recent
روايات مكتبة حواء

رواية انت لي الفصل الرابع 4

رواية انت لي الفصل الرابع 4

 البارت الرابع

(انتِ لي )🖤
دخلت الاوضه براحه وحطت القهوه على الترابيزة كانت لسه هتخرج
شدها أسر من دراعها راحت صرخت من الوجع اللي في رجليها ووقعت
اتخض أسر بيبص على رجليها لقى دم
أسر بتوتر وخوف : انتي مجروحه ازاي طلعتي السلم انتي مجنونة يا وعد
كان كان لازم تقوليلي
وعد وهي بتعيط : خلاص انا كويسه يا أسر بيه عن اذنك
أسر بعصبيه :اسكتي
شالها وحطها على الكنب
- انا لازم اتصل بالدكتور
نهله وهي واقفة بتراقب :و مالو على آخر الزمن ابني الكبير شال بنت الخدامه بتاعته وعايز يطلب الدكتور
وعد بخوف : انا معملتش حاجه حاولت تقوم بس أسر حط أيده قدامها لما الدكتور يجي هتمشي
سابها و خد أمه وخرج
نهله : ممكن افهم في ايه
أسر : الكاس اتكسر على رجليها
نهله : اه وبعدين وانت مالك مهي عندها ام
ابراهيم من وراها : وعد متربيه معانا يا نهله واكيد أسر بيعتبرها اخته الصغيره
أسر بعصبيه : الدكتور وصل لازم اشوفه
طلعت سنيه لبنتها ودخل أسر بالدكتور
غيرلها على الجرح و ربطه
سنيه : يلا يا وعد ننزل تحت
أسر بلهفه : لا خليها ترتاح شويه وانا هنزلها
امجد بخبث : لا انت اكيد عندك شغل انا هشيلها لتحت
وعد :لا انا كويسه هنزل لوحدي
سندت على امها ونزلوا سوا
وهما نازلين كان طالع سراج عم أسر كان فيه بينه وبين سنين نظرات توتر لاحظتها وعد
سراج : خير شكل الصغيرة جرحت نفسها
سنيه : اه عن اذنك
خدت وعد ونزلوا بسرعة
وعد : ماما هو ليه كان بيبصلك كده
سنيه بخوف : معرفش مش مهم
وعد : بكره هبدا جامعتي يارب تكون تانيه اسهل من اولى
سنيه : ركزي في مستقبلك يا بنتي انتي هتبقي مدرسه اد الدنيا
وعد : حاضر
جه وقت العشا والمطره كانت بتمطر في الجنينه
خرجت وعد قعدت على الكرسي وغمضت عينيها وبصت للسما كل ما تنزل عليها قطره ندى تضحك
كان أسر بيبص عليها من البلكونة وبيضحك ببرائه
اشتدت المطره 🌧️
وعد وهي بتضحك : لا لا متفقناش على كده هغرق
راح امجد واداها جاكيته
بطلت وعد ضحك وقامت وقفت
اتغيرت ضحكه أسر لجفاف كان واقف بس بيتابع
امجد : ضحكتك حلوة جدا وعينك زي لون السما بريئه وجميله
وعد بضحكه خفيفه : شكرا يا امجد بيه
أسر من فوق : امجد عايزينك في الشركه
بصت وعد عليه لقيته بيبصلها وفجأة زادت ضربات قلبها
وعد لنفسها : لا لا اكيد مش بحبه
راح امجد
فضلت وعد تفكيرها شارد ليه قلبها بيدق مع أسر ده بيعاملها بعصبيه
أسر من وراها : امجد قالك ايه
اتخضت وارتبكت: قالي ايه ازاي
أسر : خلاص مش مهم كنت عايز نسكافيه و غيري لبسك عشان هتبردي
وعد : ح ..حاضر
كانت بتعرج وهي بتمشي
أسر : خلاص مش عايز حاجه ارتاحي انتي بس
وعد : حاضر
سنيه لأسر : حضرتك هتحضر حفله بكره
وعد بفرحه : في حفله
سنيه : وعد بس اسكتي
بص أسر ل وعد وقال ل سنيه : خلي وعد تحضرها
سنيه : مش هينفع يا أسر بيه نهله هانم مش هتوافق
وعد بزعل : انا هدخل
زعل أسر برضوا و طلع اوضته
كان الوقت متأخر بليل صحيت وعد تشرب دخلت المطبخ بتبص فجأة لقيت امجد
وعد : ياربي خضتني
امجد بضحك : معلش يا سندريلا ها جاهزة لحفله بكره
وعد : ماما قالت مش هينفع
قرب امجد منها : انا هخليه ينفع
وعد وهي بتبعد : لا لا انا معنديش لبس اصلا مش مهم
امجد : خليها عليا

google-playkhamsatmostaqltradent