان:طب أعمل ايه طيب يا هدى نوريني أنا مش بصاحب ولا برتبط وانتي عارفة ولو بدأت أنا الكلام معاه هيقول عليا مش محترمة وأنا عاوزة أعزز نفسي كمان وعاوزاه هو يبدأ بالكلام بس هو شكله تقيل ومش هيتكلم بسهولة

هدى : والحل يا حاجة بتنجانة

حنان :معرفش بقا ربنا يحلها من عنده

هدى : ما كان من الأول يا جزمة بدل كل الرغي دا صدعتيني

حنان :انتي صاحبة مش جدعة مش بحكيلك علي آلامي في الحب وعذابه

هدى :أديكي علي وشك يا بت قال حب قال أصلا كل اللي بيحصلك دا من عدم غض البصر ما إحنا لو نحترم نفسنا ونغض بصرنا مكانش كل دا حصل قال حب وبتنجان قال

حنان : أعمل ايه طيب عيونه فيها حاجة بتجذبني بتخليني أبص عليها غصب عني أنا بغض البصر وانتي عارفة بس لما شفته أول مرة صدفة مقدرتش أنزل عيوني حسيت فيها حاجة غريبة شدتني أنا خايفة يقول عليا مش محترمة عشان ببصله بس انا أول لما بصلي وشي إحمر واتكسفت جدا معرفش إيه السبب لا ومش كدة وبس كمان لا دا قعد جنبي في الباص وريحة البيرفيوم كانت فظيعة حاجة كدة خيال كأنه نزل من الجنة عشان يفتنني بيه وبس

هدى ضربتها علي راسها

هدى : يا بت بس كل ما تتكلمي عنه كدة وعن إفتتانك بيه بتاخدى ذنوب ودا اللي الشيطان عاوزه يا أختي

حنان بهيام :اللهم إخزيك يا شوشو

هدى :صبرني يارب علي ما بليتني أكيد أنا عملت ذنب عشان ربنا يرزقني بصاحبة زيك

حنان :فشر دا أنا مزة إنتي كنتي تطولي تصاحبيني أصلا

هدى :مزة بالستر يا أختي يلا أنا همشي بقا عشان إتأخرت عالبيت وانتي يا حنان الله الله بغض البصر مش عاوزاكي تاخدى ذنوب بسببه يا قلبي عاوزين نكون مع بعض في الجنة مش عاوزة أسبقك

حنان : إن شاء الله يا روحي مع السلامة

.....................

في اليوم اللي بعده

راحت حنان للمحطة اللي بتركب منها للجامعة كالعادة ولقته هناك عالمحطة زيها

حنان في نفسها : وبعدين بقا عالذنوب اللي عالصبح أنا لسة مصليه الفجر والسنة ومجددة النية ينفع كدة أعوذ بالله من الشيطان الرجيم لا أنا مش هبصله خالص بعد كدة مش ناقصة سيئات عندي اللي يكفيني ربنا يستر بس ويبعد عني عشان أنا بنهار حاليا

.

.

بعد شوية إلتفتت تلقائيا شافته بيبصلها

فبصت الناحية التانية بسرعة

وطبعا لا إراديا وشها إحمر وإتكسفت وحالتها بقت يعني ربنا ما يوريها لحد من الإحراج

وجه الباص وحمدت ربنا انه جه بعد طول إنتظار

وركبت في أول كرسي كعادتها لأنها بتحبه

وفجأة بوووم جه قعد جنبها

حنان في نفسها : ياربي هي ناقصة يعني ما صدقت ركبت تقوم تيجي أنا هعيط كدة وبعدين انت لازم تحط بيرفيوم قوى يعني عشان الناس تشمه هي ناقصة فتنة

حنان إهدى كدة وإعقلي وخدى نفس عميق وكأنه حيط قاعد جنبك ولا تهتمي

.

.

بعد شوية

هو بدأ يتكلم : يا آنسة لو سمحتي ..

الثاني من هنا

تعديل المقال