رواية معاقة لكن اعشقها الفصل السادس 6 بقلم الاء محمد
الحلقة السادسةاتمني تعجبكم
المسابقة بدأت و كان دور رفيدة قبل الاء دخلت رفيدة وقفت علي المسرح ولسه هتقول مالك قاطعها
مالك: أسف يا أنسة أنتي مرفوضة
رفيدة: بس انا لسه مقولتش حاجة
مالك بسخرية: وانا قلت انك مرفوضة اسف اصلي مش بقبل معوقين
رفيدة فهمت قصد مالك وعرفت انه هو كان بيمثل انه واحد من المتسابقين و سمعهم وطلعت وكانت متعصبة 
ونفسها تاخد حقها وتنتقم من الاء
ونفسها تاخد حقها وتنتقم من الاء رفيدة وهي طالعة قابلت الاء اللي كانت بتراجع القصيدة ومتوترة جدا
رفيدة مسكت دراعها بعنف: مش عايزاكي تفتكري انك كسبتي عليا لا يا حبيبتي مش رفيدة اللي يتعمل معاها كده
الاء: انتي بتقولي ايه انا مش فاهمة حاجة وبعدين سيبي دراعي
رفيدة: مش فاهمة انا هفهمك ومسكتها من شعرها وشدته جامد ولأن الاء محجبة ورفيدة بتشدها من شعرها فكل ما رفيدة بتشد الطرحة بتخنقها اكتر ده غير شعرها اللي بيتشد الاء كانت بتصرخ وبتتألم ولارا وروان كانوا بيحاولوا يبعدوا رفيدة عن الاء علشان متحصلش مشكلة مالك سمع صريخ الاء وخرج شاف رفيدة بتضرب الاء بعنف والاء شبه مغمي عليها
مالك بغضب وعصبية: ايه المهزلة دي ارموهم بره
وفعلا الحراس اخدوا رفيدة والبنات اللي معاهم وطلعوهم بره
ومالك جري علي الاء اللي كانت اغمي عليها بالفعل وفي علامات ضرب علي وشها وإيديها مالك شالها وكان حاسس بشعور غريب حاسس بخوف وغضب اخدها مكتبه ونايمها علي الكنبة
مالك: كريييييم اطلب الدكتورة بسرعة
كريم مساعد مالك الشخصي: فورا يا مالك باشا
الدكتورة وصلت وكشفت علي الاء
الدكتورة ريماس: واضح يا استاذ مالك انها اتعرضت للاعتداء بعنف انا هكتبلها علي دواء 
ومطلوب الراحة التامة طبعا
ومطلوب الراحة التامة طبعامالك: طب هي هتفوق امتي
الدكتورة ريماس: شوية وهتفوق ان شاء الله
مالك: متشكر جدا لحضرتك تقدري تتفضلي
الدكتورة ريماس: عن اذنك
مالك: كريم
كريم: افندم يا مالك باشا
مالك: راحوا المخزن
كريم: طبعا يا باشا
مالك بتوعد لرفيدة والبنات اللي معاها: تمام اوي انا هربيهم بطريقتي علشان يبقوا يضربوا حد تاني وخليهم يتوصوا بيهم شوية
كريم: اوامرك اي خدمة تاني
مالك: اه روح هات الادوية دي من الصيدلية
كريم: تحت امرك
كريم مشي ومالك قعد علي مكتبه وكان مستغرب نفسه ليه عمل كده ليه قلبه بيدق كده ليه كان حاسس احساس اول مرة يحسه فرحه، قلق، خوف، حيرة
الاء ابتدت تفوق
الاء: انا فين
مالك كان قاعد علي الكرسي قدامها: حمد لله علي سلامتك يا انسة
الاء افتكرت اللي حصل وافتكرت كلام رفيدة وهي بتتعدي عليها
فلاش باك
رفيدة وهي ماسكة الاء من شعرها: بقي انا يقول لي معوقة علشان سيادتك
باك
الاء بدموع: ليه
مالك: هو ايه اللي ليه
الاء: ليه عملت كده ليه ليه قلتلها كده
مالك
: قلت ايه ولمين بالظبط
: قلت ايه ولمين بالظبط الاء: للبنت قلتلها انها معوقة ليه مش فاهمة ليه وسكتت لحظة اااااااااه عرفت انت سمعتها وهي بتقولي كده صح مين قال لك اني عايزة حاجة منك تقولها كده بصفتك ايه ربنا هو اللي هيعاقبها انت مالك
مالك بكل هدوء وبرود: اولا انا معملتش حاجة علشانك انا قلتلها كده علشان من شروط المسابقة ان الشخص اللي هيتقدم للمسابقة لازم يكون عنده الأخلاق اولا ثم الموهبة
الاء: انا عايزة اروح
مالك: مش هينفع الدكتورة قالت لازم ترتاحي
الاء قامت من علي الكنبة وما اهتمتش لكلام مالك واول ما وقفت حست بدوخه مالك مسك ايدها قبل ما تقع
الاء شدت ايدها بسرعة و بدموع: لو سمحت عايزة اروح
مالك: حاضر هخلي السواق يروحك
الاء: لا انا عايزة اروح لوحدي
مالك: مش هينفع انتي لسه ما بقتيش كويسة وكمان دايخة تقدري تقوليلي هتروحي ازاي
الاء مقدرتش تكلم هي فعلا دايخة وعنيها مزغللة
مالك: كريم
كريم: افندم يا باشا
مالك: خلي السواق يجهز العربية ويروح الانسة
كريم: اوامرك يا باشا
مالك ل الاء: السواق هيوصلك
الاء جت تمشي كانت هتقع ومالك مسكها
مالك: تسمحيلي اوصلك لحد العربية
الاء: لا شكرا هروح لوحدي
مالك مسمعش كلامها وفي غمضة عين كان شايلها علي كتفه
مالك: انا مش بسألك علي فكرة انا كنت بديكي سابق إنذار مش اكتر
الاء: نزلنيييييي وفضلت تضربه في كتفه علشان ينزلها بس طبعا مالك ما تهزش
مالك وصلها لحد العربية وهي مكنتش واخدة بالها انهم وصلوا لانها كانت مشغولة في ضربه علشان ينزلها 
مالك: حمد لله علي السلامة اتفضلي وصلنا العربية
الاء في نفسها ايه ده امتي انا ازاي مش اخدت بالي اه صح مانا كنت بضربه هاخد بالي ازاي 
الاء: طب ممكن تنزلني لو سمحت
مالك كان نفسه الطريق يبقي اطول علشان يفضل شايلها كده مالك نزلها وركبها العربية والعربية مشيت
مالك تليفونه بيرن
مالك: الو ايوه يا جاسر
جاسر:.......
مالك: ماشي سلام
بعد لما خلص المكالمة رجع وركب عربيه تانية وراح لبيته الخاص اللي بيحب يستجم فيه ويفكر براحته من غير ما حد يقلقه
مالك دخل البيت شاف ياسمين قاعدة ومشغلة التلفزيون ومحضرة اكل لشخصين
مالك بعصبية: انتي ايه اللي جابك هنا ودخلتي ازاي
ياسمين بدلع وهي بتقرب منه وحطت ايدها علي كتفه: ايه ده يا ميمو ده استقبال تستقبلوا لحبيبتك
مالك بعد عنها: ياسمين احنا مش هنكذب علي بعض انا وانتي عارفين ان مفيش حد بيحب التاني فياريت بلاش الشويتين دول
ياسمين: ده من وجهة نظرك انت لكن انا بحبك
مالك: ياسمين لو سمحتي امشي علشان مش عايزة اقول كلام يجرحك
ياسمين بتتصنع البراءة: طب ممكن طلب قبل ما امشي
مالك: افندم
ياسمين: انا جايبة اكل علشان ناكل سوا ممكن تقعد نتعشي كأصدقاء بس مش اكتر وبعديها همشي عالطول
مالك: ماشي لما نشوف اخرتها
وفعلا قعدوا واتعشوا سوا
وبعد العشاء
ياسمين: اتفضل العصير
مالك: شكرا
وهي بتقدم له العصير تليفونها رن
ياسمين بتوتر: ثواني عندي مكالمة مهمة هرد عليها اتفضل اشرب العصير
وقامت تتكلم في التليفون
ياسمين: الو ايوه يا معتز
معتز: ايوه اه الاخبار نفذتي الخطة
ياسمين: لسه
معتز: طيب انجزي
ياسمين: ماشي اهو بيشرب العصير
معتز: تمام اول ما يدوخ تخليه يمضي علي الورق وتجيبي الورق وتيجي بسرعة
ياسمين: ماشي سلام
ورجعت لمالك
ياسمين: ايه لسه مشربتش العصير
مالك: مستنيكي
ياسمين بدلع: ايه وحشتك
مالك: تقدري تقولي كده
وشربوا العصير وبعد ربع ساعة بالظبط
ياسمين حاسة بدوخة ومش قادرة تقف وعنيها مزغللة
مالك: ايه مالك
ياسمين: لا مليش دايخة شوية
مالك: طيب ادخلي جوا لو عايزة
ياسمين: ايوه ماشي
بعد ما دخلت مالك مسك التليفون
مالك: الو ايوه يا جاسر
جاسر: مالك الواد هرب
مالك: يعني ايه هرب
جاسر: بعت ناس علشان تخطفه وتوديه المخزن بس في ناس اتهجموا عليهم وخدوا الواد
مالك:ابن ال..... والله لأجيبه من تحت الارض
جاسر: طب والبت هتعمل معاها ايه
مالك: لا سيبها لي انا هربيها واعرفها ازاي تلعب مع مالك صقر المنشاوي كويس
جاسر: ماشي بس براحة شوية
مالك: انت عارف إن الكلمة دي مش في قاموسي
جاسر:اممم مش في قاموسك يبقي البت الله يرحمها انا عارفك ايدك طارشة
مالك: طيب يا لمض سلام
مالك قفل التليفون وقعد علي الكرسي وبيفتكر اللي حصل
فلاش باك
مالك: جاسر كنت عايزك في خدمة صغيرة كده
جاسر: انت تؤمر يا ميمو خير عايزني في ايه
مالك: عايزك تخلي حد يراقب ياسمين ويعرف كل تحركتها
جاسر: غالي والطلب رخيص بس ليه
مالك: علشان خلاص ما عنديش صبر عليها لازم اعرف الهانم بتصرف الفلوس اللي بتخدها مني فين
جاسر: اممممم ماشي
بعد يومين بعد ما مالك وصل الاء العربية
تليفونه بيرن
مالك: الو ايوه يا جاسر ايه الأخبار
جاسر: اخبار لوز اللوز يا معلم
مالك: اشجيني
جاسر: الراجل اللي بيراقب ياسمين قال لي انها بتروح شقة في المعادي مأجرها واحد اسمه معتز وبيشتغل مع رئيس عصابة بس شغله كله من التليفون و ياسمين بتروح له كل يوم وكمان خليت الراجل اللي بيراقبها يركب ميكرفونات وكاميرات في شقة معتز وعرفت انهم بيتفقوا عليك وعملوا خطة علشان يخلوك تمضي لياسمين علي كل املاكك ويسرقوها ويهربوا يا معلم
مالك: اه يا ولاد ال...... بس علي مين انا هربيهم علشان يبقوا يلعبوا تاني مع مالك صقر المنشاوي
باك
فلاش باك
ياسمين بتكلم في التليفون
ياسمين: ماشي اهو بيشرب العصير
مالك كان واقف قريب منها وسمعها
مالك في نفسه: قلتوا لي العصير تمام هنشوف مين اللي هيشربه وقبل ما ياسمين تيجي مالك كان بدل كوبايات العصير
باك
وبعد شوية ياسمين فاقت
ياسمين: هو ايه اللي حصل
مالك: هو الصراحة لسه محصلش حاجة بس هيحصل اوعدك
ياسمين: يعني ايه
مالك قرب منها و مسكها من شعرها: بقي انا تروحي تتفقي مع واحد بلطجي عليا وعايزين تسرقوا فلوسي ووقعها في الأرض
ياسمين: اه اللي انت بتقولوا ده وانا هعمل كده ليه
مالك: علشان تهربي معاه وتعيشوا من فلوسي انا هربيكوا علشان تبقوا عبرة لأي حد يفكر يلعب مع مالك صقر
ياسمين: مالك انا معملتش حاجة انا مليش دعوة
مالك: ولسه ليكي عين تكدبي
ياسمين: مالك ارجوك سامحني عارفة اني غلط بس هو اللي حرضني ارجوك سامحني
مالك: ههههههه اسامحك بتحلمي انا هعاقبك عقاب مكنتيش تحلمي بيه
ياسمين بترجي: لا ارجوك سامحني وعد ابعد عنك ومش هتشوفني تاني بس سبني ارجوك
مالك: ومين قالك انك هتبعدي بمزاجك انتي هتبعدي غصب عنك بس الأول عايز اوريكي حاجة صغيرة
مالك فتح تليفونه وجاب بعض الصور لياسمين ومعتز لما كانت بتروح له البيت
مالك: ايه رأيك في الصور الحلوة دي عاجبتك الصور دي هتبقي بكرة صفحة اولي في الاخبار وهتتنشر علي كل وسائل السوشيال ميديا
ياسمين: لا يا مالك ارجوك ما تعملش كده انا مستعدة اعمل اللي انت عايزه بس ارجوك امسح الصور دي
مالك: ايوه كده شاطرة ندخل في المفيد اسمعي يا حلوة......................
♡♡♡♡♡♡♡♡♡♡♡♡♡♡♡♡♡♡♡
عند الاء
الاء دخلت البيت براحة وحاولت تدخل اوضتها بسرعة علشان محدش يشوفها بالمنظر ده الاء دخلت اوضتها وفعلا محدش شافها اول ما دخلت حاولت تحط كريم تداري بيه الجروح اللي في وشها علشان محدش ياخد باله وغيرت هدومها ودخلت تاخد دش 
وهي طالعة من الحمام سمعت تليفونها بيرن
وهي طالعة من الحمام سمعت تليفونها بيرن الاء: الو ايوه يا فريدة
فريدة: ايوه يا لولو اه الاخبار عملتي ايه في المسابقة
الاء: بدأت تحكي لفريدة علي اللي حصل وفريدة مصدومة 
فريدة: يا نهار ابيض طب وانتي كويسة دلوقتي
الاء: كويسة الحمد لله
فريدة: طب مامتك مسألتكيش علي حاجة
الاء: لا الحمد لله جيت لقيتها نايمة
فريدة: طيب هسيبك تستريحي ونبقي نتكلم بعدين
الاء: ماشي سلام
الاء قفلت مع فريدة وراحت تنشف شعرها بس سمعت صوت تليفونها كان رقم غريب
الاء: الو
المتصل:حضرتك الانسة الاء محمود
الاء: ايوه انا
المتصل:..............
الاء اول ما سمعت الكلام اللي قاله التليفون وقع من ايدها واغمي عليها
استووووووب الحلقتين خلصوا أتمني يكونوا نالوا إعجابكم 
يا تري مالك قال لياسمين تعمل ايه علشان مش ينشر الصور 
والشخص اللي اتصل بالاء قالها ايه علشان يغمي عليها
انتظروني الحلقة القادمة اتمني تكون الحلقة عاجبتكم شاركوني برأيكم عايزة اعرف ايه رأيكم في الحلقة لأن بجد تعليقاتكم بتديني طاقة إيحابية كبيرة اوي وبتحمس اكتر علشان انزل الحلقة اللي بعدها
معاقة لكن أعشقها
