رواية ملاكي فهد وملاك كاملة بقلم رنا شريف

رواية عمتي الحرباية الفصل الثالث 3 والاخير

 تلفوني رن مين مريم

عايزه اي دي مني متصله تحرق دمي وتشمت فيا عملت الي هي عايزه

مش مبطله رن وانا قلبي مش مطوعني حسه ان في حاجه

فتحت عليها عايزه اي

قالتي هعوز منك اي انا بس بتصل عشان خاطر خالد مش اكتر انا لو عليا مش عايزه اسمع صوتك

قولتلها يعني انا الي عايزه اسمع صوتك ولا اشوف وشك

قالتي انا مش هرد عليكي انا بس هقولك ان خالد مش بيكلم ماما ولا انا عشانك ولا بياكل معانا بسببك

وماما هتموت من الزعل عشان تبقي تفرحي وكل شويه يقولها انتي السبب انتي وبنتك وهو احنا كنا طردناكي

انتي الي مشيتي ياتمشي كلمتك ياتمشي انا معرفش انتي عمله له ايه ساحرا له

رديت عليها قولتلها لا مش ساحرا له كل الحكايه انو بيحبني وبيموت فيا حاجه كده انتي متعرفهاش

اتنرفزت وصوتها اتغير وقالتي ماما عايزه تجيلك بس مش عشان جمال عيونك دا عشان خالد زعلان وهي خايفه عليه

قولتلها تيجي تنور انا هقول لبابا وماما وتشرف في اي وقت كنت قصده اغظها واحرق دمها

وفي نفس الوقت كنت فرحانه ان خالد زعلان عشاني ولسه بيحبني كنت بسال نفسي

بس هو عمل فيا كدا ليه طلعت وقولت لبابا قالي ماشي تيجي احنا مش هنقفل الباب في وشها نسمع ههي عايزه اي

انا كنت فرحانه حسه اني هرجع بيتي تاني وخالد هيردني

وفي نفس الوقت عايزه اعرف ايه الي حصل عشان يطلقني بسهوله كده

حماتي جت وجابت هدايا معاها وبابا قابلها كويس وسلمت عليا بس انا مش طيقها وباين عليا

قالت لبابا خالد عايز يرجع هدي علي زمته هو كان عايز يجي معايا بس مكسوف من الي عامله

وفضلت تتكلم وتقوله دا مضغوط في الشغل ومشاكل البيت وكل دا فوق دماغه وهي ومريم بيزعلو من بعض كل شويه

وغصب عنه وكلام كتير بابا فضل يسمع لغايه ما خلصت

وقالها ابنك محترمنيش ولا احترمها بنتي عملت حاجه يجي يقولي وانا اادبها وانا بنتي مش خدامه هي لو سعدتك يبقي من زوقها انتي زي امها ومريم زي اختها الصغيره تحترمها وتكلمها كويس ومتغلطش فيها تاني تمام

وخالد لو عايز يرجعها هو الي يجي ياخدها انا مش هرجعها معاكي مينفعش يجي هنا ويعرف ان بنات الناس مش لعبه والطلاق مش كلامه سهله عنده كده لازم يعرف حدوده

حماتي بقت اقعده وشها يجيب الوان وانا حسيت ان بابا جابلي حقي كان نفسي مريم تبقي موجوده تسمع كلمتين في جنبها

حماتي قالت لبابا انا هقوله يجي ياخدها بس امتي

بابا قلها اي وقت هو عايزه

خالد جه تاني يوم انا كنت هموت وشوفه واسمع صوته مش هكدب حولت كذا مره اني اشوف او اكلمه بس كرمتي منعتني

شكله خاسس اوي ومبهدل اول ماشفني عينيه لمعت وفرح كأن روحه ردت فيه بس انا كشرت في وشه مع اني كان نفسي اخده في حضني منهم لله الي بعدونا عن بعض

اتاسف لبابا وقاله والله غصب عني نفسيتي كانت تعبانه ومش عارف اراضي مين ولا مين وكلام من هنا وكلام من هنا غصب عني سامحني ياعمي سمحيني يا هدي انا غلطت في حق بس دي امي مقدرش ازعلها انا مليش غيرها

هي واختي وتعب ومعرفتش اتصرف

بابا قاله بنات الناس مش لعبه بعد كده تيجي تقولي لو بنتي عملت مشاكل وغلطت مش تطلقها الحياه لسه طويله ادمكم

كل مشكله هتبقي اصعب لازم تعرف تفرق بين الغضب وبين الطيش اعقل يابني

اسمع من امك وقول معلش واسمع من مراتك وقول معلش كلمه معلش بتريح والكلمه الحلوه تمحي جبال من الزعل الي جوانا

خد مرتك وامشي ومش عايز دا يحصل تاني

انا كنت هموت من الفرحه جوزي حبيبي رجعلي بس الحربايه الي هناك دي اعمل فيها اي مش هعرف اخلص منها

دخلت الم حاجاتي وماما جت ورايا وقالتي يابنتي سايسي امورك ومشيها وكبري دماغك من البت دي بكره تتجوز

مهي هتتجوز بس مش هتسبني في حالي انا لازم اعاملها باسلوبها وهوريها انا اتعلمت الدرس ومش هخرج من بيتي تاني

وخالد خدني ومشينا وفضلنا نتعاتب في الطريق واتاسف ليا تاني وقالي انا عرفت امتك انا مكنتش باكل ولا بشرب من الي عملته فيكي

وانا سمحته اصلي بحبه اعمل اي في قلبي دا بس

وصلت البيت حماتي طلعت وكلمتني علي السلم وهي مشفتش وشها ومن كتر الغيظ الي فيها مش عايزه تشوفني

طلعت شقتي وانتو عارفين الباقي بقي الله بتكسف

ونزلت تاني يوم تحت ولقتها قعده دخلت عليها وخالد واقف وقولتلها مريومه وحشتيني وخدتها بالحضن جامد بس مش حضن حب لا حضن غل وغيظ

هي استغربت ايه دا في اي وقعدت علي الكرسي وانا بقعد قولت اه عظمي مكسر اصلي مش نمت كويس انا وخالد وضحكه ميصه

حسيت انها هتموت ومش قدره تتكلم خالد واقف وقولتله يالا ياحبيبي عشان تروح شغلك اخس عليك مش كنت تقعد معايا اصل مش شبعت منك متتاخرش عليا هستناك علي نار بردو بمياصه

خالد قالي ماشي ياحبيبتي ومشي وانا حسيت انهم هايكلوني والاتنين يبصو لبعض وهاين عليهم يولعو فيا بس انا سبت علي موقفي

جت مريم لسه بتقولي ايه المياصه دي الحاجات دي فوق في شقتك

بصيت لها بكل برود لا ياروحي دي في كل حته دا جوزي حبيبي وميقدرش يستغني عني ولا عن مايصتي

كانت هتموت من ردي ودخلت اوضتها ورزعت الباب

وحماتي مصدومه مني اول مره تشوفني كده

وبقيت مشيه علي كده كل ما خالد يجيب حاجه انزل وقول مع انه بيقي جايب لها برده بس حاجه تانيه بس انا افضل اغيظ فيها واقول يعيش ويجبلي روح قلبي حبيبي

وانا في الشقه افضل اغني بصوت عالي واضحك حتي لو خالد نايم عشان بتسمعني لو صوتي كان عالي

واحرق في دمها

تيجي تعمل مشكله اقولها انتي زعلتي حقك عليا واتبارد عليها ومدهاش فرصه لا هي ولا حماتي

ولو قالو لخالد اجي قدامه وقولها انتي اختي حبيبتي

مش تزعلي وادي راسك ابوسها بقيت بجبلهم نقطه وهما اعدين وافرسهم واحرق دمهم

هي بقي بقت بتتجنبني عشان محرقش دمها

انا حملت وخليت خالد الي يتكلم ويقول انها تساعدني في شغل البيت وقسمت لها انا بخلص نصيبي واطلع وهي حره بقي في الباقي هي تعمل حماتي تعمل مليش فيه

انا كدا ارتحت عملتهم باسلوبهم والنار لو ملقتش حاجه تاكولها بتاكل نفسها وانا خلتهم ياكلو في نفسهم

تعديل المقال