رواية رغم اختلاف الطبقات الفصل الخامس 5
فهد :منك لله ي شيخ انا نسيت اقولك عليها طب كنت اتصل بيا اسألني حتي أي القرف ده
فهد قفل السكه في وش عمرو وقال لياسمين خطيبته : إحنا لازم ننزل مصر حالا
ياسمين : لي
فهد حكالها اللي حصل
ياسمين : وفيها اي يعني ما تمشي ولا تغور في داهيه
إحنا مالنا
فهد : يعني اي مالنا ي ياسمين بقولك البت متعرفش حاجه هنا وملهاش حد
ياسمين : ي سلام ومن أمتي الحنيه دي
فهد : ياسمين اتعدلي في كلامك ويلا عشان ماشيين
ياسمين : يووه حاضر
************
بعد ساعه كان فهد وصل هو وخطيبته
فهد : يلا بقي ي ياسمين هوصلك
عشان أروح أشوف الموضوع ده
ياسمين : طب ما كنت بعت يعمل كده
اشمعنا تروح إنت بنفسك
فهد : أنا مش هتكلم عن الموضوع ده تآني يلا انزلي
ياسمين نزلت وهي متعصبه منه
*******
فهد راح العماره اللي فيها عشق لقى البواب بيناديله
فهد : نعم
البواب : أتفضل
فهد : أي ده
البواب : معرفش ي افندم الظرف ده أستاذه عشق سابته لحضرتك
فهد : تمام روح إنتفهد فتح الظرف لقي فيه مفتاح الشقه والتليفون وورقه مكتوب فيها( اول حاجه حبيت اشكرك ع العشم اللي عشمتني بيه وجبتني من بلدي ع أمل إني خلاص هستقر هنا وفالاخر خليتني زي اللي رقصت ع السلم
لا فضلت في بلدي ولا لقيت حته هنا استقر فيها شكرا آوي لحضرتك بس نصيحه مني
طالما مش قد الوعد متوعدش حد عشان اللي بيخون الوعد ده حسابه بيبقي كبير آوي)
فهد قرأ الرساله وبعدين مش عارف يعمل أي
ولا يدور عليها فين
فهد فضل ماشي بالعربيه ع أمل إنه يلاقيها
وراح مركز الشرطه وبلغ بالكلام ده عشان يدورو عليها
تليفون فهد بيرن
فهد : الو ي عمرو
عمرو : بقولك انا بدور عليها ومش لاقيها
فهد : أنا نزلت مصر ي عمرو
عمرو : لي يبني حصل أي
فهد : عشان ادور ع عشق
عمرو : وخطيبتك
فهد : مالها
عمرو : هتسيبها بالسهوله دي عشان قابلت واحده عجبتك وهانت عليك
فهد : ولا مش ناقصه غباء هي حبيت مين وبتاع مين أنا وخطببتي زي ما احنا وحددنا معاد الفرح كمان
عمرو : مبروك ي صاحبي
فهد : الله يبارك فيك
عمرو : بس أنا إللي عايز اعرفه إنت شاغل بالك بيها كده لي
فهد : يووه اقفل ي عمرو أنا مش ناقص غباء والنبي.
***********
فهد قفل السكه وبرضو مش عارف
يدور عليها فين فجأه شاف واحده لابسه نفس الدريس إللي جايبه لعشق
ي ترى هتبقي هي عشق ولا لا ؟
يتبع
