رواية عائلات راقية بفسادها 24 الفصل الرابع والعشرون بقلم اروي طاهر المسلاتي
موده:خدت نفس عميق بتردد....طلعت تالفونها من الشنطه دراته صامت وهيا في داخلها تقول
والله لو جنان تعرف تقتلني
ردت التالفون في الشنطه وبيد ترجف طقت الباب
فتحلها نفس الوجه يلي حباته
نفس الوجه يلي لما تشوفه اذوب في مكانه من ابتسامته
جهاد:اشرلها بيده....اهلا اهلا تفضلي
موده:بلعت ريقها وهيا في داخلها صوت يقلها الي يلي اديري فيه غلط 
بس مع هاذا اتبعت قلبها وخشت معاه
قعمزت على الصالون ويديها مشبكات في بعض بتوتر
جهاد:حط ردبول على الطاوله وقعمز جنبها وهوا مبتسم ....هااا
كيف لقيتي الشقه؟
موده:تتفحص في المكان بعيونها....جميله
هاذي الشقه ليك!!
جهاد:اي عندي شقه هنايا وشقه في مصر ع الاقل لما نروح ليبيا نلقى وين نبات
موده:اهاا كويس
جهاد:خيرك؟
موده:ابتسمت بخوف....خيرني شي!!
جهاد:حبيبتي القنينه متحشمه!؟
موده:نزلت راسها وهيا تتنفس بعمق....شويه اي
جهاد:قرب منها ومسكلها يديها....اخر مره شفتك مع جنان قريب نقزت عليك الزح!
....اخر مره شفتك مع جنان قريب نقزت عليك الزح!كيف قادره تكوني حلوه هكي
موده:زادت خافت اكتر لما سمعت كلامه....ننقز عليك؟!
جهاد عمره ما قال كلام زي هكي !!
جهاد:نحي يلي لابستيه واشربي بردي على روحك شويه
موده:لل لا هكي مرتاحه
جهاد:تحبي نوريك الشقه لو تبي !
موده:مش ضروري جيت نبي نشوفك بس بحكم ان معش قادر تزور اختك ولا تطلع من الحوش زيها عشان الانتخابات
جهاد:مد يده عليها وفكلها وشاحها
موده:قبضها قلبها....اءءء خ خلاص المهم شفتك واطمنت عليك اءء
جهاد:مسكها قبل ما تنوض ....تعالي جاي وين قاعدين محكينا شي ره
موده:خافت ....لاا لازم نرجع لجنان لعند توا مكانتش تحسابه ان بابا كان رافعني ليها
سند:طلع من غرفته وهوا ماسك عصير ومتكي ع الحيط....وانا نقول عشان منضم الجو اليوم طلع عندك موضوع يا وحش
موده:بلعت ريقها ....انت كيف تجيبني مكان زي هاذا ومعاك حد تاني
جهاد:زي خوي هاذا مدوريشي خليني نركز معاك توا ..ومد يده عليها
موده:نفضت يده بقوه ....بعد من علياااا بنروح
جهاد:مسكها بيديه الاثنين....زابط ان بوك خسر كل فلوسه وبعد ماكنتي في العلالي توا بدي معش عندكم شي
خليك نضميلي اموري هنايا 5دقايق وتاخدي المبلغ يلي يعجبك
موده:تشوفله بصدمه وعيونها تعبو دموع
مكانتش مستوعبه الكلام يلي نقال!!!
كيف يعرض عليها عرض زي هادا وهيا معتبراته حبيبها وسندها ؟!
طاحو دموعها وبعداته بقوه من عليها.....وربي مكنت نتوقع انك حقير زي متقول عليك اختك
جهاد:ناض وقف ويديه في جيوبه ...تو بتقنعيني انك جايه لعندي هنايا وانتي مش حاطه في بالك عرض قنين زي هاذا
كان اديري في جو انا رزينه فوتيه من توا تكملي ونخلصك
موده:كل كلمه كانت تنزل ع قلبها زي السم
سيباته وطلعت تجري من الشقه وهيا تبكي بشهقه!!
استغرب جهاد علاش تبكي بطريقه هاذي ؟
استغرب لان كان حاط في دماغه ان موده جايه لعنده عشان اديرله يلي يبيه وتاخد فلوس نفس كل بنت عرفها!
سند:شويه وتوليلك زود السعر بس
واحسبني معاك
جهاد:سارح ع الباب....ان شاء الله متحشينيش لي اختي الزح
بديرلي العار
سند:اعرف من تختار النم في الجديد جايبلي وحده تعيط
جهاد:سكت وهوا يفكر في عواقب الشي يلي صار !
_______________________________________
مسكت اسراء في جيها ودموعها ينزلو بصدمه
سألتها سؤال واحد بس!
رؤى:نجمه كيف ماتت؟؟
اسراء:نجمه؟
شن خطرها عليك شن في
رؤى:تبكي....احكيلي اسراء الله يخليك
اسراء:طاحت من الدروج يلي برا جت الرخامه متع الدرجه على رقبتها بزبط ماتت وقتي
رؤى:حطت يدها ع فمها بشهقه وركبت بسرعه لي غرفتها
طلعت شنطه وبدت تلم في حوايجها
قررت انها تخلي كل شي وراها وترجع حوش اهلها
قررت تواجه المجتمع المريض ونضرته للمطلقه من جديد
________________________________________
جنان:ماسكه نيروز من شعرها.....ياكلبة الكلباااااات
كم مره هددتك وسترت عليك اناااا
نيروز:اااااه اه يامااااما بعدي من عليا ياكلبه يامسترجله
جنان:سيبتها وتقيم في كمامها....امك الواطيه طالعه توا
يعني راسي وراسك يا تحكيلي وتنفدي يلي بنقوله يا اقسم بالله فيديوهاتك انتي والخامر حسام تتمايلي فيهم زي الكلبه المجريه ننشرهم في الدنيا كلها ولا اختي من بوي لا نعرفك وقتها
نيروز:نصدمت....فيديوهاتي انا وحسام
جنان:ابدي احكي هي
ابدي نسمع فيك
نيروز:شن بنحكي !
جنان:ضربتها كف....بدووون استغباء
نيروز:رجعت شعرها ورا وذنها بعد الكف يلي حصلاته وبدت تحكي....نعرفه ليا سنتين ونحبه
وحتى هوا نفس الشي
جنان:يديها في نصها....كان يحبك راهو ميصوركش كم مره طلعتي معاه يافاسده؟
نيروز:نزلت عيونها....هلبا بس مش ديمه في الفندق مرتين بس
والباقي في كفيهات وخلاص اصلا حلفت معش نشوفه في الفندق
جنان:لا ياحبيبتي رح تتلاقي معاه بسيف عليك لاخر مره
نيرزو:علاش؟
جنان:سرحت شويه وهيا قايمه حاجبها....بعدين ساهل
قاطع كلامهم هاذا تشريين تالفون جنان يلي كان في جيب سروالها الخلفي ومكانتش متوقعه اصلا ان جباته معاها
كانت المتصل ماريا!
جنان:ردت...ها يابنت
نسيت الحقير يلي واقف ع الباب بكل...لاحض غيابي ولا شنو؟
صدام:الحقير يراجي فيك قدام الباب ورب الكعبه متكونيش قدامي توا بعد 5دقايق رجليك نكسكسهم سامعه!!؟
جنان:اففففف...سكرت الخط
راجعتلك بعد ما نفكر ونخطط وياويلك تحاولي تلعبي بي ديلك سامعه!!
نيروز:هزت راسها بمعنى تمام
طلعت جنان وبدت نيروز تفكر وقلبها محروق ....حسام علاش كان يصور فيها!!؟
صدام:لوح التالفون عليها.....انتم يافرخات راسي وراسكم لين تتربو تو نوريكم
ماريا:بلعت ريقها وهيا تشوف لي صدام طالع ومتكنطي كأن يلي قدامها ارسولان نفس التصرفات بزبط!!
_______________________________________
ارسولان:ارزن ياراجل مش هكي قدام اماليها مهما كان
امير:تي يقولك الدكتور فاقت يعني خلاص امورها طيبه
ارسولان:به الحمد الله ع سلامتها
امير:ماشي جاي في نفس المكان وهوا متوتر ...لا خلاص لازم نخشلها
ارسولان:تي تعااالا هنايا وين تخش متهبلنيش في جرتك
بوها وامها داخل انت خاش بصفتك منو
امير:قعد واقف وهوا يفرك في يده ويرجع في شعره للخلف
كل حركاته كانت ادل على انه متوتر ومش قادر يصبر
ارسولان:مرت عمك بيعرضوها ع النيابه
امير:تولع فيها نار ملياش دخل انا لو بيدي كنت قتلتها هيا والثانيه
ارسولان:هديكا مريضه من ربي متلومهاش
امير:تنهد براحه....اهم شي طلعت بخير بس الباقي ساهل
ارسولان:سكت شويه...مش مستوعب انك خسرت الحوش والمزرعه والشركات وكل شي عندك!!
امير:سكت وهوا سارح....عمري ما كنت نتخيل نفضل شخص ع الحاجات هاذي كلها يابرو
ارسولان:خبط ع صدره مرتين وهوا يضحك...الحب الحب
امير:ابتسم بخجل.... تسهوك توا
خلي نشوفوك انت لما تحب
ارسولان:بلع ريقه وتغيرت ملامحه
امير:ولا تسحابني مش مورقلك
ارسولان:جف ريقه ونصدم قال في خاطره....معقوله يعرف ان نبي اخته!!!؟
امير:ها وين سرحت !!....خيرك ولا متبيش حد يعلم!
ارسولان:توتر ...اءء انا م مم
امير:سمعت كم مره امك تقول يبي يتزوج وحده قريبتنا مفهمتش علاش تأجل فيها
ارسولان:ارتاح كأن قلبه جمره وطاحت في اميه
...اهااا
...اهااا هههههه لالا مفيش منها الدوه
امير:مدام بي الحلال عادي علاش تنكر
ارسولان:كملها يضحك وهوا في داخله يقول....خليك مقتنع بي الشي هاذا لين نجلطك لما ناخد اختك
رِوَايـــــــــات بـــَـنـُـــووتِـــة الشـِــيـــْـخأروى الــــطـــاهــــر المــســلاتــــي القــــــروب الاصلي 400الف
جنان:واقفه في المصعد وهيا تفكر شنو بتقول لما تشوفه!؟
وكيف تقدر تتحكم في اعصابه ومتعيطش عليه لان احتمال حتى يمد يده عليها!!؟
انفتح باب المصعد عشان تشوف صدام واقف ويديه في نصفه يراجي فيها
جنان:بلعت ريقها وقعدت تضغط ع الازرار تبي المصعد يعاود ينزلها
حط صدام رجله ع الباب وخش معاها للمصعد
جنان:شافتله وابتسمتله بضحكه صفرا خفيفه
صدام:ضغط ع النصعد وخلاه يعلق لاعاد ينزل لوطه ولا يركب فوق
جنان:شافت لي اللوحه متع المصعد...علاش به!
صدام:وين كنتي ومع منو ؟!
جنان:كنت في حوش بوي درت زياره بسيطه لي اختي
اختي من بوي
صدام:كيف تبي تفهمي ؟
ترا قوليلي الطريقه يلي نفهم بيها الحمير يلي زيك ان الطلوع برا ممنوووووووووع
جنان:خلاص اخر مره به
صدام:انا مش وجه كرسي قدام الباب راهو اقسم بالله كنت نصلي كنهادا فرمتهم رجليك قبل ما تطلعي
كلها كلها اسبوعين تانيات ونقلب وجهي من عليك
جنان:ربعت يديها واتكت ع المصعد....اسبوعين شن بيفوتهم
صدام:قرب عليها وهوا يشوفلها بتكبر
جنان:دارت نفسها مش مهتمه بنضراته ووخرت شوي شوي لين وصلت لي الزاويه
صدام:ريتي بعد مايكملو السبوعين ؟!
جنان:قامت عيونها....اي؟؟؟
صدام:وراس امي ماني مخليك في حالك
جنان:نقرت حواجبها....وعلاش ان شاء الله !
صدام:باش نوريك العناد كيف شكله م انا يلي يسكرو راسهم قدامي
جنان:نننننن ....افتح المصعد بننزل ماريا قاعده بروحها
صدام:استمر شاكت وهوا يشوفلها بنضرات غريب
جنان:تجاهلت نضراته وقربت ع الزر بتضغط عليه لكن صدام حط يده ع المصعد ومنعها
جت بتمشي من الجيها التانيه حط يده الثانيه عشان يبدا محاصرها من كل الجيهات!
جنان:خذت نفس عميق ....به شن تبي توا هي
خلاص قتلك اني م.......
مكملتش كلامها بسبب بوسه
بوسه سحبت منها كل الغضب يلي كان في قلبها هذيك اللحضه
سكرت جنان عيونها كان ع بالها انه حلم !!
حلم وممكنرفي اي لحضه تفيق منه!
يديه يلي كانو محاصرينها ريحته صوته كله حلم
بس فجآه حست ان خلاص النفس بيهرب عليها
فتحت عيونها ودفاته وشهقت بقوه وهيا مش مصدقه يلي صار
حطت يديها الزوز على فمها ومشت بسرعه لي الزر مع المصعد وقعدت تخبط فيه بسرعه رهيبه لين انفتح وطلعت تجري كأنها هاربه من شي يلاحق فيها!!
اما صدام حط يده على فمه وهوا يبتسم....متوحشه لكن تخش القلب
_______________________________________
محمد:لاعارف نشكركم ولا نقعد ساكت لان جديات الكلام ميوصفش
ارسولان:الف الحمد الله ع سلامتها ....لاتشكرنا ولا شي زي ولادك
امير:شاف لي ارسولان وفنص ...بمعنى تكلم ع روحك
محمد:بدات انت امير الله يبارك فيك كأنها اختك يلي ضايعه رغم الموقف الصعب يلي فيه انتم
لكن مخليتوناش
امير:تجي في الرزق ولا في حد من العيله
محمد:ابتسم .....رغم ان انا وبوك صحاب لكن طوول الوقت حاسين ان من عيلتكم ربي يعطيكم على قيس نيتكم ويفرج همكم يارب
امير:امين....اءء ب بخصوص قصة العيله اءء انا كنت نبي م.....
قاطعاته احلام طالعه من غرفة هبه فرحانه....الحمد الله حالها كويس حتى انها كلت اللهم ليك الحمد والشكر
محمد:الحمد الله
احلام:صحيتو ربي يحميكم ان شاء الله لين نموت ما ننسولك ها المعروف
امير:ابتسم...واجبنا
احلام:ردني للحوش بنجيبلها شوية ملابس وحجات ليها
محمد:هي اطلعي ويه وخوتك يجو يديرو هجوم هنايا
احلام:اي والله صدقت ع الاقل يلقوني نستقبلهم
طلعو محمد واحلام من المصحه ....
وقعدو امير وارسولان واقفين قدام الغرفه
ارسولان:خيرها في غيرها تعوضها المره الجايه وتطلبها ويخلوك تشوفها
امير:شاف لي ارسولان بعدين غير عيونه على باب الغرفه
بعدين رجع عيونه على ارسولان
ارسولان:حس ان في شي....شني ؟
امير:قام حواجبه
ارسولان:لالالالالا متحطش روحك في موقف وسخ ريحنا
امير:5دقايق بس خليك هنايا جي حد طق عليا
ارسولان:امير مش وقته ال م.....
مكملش كلمته وامير سيبه وخش لي هبه
خش بخطوات هاديه وكانت هبه راقده
قرب عليها امير ومسك يدها وقلبه يرجف من داخل
باس يدها بهدوء ورجع باس راسها
هبه:حست بحد جنبها فتحت عيونها واول ماشافت امير بحداها بدت تبكي
امير:قعمز على السرير جنبها وحضنها ...اشش اهدي خلاص انا جنبك
من اليوم مستحيل ولا واحد يفكر يقرب منك وانا حي
من اليوم بنزيد ندير بالي عليك
هبه:تتكلم بصعوبه....كنت نسحاب روحي خلاص بنموت ومعش نشوفك
ومعش نشوفك مريت بي ايام صعبه هلبا امير
كنت بنموت وربي
امير:زاد حضنها اكتر....كله بسببي
صدقيني بنعوضك على كل لحضه اخي مريتي بيها في حياتك
مش رح نخليك تطلعي من المشفى غير لما بوك يوافق انك تكوني ليا
هبه:قامت عيونها فيه وهيا تشوفله
امير:باسها من بين عيونها....ارتاحي توا وانا جمبك
مش رح نخليك دقيقه لين نطلعو مع بعض من هنايا تمام؟
هبه:هزت راسها بمعنى تمام
امير:ابتسمي حتى شويه وريحيلي قلبي
هبه:ابتسم وهيا تشوف لي عيونه
امير:مسح عيونها بي صبعه وعطاها اخر بوسه من خدها
ارسولان:طق ع الباب
امير:به الزح طالع ....طلع وسكر الباب
ارسولان:كان زدت شويه راهو سكرت 5ساعات
امير:مش لي هدرجه عاد
ارسولان:ياريتك خاش من بكري باش تعدل المزاج والله
امير:ابتسم وهوا يرتب في حوايجه
اسلام:قرب منهم....حد فيكم يروح بيا لان من الصبح مكليت شي
امير:وعلاش مكليتش؟
اسلام:نستعد لي عيشة المتشردين يلي بنعيشوها تحت الكوبري ان شاء الله
هيا بنروح
امير:يعدل في ساعته ....اطلع انت وارسولان ع طريقك خود اختك ماريا من حوش الفرخه يلي تسوق منعرفش اسمها
اسلام:سميتها طرف قلبي...
...امير:قلب عيونه بملل.....زي موصيتك
ارسولان:طلع تالفونه بعت مسج لي ماريا ورجعه ....هيا وقت المغرب قريب
اسلام:طلع وراه
______________________________________
رعد:طلع من الحوش وقعد يدور في الجنان عشان يشوف رؤى يلي مطلعه كل اعراضها ومقعمزه تراجي
رفضت تحكي مع سلفاتها ومع كل حد في الحوش
وكانت خلاص واخده قرار انها ترجع لي حوش بوها
قرب منها رعد
رعد:اخر قرار؟!
رؤى:متحكيش معاي ولا كلمه !
رعد:عارف معنديش تبرير لي شي ....لكن وربي وقتها حبيتك
وقاعد نحبك ولو عليا مش مستعد نفرط فيك
وافقي تكملي معاي !!
!!رؤى:منخاطرش بروحي
مش ممكن تقتلني زي ماقتلت نجمه!!
رعد:انصدم وملامح وجها تغيرت
رؤى:الشبح متاعها قاعد ملاحقك ....طيحتها انت من الدروج
قتلتها وقتلت ولدك يلي في بطنها عشان يلي جبتها!
الشبح متاعها ملاحقك لدرجة كل يوم تصلي في ركعتين عشان ربي يغفرلك وتبعد عليك وترقد في دارها عشان تنسى يلي درته
الشبح متاعها لحقني حتى انا وخلاني منقدرش ندير ولا شي يخليني نشبهلها حتى شويه
رعد:بلع ريقه....مم مم مكانش بقصدي
رؤى:تبكي....دمرتها علاش!!!
قهرتها زي ماقهرتني علاااااش
تسكير الراس والشجاعه انك تجيب حبيبتك ع الحوش كنت تقدر اديرها من البدايه ومتعلقهاش فيك ولا تعلقني حتى انا
رعد:اءء انا ام ....
رؤى:انت كسرتني
وكسرتها.....ومستحيل تتهنى بي العيشه مع المرا يلي ختارها قلبك وكسرت عشانها قلبين ....وخدت شناطيها وطلعت لي بوها يلي كان واقف برا يراجي فيها
اما رعد مسك راسه بيديه الزوز وهوا يذكر
نجمه:انت خيرك فهمتي رعد؟
نقولك ولدك مزال شهر بس ويجي ع الدنيا لازم نطلعو نشرو انا وياك
علاش كأنك مش فرحان ولا كأنك بوه!!
رعد:ماسك التالفون....بعدي من طريقي بننزل عندي موعد مهم
نجمه:رجعتلها ؟
رعد:من هيا؟
نجمه:عيونها دمعو....حبيبت القلب
رجعتلها والموعد معاها صح؟؟
رعد:مقدرش يخبي الحقيقه في عيونه....بعدي من قدام وجهي
نجمه:تبكي بشهقه......لو انت مش قد كلمه من البدايه متعطيهاش
خليك راجل بكلمتك
رعد:تي اقلبي من عليا موضوعك طويل انتي ....ودفها
نجمه:صرخت بصوت عالي وهيا اطيح وفجآه
سال الدم من فمها وعيونها يشوفو لي السقف كأنه روحها طلعت في ثواني معدوده
______________________________________
ماريا:السلام عليكم
ارسولان:وعليكم السلام
ماريا:اسلام نقدر نشوف هبه طول؟؟
من لما قالي امير ناضت وانا قلبي زي النار نبي نشوووفها
اسلام:مش وقته البنت ناضت زي الجن
توا روحي الحوش تعشي استمتعي بي الايام هادي قبل ما نسكنو تحت الكوبري
معاد فيه لا نت ولا لبس ولا كريمات ولا شي
بنمشي ندير صحبه من التشاديين والنيجري يلي يعكس غادي
باش لما نسكنو تحت الكوبري يبدا عندي صحاب نفشك بيهم ع امير
ماريا:ضحكت من قلبها
بس اختفت الضحكه لما شافت ارسولان يفنصلها في المرايا
قامت حواجبها بمعنى خيرك؟
ارسولان:زاد فنص وهوا يشوف لي شعرها
ماريا:دخلاته وهيا مبتسمه
قدمت ع كرسي ارسولان يلي قدامها بهدوء وحطت يدها ع رقبته وارسولان قريب مات
اسلام:قولي عادي يعني توا كان خدمت معاكم ؟
ارسولان:يحاول يبعد يد ماريا قبل ما اسلام يشوفها....اءء و وين تبي تخدم ياغالي!
اسلام:اي شي في المقر ...حتى بتحطوني بدل كيسة التراب نتلقى الرصاص عادي
بالك نحصل قرشين نصرفهم لما نسكنو تحت الكوبري
ارسولان:ضحك...ياسر ياراجل عيب تسكنو تحت الكوبري وحني موجودين
ماريا:زادت طلعت يدها من بين الكرسي والباب عشان توصل لي لحيته
ارسولان:ياااااسر !!
ااسلام:شنو؟
ارسولان:ياااسر نقصد معش تتشائم خلاص سيورها الامور تنحل
ماريا:تضحك بشويه
اسلام:الواحد يسحاب روحه بيتزوج ويجيب صغار
ماريا:نزلت يدها وقعدت ماسكه كتفه بحنيه
ارسولان:اي هكي عادي
اسلام:شن هوا يلي عادي بالله
ارسولان:اءء تزوج وجيب صغار تحت الكوبري
ماريا:ههههههههه
اسلام:ضمي فمك انتي التانيه والله لما نزوجك لي صاحبي النيجيري يلي بيبدا يعكس معاي غادي تو نوريك
ارسولان:هه كان خلاك
اسلام:من هوا؟
ارسولان:بوها بوها
اسلام:شاف لي ماريا بنضرة سم وماريا كانت دايبه في ارسولان وكلامه
رِوَايـــــــــات بـــَـنـُـــووتِـــة الشـِــيـــْـخأروى الــــطـــاهــــر المــســلاتــــي القــــــروب الاصلي 400الف
بعد مرور اسبوع
اسبوع كامل فات بلمح البصر
هبه طلعت من المشفى بعد 3ايام بس ورجعت صحتها احسن طبعا بعد الحفاض ع سكرها اكتر من قبل بي هلباااا
رجعت استقرت في حوشها وسعادة احلام متنوصفش بدات لما حست ان امير خوفه عليها مش بدون سبب
كانت احلام فاهمه كويس ان امير حاط هبه في راسه وكانت شايفه اهتمامه بيها
الورد والماكله والابتسامات مش بلاش
جنان بعد يلي صار معاها معش عتبت برا الغرفه حتى لما تبي شي اطلع في يدها بس
حتى لي هبه مطلعتش وكانت تكلم فيها فيديو بس
لدرجة ان صدام استاحشها وكان بيهبل عشان يشوفها
وكان بيهبل عشان يشوفها موده نفسيتها ادمرت
فهمت كويس بعد يلي صار مع جهاد ان مش اي حد يعجبها لازم تحبه وتكلمه
لاااا....
بس جهاد مكانش زي اي حد جديات
حباته من قلبها
ارسولان كان مستمع بوجود ماريا معاه في الحوش وحركاتها البارده يلي تستفز فيه وميقدرش يحكي كلمه قدام امه
اما ليلى حبت عيشت حسنه وجلاال وفهمت كويس ان زواجها فاقد حاجه اسمها حب
رغم سعادة حسنه بعيشتها مع راجلها بس انخلق همها لما رجعت بنتها للحوش مطلقه
رغم ان مقالتش بتطلق وفهمت العيله ان رعد مسافر بس گ ام هيا فاهمه كويس شن صاير
احسان كان قايم شوية فلوس لوقت العازه محدش يعلم بيهم
مشي اجر بيهم شقه وعطاهم مقدم لمدة سنه
امير كان بيهبل وقريب يقتل حسام وبوه عشان اللعب والخيانه يلي صارت
بس مع هاذا مش طالع بيده شي غير انه يبني حياته من جديد
لو كان واحد تاني راهو انتحر لما بدي ع الحديده!
بس امير حب حياته اكتر من قبل لما شاف هبه تموت فيه حتى وهوا معنداش ولا شي !!
وقرر ان كل شي يبداه من الصفر عشانها
نجحو ان تكون المزرعه ليهم ونجحو انهم ياخدو الورث كله لكن شنو الفايده؟!
بنتهم رزان ماتت والام محبوسه بتهمة قتل !!
الاب كل يوم مع وحده وحسام طول الوقت هايم سكران واريج في الحوش الله يعلم شنو ادير24ساعه ع النت
الضروف السيئه يلي صارت خلت عيلة امير وهبه وارسولان يزيدو يتحدو ويولو كأنهم عيله وحده معش في بيناتهم لا حقد ولا حسد
خلقت 4صاحبات يموتو عشان بعض بعد ماكانو الذ اعداء
رِوَايـــــــــات بـــَـنـُـــووتِـــة الشـِــيـــْـخأروى الــــطـــاهــــر المــســلاتــــي القــــــروب الاصلي 400الف
مكالمة فيديو تجمعهم ال4
هبه:عقدت حواجبها....كيف يعني ترقد معاه؟
جنان:حاطه اللاب توب قدامها....الصبررر ياربي ردو امها الغبيه هاذي للغيبوبه وراس امكم
هبه &ماريا:
جنان:وانتي خيرك متضحكيش معاهم زي النيه؟
موده:ابتسمت.....جوي معكر شويه
كملي باقي الخطه
جنان:المهم بعتلها كل شي انا ومش مزال غير نقعمزو زي الاميرات في غرفنا ونشوفو شن يصير
ماريا:فركت يديها ....ورررربي متحمسه مفروض يسمونا الجاسوسات حني
جنان:اي و ......قامت عيونها من اللاب توب
انت كيف تخش غرفتي هكي
وسكرت الاب توب
موده:هادي وين مشت ؟؟
هبه:اشبح من خش عليها الكلبه
ماريا:انا بنسكر يابنات نتلاقو مع المغرب
موده:تمام
وانتهت المكالمه
___________________________________
بي رسائل ممكن يتحدد مصير
وينطلب طلب صعب يشق القلب بين زوز
زي طلب رؤى مثلا لما قالت!
رؤى:طلقني
رعد:زيدي فكري
رؤى:ورقة طلاقي ياريت توصلني وهادا اخر كلام
ومرات مسج نشوفه بي الغلط يخلينا تايهين ونشوفو كل الناس خاينين وكذابين
زي المسج يلي شفاته هبه في تالفون امير لما روحت مع ماريا لي حوش ارسولان
تعاله اليوم في الليل نراجي فيك
استاحشتك وربي يعلم بحالي
ومرات مسج قادر يفتح جروحك مش يفرحك زي ما كنت متخيل
مسج يدكرك بي غبائك وحيك وثقتك الزايده
زي المسج يلي وصل لي موده
جهاد:استاحشتك موده عطيني فرصه كلميني دقايق
ومرات مش مجرد مسج !!
مرات صوره قادره انها تخليك مصدوم وسارح
متعرفش تبكي ولا تعطي روحك فرصه تفهم زي الصوره يلي شافتها ماريا في غرفة ارسولان
كانت وحده لابسه بودري
وهوا واقف وراها....يتبع \
....يتبع \