recent
روايات مكتبة حواء

رواية عائلات راقية بفسادها 23 الفصل الثالث والعشرون بقلم اروي طاهر المسلاتي

رواية عائلات راقية بفسادها 23 الفصل الثالث والعشرون بقلم اروي طاهر المسلاتي 


رقيه:نحت وشاحها وعقدت حواجبها بي استغراب !!....فتحت الباب
عشان تنصدم بيهم ال3واقفين قدامها
سكرت الباب بقوه بس جنان حطت رجلها في النص
جنان:وين ياقلبي مزاااااال التعارف في بدايته قاعد !!..
رقيه:خلت الباب مفتوح وحافضت على هدوئها ....من فضلك امي داخل ومش مستحمله اي دوشه
موده:متخافيش لا دوشه ولا شي اصلا حني رح نختصرو الموضوع كله ...هبه وين!؟
رقيه:ابتسمت...هبه؟
لو نعرف اكيد كنت رح نحكي لي امير واهلها
جنان:ربعت يديها انتي عارفه ان يلي يكدب ربي يشويه في النار شوي؟؟
رقيه:اي نعرف....وتو ممكن تطلعو بعد اذنكم ؟
موده:مش قبل ما نفتشو الشقه
ماريا:خشت بسرعه تفتش في الغرف وموده وراها
اما جنان اكتفت انها تقعد واقفه وتراقب في رقيه يلي مكانش على ملامحها اي علامات توتر او خوف ابداا
لفو البنات في الشقه كلها وملقوش حتى حاجه !
ماريا:حست بخيبة امل واحباط كانت متأكده ان رقيه سبب اختفاء هبه لكن مش لاقيه اثر ليها
انهارت ماريا وهجمت ع رقيه
ماريا:وينهااااااا وينهااااا ياحقيره انتي يلي خاطفتيها متأكدددده انااا
جنان:تحز بيناتهم...خلااااااص اهدي
رقيه:رجعت ترتب في ملابسها.....انا مش رح نحاسبكم لانكم في وضع صعب واكيد مضايقين على اختفتئها ربي يعينكم
جنان:بدي الشك يتسلل لي قلبها وبدت تشك ان رقيه مليهاش علاقه في اختفتاء هبه لانهم ملقوش شي!!
ولا عندها حتى سبب مقنع عشان تخطفها !
موده:يأست لما لفت الحوش كله وملقوش شي
اتكت ع الحيط يلي تحت الدروج وبدت تبكي 💔
خبطت راسها ع الحيط لكن الحيط دار صوت!!
عقدت موده حواجبها بي استغراب وقعدت تمس في الحيط عشان تتفاجأ انه لوح بس مزوق ع الابيض
خبطت وخبطت وقعدت الدور لين لمحت مقبض باب صغير صعب ينشاف!
فتحت الباب وقعدت تنادي ع البنات وتقلهم ...لقيتهاااااا لقيتهاااااا
جنان وماريا بدون تفكير جرو بسرعه لي موده عشان يتأكدو ناسيين رقيه والخطر يلي كانو فيه!
قربو جنان وماريا على الغرفه المضلمه الصغيره عشان يشوفو هبه طايحه ع الارض وحالتها كارثه 💔
ريحة الغرفه مكانتش تمام ❌
بواقي اكل كانت في كل مكان واغطيه مش نضيفه
وغيره من الحاجات المقرفه يلي صعب يتحملها اي حد !!
خشت ماريا مع موده يطلعو في هبه
وجنان حست بحد جاي وراها
تلفتت وتهجم عليها رقيه لين اطيح ع الارض 💔
قاومت جنان ومعش قدرت خلاص
رقيه كانت فوقهاا ومسكره بيد ع فمها واليد التانيه ماسكه بيها يبرا فيها محلول
قمت يدها بعنف عشان تغرسها في جنان بقوه
لكن قبل ما تلحق حتى توصل فيها سمعو اطلاق نار 💔
وطاحت رقيه ع جنان والدم في كل مكان
طلعت ماريا مخلوعه عشان تشوف جنان ع الارض وفوقها رقيه والدم بينهم وصدام واقف ع الباب متوتر ومش فاهم يلي صاير غير انه ضرب رصاص لان مكانش ملحق يوصل فيها قبل ما اليبرا توصل لي يد جنان
جنان:دفت رقيه بعيد عليها وهيا مصدومه تشوف لدم يلي حواليها
ماريا:خبطت ع وجها ....ماتت؟؟؟؟
جنان:هبه....هبه وين
موده:طلعت داهشه....هبه مش راضيه تنوض ع قد ماحاولت نفيقها
صدام:يسمعلهم ومش فاهم ...هبه؟
المخطوفه!!....كيف لقيتوها من خاطفها!
جنان؛طبعا الكلبه يلي ضربتها ولا انت تضرب في رصاص ع الناس وخلاص
ناضت جنان وماريا وموده يقيمو في هبه ونزلوها من دروج الشقه وهما يرجفو ومش مستوعبين يلي صار معاهم كأنهم في فيلم !!
تجمعو الناس على العماره لما سمعو ضرب الرصاص
حطو هبه في السياره ونهارو ماريا وموده من البكي ع الحاله يلي كانت فيها هبه
اما جنان طاحت ع الارض وهيا ترعش
صدام:نوضي اركبي السياره
جنان:مش قادره نوقف ولا نسوق
يلي فوق ماتت ولا شنو؟؟؟
صدام:سحب سلاحه ورجعه لي خصره
قدم ع جنان وساعدها توقف ع رجليها وتركب في السياره من القدام وطلع بسرعه ع اقرب مشفى
في الطريق بلغو العيله كلها بكل شي صار
وتم اسعاف رقيه لاقرب مشفى حتى هيا وكان خبر اكتر من عضيم لي ام هبه وبوها وامير وللعيله كلها 💔
هاذا كله هما ميعلموش لو كانت هبه حيه او ميته؟
ولو حيه شنو حالتها!!
_____________________________________
امينه:طلقت شهقه عااااالي مصدومه
واسراء:طاح منها المثرد يلي كانت تحضر فيه وتسكر
وخش رعد وراها وهوا ماسك الولد💔
ناجيه:رفعت صوتها بحزم.....هادي شنو ادير هنايا؟؟
ومن يلي جايبهولي هاذا هاااا؟تكلم!!
رعد:التردد في عيونه لكن تكلم !
زهره....اعتقد انك تعرفيها كويس
بي اختصار الموضوع مقدرتش نباعد عليها ورديتها
وهاذا ولدي
حسنه:شافت لي بنتها رؤى بصدمه !!
رؤى:كانت واقفه تشوفلهم وتسمع ومفيش شي بين عيونها غير رعد وهوا يحاول يبعد عيونه من عليها عشان ميتلاقوش بي عيونها💔
ناجيه:شافت لي ولدها بخيبة امل كبيره ....طلعها هيا وولدها
منبيش نشوفك لا انت ولا هيا في الحوش
تحرك
رعد:بلع ريقه....مش طالع
كانت الصدمه في عيون ناجيه تتكلم💔
ولدها يرد عليها بي الطريقه هادي؟؟عندها حفيد بي العمر هاذا ومتعلمش بيه!!؟
الصدمه مكتفتش عليها هيا بس لكن حتى على كل حد حاضر الموقف !!
ناجيه:مش طالع؟؟؟
رعد:بثبات....اي مش طالع هاذا حوش بوي
وبوي من البدايه يعلم بكل شي صاير وموافقني فيه
معش نبيك ادمريلي حياتي اكتر من هكي خلاص ❌
زوجتيني من بنس ادمه منحبهاش ولا قادر نتقبلها لين توفت
خديت يلي نحبها وباعدتيني عليها لي اسباب تافها
شاف لي رؤى ومقدرش يحكي عليها حرف 💔
خلاص خديت قراري وزواجي معش بنخفيه اكتر من هكي وبنركبها تاخد غرفة نجمه
ناجيه:تعيط عليه وهيا ترجف....لاااااا
غرفة نجمه لاااا منخليش حد في الحوش هاذي يفسد ذكراها سامعني ولا لاااا
وطاحت ع الارض
جرت عليها بسرعه امينه واسراء يسندو فيها
رعد:اشر لي مرته وركب هوا وياها وناجيه تعيط عليهم وتبكي
اول مره تنهار قدامهم وتبكي بي الطريقه هاذي بعد موت نجمه💔
قعمزت رؤى بحيل مهدود بدون اي ردت فعل وهيا مش قادره ادير شي 💔
مش قادره حتى تبكي
مش قادره تتكلم
فهمت امها وجع بنتها كويس وحضنتها بدون كلام!
اما رؤى فهمت انها اختارت غلط❌للمره الثانيه
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
القــــــروب الاصلي 400الف
مش المنضر يلي كان يراجي فيه ❌
لا امير ولا امها ولا بوها
كانت راقده ع السرير مش واعيه على شي جنبها
فمها لونه ابيض ولون وجها كأن مفيشي اي معالم للحياة
زحمه قدام المشفى ليلى وولادها اللاثنين واحلام وراجلها
كأنهم عيله وحده❤️
يستنو في كلام الدكتور يلي بكلمه منه قادر يفرح قلوب ويرجعها للحياة
وكلمه منه قادره تنهي حياة ناس تانيه💔❌
موده:وقفت وقلبها يدق ....ب بب بابا
فتحي:شن يلي صار؟
مفهمت شي شن اديري هنايا وانا حطيتك عند البنت يلي اسمها جنان
موده:مم ماما رح نفهمكم
رانيا:احكككي بطلعي قلبي
ماريا:عمي اهدا شويه وخلي بابا يشرحلك كل شي
انا وموده وجنان يلي لقينا هبه
فتحي:عقد حواجبه مش فاهم!!
بس قاطع كلامهم صوت احلام يلي جت من بعيد تحضن فيهم وتبكي وتشكر فيهم
كان بكاها مش طبيعي فيه فرحه وخوف على بنتها زي اي ام في الموقف هاذا
ليلى:رقيه؟؟؟؟رقيه؟
ليش ؟شن يلي خلاها ادير هكي ؟
رقيه النيه يلي متعرفش تتصرف يطلع منها كل هاذا!
اسلام:متكي ع الحيط ومربع يديه.....ياريتها على طريقها قتلت حسام الزح راهو خديت سيارته
لكن عندها الحق ميعجبهاش منضره اخي
ليلى:خبطت اسلام ع بطنه
اسلام:ااااااه وووه حاره
ليلى:وقت قلة ادبك توا ياحيوان ضم فمك انت مش فاهم حني وين؟؟
اسلام:افففف سكتنا انا مش فاهم شن جيبني انا اصلا
يلقوها ولا يقتلوها كان قعدت نسقي في الزيتون مع عمي جلال ارجل
ياريتني نبته واقف في مكان واحد ويجيبولي في ماكلتي لعندي بدون عناء ونكد
جلال:حط يده على يد محمد بو هبه❤️...بي اذن الله الامور تنحل وسع بالك
محند:باين على وجها علامات الخوف والضيق ....بنتي مريضه ياعم جلال
ولعند توا مش فاهم علاش خطفتها وشن دارت فيها
حاس نفسي مخنوق وكل دقيقه تمر عليا كأنها سنه
جلال:ابتسم بي طيبه ...ردد معاي
اللهم اني مسني الضر وانت ارحم الراحمين❤️
محمد:يفرك في يديه بتوتر ويردد فيها
ارسولان:خلاااص دوختنا قعمز في مكان واحد سيوره يطلع الدكتور ويطمنك
امير:قالتها ماريا ومصدقتش
مشيت لعندها في الحوش وطلعت وخليتها 💔
غبببببي انا مصدقتش اختي النمممم
لو خديتها من اول يوم مكانش الوضع هكي
ارسولان:يلي صار صار خلاص معش تلوم نفسك توااا
امير:انت عارف لو صار فيها الشي بنت الكلب هذيكا انا يلي بنخلص عليها مش صاحبك وربي
ارسولان:خذي نفس عميق ...بنمشي ناخد اسمها كامل ونسألو عليها نشوفو شن قصتها
وفي هلبا اجرائات روتينيه لازم يديرها صدام
امير:يرجع في شعره للخلف بتوتر
يوسف:السلام عليكم
تفاجأ امير.....وعليكم السلام
كيف عرفت اني هنايا؟؟
يوسف:خوك اسلام....البنت يلي تخدم عندكم طلعت نزبطها
امير:قام حاجبه.....رقيه؟
يوسف:رقيه العماري
تكون جيران حوش خالتي ....البنت هاربه من اماليها ليها فتره طويله
من لما صغيره فيها عقده نفسيه وكانت تشتغل ممرضه فتره بعدين هربت من اهلها
يوم يلي قررت ترجعلهم مقبلوهاش وحلفو لو رجعت يقتلوها
امير:يفرك في يديه ومرتبك....انا مش فاهم اصلا علااااش
علاش هاذا كله اختي ماريا كانت اقرب ليها وامي وانا واسلام
علاش هبه بتحديد الزززح
ارسولان:انا طالع بنجيب شوي حاجات ....تبو شي ؟؟
امير:سلامتك
ارسولان:شاف لي يوسف...وانت خليك متروحش باش تمشي مع صدام ياخدو منك المعلومات ويجيبو اهلها
يوسف :تمام
________________________________________
جنان:مقعمزه في السياره منزلتش منها
متكيه ع الكرسي وهيا مصدومه بيلي صار !💔
جنبها صدام يلي كان مقعمز مكان السواق
شبحلها وهيا فتحه عيونها في المشفى
صدام:علاش مقلتيليش من البدايه انك تبي تطلعي عشان السبب هاذا؟!
جنان:مثبته عيونها ع المشفى....لان ببساطه مش رح تصدقني
صدام:تنهد...اكيد مش رح نصدق وحده زيك
جنان:شبحتله وهيا قايمه حاجبها ....
صدام:ولع السياره.....وتوا لازم نرجعك
متنسيش مهمتي نحميك ونخليك في غرفتك
جنان:حطت يدها ع الباب تبي تفتحه وتنزل بس كان صدام واخد احتياطه من البدايه ومسكر كل الابواب
جنان:شبحتله ....افتح النم يانم
مش رح نروح قبل ما نفهم البنت عايشه ولا ميته
صدام:في شي اسمه تالفون تعرفي منه
جنان:عدلت تقعميزتها وقربت من الباب متع صدام عشان تفك التأمينه وتفتح الباب
والنتيجه كانت ان صدام قريب دار الحادث لان يد تسوق ويد التانيه تباعد فيها
لين انتهى الموقف انه درس ع اليميين وشافلها وهوا معصب ....بالك تسحابيني فرحان اني قاعد نراقب في وحده تصرفاتها زي العيل ؟؟؟
يكفي البني ادمه يلي ضربتها في جرتك منعلمش روحي قتلتها ولا لا
جنان:ع اساس مش قاتل قبل يعنننني
صدام:ماهو كان انتخابات بوك ميكملوش بسرعه بنقتلك انتي
جنان:رجعني المشفى نبي نتأكد من حالتها الصحيه بس
صدام:منقدرش اسف....وولع السياره وطلع
اما جنان لوت راسها ع الروشن وهيا تسب وتلعن فيه الف مره
______________________________________
رؤى:خشت لي غرفتها عشان تشوف رعد مقعمز على الكنبه كأنه يحاسب في نفسه !!
رؤى:قربت منه وعيونها عليه ....علاش؟!
رعد:عدل تقعميزته وهوا يشوفلها
رؤى:حياتك وانت حر فيها ...بس من حقي نعرف علاش درت فيا هكي رعد!!
علاش توهم فيا بي حبك وبي كلامك علاش تزوجتني من الاساس وانا نفس الشي امك مش طايقتني !!
رعد:بيفتح فمه يتكلم بس قاطعه صوت باب الحمام يلي طلعت منه زهره مرته
رؤى:شافت لي رعد وضحكت بصدمه ....في داري ؟؟؟
جايبها في داري انا رعد!!
زهره:كانت داري ياابله قبل ما تخشيلها وتكون دارك
رهد:زهررره خلاص سكري
رؤى:حطت يدها ع راسها وهيا مصدومه 💔
طلعت وقلبها يتقطع
عارفين شعور الخذلان!!؟
شعور انك تتحدى الدنيا كلها وتقول الشخص هاذا ليا ويحبني وبعد وقت قصير تكتشف انه باعك بسرعه!!
باعك عشان يشري غيرك؟!
شعور لما تفرح وتقول الدنيا عوضتني بشي حلو لكن الحقيقه انها كسراتك بشي اقوى!!
هاذا الشي بزبط يلي كانت حاسه بيه رؤى 💔
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
القــــــروب الاصلي 400الف
محمد:بملامح وجه منهاااره....غيبوبة سكر؟
الدكتور :اي يا استاذ
امير:شن شش شن يعني ؟؟
الدكتور:غيبوبة السكر هاذي تصير مع الانسان يلي جيه ارتفاع مفرط في مستوى السكر في الدم او انخافض كبير
احلام:وشن حلها علاجها اي شي !
الدكتور:الغيبوبه نوعين
نوع خفيف ونوع ثقيل يلي صعب انها تفيق منه
حاليا يلي علينا نعدلو سكرها في الدم بي استخدام حاجات واولها الانسولين
وان شاء الله نشوفو النتائج ادعولها بس
احلام:ياررب يارررب
__________________________________
جهاد:عندك علم ليا سنين مسهرتش ع خاطر بنت زي ماسهرت معاك امس !؟
موده:ابتسمت.....شن نفهم من كلامك يعني!
جهاد:انك خشيتي الخاطر يافرخه
موده؛ابتسمت بخجل❤️
جهاد:خدي تفس عميق....انتي شايفه وضع العيله كيف
كل واحد في مكان ومفيش حد سائل ع التاني
جيت هنايا بنجمع شوية فلوس وبنرجع مصر
لو طلبتك تعيشي معاي غادي !!
موده:نصدمت من كلام جهاد....لو طلبتني !!!
جهاد:اي علاش مستغربه!!
موده:هه...منعرفش يعني
م متوقعتش
جهاد:متعرفينيش الباين ولا جنان الكلبه عطاتك فكره سيئه عليا اختي ونزبطها
يابنت الناس معنديش في الجو الفارغ ره
من الاخر هكي نبيك نطلب طول وانا قتلك من البدايه انك خشيتي الاخاطر
موده:ابتسمت وحطت يدها ع قلبها....
جهاد:تعالي لي جنان اليوم خليني نشوفك يابنت استاحشتك
موده:ان شاء الله...🙈
ماريا:مقعمزه على كرسي المصحه
واول ما شافت ارسولان خش قالت في خاطرها...ووه قلبي ياربي❤️
خش ارسولان يحكي مع بوه وماريا مركزه في جميع تفاصيله كلامه وقفته نضراته يلي قريب فضحاته قدامهم وخلاته يطلع بسرعه
ماريا:لحقاته وهيا تنادي
ارسولان:تفضلي
ماريا:شن تفضلي ؟
ارسولان:لو بتسأليني ع المحضر ان شاء الله مش رح يوقف لين نديرو حل ليها البنت عندك استفسار تاني شوفي خوك
ماريا:بطل تحكي معاي بي الطريقه هادي كأني برانيه ارسولااان خيرك؟!!
ارسولان:تكلم وهوا يهمس ...حني مش في الحوش والحيوط ليها ودان ارجعي مكانك معش تكلميني
ولا حتى تشبحيلي خير ما نفقد روحي ونحضنك قدامهم لاني مستاحشك لنم
ماريا:ابتسمت....تحبني؟
ارسولان:يساوي في حوايجه بتوتر...ارجعي مكانك وغطي شعرك
ماريا:تحبني؟؟
ارسولان:نحبك الززززززح اقلبي وجهك داخل
ماريا:اصلا كنت عارفه😌....سيباته وخشت
اما ارسولان حاول يخفي ابتسامته❤️
_______________________________________
رقيه:فتحت عيونها عشان تشوف امير جنبها❤️
ابتسمت
امير:نقدر نفهم علاش؟؟؟
علاش يلي درتيه لي شنو تبي توصلي ؟!
رقيه :قعمزت عشان تشوف العيله كلها واقفه تراجي في رد منها
ارتبكت ومعش عرفت شنو ترد💔
كان الكل موجود الا ام هبه لانهم خافو من رد فعلها
محمد:شنو الشي يلي دراتهه البنت باش اديري فيها هكي
رقيه:شافت لي امير وهمستله...كانت بتاخدك مني
خشو جماعة الامن ومعاهم ارسولان طلعوهم كلهم عشان يحققو مع رقيه
استمرت رقيه تحكي وعيونها على امير كأن مفيش حد جنبها
رقيه:انت حبيبي ليا انا حافضه كل شي
تاريخ ميلادك والحاجات يلي تحبها ويلي تكرها
انا قتلت رزان لانها تبي تاخدك
وسممت بنت صاحبة اختك مره لانها حاولت تلفت انتباهك
انت تحبني هما يحاولو ياخدوك مني لانهم عارفين انك تحبني وتعامل فيا كويس مش صح!!
انا حتى لو طلعت توا نرجع نقتلها هبه نبي نخلصك منها ونقعدلك اناا
امير:اعصابه نهاااارت وهجم عليها يحاول يضربها لكن ارسولان ويلي معاه مخلوشي وقعدو يحزو بينهم ويباعدو فيه عليها وهوا يشتم فيها ومتغللل
كبرت القصه وبدت التحقيقات يلي اتضح فيها ان رقيه حرفيا مريضه عقليا !
وفي التحقيقات عرفو ان جميله يلي قتلت رحمه
وطبعا اهل رحمه لما عرفو مسكتوش !
حتى لو بنتهم كانت متنفعش وحملت بي الحرام بس مفيش حد سكت على حق بنتهم وطالبو ان تتحاسب
اما اهل رقيه قعدو على مبداهم ونكروها ان تكون بنتهم
__________________________________
جنان:سكرت الخط بعد ماعرفت اخر الاخبار من موده
عشان تتفاجأ بدخول بوها عليها وهوا معصب
جمعه:وين كنتي الصبح
جنان:قلبت عيونها .....نقدت بني ادمه وروحت
جمعه:انتي عارفه انك قريب دمرتيلي مكانتي !!
احمدي ربك ان مفيش حد من الحاضرين عرفك في الجريمه يلي صارت كنهادا نهيتيني
جنان:مسألتش لو انا كنت بخير او لا؟؟
مسألتش شنو يلي صار معاي ؟ضربوني حرقوني موتوني
اهتميت بي مكانتك بسسس!!
جمعه:لانك ولااااااااشي
مش بنتي يلي متسمعش كلامي وتحافض على مركز بوها
صدام:سمع العياط ووقف ع الباب يشوفلهم
كان متردد...يخش او لا!؟
جنان:بنتك يلي تحافظ ع مركز بوها حتى لو حسابها؟؟
نحب نقولك اني بنقعد هكي !!
حياتي مزاجي اموري مش رح يتغيرو
ولا رح نحافظ ع مركزك كل منلقى فرصه رح نحاول ندمرك فيها اكتر لانك افشل اب ريته في الدنيا
انتهى المشهد بكف قوي من بوها
صدام سكر عيونه دقايق وهوا مش قادر يقعد واقف ويشوفها كيف تنهان ولا قادر يدخل بينهم
جنان:لفت وجها ليه من جديد...الكف هاذا راجيه من الدنيا ليك عن قريب
جمعه:طلعه من الدار هادي انسيهااااا......سيبها وطلع
______________________________
فاتو 5ايام وكل يوم يكون عندهم امل ان هبه تنوض من الغيبوبه
صحة رقيه تحسنت لان الضربه جتها ع الجنب مش خطيره تعتبر
واختارو ان يكملولها العلاج داخل مصحة الامراض العقليه
اهل رحمه سكرو راسهم على قد ما عرضو عليهم مبالغ ورفضو انهم يعطو تنازل
وبهي لازم القانون ياخد مجراه وقعد التحقيق مستمر عشان تتحاسب
رؤى:اختارت ال5ايام هاذم تقضيهم في حوش بوها بحجة تبي تساعد امها عشان ليلى وولادها معاها
بس الحقيقه كانو كلهم فاهمين انها ممكن تطلب الطلاق في اي لحضه!!
_______________________________
موده:نزلت من سيارة بوها ومختارتش تدخل لي الشركه عشان تركب لي جنان!
بلعكس كملت طريقها مشي وركبت في تاكسي لين وصلت للمكان المحدد
كانت خايفه طول الطريق بس ابدا مفكرتش انها تتراجع وطفت على شقة جهاد!!
_________________________________
جنان:تقلب في لاب توب حسام ....مفي شي مهم
ماريا:ماسكه كاس العصير ....زيدي دوري يرحم امك
لازم نلاقي شي مستحيل اوراق ولاب توب مفيهم شي
جنان:تفتش وتمضغ في المستكه....وين موده مش ع اساس قريب توصل!!
ماريا:منعلمش بيها
جنان:حطت اللاب توب....تعالي فتشي انتي بنوض نكلم الخرا يلي برا بالك يجيبلنا عشي
ماريا:مسكت اللاب توب....حراام عليك الولد كيوت
جنان:ونبي ارقدي .....وفتحت باب الغرفه بس صدام مكانش موجود زي العاده!!
ماريا:بصدمه....جناننننن شوفي
جنان:سكرت الباب ورجعت...ها شنو
ماريا:مصور فيديو مع بنت الحقير
جنان:متفهك نسحابك لقيتي حاجه زي الناس....خلي نتصلو نسألو ع هبه
ماريا:غير تعالي شوووفي
جنان:قربت ع اللاب توب تشوف والتالفون في وذنها
اول ماطاحت عينها ع البنت يلي مع حسام نطقت بتنرفيز
نيروز الوااااطيه....وطلعت بسرعه
ماريا:من نيرزو؟...هييي جنان؟؟؟
جناااااان
___________________________________
رؤى:سلمت ع كل سلفاتها اول ما وصلت وكانت مقرره تحكي مع رعد شوي كلام وتاخد حجاتها وتمشي بكل بساطه
خشت للمربوعه بعد ما قالو ان رعد موجود غادي
خشت وطلعت ووجها ميتفسرش
مسكت اسراء في جيها ودموعها ينزلو بصدمه
سألتها سؤال واحد بس!💔
رؤى:نجمه كيف ماتت؟؟

google-playkhamsatmostaqltradent