رواية وتيني الفصل الثاني 2 بقلم رحمة سامي
البارت التاني...
احمد: اسمه محمود اتخرج وبقي عنده مكتب مخصوص بس مقدرتش اعرف العنوان انا اسفه
جميلة: امال جبت المعلومات دي منين
احمد: من الكلية بتاعته يا فلحة
جميلة: وعرفت جامعته ازاي يا بلوة حياتي
احمد: عشان تعرفي انك غبيه من التنسيق بتاعه في ثالثة ثانوي ازاي مفكرتيش فيها
جميلة: فعلا عبية عشان بتكلم معاك
احمد: خليكي شاهدة يا ندي خدت اللي عايزاه مني ورمتني اه ياني ياما ياني
ندي وهي بتضحك: معلش يابلوة حياتنا محدش ضربك علي ايدك
احمد: ايوة انتوا متفقين عليا بقي
ندي وجميلة في نفس الوقت: طبعاً...(ويقومون بالغناء) اتنين بس احنا واحد...كتف بكتف وقلب واحد...حاصل ضرب اتنين في واحد...يطلعلك في الضلمة عواء
***واليوم خلص وسط هزار وضحك واحمد راح شقته وندي وجميلة دخلوا يناموا ومش عارفين اي اللي جاي...
***في الصباح...
محمود: ماما اي كل دا عايز ادخل اخد دش عشان انزل الشغل
منه(ام محمود):.............
محمود هو مخضوض لانها مش بترد ودي مش عادتها: ياماما انتي كويسه ردي عليا هكسر الباب بجد (وفعلا يقوم بكسر الباب والدخول ويجد امه مرميه علي الارض ومغمي عليها)...ماما انتي كويسه ردي عليا يا ماما ويقوم بحملها ويضعها علي السرير ويتصل بالدكتور (وبعد قليل من الوقت يصل الدكتور ويقوم بالكشف عليها)
الدكتور: هو اي اللي حصل بالظبط
محمود: معرفش يا دكتور دخلت الحمام لاقيته مغمي عليها واتصلت بحضرتك علي طول
الدكتور: انزل حالا جيب العلاج دا
محمود: حاضر يا دكتور (ويقوم بالنزول ويركب عربيته عشان يشوف صيدلية فاتحه يجيب منها العلاج)
***في بيت جميلة...
جميلة: ماما انا نازلة الشغل بقي عايزة حاجه
سعاد (ام جميلة): لا يا حبيبتي بس اقعدي افطري الاول
جميلة: لا يا ماما انا متاخره هبقي اكل تحت يلا سلام
سعاد: ربنا يسترها عليكي يابنتي يارب
(وتقوم بالنزول والتوجه للصيدلية وتقوم بفتحها وتبداء في تنظيفها وهي واقفه علي السلم تنظم الادوية تقوم بالوقوع ولكن يقوم محمود بالامساك بيها ويتبادلوا نظرات حب لا يعلموا سببها لكن جميلة بتفوق وبترجع لتركزيها وبتنزل من بين ايده)
محمود: احم انتي كويسه
جميلة: ايوة شكرا لحضرتك اقدر اساعدك ازاي
محمود وقد افتكر ولدته المريضة: اه بعد اذنك عايزة الادوية دي بسرعة
جميلة: حاضر ثواني وهجبهم لحضرتك (وفي نفسها هو انا قلبي بيدق كدا ليه يمكن من خضة الوقعه كنت هتكسر واقعد في البيت بس هو مين الشخص دا ليه حاسه اني اعرفه)
محمود: ليه كل دا ممكن حضرتك تجبيهم بسرعة انا سايب ولدتي بتموت
جميلة: انا اسفه فيهم ادوية تركيب وبتاخد وقت انا بعمل اللي عليا (والله انسان فصيل)
محمود: وانا مالي دي بتاعتك المهم اخلصي بسرعه
جميلة: انت ممكن تجبهم من مكان تاني واتكلم باسلوب احسن (شخص معندهوش زؤق)
محمود: انا اتكلم براحتي وانا مش بشحت منك اخلصي يلا واعملي شغلك
جميلة والدموع في عينيها لان لاول مره حد يكلمها كدا: حاضر
محمود وهو حس انه زودها شوية ولسه هيتكلم:.........
جميلة: اتفضل
محمود: ها
جميلة: العلاج
محمود: اه تمام الحساب كام
جميلة: الحساب"........... "
محمود: تمام اتفضلي
جميلة: الباقي يا استاذ....وطلعت تجري وراه بس كان ركب العربية ومشي خلاص (في نفسها والله انسان قليل الزؤق ومستفز بس ربنا يشفي ولدته)
***وصل محمود والدكتور خد منه العلاج وبعد قليل من الوقت...
محمود: طمني يا دكتور
الدكتور: للاسف ولدتك ضغطها كان عالي وكان ممكن تروح فيها
محمود: نعم طب واي السبب يا دكتور
الدكتور: ممكن تكون متوترة او في حاجه مزعلها هي محتاجه شوية راحه وتبعد عن اي انفعال
محمود: حاضر يا دكتور
الدكتور: العلاج دا ضروري تاخده في معاده وهتمشي عليه اسبوعين وهبقي اجي اطمن عليها بعد اسبوعين
محمود: شكرا يا دكتور مش عارف اقولك اي
الدكتور: دا واجبي عن اذنك
منه: مح...محمود
محمود: كدا يا ست الكل تقلقيني عليكي
منه: ما انت دايما قلقني عليك
محمود: ليه بس يا ست الكل انا عملت اي
منه: عايزة افرح بيك قبل ما اموت يا محمود
محمود: بعد الشر عليكي يا ست الكل حاضر تقومي بالسلامه وان شاء الله اللي عايزاه هيتم
منه: انا خلاص بقيت كويسه اهو هكلم خالتك عشان تخطب بنتها
محمود: انا وافقت يا امي بس مش معني كدا اني هاخد بنت خالتي
منه: يعني اي
محمود: يعني عروستي هتكون من اختياري
منه: ومين هي اختيارك وهتعرفني عليها امتا
محمود: قومي بالسلامه بس وهعرفك عليها حاضر
منه: توعدني
محمود: اوعدك
منه: ماشي يا حبيبي
محمود: ارتاحي شوية وانا هنزل اجيب بقيت العلاج وهرجع علي طول
منه: ماشي يا حبيبي متتاخرش
محمود: حاضر يا ست الكل
***عند جميلة وهي بتتكلم في الفون...والله يا ابني زي ما بقولك انسان بارد ومستفز دا حته مشي من غير حته ما ياخد الباقي وكمان قليل الزؤق كان نفسي اضربه وارمي العلاج في وشه بس.....
محمود: اي القطة كلت لسانك كملي
جميلة: سلام دلوقتي...حضرتك نسيت الباقي اتفضل
محمود: كملي بس كنتي بتقولي اي
جميلة: ولا حاجه ولا حاجه
محمود وجت في باله فكرة: طيب هاتي نفس العلاج وقوليلي عايزة كام بسرعه
جميلة بتوتر من نظرته وانه سمعها: ها حاضر
محمود وطلع يعمل مكالمة: انا عايز كل المعلومات عنها مفهوم
جميلة: اتفضل والحساب "....."
محمود: امسكي وحسابك معايا بعدين رجعلك تاني سلام يا جميلة
جميلة: انت عرفت اسمي ازاي
محمود: ههههه طلع اسمك جميلة طب كويس شكرا علي المعلومة باي ومشي
جميلة: والله انسان بارد ومستفز (وقامت قافله الصيدلية وروحت ونامت)
