recent
روايات مكتبة حواء

رواية ملتزمة تزوجت رجل اعمال الفصل السابع 7

رواية ملتزمة تزوجت رجل اعمال الفصل السابع 7

 


وقفنا المرة اللي فاتت لما موبيل ياسمين رن وطلع اخوها.

ياسمين. الوو.
باسم.بغضب انتي فين ياهانم
ياسمين بخوف. انا مع واحده صاحبتي. كنت جايه اقابلها وقلت لبابا
باسم بحده. وهتيجي امتي.
ياسمين لسه هترد. خديجه بضحك. رجعت ليها. يلا بقا ياياسمينا. انا هطير. عايزه مني حاجه.
اتصدم لما سمع صوتها. مش معقول. هي. واخته. يعرفو بعض ازاي. وايه اللي وصل اخته عندها او ايه اللي وصلها عند اخته لا اكيد مش هي. يمكن انا بتخيل. او اي حاجه.
ياسمين. بترد علي خديجه. برده مصممه ياخديجه. استني انا هوصلك.
وطبعا خديجه مفكرة اني ياسمين بتكلم صاحبتها. او بتسمع حاجه. لانها حاطة. الهاند فري في ودنها. وهي مااخدتشي بالها. لانها كانت من شويه. واقفه مع شلة بنات. نادو عليها. ومني راحت معاها.
خديجه بهزار. يارمضان. لازم نتقل شويه. عشان تعرف اني تقيله. وقلتها بلهجه فلاحي. عشان تتجوزني ياراجل.
ياسمين. ههههه. لا انا هتجوزك. من غير ماتبقي تقيله.
خديجه. بصي بقا. احنا كده هنتاخر. وابويه هيطلق امي بسببي. وابويه بقي يعترف اني مش بنته وافضل. اعيط. وهو يقلي انتي مش بنتنا وانا اعيط اعيط. بس تعرفي اكتر حاجه. هزعل عليها ايه.
ياسمين بضحك. اكيد. مامتك.
خديجه بضحك. مامتي ايه. لا طبعا. هزعل علي المطبخ. اصلا فيه ذكريات بيني وبينه.
ياسمين. ههههههههههه.
خديجه بتبص. اهي الاختش مني جت اهي. يلا بقا. السلام عليكم.
ياسمين. هتوحيشني. بجد.
خديجه. هو انا مراتك. لو سمحتي. الكلام ده بعد كتب الكتاب ونعلي الجواب. انا بنت ناس برده.
ياسمين. بضحك. يلا ياخديجه من قدامي. مش عايزه اعرفك تاني.
خديجه بضحك. يلا. السلام عليكم.
خديجه ومني. مشيو. وياسمين. بتبص علي الموبيل بصدمه. افتكرت انها بتكلم اخوها. والمصيبه. بتفتح الموبيل. لقته لسه. علي الخط
باسم. في نفسه. مش عارف. يبطل يبتسم. وهيموت ويضحك علي خديجه. وهو مستغرب. ليه. يعني. كلامي مش مضحك اوي. ولكن. في حاجه جواه. شداه ليها. يااه كل شويه اكتشف. فيها حاجه جديده. ايه البنت دي.
ياسمين بخوف الووو باسم انت معايه.
باسم. فاق من سرحانه. ورجع لاسلوبه. تاني.
باسم. بحده. انتي ايه اللي موديكي. الدرسات العليا (انا معرفشي ليها اسم تاني )
ياسمين استغربت. وانت ايه عرفك اني في جامعة الازهر وخصوصا الدرسات العليا.
باسم. مش عارف يقول ايه (قول ليها يااخويه انك رايح جاي. علي البت. قال تتطمن عليها قال)
باسم بحده. وانتي مفكرة معرفشي. انتي بتروحي فين وبتيجي منين.
ياسمين بخوف. انا قلت ليك. جايه. لصاحبتي.
باسم. طب يلا بقا تعالي. ولا هتباتي عندك. (نفسي اديك انا قلم. زي اللي بيديه لاخواتي. احم. قصدي اللي اخواتي. بيدهولي. )
ياسمين. حاضر. انا ركبت العربيه. وجايه.
باسم. طب يلا بقا.سلام.
ياسمين وصلت ودخلت الفيلا. شافت باباها
قاعدين بيتكلمو. جريت عليهم وحضنت باباها. وباست مامتها.
ابوها بابتسامه ايه ياحبيبتي. مالك. فرحانه كده يارب تبقي كده دايما. يفرحك كمان وكمان.
ام ياسمين. يارب ياحبيبتي تفضلي دايما كده فرحانه. الدنيا كانت مضلمه اليومين اللي فاتو. بسبب زعلك. (تعالي. ياامي. شوفي الامهات )
ياسمين. بفرح. انا قررت. البس الحجاب. ايه رايكو.
ام ياسمين. بسعادة. اخيرا. الحمد لله. بجد. فرحتيني. ياياسمينا.
ابو ياسمين. بسعاده. ربنا يبارك فيكي ياحبيبتي. تفضلي دايما مفرحانه. كنت مستني اليوم اللي هتفرحيني. وانا شايفك. لابسه. الحجاب.
ياسمين. بفرح. ومش هلبس حتة قماشة علي شعري. لا ده انا قررت البس الحجاب. اللي يرضي ربنا. عشان. ربنا. ميزعلشي. مني. وطبعا. الصلاه. في ميعادها. كفايه بقا الغفله. اللي احنا. فيها دي.
باسم. واقف علي السلم. ومستغرب من كلام اخته. زي كلام. خديجه بالظبط. واقف ومبتسم. وفرحان اني اخته. هتلبس الحجاب. هو كان. بيزعق ليها كتير بسبب انها بتمشي بشعرها. بس باباه. كان. بيخليه. يسيبها براحتها.
باسم في نفسه. ياتري عملتي ايه في اختي ياخديجه. ده انتي عملتي. اللي بقالي سنين. بحاول اعمل. حاجه منه.
ياسمين. مش شايفه. باسم. وعماله. تحكي. عن خديجه. وكلام خديجه. وخفة دمها. وبتوصف لبسها. وكمان. بتحكي عن هزارها. وكل حاجه بالتفصيل.
ابو ياسمين. هههههه بجد ربنا يبارك فيها. انا نفسي اشوف البنت. اللي خلت بيتنا. يدخله السعاده تاني.
ام ياسمين. قليلي. ياسمين. هي خديجه دي. مخطوبه. (انا مش مخطوبه. ينفع اكون مكان خديجه هههههه)
ياسمين بتفكير. تقريبا لا ياماما. لانها في اول القاعده. قالت. ياريت تكوني. جيبالي عريس. لاني مفلسه اليومين دول
والد ووالدة ياسمين ههههههه. بجد. ربنا يبارك فيها.
ام ياسمين. واخده بالها من ابنها وهو مركز معاهم. بس عامله نفسها عبيطه.
ام ياسمين بمكر. بفكر. اجيب ليها عريس. وتفضل عايشه في القاهرة علي طول.
ابو ياسمين. عندك حق ياام باسم. فعلا. البنت دي جوهرة نادرة في الزمن ده. افضلي دايما مصحباها دايما. ياياسمينا. عشان باين عليها. بنت كويسه جدا.
ياسمين بفرحه. كويسه. جدا جدا. يابابا. انا مكنتش عايزه اسيبها تمشي كان نفسي اجيبها معايه هنا
ام ياسمين بمكر . وهي بتبص علي. باسم. طب ماتكلميها. وخليها تيجي بكره بعد مااتخلص محاضراتها. تتغدا. معانا ونتعرف عليها.
ياسمين بسعاده. ياريت ياماما. ترضي تيجي. هروح اكلمها. حالا. ولا اقلكو هرن عليها دلوقتي. وفعلا رنت علي خديجه.
خديجه بجديه. السلام عليكم.
ياسمين بسعاده. وعليكم السلام ورحمة الله. اذيك. ياخديجه انا ياسمين. اللي كنت معاكي النهارده.
خديجه بهزار. ام العيال يامرحب بيكي عاش من سمع صوتك.
ياسمين فاتحه لاسبيكر. (خديجه لوعرفت هتموتك. )
ياسمين بضحك. انا حلوه ياحاج. انت عامل ايه.
الاب والام. بيكتمو ضحكتهم من اسلوب خديجه. وياسمين. وباسم. مبتسم. وواقف زي. الهضبه كده.
خديجه. حلو ياام العيال. المهم انتي والعيال عاملين ايه. اديني مستحمل الغربه. عشان البطانيه. الفايبر. والمروحه. ام مكتب.
ياسمين. بضحك. هههههههههه
خديجه بجديه وابتسامه. اخبارك ايه ياياسمينا. وروحتي كده. صليتي ودعتيلي. ولا نستيني ياخاينه.
ياسمين. انا اتصلت عليكي لسببين السبب الاول. اني قررت البس الحجاب الشرعي.
خديجه بسعاده. اللهم بارك عليكي. ربنا يثبتك يااجمل ياسمينا شوفتها في حياتي.
ياسمين شكرا بجد كنت متاكده انك هتشجعيني كتير علي القرار ده. عشان. كده. حبيت اشاركك فرحتي لانك السبب في كل. حاجه حصلت ليا. ربنا بيحبني. عشان كده بعتك ليا.
خديجه بزعل. بس بقا ايه الهبل اللي يتقوليه ده. انتي جميله من يومك. وربنا بيحبك. بجد.
ياسمين والسبب التاني بقا ياستي. ماما. عزماكي عندنا بكرة علي الغدا. والسواق هياخدك من قدام الجامعه ويرجعك. علي المحطه. ايه رايك.
خديجه بجديه. بجد. اشكري مامتك. وقلها ربنا يبارك فيكي ويحفظك. انا. بعتذر. بحد مش هقدر اجي. وياريت يا ياسمين. تفهمي مامتك. اني غصب عني.
مامت ياسمين اخدت الموبيل.
ام ياسمين. اذيك. يابنتي. انا مامت ياسمين معاكي.
خديجه. باحترام وجديه. ازي حضرتك ياطنط. ربنا يبارك فيكي ويحفظك يارب. بجد سعيده اني سمعت صوت حضرتك.
ام ياسمين. بزعل. ليه. ياخديجه مش عايزه تيجي اتعرف عليكي. عشان لسه. عرفانا. انا حاسه اني اعرفك من زمان
خديجه. يعلم الله انا حبيت بنتك ياسمين. ازاي. وحبيت حضرتك. باين علي حضرتك انك. جميله زي ياسمين كده.
ام ياسمين. ربنا يبارك فيكي ياخديجه. بس برده زعلانه. ليه مش عايزه تيجي عندنا.
خديجه بابتسامه. ياطنط. انا بطلع من بيتي علي محاضراتي. وده اللي اهلي عارفينه. وطبعا انتي عارفه حصرتك. اني القاهره غريبه عليا. معرفشي فيها حاجه غير مقر الجامعه بتاعتي. وبتاع السندوتشات فمينفعشي اخرج واروح اي مكان من غير مايكون اهلي عارفين. وطبعا متاكده اني اهلي هيرفضو. عشان كده بعتذر. من حضرتك مش هقدر اجي.
ام ياسمين. بمكر. طب ماتيجي. الصبح. وامشي. علي الميعاد اللي بتخرجي فيه من الجامعه.
خديجه بابتسامه. برده مينفعشي. عشان لو ربنا قبض روحي وانا عندكو. واهلي ييجو ياخدو جثتي. هيقولو. كانت بتعمل ايه هنا. وهيطلعو عليا الاقاويل. وانا فضلت محافظة علي سمعة ابي في حياتي. مش هاجي الوثها. في مماتي.
google-playkhamsatmostaqltradent