recent
روايات مكتبة حواء

رواية احببتها صعيدية الفصل الثالث 3 بقلم نور الدين جلال

رواية احببتها صعيدية الفصل الثالث 3 بقلم نور الدين جلال

بعد مرور يومين وكان خلاص مش فاضل غير يوم علي افتتاح العيادة بتاعة احمد

الساعة 8 الصبح الحاج نعمان قاعد بيفطر واحمد نزل وكان لابس
احمد :: صباح الخير ياحاج نعمان
الحاج نعمان :: صباح النور يا داكتور .. ايه خلاص نازل تچيب صاحبك الداكتور وچدي
احمد :: ايوة يا حاج هروح اجيبة من علي اول البلد
الحاج :: طيب اقعد غير ريجك وافطر وبعدين روح
حسين :: ابجا خدني معاك يا احمد
الحاج نعمان :: وانا عندي مشوار هجوم اعملة وانت يا عصام متنساش اللي اتفجت عليه معاك
عصام :: حاضر يا حاچ انت بس تخلص مشوارك وعرفني ميتا وانا هعمل اللي طلبتة مني حاضر
الحاج نعمان :: طيب اجوم انا
**الحاج نعمان مشي واحمد قعد فطر وبعدين مشي هو وحسين راحوا جابوا الدكتور وجدي وراحوا علي البيت اللي فيه العيادة وفيه الشقة اللي هيقعد فيها **
احمد :: ايه يا دكتور وجدي شقتك عجبتك؟
وجدي :: اوي اوي يا احمد بصراحة مكنتش متخيل انها هتكون بالجمال ده
احمد :: امال ايه ده عفشها كلة تنقية عمي الحاج نعمان
حسين :: طيب انا هتكل بجا علشان اشوف اكل عيشي .. نورت البلد يا داكتور وجدي
وجدي :: البلد منور بناسها يا حسين
احمد :: بص يا وجدي انا همشي دلوقت والأكل محطوط علي الطربيزه كل وارتاحلك شوية وانا هعدي عليك بعد العصر
وجدي :: ماشي يا دكتور احمد
اخر النهار علي الساعة خمسة الحاج نعمان اتصل با احمد وقالوا هات صاحبك الدكتور وجدي علشان يتعشي معانا بالليل وبعد ما قفل معاه اتصل بعصام
الحاج نعمان :: ايوة ياعصام انا اشتريت خلاص العربية ودفعت فلوسها عايزك تروح تچبها وتركنها في الجراچ
عصام :: ماشي يا حاچ انا جدامي كمان ساعة
هخلص بس كام حاچة كدة في المحل وهروح اچبها
الحاج نعمان :: اهم حاچة متجولش ل احمد حاچة انا عايز اخليها مفاچئة له
عصام :: حاضر يا حاچ مع اني مش موافج اصلا علي اللي بتعملة
الحاج نعمان :: يا ولدي انا غولبت معاك .. احمد له في الفلوس اللي معانا زيك بالظبط .. انا مش بديلة حاچة مننا .. ابوه الله يرحمة كان له نص الفلوس اللي هي اصلا راس مال الخير اللي احنا فيه ده
عصام :: خلاص ياحاج .. هعمل حاضر اللي طلبتة مني
الحاج :: مش عايز افكرك .. تديني مفاتيح العربية بعيد عن احمد ومحدش يعرف خالص
عصام :: حاضر ياحاچ ..
الحاج نعمان قفل مع عصام وراح اتصل بالحاجة امينة
الحاجة امينة :: ايوة ياحاچ
الحاج نعمان :: بجولك ياحاچة انا جولت ل احمد يچيب صاحبة الداكتور وجدي عشان يتعشي معانا الليلة
الحاجة امينة :: ماشي يا حاچ مانت جولتلي الصبح وانا طبخت .... يشرف وينور
الحاج نعمان :: انا جولت افكرك يا حاچة
الحاجة امينة :: وانا بردو هنسي حاچة انت جولتهالي لا يا حاچ متخفش ياخويا انا عاملة حسابي
الحاج نعمان :: طيب عايزة حاجة
الحاجة امينة :: شالله تسلم ..
فتحية لابسة العباية بتاعتها .. انا خارچة ياحاچة امينة هوصل للخياطة علشان اشوفها عملت ايه في الچلبيتين
الحاجة امينة :: هتروحي دلوك للخياطة ؟ طب والأكل اللي علي النار دية
فتحية :: انا مش هتأخر وبعدين البركة في اللي موچودين
الحاجة :: طيب متتأخريش
فتحية :: لا مش هتأخر
فتحية راحت فعلا للخياطة وبصت علي الجلبيات بتاعتها والخياطة قالتلها انها لسة مخلصتهمش فتحية اضايقت وزعقت معاها ومشيت وهي في طريقها للبيت قابلت صاحبتها سامية
سامية :: بت يا فتحية
فتحية :: سامية .. ازيك يابت
سامية :: تمام .. ايه كتي فين ؟
فتحية :: كت عند الخياطة ومروحة . انتي اللي رايحة فين
سامية :: انا رايحة الدار التاني
فتحية :: دار تاني ؟
سامية :: ايوة الدار التاني بتاع الحاج كرم .. مندره بيجابل فيها كوبرات البلد
وسامية واقفة مع فتحية الحاج كرم كان معدي بالعربية بتاعتة. ووقف عند سامي
الحاج كرم :: بت ياسامية واقفة عندك ليه يابت
سامية :: ده الحاچ كرم يابت يافتحية .. سامية جريت وراحتلة ايوة يا حاچ انا مروحة اهو
الحاج كرم :: مين البت اللي واجفة معاكي دي ياسامية
سامية :: دي صاحبتي فتحية ومرات الحاچ نعمان
كرم :: هو الحاچ نعمان متچوز دي
سامية :: ايوة متجوزها من سنتين
كرم :: ايوة ايوة افتكرت مش دي البت اللي كات شغالة خدامة عندهم
سامية :: ايوة يا حاچ
كرم :: طيب روحي لصاحبتك ومتتأخريش
سامية رجعت وقفت مع فتحية والحاج كرم مشي
فتحية :: هو ده الحاج كرم ؟
سامية :: ايوة يابت انتي متعرفهوش
فتحية :: وانا هعرفة منين ؟ بس انا كنت مفكراه عجوز ده لسة في عز شبابة
سامية :: طيب انا همشي لايستعوجني اصلة مبيستغناش عني
فتحية :: طيب وانا كمان همشي .. سلام
بعد ما فتحية روحت وعلي الساعة 8بالظبط كان الحاج نعمان جه من بره وبعديه بشوية احمد وصاحبة الدكتور وجدي جم من بره
والحاج اخدهم ودخلوا اوضة الضيوف
شوية حسين جه والحاج نعمان اتصل علي عصام قالة انة في الجراج بيركن العربية الجديدة
الأكل اتحط والكل اتعشي وبعد العشا الحاج نعمان اخد عصام علي جنب بره وخد منة مفاتيح العربية الجديدة وبعدين رجع قعد مع احمد و الدكتور وجدي وبعد ساعتين. الدكتور وجدي مشي راح لشقتة في العيادة الجديدة. واحمد قال انة هيوصلة لكن الدكتور وجدي قالة لا خليك انت انا عارف المكان .. سهل وميتوهش والحاج نعمان قال لحسين وصلة انت وحلف ميت يمين ماهيروح لوحده
الحاج نعمان اخد مراتة الحاجة امينة وطلع الاوضة بتاعتة
الحاج نعمان :: بجولك ايه يا حاچة امينة
الحاجة امينة :: نعم يا خويا ؟
الحاج :: عايزك تطلعي بالليل بعد ما الكل ينام وتطلعي شجة احمد وهو نايم وتحطي المفاتيح دي في جيب البنطلون بتاعة
الحاجة امينة :: مفاتيح ايه دي يا حاچ ؟
الحاج نعمان :: دي مفاتيح عربية چديدة اشتريتهالة .. ماهو مينفعش يكون الداكتور احمد ومعندوش عربية
الحاجة امينة :: انت مفيش حاچة تفوتك خالص يازحاچ ههههه والله زين ما فعلت
الحاج نعمان :: اهم حاچة يا امينة احمد مايخدش بالة علشان متبوظيش المفاچئة اللي عملهالة
الحاجة امينة :: لا متخفش يا حاچ انا مش هطلع غير بالليل خالص
الحاج نعمان :: طب تمام هروح انا بجا انام الليلة ليلة فتحية
الحاجة امينة :: متخليك الليلة معايا يا حاچ
الحاج :: ياريت يا امينة بس ده عدل ربنا مينفعش .
تاني يوم الصبح علي الساعة 8 الحاج نعمان كان قاعد تحت في صالة البيت والكل صحي وبيحضروا الفطار
الحاج نعمان :: حد يروح يصحي احمد يابنات
الحاجة امينة :: زمانة نازل
الحاج نعمان :: چري ايه يا حاچة روحي يا اشواااج صحي خطيبك
اشواق :: حاضر يابا
الحاجة امينة :: احمد جه اهو اجعدي يا اشواااج
احمد :: صباح الخير
الحاج نعمان / امينة :: صباح النور
احمد :: اجهزي بقا النهاردة يا اشواق انتي ونعمة علشان العياده اول يوم ليها النهاردة
الحاجة امينة :: الف مبروك يا ولدي
عصام :: انا وصيت علي مزمار بلدي لزوم الأفتتاح
الحاج نعمان :: والأنوار لازم تزين البلد كلاتها .. دي مش اي عيادة .. دي عيادة الداكتور احمد
اشواق:: الف مبروك يا احمد
احمد :: يبارك فيكي يا اشواق
الحاج نعمان :: الا صحيح يا احمد هو انت بتعرف تسوج ؟
احمد :: اه ياحاج .. ايه عايزني اسوقلك العربية بتاعتك ؟
الحاج نعمان :: ايوة. اصلي عندي مشوار وعصام نزل بدري وانا رچليا وجعاني
احمد :: عنيا ياحاج
بعد ما الحاج فطر واحمد خلص فطاره وشربوا الشاي
احمد :: انا جاهز يا حاج
الحاج نعمان :: ماشي يلا بينا
احمد والحاج نعمان راحوا الچراج واحمد شاف العربية الجديدة
احمد :: ايه ده ياحاج نعمان انت جبت عربية جديدة ؟
الحاج نعمان :: اه ايه رئيك فيها
احمد :: جميلة جدا وغالية كمان
الحاج :: تفتكر العربية دي بتاعة مين ؟
احمد :: اكيد بتاعتك .. عصام عربيتة جديدة لسة
الحاج نعمان :: طب حط ايدك كدة في چيب بنطلونك
احمد :: ايه ده ؟ المفاتيح دي دخلت چيبي ازاي
الحاج نعمان :: العربية دي هديتي ليك بمناسبة افتتاح العيادة . والحاچة امينة طلعت بالليل وانت نايم وحطت المفاتيح دي في جيب بنطلونك
احمد :: انا مش عارف اعمل معاكم ايه ؟ بجد ده كتير اوي اوي عليا
ومفيش ثواني افتكر انة نسي الاكل بتاع وجدي
قال غصب عنة يانهار اسود
الحاج نعمان :: ايه يا احمد خير ؟ في حاچة ؟
احمد :: لا لا مفيش بس افتكرت ان الدكتور وجدي اكيد مفطرش
الحاج نعمان :: ههههههه لا متخفش الأكل راحلة من الصبح بدري
الحاج نعمان :: احمد احمد
احمد :: ايوة ياحاج
الحاج نعمان :: مالك سرحت في ايه
احمد :: لا بس مش مصدق ان العربية دي بتاعتي
الحاج نعمان :: هههههه دي اجل حاچة تليج بيك يا داكتور احمد
احمد :: ربنا يخليك ليا وميحرمنيش منك ابدا
الحاج نعمان :: طب يلا بجا خد عربيتك وشوف انت رايح فين وانا هاخد عربيتي واطلع علي المحل
...................
الحاج كرم :: صباح الخير يا فاطمة
فاطمة :: صباح الخير يا حاچ
الحاج :: خلي البت سامية تحضر الفطار علي ما استحمي وانزل
فاطمة :: سامية محضرة الفطار من الصبح
الحاج كرم :: طب ناوليني غيرات وفوطة
فاطمة :: ادخل انت وانا هچبهملك حاضر
الحاج كرم استحمي ولبس هدومة ونزل. فطر وبعدين اخد عربيتة وراح البيت التاني
وهناك جالة تليفون من حد شغال في المحافظة وقالوا خبر مكنش متوقعة
وبعد ما خلص المكالمة
الحاج كرم :: انت ياولا ياسامبو .. انت يازفت
سامبو :: ايوووووة يا تاچ راسنا
الحاج كرم خد تعالا عايزك
سامبو :: خير يا سعاده البيه
الحاج كرم :: انا عايزك تعرفلي مين صحاب الأراضي اللي في شرج البلد
سامبو :: انهي ارض فيهم
الحاج كرم :: الأرضي اللي في شرق البلد كلها
سامبو :: ليه يا حاچ ؟
الحاج كرم :: انت مالك يابجف انت .. انت تسمع الحديت وتنفذ من غير ما تسأل
سامبو :: ديهدي .. حاضر
...........................
................
الأنوار اتعلقت علي العيادة الجديدة وبحضور كل كبارات البلد والعمدة والنائب
والمزمار البلدي .. تم افتتاح العيادة بتاعة الدكتور احمد
وكانت ليلة البلد كلها تشهد ليها والكل عرف ان بقي فيه عيادة متخصصة في امراض النسا والولادة . وطبعا منطقيآ اهل البلد لسة متعصبين في الجزئية دي وكان الدكتور احمد عارف ان البداية هتكون صعبة
مرت الأيام ومكنش حد بيدخل العيادة نهائي
وكل الستات اللي في البلد يا بتابع الحمل بتاعها عن طريق الداية يا بتولد بردو عن طريق الداية لغاية ما في يوم كان الدكتور احمد قاعد في مكتبة في العيادة و اشواق خطيبتة واختها قاعدين بره في الأوضة التانية مش بيعملوا اي حاجة
دخلت عليهم واحدة في العشرينات منهارة من العياط ومعاها راجل في سن الخمسين
الراجل :: فين يا بتي الداكتور احمد .. بتي ماتت وهي بتولد
نعمة ::خير يا حاچ
البنت :: اختي ماتت اختي ماتت
اشواق :: ياساتر يارب .. انا مش فاهمة ايه حاچة
الراجل :: حد يغتنا ياناس فين الداكتور احمد
اشواق جريت علي اوضة الدكتور احمد وقالتلة
كلم بسرعة فيه ناس بره بيقولوا بنتهم ماتت وعايزينك
احمد خرج بسرعة من مكتبة
احمد :: خير ياحاج
الحاج :: ابوس رچلك يا داكتور احمد الحچني
احمد :: خير ياحاج فهمني بنتك ماتت ازاي
البنت :: الدايه حمدية الله يخرب بيتها موتت اختي وهي بتولدها
احمد :: بقولك ايه ياحاج الكلام كدة مش هينفع .. انا هروح اشوفها بنفسي.. وانتي يانعمة انتي ورشا تعالوا معايا
الدكتور احمد اخد نعمة واشواق والحاج وبنتة واخد العربية وراح بسرعة علي بيت بنتة
وكان البيت مليان ستات بتعيط وجوزها قاعد علي كنبة جنب الأوضة وعمال يبكي علي مراتة
الدكتور احمد دخل بسرعة لقي السرير غرقان دم والست قاطعة النفس
احمد :: افتحي الشنطة بسرعة يا اشواق وهاتي السماعة
احمد كشف عليها واكتشف ان الست مش ميتة وان لسة فيها نفس بس ضعيف
الدكتور احمد :: الست لسة عايشة يا حاج
ولازم اخدها العيادة في اسرع وقت
جوزها دخل شالها ودخلوها العربية وراح بيها علي العيادة بتاعتة بسرعة
ودخلوها اوضة العمليات وبعد ساعتين
الدكتور احمد خرج
الحمد لله قدرنا نلحقها ونلحق كمان المولود اللي في بطنها
ابوها :: بتتحدت بچد يا داكتور احمد .. بتتحدت بجد ؟ يامانت كريم يارب
جوزها مبقاش عارف يعمل ايه من الفرحة واختها بقت بتعيط وتزغرط في نفس الوقت
والخبر ده انتشر في البلد وبقي الكل عارف الفرق بين العلم والعيادة وبين الولادة تحت ايد دايه جاهلة متعرفش تفك الخط
في اليوم ده الحالة اتبدلت في بيت الراجل وبقي بدل الحزن والعياط والعويل بقي زغريط وافراح بالست اللي نجاها ربنا وبعد منه الدكتور احمد
....................
الحاج كرم :: بجولك ايه يابت ياسامية هي البت صاحبتك اللي متچوزة الحاچ نعمان صاحبتك اوي؟
سامية :: ايوة امال ايه دي صاحبتي الروح بالروح ومكناش بنفارج بعض بس من ساعة ما اتچوزت الحاچ نعمان مبچناش بنشوف بعض خالص ويدوب شفتها كام مرة
الحاج كرم :: هي ليه مش بتزورك هنا ؟ وانتي مش بتزوريها .. يابت دي صاحبتك ولازم توديها
سامية :: انا ازورها هناك ؟ لا لا الحاچ نعمان مش بيطيق يشوف خلجتي
الحاج كرم :: ليه بجا ؟
سامية :: معرفش بس انا بحس بكدة
الحاج كرم :: طب بجولك ايه البت دي طالما صاحبتك اوي كدة ابجي وديها يابت .. انتوا ملكمش غير بعض
سامية :: طول عمرك حنين وجلبك كبير
سامبو دخل عليهم وقال
يا حاچ كرم كنت عايزك في موضوع كدة
الحاج :: جول يازفت عايز ايه
سامبو بص علي سامية وبص علي الحاج كرم
الحاج كرم :: بت ياسامية .. روحي شوفي وراكي ايه محتاچ الولا سامبو لوحدينا
سامية :: بجا كدي ؟ ماشي
سامبو قال للحاج كرم علي اسامي الفلاحين اصحاب الأرضي اللي قالة عليها والحاج كرم قالوا طيب اسمع مني انا عايزك كل يوم بالليل تروح علي الأرضي دي ترمي فيها
التجاوي اللي هدهالك وبعد اسبوع بالظبط
عايز اشاعة تملي البلد ان الارضي دي بور
وانها متسواش تلاتة مليم وتوز كام حد كدة من البلد علي الفلاحين دول انهم يبيعوا ارضهم وان انا الوحيد اللي ممكن اشتري منهم الارض دي وده لاني دايما بجف مع اهل بلدي وباجي علي نفسي في سبيل انهم ميخسروش
سامبو:: وانت ياسيد الناس هتستفاد ايه لما ترمي فلوسك في الاراضي دي بعد ما تبور
الحاج كرم :: انت تعمل اللي بجولك عليه وخلاص
سامبو :: حاضر يا تاچ راسنا علم وهيتم التنفيذ من الليلة
الحاج كرم :: اوعا ياولا حد يوعالك وانت بتبوظ الأرض
سامبو :: حط في بطنك بطيخة صيفي
الحاج كرم :: خد ياولا مش خسارة فيك 5000 دول
سامبو :: خيرك مغرجني ياسيد الناس
فاتت الأيام وخطة كرم نجحت وفعلا الفلاحين اصحاب الأراضي البور في حزن وهم بسبب الخسارة الكبيرة اللي جاتلهم في اراضيهم واتوسطوا لسامبوا علشان يكلم الحاج كرم علشان يتعطف عليهم ويشتري منهم الأراضي دي
وفعلا سامبو راح جري علي الحاج كرم وبشرو بنجاح خطتة وقالوا ان الفلاحين هيموتوا علشان يبيعوا الأرض له
الحاج كرم ماصدق وقال لسامبو خليهم يجيولي الليلة ياولا
سامبو جري علي الفلاحين وعرفهم ان الحاج كرم هيقف معاهم في محنتهم وعلشان هما اهل بلده قرر انة يشتري منهم الأرض ومش بس كدة. ده هيشتريها منهم بالسعر اللي موجود واللي متعارف عليه وقالهم يروحوا الليلة كلهم يقابلوه
الفلاحين جمعوا نفسهم وراحوا للحاج كرم زي ما سامبو قالهم وقعدو مع الحاج كرم
وكانوا هيبوسوا علي رجليه لما قالهم انة موافق يشتري الأرض رغم انها ارض بور وانة هيصرف علي الارضي دي فلوس كتير علشان ترجع ارض عفية لكن كل ده فده اهل بلده .. وفعلا جهز العقود ودفع للفلاحين الفلوس اللي اتفقوا عليها ومضاهم علي بيع الأرضي .
............. في العيادة .........
بعد مرور عشر ايام
...................
,الدكتور وجدي :: وانتي بقي يانعمة جوزك مسافر فين في العراق
نعمة :: في بلد كدة اسمها الأنبار
الدكتور وجدي :: اه اسمع عنها.. دي اكبر محافظة في العراق.. طب انا اسف في السؤال يعني .. انا سمعت ان مفيش اي اخبار عن جوزك .. يعني انتي من ساعة ما سافر وانتي متعرفيش عنة حاجة
نعمة :: لا اخبارة انجطعت خالص من تلات سنين بس وحتي كلمنا ناس صحابة جالوا انة اختفي ومحدش يعرف عنية حاچة خالص
الدكتور وجيه :: انا عارف اني ممكن اكون بتدخل في خصوصياتك بس انا شايف انك انسانة جميلة ولسة صغيرة المفروض يعني
وانا واقسملك ما اقصد خالص احشر نفسي في اللي مليش فيه بس شايف انة حرام انك تفضلي متعلقة كدة لا انتي عارفة جوزك فين ولا .... مش عارف اجبهالك ازاي
نعمة :: لا يا داكتور مفيش تدخل ولا حاچة بس انا في يدي ايه اعملة غير اني استناه
وجدي :: حرام الطيبة والرقة دي يبقي دة حالها
نعمة :: نعم ؟
الدكتور وجدي :: اسف مقصدش
اشواق اختها دخلت عليهم .. يلا يانعمة عشان هنروح مع احمد
نعمة :: طب عن اذنك يا دكتور وجدي
الدكتور وجدي :: اتفضلوا
احمد اخد اشواق ونعمة بعربيتة وروحو البيت وكانت الساعة 10 بالليل وبعد ما روح فيه حد جالة البيت علي الساعة 11 بالليل وقالوا ان مراتة في حالة حرجة وان الداية كانت بتولدها وهي دلوقت بتنازع وبين الحياه والموت ومش عارفين يعملولها ايه
الدكتور اخد عربيتة واخد اشواق معاه وراح بسرعة مع الراجل اللي جالة وعلي ما وصل البيت ودخل علشان يكشف علي الست
كانت ماتت هي والعيل اللي في بطنها
والداية هربت لما عرفت بخبر موت الست
البلد ليلتها اتلقبت خصوصا ان الست اللي ماتت دي ام ل اربع اولاد وكان عندها القلب ومحدش عارف
وكان لازم تولد عند دكتور او دكتورة وبسبب جهل اهل البلد الست ماتت هي واللي في بطنها
الدكتور احمد روح وهو حزين ومهموم انة مقدرش يلحق الست دي
بعد وصول احمد وخطيبتة اشواق البيت
الحاج نعمان حلف انة مش هيسكت علي جهل اهل البلد وانة هيعمل قعدة زي مؤتمر كبير ويكون فيه اهم كبارات البلد مع الدكتور احمد والعمدة واهل البلد ويوعيهم
احمد مرضيش يتعشي وطلع علي شقتة علي طول اخد دش وبعدين طفي النور ورمي جسمة علي السرير .
.........................
تاني يوم الصبح اشواق طلعت ل احمد وقالت له
يلا بقي يا احمد ابويا مستنيك تحت علشان تفطر
احمد :: ماشي انزلي انتي وانا جاي وراكي
اه صحيح كنت عايز اقولك حاجة كدة
اشواق :: حاچة ايه
احمد :: اقولك لما نبقي في العيادة احسن
يلا انتي انزلي بدل ما يستعوقوكي
اشواق :: حاضر
احمد نزل وقعد علي السفرة وفطر
فتحية :: بجولك ايه يا حاچ
الحاج نعمان :: نعم يافتحية
فتحية :: كت عايزة كدي اخرچ اشتري شوية حاچات وبالمرة اعدي علي البت سامية صاحبتي اجعد شوية معاها
الحاج نعمان :: تخرچي تشتري شوية حاچات ماشي. لكن تجعدي مع سامية لا
ولو كان ولابد خليها هي اللي تيچي تزورك هنا
سامية :: حاضر يا حاچ اللي تشوفوا
احمد اخد اشواق واختها نعمة وراحوا العيادة
وهناك اشواق قالت ل احمد
اشواق :: موضوع ايه بجا اللي كنت عايز تحددتني فيه
احمد :: بخصوص اختك نعمة
اشواق :: نعمة ؟ مالها
احمد :: انا ملاحظ كدة وكلام بيني وبينك ان الدكتور وجدي مستلطفها وفيه مشاعر من ناحيتة ناحية اختك نعمة
اشواق :: تصدج واني كمان ملاحظة ده. وحتي اغلب الوجت ياهو جاعد معاها ياهي جاعدة معاه في مكتبة وبشوفهم كتير بيضحكوا مع بعض
احمد :: طيب ماهو لازم يكون فيه حل لمشكلة جوزها دي ماهو مينفعش بصراحة نعمة تفضل متعلقة كدة ولا عارفة جوزها ان كان عايش ولا ميت
اشواق :: مش عارفة بجا المفروض ايه اللي يتعمل
احمد :: خلاص سيبي الموضوع ده عليا .. انا اعرف دكتور صاحبي في العراق كان معايا لما كنا بندرس في المانيا هخليه يشوف الموضوع ده بنفسة
............
فتحية بعد ما كل الرجالة اللي في البيت مشيت وراحت علي اشغالها لبست هدومها ونزلت علشان تروح تشتري شوية طلبات ليها وبعدين تعدي علي صاحبتها سامية
وهي خارجة من البيت امينة شافتها
الحاجة امينة :: رايحة فين يافتحية
فتحية :: خارجة في حاچة ؟
الحاجة امينة :: مأنا عارفة انك خارچة .. مچتيش ليه وجولتيلي
فتحية :: اجولك ؟ ليه هو انتي مكنتيش جاعدة وانا بستأذن من الحاچ جبل ما يمشي
الحاجة امينة :: ايوة كنت جاعدة بس المفروض كتي چيتي وجولتيلي انك خارچة
اجولك امشي امشي انا مش ناجصة حرجة دم
فتحية بصت للحاجة امينة من فوق لتحت وراحت خارجة. وقفلت الباب وراها
فتحية نزلت اشترت شوية طلبات ليها وهي راجعة عدت علي سامية
فتحية :: بجولك ايه ياخويا هي البت سامية شغالة هنا
سامبو:: ايوة ياست .. اجولها مين
فتحية :: جولها صاحبتك فتحية بره عيزاكي
سامبو :: حاضر ثواني هدخل اجولها
شوية وسامية خرجت
ساميه :: ايه ده انا مش مصدجة عيني معجولة دي ياولاد فتحيه .. ازيك ياحبيبتي
فتحيه :: ازيك يابت وحشاني اوي
ساميه :: زينة وانتي كمان وحشاني اوي اوي .. تعالي يابت ندخل طوه
فتحيه :: لا مش هينفع لحسن الحاچ محرچ عليا انا بس چاية اجولك ابجي تعاليلي الدار
الحاچ موافج انك تبجي تزوريني
ساميه :: تعالي بس ندخل چوه هو يعني حد هيروح يجولة انك چتيلي
فتحية :: يابت خايفة لا الولية الحرباية اللي اسمها الحاچة امينة تستعوجني وتجلوا اني اتأخرت بره
سامية :: يابت ادخلي بجا متوچعيش جلبي
هنجعد مع بعض شوية وبعدين امشي
وهما واقفين بيتكلموا الحاج كرم جه من بره
الحاج كرم :: يادي النور يادي النور ازيك يا ...
سامية :: فتحية يا حاچ كرم ... صاحبتي الروح بالروح
الحاج كرم :: ايوة ما انا عارف .. واقجفين بره ليه ما تدخلي صاحبتك چوه .. عيب كدة
فتحيه :: معلش يا حاچ مش هينفع اصل
الحاج كرم :: لا اصل ولا فصل .. انتي چيتي دار الحاچ كرم .. يعني مينفعش تمشي كدي من غير ما تاخدي واچبك
الحاج كرم وسامية وفتحية دخلوا البيت والحاج قال لسامية ادخلي هاتي حاجة لصاحبتك تشربها وهاتيلي انا الشيشة
سامية :: بس كدي حاضر ياحاچ
الحاج كرم :: الا جوليلي يا فتحية انتي بجالك اد ايه متچوزة من الحاچ نعمان
فتحية :: بجالي سنتين واربع شهور كدي
الحاج كرم :: ايوة ايوة .. ويا تري معاكي منة ولد ولا بت
فتحيه :: لا يا حاچ انا ربنا مكرمنيش منة بالخلفة لسة
الحاج :: لسة ؟ ليه بجا هو اللي مش عايز
فتحية :: لا يا حاچ هو مبيچبليش سيرة الموضوع ديه من اساسة
الحاج كرم :: ليه بجا ؟ .. ايوه فهمت .. هو ديما كدي الحاچ نعمان راچل حويط
سامية دخلت وفي ايدها الشيشة وحطتها قدام الحاج ورجعت جابت العصير
فتحية :: مش فاهمة يا حاچ .. تجصد ايه
الحاج كرم :: بصي يا فتحية .. ولا بلاش لتجولي اني بسخنك علي چوزك ولا حاچة
كان من باب اولي صاحبتك سامية هي اللي توعيكي مش اني
سامية :: اوعيها ؟ علي ايه يا حاچ
فتحية :: لا يا حاچ وعيني انا بچد مش فاهمة انتا تجصد ايه
الحاج كرم :: اجصد ان الحاچ نعمان متچوزك بس عشان يتمتع بيكي خصوصا انك صغيرة وحلوة وفيكي كل المميزات اللي بيتمناها اي راچل بس اكيد مش عايز يورثك فيه بعد ما يموت ده بعد عمر طويل ولا حتي عيالة هيجبولو ان واحدة خدامة تشاركهم فلوسهم واطيانهم معلش يا فتحية حديتي دبش بس دي الحجيجة .. والحاچ نعمان انا اعرفة زين ومن ايام ابوه الله يرحمة ... انا مفيش مصلحة بيني وبينك انا بس بوعيكي لاني شايفك طيبة وعلي نياتك
سامية :: ايوة فعلا يا حاچ دي طيبة اوي وغليانة ومنكسرة
فتحية :: لا الحاج نعمان عمره ما يفكر في كدي وكمان عيالة كويسين .. اينعم مش طايجني بس مش هياكلوا عليا حجي
الحاج كرم :: طيبين هههههههه والنبي ماحد طيب واهبل غيرك .. يلا اجوم انا عندي كام مشوار هجضيهم .. فتكم بالعافية
سامية :: علي فكرة بجا حديت الحاچ كرم عين العجل وبيتحدت صوح جوي انتي ليه مفكرتيش تچيبي منة حتة عيل تضمني بيه حجوجك
فتحية :: انا عمري ما فكرت في كدي من اصلة.
سامية :: عشان عبيطة وهبلة .. طب انتي عارفة حديت بيني وبينك انا كل ما تچيلي فرصة ويكون الحاچ كرم سكران وشارب
باخد من وراه فلوس ومحوشة لغاية دلوك
بتاع 30 الف چنيه .. انا مضمنش ياختي ممكن في ايتها لحظة يمشيني بره الفيلا وابص الجي نفسي طلعت من المولد بلا حمص
فتحية :: فكرك ممكن في الأخر الجف نفسي مرمية في الشارع وارجع تاني خدامة في البيوت ... دانا اموت فيها
سامية :: هو يابت يافتحية الحاچ مش كاتبلك حتة ارض او حتي شايلة من وراه فلوس ليكي والزمن
فتحية :: والنبي ياختي ما حيلتي غير خمسين چنيه
سامية :: يا حزني عليكي .. دانتي هبلة جوي
يابت اتراعي لنفسك وشوفي مصلحتك ولازم
تخلفي حتة عيل وساعتها لو طلبتي يكتبلك ارض مش هيجولك لا
.................
فتحية رجعت من بره
الحاجة امينة :: حمدلة بالسلامة يا فتحية
ايه اللي اخرك
فتحية :: ولا اتأخرت ولا حاچة يدوب اشتريت طلباتي ورچعت اوام
الحاجة :: طيب روحي غيري خلجاتك عشان تدخلي تساعدي الهام في الطبيخ الوجت راح
فتحية :: حاضر يا حاچة
فتحية طلعت اوضتها وقعدت علي سريرها وبقت عمالة تفكر في كلام الحاج كرم وسامية صاحبتها والشيطان عمال يلعب في دماغها واقتنعت من جواها بكل كلمة قالها ليها الحاج كرم وقررت انها لازم تأمن مستقبلها
الحاجة دخلت المطبخ ل الهام بنتها
الحاجة امينة :: اعملي حسابك بكره هنروح انا وانتي للخياطة علشان نفصلك كام چلبية كدة لحسن الفرح بتاعك جرب واحنا معملناش ولا حاچة وبعد مانخلص مشوار الخياطة نعدي علي دار العمدة نزورهم
الهام :: حاضر يا ياما
الحاجة امينة :: امال حريم اخواتك فين
الهام :: زينب في الزريبة بتحط اكل للطيور وبتنضف مكان البهايم چبل ما الولاا عوضين يچبهم
و اسماء بتسرح لبناتها سهيلة ونرجس
الحاج :: طيب بعد ما تخلصي اغرفي شوية طبيخ مع لحمة للعيال لحسن دول بيناموا بدري
................ في العيادة .............
في خلال الفترة اللي فاتت بدأت مشاعر الأعجاب بين نعمة وبين الدكتور وجدي تبقي متبادلة ونعمة مبقتش تقدر تفوت يوم من غير ما تشوف الدكتور وجدي. ومع مرور الايام وبحكم انهم تقريبا طول اليوم وكل يوم مع بعض بدأت حواجز كتير بينهم تتكسر لغاية ما الدكتور وجدي قرر انة يعترف ل نعمة بمشاعر خصوصا ان كان حاسس انها بتبادلة نفس المشاعر
وجدي :: نعمة انا فيه موضوع كدة بصراحة مش قادر اخبيه اكتر من كدة . بس انا متأكد انك عارفة انا عايز اقول ايه
نعمة بكسوف وخجل بصت في الأرض .. وانا هعرف منين بس يا داكتور وجدي
وجدي :: لا انا عارف انك عارفة .. انا بحبك يا نعمة ومش قادر افضل مخبي مشاعري كدة كتير
نعمة :: يالهوي انا متچوزة ميصحش اللي انت بتجولوا ده يا داكتور وچدي
الدكتور وجدي :: انا عارف بس انا كمان مش قادر امنع احساسي ولا مشاعري ناحيتك
وكمان موضوع جوزك ده انا بصراحة مش مقتنع خالص انة لسة عايش .. طب لو عايش ليه بقالوا تلات سنين مش معرفكم عليه اي حاجة
نعمة :: بردو يا داكتور وجدي انا مينفعش افكر فيك طول ما انا لسة علي ذمتة
الدكتور وجدي قام من علي مكتبة وقف قدام نعمة اللي كانت قاعدة علي كرسي قصاد مكتبة وحط ايده علي كتفها ونزل يهمس في ودانها .. بذمتك يانعمة مفيش مشاعر في قلبك ناحيتي
نعمة وقفت وجريت بره مكتب الدكتور وجدي وكانت اشواق طالعة من عند احمد
اشواق :: مالك يابت وشك اصفر ليه
نعمة :: مفيش .. انا عايزة اروح
اشواق :: كلها نص ساعة وهنمشي .. تعالي بجا احكيلي مالك
نعمة و اشواق قعدو علي كنبة موجودة في الصالة
نعمة :: مليش
اشواق :: الداكتور وجدي صح
نعمة :: الداكتور وجدي ...؟
اشواق :: انا واخدة بالي علي فكرة ان فيه بينكم استلطاف وكدة
نعمة :: اشواااق عيب تجولي كدج .. انا متچوزة وميصحش اصلا تفكري اني ممكن اخون چوزي ولو بمشاعري
اشواق :: خيانة ؟ معلش ممكن تجوليلي فين چوزك ديه .. نعمة احنا بنات زي بعض وانا حاسة بيكي . وعلي فكرة احمد هيكلم داكتور صاحبة في العراق وهيخليه يچبلنا اخباره
نعمة :: بجد يا اشواااق .. بچد والنبي
اشواق :: ايوة يابت بچد هو انا هضحك عليكي
احمد خرج من مكتبة وقال ل اشواق ول نعمة يلا بينا نروح
........... فات كام يوم .........
وفي يوم بعد ما احمد خلص العيادة وروح البيت الحاج نعمان قالوا اعمل حسابك يا احمد بكره في مؤتمر كبير مع اهل البلد زي ما وعدتك وكل كبارات البلد هيحضرو الاجتماع ده علشان نصحيهم من الغيبوبة اللي هما فيها ونفهمهم ان الستات لما تروح لدكتور ده مش عيب العيب انهم يسيبوا نفسهم لجهلهم ويعرضوا حيات ستاتهم للخطر بسبب داية جاهلة لا بتعرف تقرا ولا تكتب
وفعلا تاني يوم احمد وكل كبارات البلد راحو للصوان الكبير اللي معمول والحاج قال كلمتة. واحمد والعمدة وشوية من المتعلمين
قالوا كلمتهم وبعد الأجتماع الحاج نعمان حس بشوية تعب روح البيت علشان يرتاح
واحمد راح العيادة
الحاجة امينة :: ايه يا حاچ راجع بدري يعني
الحاج نعمان :: مفيش يا امينة انا بس حسيت بشوية تعب جولت اروح الداى اريحلي جيمة ساعة ولا اتنين
فتحية :: سلامتك يا حاچ الف سلامة ان شاء الله اللي يكرهك يارب
الحاج :: هطلع انا اريحلي شوية
الحاج نعمان طلع علشان ينام شوية وفتحية طلعت وراه جري
فتحية :: الف سلامة عليك يا حاچ يارتني كت انا وانت لا
الحاج نعمان :: تسلمي يافتحية.. طفي النور بجا عشان انام
فتحية :: حاضر يا حاج .. بس بجولك ايه كت عايزة اتحدت معاك كدةطي في موضوع
الحاج :: طيب لما اجوم من النوم نبجا نتحدت
فتحية :: انا مش هطول عليك هما كلمتين بس وبعدين نام
الحاج نعمان :: خير يا فتحية
فتحية :: بجولك ايه يا حاج هو انت مش نفسك في حتة عيل مني
الحاج :: اهيي اشمعني يعني طج في دماغك الموضوع ده دلوك بالذات
فتحية :: لا هو في دماغي من زمان وكت مستنية انت اللي تجولي نفسك في عيل مني لكن مبتجولش ياحاچ
الحاج نعمان :: طيب سبيني انام ولما اصحي نبجا نتحدت في الموضوع ده
فتحية :: ياحاچ انت ليه مش عايز تحس بيا
انا نفسي في عيل منك وانت عمرك ماحتي جولت انك عايز مني عيل .. هو انت مش بتحبني ياحاچ
الحاج نعمان :: ربنا مأردش يافتحية وانا مش بردا اجولك لزعلك لكن انا نفسي طبعا في عيل منك .. دي العيال عزوا يابت
فتحية :: يعني انا ياحاچ لو چبتلك العيل ده هيفرحك يا حاچ ؟
الحاج نعمان :: ايوة طبعآ امال انتي فكرة ايه
فتحية :: ياسلام. انت متعرفش انت طمنتني وفرحتني جد ايه
الحاج نعمان :: خلاص بجي سبيني انام
فتحية :: خلاص نام يا حاچ نوم الهنا علي بدنك يارب
فتحية طفت النور علي الحاج نعمان وسابتة ونزلت وراحت تروق الاوض منهم الأوضة اللي الحاج بيشيل فيها الفلوس والأوراق المهمة ودي كانت في دولاب. ومقفول عليه بالقفل والمفتاح ديما بيكون مع الحاج في المفاتيح اللي معاه
فتحية قعدت علي كنبة بلدي محطوطة في الأوضة وعيونها علي الدولاب والشيطان شغال ينخرب في دماغها ويقولها مفيهاش حاجة لما تاخدي الف ولا اتنين الحاج مش هيحس بحاجة
الحاجة امينة طلعت تشقر علي الحاج نعمان وتشوفة عامل ايه اللي كان رايح في النوم
الحاجة حطت ايدها علي راسة لقت راسة سخنة مولعة نار.
نزلت جري اتصلت بعصام وقالتلة ابوك عيان اوي يا عصام
عصام كان في الأرض علشان بيحصد المحصول بتاعها سابها ورجع جري علي البيت ولما لقي ابوه تعبان اوي اتصل بالدكتور احمد اللي جه اول ما عصام كلمة
احمد كشف عليه وقال بسيطة ياجماعة ده دور برد بس جامد حبتين
الحاجة امينة :: بچد يا احمد يعني الحاچ بخير
احمد :: اه بخير يامرات عمي متقلقيش انا دلوقت هنزل اجيب له العلاج وهديلة حقنة
وانتي بس اعملي له شوربة خضار علي فرخة كدة مسلوقة علشان العلاج هيكون شديد شوية
فتحية :: شالله يخليك يا سي احمد انا مش عارفة احنا من غيرك كنا عملنا ايه
الحاجة امينة بصت علي فتحية اللي باين انها بتتموحن في طريقة كلامها وجزت علي سنانها وخرجت
عصام :: طب اكتبلي انت بس الروشتة يا احمد وانا هروح اچيبها
احمد :: خلاص ماشي ... وانا هستناك هنا علشان في حقن ولازم ياخد حقنة
فتحية استغلت انشغال العيلة كلها بمرض الحاج واخدت المفاتيح بتاعة الدولاب وراحت نزلت الأوضة واخدت الفين جنيه وقفلت الدولاب وبعدين رجعت فتحت الدولاب تاني واخدت الف كمان وجريت علي اوضتها شالت ال 3000 جنيه في وسط هدومها وبعدين راحت قعدت مع الحاج وعملت نفسها بتعيط عليه
شوية عصام جاب العلاج والدكتور احمد اخد منة كيس العلاج وادا الحقنة للحاج نعمان وبعدين طلب من الحاجة ومن بناتة انهم يسيبوه يرتاح شوية
احمد راح العيادة جاب اشواق علشان تقعد مع ابوها وتتولي هي العلاج بتاعة لغاية ما يقوم من الدور ده بالسلامة
بعد اربع ساعات الحاج نعمان حس بنفسة
ونده علي ابنة عصام اللي كان قاعد في البيت خايف وقلقان علي ابوه
عصام :: الف سلامة عليك يابا
الحاج نعمان :: الله يسلملك يابني .. اجفل الباب يا ولدي وتعالا عايزك في موضوع
عصام قفل الباب وراح قعد جنب ابوه علي السرير
عصام :: خير يابا
الحاج نعمان :: خير يابني .. فيه موضوع انا مخبيه عليك من زمان والموضوع ده مفيش چنس مخلوج يعرفة غيري انا والحاچة امينة
عصام :: موضوع ايه يابا جلجتني
الحاج نعمان :: امك الله يرحمها مامتتش موتة ربنا زي ما انت عارف امك يابني موتت نفسها
عصام :: ايه اللي انت بتجولوا ده يابا .. بجا امي اني انتحرت
الحاج :: ايوة يابني وسابتك لحمة حمره كان ساعتها يدوب عندك سنة وطبعا انت خابر ان الحاچة امينة هي اللي ربتك وعمرها ما حسستك انك مش ابنها
عصام :: عارف ياحاج .. الحاچة امينة دي امي وانت خابر يابا انا فتحت عيني للدنيا
ملجتش غيرها ... بس بردو يابا انا مش فاهم امي ليه انتحرت وانتوا ليه معرفتونيش ده جبل سابج
الحاج نعمان :: عشان خايف عليك ياةلي
خايف عليك من الانتجام يعميك ويخليك تجتل
عصام :: اجتل ؟ يابا ابوس يدك فهمني
الحاج نعمان :: انا هفهمك بس من غير ما اوضح مين اللي كان سبب في انتحار امك
زمان جبل ما اتجوز امك كان فيه واحد ربنا ينتجم منة كان بيحبها رغم انة كان اجل اوي من مستواها وكان نفسة يتچوزها. وكان بيرخم عليها علي طول في الريحة وال جاية
لكن امك مكانتش طيجاه وكات علي طول بتديلة فوج دماغة .. لكن هو بردو مسباهش في حالها. وراح اتجدملها .. لكن چدك ابو امك .. طرده من الدار هو وابوه
بعدها انا اتجدمت ل امك وابوها وافج وهي كمان وافجت واتچوزنا
عصام :: ها يابا وبعدين
عشنا انا وامك في سعادة حوالي ست شهور
وكنا فرحانين بيك وكان فاضلك تلات شهور وتيجي الدنيا ..لكن الشخص ده حلف لينتجم مني ومن امك وطلع عليها سمعة في البلد انها كانت بتروحلة الزريبة اللي كان شغال فيها وغلط معاها حتي بعد ما اتچوزتني
امك نفسيتها تعبت وكات عايزة تسجطك بسبب السمعة اللي طلعت عليها
وانا كت هجتلة ولما عرف ساب البلد فترة
ورچع وانت كان عندك سبع شهور
امك متحملتش لما عرفت انة رجع البلد .. وموتت نفسها
عصام :: مين ده يابا .. ابوس يدك جولي مين
خليني اجتلة واشرب من دمة .. بقي انا امي يقول عليها كلام زي دي
الحاج نعمان :: امك شريفة يابني وعمر العيبة ما طلعت منها .. انا مش هجولك مين لانة ساب البلد تاني انا بس حبيت اجولك الحجيجة محدش ضامن عمره
عصام :: يابا ابوس رچليك .. ابوس يدك جولي مين وريحني بدل النار اللي بتنهش فيا دي
الحاج :: لا يا ولدي مش هجولك ولا انا مستغني عنك انت واخواتك اللي فاضللي من الدنيا
مستحيل افرط في حد فيكم
...........................
بليل بعد الكل ما اطمنو علي الحاج نعمان وكلة راح اوضتة ينام
احمد معرفش ينام فقرر ينزل يتمشي ف البلد شوية
وفضل يتمشي لحد ما حس انة تااة لان الدنيا كان ضلمت اووي وكان وصل لحدود البلد
وشاف بيت من بعيد في وراجلين واقفين عند وفي نور ضعيف طالع من الشباك
اول ما قرب منهم لقا اتنين تانين خارجين بصندوق خشب متوسط الحجم
والرجالة اول ما شافتة جريو علية ومسكوة كتفوة ودخلوة بية جوة البيت حبسوة ف اوضة وهو عمال يزعق فيهم مش فاهم حاجة و واحد فيهم ضربة علي دماغة ب بكعب البندقية الدنيااسودت ف عينية و اغمي علية
وبرة البيت كان في عيون بتراقب الموقف من بعيد
وقررت تتدخل وتنقذة
احمد بدا يفتح وهو دايخ وحس بدم بينزل من دماغة مكان الخبطة حاول يقوم مقدرش
سمع صوت ضرب نار كتير. وفجاة باب الاوضة اتفتح وفي حد متلتم جري علية وسندة وخرج بية من البيت وسط ضرب النار واحمد لمح حفرة كبيرةف وسط البيت وطالع منها نور كشافات
وفعلا خرج والشخص دة بيسندة وبيضرب نار علي والرجالة اللي بيطلع من الحفرة اللي ف وسط البيت
و اول ما خرجو وبداو يبعدو جري الشخص المتلتم دة علي شجرة قريبة مربوط وراها حصان جابة وراح ل احمد وسندة و ركبة علي الحصان
المتلتم :: باينك غريب هيئتك ولبسك بيجولو انك مصراوي شكلك بيجول أنك ضيف .
احمد اتصدم الصوت كان قوي لكنة صوت انثي احمد بقي مصدوم ومصدق نفسة
احمد :: انتي ست ازاي
المتلتمة :: كأيونك هتستخف بالحريم يا مصراوي انطج اللي چابك هنية وچاي ل مين
احمد بانبهار :: انا الدكتور احمد ابن اخو الحاج نعمان نسيب العمدة مصيلحي
المتلتمة :: سمعت عنيك هيجولو عنك حديت زين
احمد :: انتي مين وازاي قدرتي تخرجيني من البيت دة
المتلتمة بصرامة :: مفيش وجت يامصراوي دجايج والمكان دة هيبجا كلة ضرب نار امشي بالحصان وسيبة ماشي زي ما يمشي هو عارف طريجة اول ما تشوف مئذنة چامع انزل عنديها وكمل علي رچليك علي اليمين هتلاجي دار الحاچ نعمان وسيب الحصان هو عارف هيروح فين
احمد بقلق :: وانتي هتفضلي هنا ازاي وانتي بتقولي هيبقي في ضرب نار لازم تيجي معايا
المتلتمة :: مالكش صالح انت يا مصراوي وامشي من هنية وحسك عينك تجيب سيرة ل مخلوج علي اللي حوصل دية
وراحت ضربت الحصان علي جنبة ف جري ب احمد
الحصان بيجري ب احمد وبدا يسمع ضرب نااار كتير اوووي والحصان بيبعد اكتر واكتر لحد ما وصل للمئذنة اللي قالتلة عليها شد لجام الحصان ونزل من علية والحصان كمل طريقة


google-playkhamsatmostaqltradent