recent
روايات مكتبة حواء

رواية عائلات راقية بفسادها 21 الفصل الحادي والعشرون بقلم اروي طاهر المسلاتي

  رواية عائلات راقية بفسادها 21 الفصل الحادي والعشرون بقلم اروي طاهر المسلاتي 


هبه:صوره مدغدشه قدامي
وعيت وراسي واجعني
مفهمتش انا وين ومن جابني هنايا وشن اخر شي صار
بس يلي عرفته اني مش في الحوش ولا حتى في حوش حد نعرفه💔
بديت نذكر يلي صار والرعب ركبني
ناضت هبه زي المجنونه تخبط على باب الدار وتعيط ع طول رقبتها وتنادي
لمحت روشن فوق السرير ركبت بسرعه وفتحاته لكن نصدمت لما لقاته مسكر بي الواح خشبيه من برا 💔
قعمزت وهيا منهاره !
تراقب في تفاصيل الغرفه يلي كانت خاليه من كل شي
مفيهاش غير سرير ودولاب فيه كم غطا بس ❌
اسوء شعور ممكن تعيشه لما معش تفهم انت وين !
ومنو يلي خاطفك ووين عيلتك وشنو شعورهم وانت مخطوف💔!
_______________________________________
موده:لا مريناهاش من المدرسه علاش شن صاير ؟
ماريا:ماشيه جايه متوتره ....معش لقيناها قالبين عليها الدنيا
موده:بالك خوك عالق عليها في تركينه 😂
ماريا:عصبت ....موده الموضوع مش بصاره
المزرعه كلها مقلوبه وامير بيطلع من عقله البنت من المغرب معش حد شافها اسألي جنان بالك كلمتها او شي
موده:خوفتيني .....تمام خليك لحضه نشوفها
صدام:ان شاء الله انتي يلي بنحرس فيتها؟؟
تي انتي الناس تخاف منك على شنو بنحرسك ان شاء الله ؟!
جنان:وانت ان شاء الله نفسه يلي عابيين عليك تحرس الجناح غير ادير بالك ع روحك قبل وانت ينفخوك اطيح
صدام:عقد حواجبه....اقسم بالله انا يلي بنقتلك الباين مش بنحرسك
وانا يلي نتخايل في الاميره يلي بنحرسها ناعمه وكيوت طلعتي ارجل من صحابي
جنان:خلي ......
موده:جناااان تعالي
جنان:سكرت الباب في وجه صدام
صدام:بنت الكلب هيا يلي لاحقتني في كل مكان
موده:هبه معش لقوها
جنان:عقدت حواجبها....كيف يعني ؟
موده:هاك ماريا تبيك
جنان:ايوا
ماريا:اهلين ....هبه امتى اخر مره اتصلت بيك ؟جنان:تحكي بي استغراب ....من في المدرسه لما معاكم معش ريتها ولا كلمتني شن فيه؟!
ماريا:معش لقيناها الدنيا مقلوبه عليها اختفت من المغرب
جنان:وين بتكون يعني شوفو خوك
ماريا:صوتها يرجف....خوي بيقلب الدنيا يا جنان بيهبل
شوفي اي حل ديري راي
جنان:شنو الحل يلي بنديره؟
ماريا:قعمزت وهيا ترجف....منعرفش منعرررفش تعودنا عليك ديمه تحلي في اي مشكله
جنان:اخر مره وين شفتوها؟
ماريا:امها قالت طلعت لي حوشنا وع اساس جايتني انا معش روحت
جنان:يعني لو في حال طلعت مخطوفه مثلا
يلي خاطفها منكم وفيكم لانها مطلعتش برا
ماريا:تعابير وجها تغيرت لي الصدمه....منا وفينا؟؟
من قصدك؟
جنان:تو نجيكم بعدين ساهل
ماريا:لااااا ردي بالك تجي امير رح يقولك هلبا كلام غلط وبنصبحو في مشكله تانيه
جنان:سكرت الخط ولبست جاكيتها
موده:وين؟؟
جنان:تو نجيك خليك يابسه هنايا ....فتحت الباب وكانت طالعه بس اعترض طريقها صدام
جنان:خير؟؟؟؟؟
صدام:ممنوع النزول ولا حتى انك تطلعي من غرفتك
جنان:ربعت يديها....والله!!؟
اوامر مني هادي ان شاء الله؟
صدام:بي نضرات استفزاز.....بوك الكريم
جنان:عقدت حواجبها بي استغراب ...بووي؟؟!
وعلاش ان شاء الله ؟
هوا قالك احرسها ولا احبسها!
صدام:ابتسم وقام راسه ...الزوز
جنان:وخر من قدام وجهي ترااا....ودفاته
دفاته من قدامها بس بحركه سريعه صدام لوي يدها ولصقها فيه
جنان:معش قدرت تتحرك...نننحي من عليا
صدام:قاعد حاط في بالي انك بنت ومنبيش نتعامل معاك گ ذكر لان وربي نكرهك في عيشتك
اهدي واسمعي الكلام هاذي اوامر بوك
كانك عليا تطلعي ولا تنحرقي مدخليش فيك
ودفها ع الباب
جنان:وقفت قدام باب غرفتها وهيا متوجعه من يدها لفت وهيا متكنطيه......نبي بوي تواااا
صدام:هاذي قوليها لي امك مش ليا 🙂اقلبي وجهك خشي داخل
جنان:متكلمننننيش بي الاسلوب هواااا
صدام:بصوت اعلا منها ....بتخشي دارك ولا ندخلك بطريقتي
جنان:نفخت بقوه وسكرت الباب في وجها
صدام:رجع وقف مكانه وهوا يضحك عليها
_________________________________________
منيره:منعلمش يا وخي فجآه هكي طاحت علينا
ناجيه:اعراض عاديه هاذي ولا ناسيين انها حامل
ناريمان:اي صح حامل
امينه:بحده ......هاذي في حد مضايقها ومتكلمتش باش داخت هكي
كل الكلام هاذا كانت رؤى تسمع فيه لاكن بعيددددد هلبا
فتحت عيونها عشان تلقى نفسها طايحه بين سلفاتها وحماتها وعزوزتها
وسلفها واقف معاهم يحاولو يرجعولها وعيها
ناضت رؤى وراسها دايخ
محمود:اشر لي مرته لبسوها وطلعوها هي مابين سخنت السياره هي
امينه:هي نوضي معاي رؤى نوضي
رؤى:ناضت وهيا قاعده دايخه ومش فاهمه شن يلي صارلها قبل شويه!
___________________________________
ماريا:بوها وخوي اسلام وحتى بابا طالعين من بكري مروحوش يدورو
امها بتهبل لو تشوفيها كيف تخبط وتعيط 💔
موده:وامير وين؟
ماريا:تنهدت.....طالع مع ارسولان حتى هوا قال ان رح يبلغو عليها
جنان:نقصت صوت السبيكر .....شن قصة المسج يلي لقيتوه ؟!
ماريا:بعد ما سكرت منك مبكري وصلني مسج من رقمها
جنان:افتحي المسج واقريه
ماريا:لحضه ....طلعت من المكالمه وفتحت المسجات وبدت تقرا
(عزيزتي ماريا ....انا ماشيه ومسيبه المزرعه بي اكملها لقيت حريتي والحب يلي نتمناه بعيد على عيلتي
تأسفيلي هلبا من بوي وامي وامير وكل شخص بيحس بي غيابي وحتى صديقاتي ...هبه)
جنان:شني العار هوا؟
هبه متقولش عزيزتي
موده:ولا تقول صديقاتي
ماريا:عارفه والكل هنايا فهم بعد ما قريت عليهم المسج انها مش هبه وتأكدو انها مخطوفه
ارسولان وامير بلغو الشرطه وكل المقرات وطلعو يدورو عليها وحتى قالو انهم رح يتبعو الرقم ويحاولو يطلعو مكانه
بس مقفل من بكري
جنان:راقبيلي ولد عمك حسام وتصرفاته
ماريا:حساااام؟؟؟؟علاش؟
جنان:منعرفش شاكه فيه مش متريحتله ولد عمك كلب ويدير كل شي
ماريا:مستحيل هوا طول اليوم موجود معانا
جنان:الزززززح وين تكون الغبيه توا
موده:مشبكه يديها في بعض بخوف.....هبه لو ارتفعلها السكر شن يصير وهيا بروحها💔
ماريا:متزيديش اذكريني وراس امك خلاص
سكرت ماريا الخط وخلت جنان وموده في حيره وخوف على هبه احرف من قبل
________________________________________
امير:علاش وقفت السياره؟؟
ارسولان:تنهد.....يلي علينا درناه بلغنا في البلاد كلها لا خلينا مستشفيات ولا مقرات ولا شي
امير:شابك يديه في بعضهم
مستحيل نقدر نروح ولا نقعد هكي مقعمز ونراجي
ارسولان:شن بدير مثلا!!
امير:بنقعد ندور لين نلقاها لو نطلعها من تحت الارض بندورها
ارسولان:تكلم بتردد....لو طلع الكلام يلي في الرساله متع اختك صح!
امير:لا
الفرخه هيا انا حافضها كويس ونعرف كلامها واسلوبها
مش هيا متأكد انها مش هيا
ارسولان:سكت معش زاد كلمه لان راسه كان معبي اسئله مش لاقيلها جواب
امير:خبط ع السياره فجآه....وربي لو طلع حسام ورا الموضوع ندبحه ونشرب من دمه
ارسولان:حطيت من يراقبه كان في حاجه مش مزبوطه تو نعرفوها
امير:خدي نفس عميق وهوا حاس نفسه محروق من داخل
حاس ان يديه مربطات ومش قادر يدير شي
كل دقيقه تفوت وهبه مش معروف مكانها وين تزيد النار يلي داخله
____________________________________
رؤى:طلعت من الغرفه وهيا سانده نفسها ع الحيط
امينه:ها شنو صار؟!
رؤى:يبو عينه ....بنخش الحمام
امينه:رؤى انتي كويسه ؟؟!
رؤى:هزت راسها بمعنى اي واتجهت للحمام بس امينه مكانتش مطمنه ابدا بسبب وجه رؤى يلي كان اصفر وواضح ان فيها شي 💔
خشت رؤى للحمام ووقفت ع الحوش حست بنفسها دايخه ومش قادره توقف
لما زادت الدوخه فتحت باب الحمام وطلعت عشان تطلب المساعده من اي حد بس مكانش في حد غير شاب واقف وعاطيها بضهر !
نادت عليه بصوت متقطع لانها كانت خلاص بطيح ونصدمت لما لف وشافت وجها
يوسف:عقد حواجبه وهوا يحاول يذكر وين شافها قبل ها المره ؟
قام حواجبه بي صدمه لما اذكرها بس فجآه طاحت قدامه ولقي نفسه يجري عليها يحاول ينقذها من يلي كانت فيه
حاول يخليها تفيق من الدوخه وينادي كل الممرضات والدكاتره بس زادت صدمته اكتر لما شاف الدم يلي نازل ع رجليها بطريقه تخوف 💔
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
هبه:استنت ساعه وساعتينه و3و5ساعات ومحاها حد!💔
وقفت تشوف من الشقوق يلي كانت في خشب الروشن وفهمت انها في شقه والواضح انها في دور مرتفع
حاولت تنادي وتعيط وتصرخ بأعلى حسها بس مكانش فيه رد من اي حد
رجعت لي السرير ودموعها موقفوش ❌
مكانش في اي حل غير انها تراجي الشخص يلي مخليها في المكان هاذا وجايبها لعند هنايا
______________________________________
جنان:كسدت في غرفتها بعد ماروحت موده وقعمزت تفكر كيف تقدر تلاقي هبه ؟وهل مخطوفه جديات او لا؟!
في نص تفكيرها سمعت الباب انفتح ونزلت من سريرها بسرعه عشان تلاقي بوها واقف قدامها
جنان:ربعت يديها .......علاش حابسني وممنوع عليا الطلوع ان شاء الله
جمعه:حني نمرو بي فترة انتخابات ولازم الفتره هاذي تفوت بدون فضايح ومشاكل وعار نفس يلي اديري فيه
باش نضمن مكاني
يعني من اليوم مفيش سواقه❌مفيش طلوع❌
من الشركه للمدرسه ومن المدرسه لشركه
امك مسافره هيا وحبيب القلب
وانا منقدرش نرفعك للحوش لان كل شويه بتطلعيلي بي كارثه مع المرا وبتقلبي الدنيا
لهاذا السبب تقعدي في دارك هنايا معززه مكرمه تبي حاجه توصلك مع الاخ يلي واقف برا
جنان:والله؟؟؟؟
وانا شن دخلني في انتخاباتك الفاسده هاذي ؟شنو يلي بنستفيده ؟
جمعه:ابتسم ....بوك بيستفيد واكيد انتي تبي الخير لي بوك
مش صح؟
جنان:انا م.......
جمعه:يالله ديري بالك ع نفسك وركزي في دروسك كويس
تصبحي ع خير .....اااه قبل ما ننسى
يلي برا متكفل حتى بي مشيك للمدرسه
جنان:قامت حاجبها ....لهدرجه انت عندك عادي تخليني مع شخص غريب ؟!
لهدرجه معتبرني مش بنتك!!
جمعه:بطلي الكلام الفارغ هاذا
يلي برا من الامن وبعدين انا كل يلي ندير فيه ع خاطركم باش يكون عندكم اسم عيله محترم وراقي قدام الناس
جنان:العيلات الراقيه يلي تحكي عليهم راقيه بي شنو بزبط ؟؟؟
راقيه بي فسادها ؟
جمعه:جناااااان .....التزمي حدودك سكتلك هلبااا
جنان:انا يلي سكتلك
انت عارف في لحضه تلقاني مسافره ومخليتلك الدنيا كلها زي مادار خوي جهاد قبل
وانت تتمنى الشي هاذا باش نطلعو من حياتك لكن لو تموووت مش رح نسافر ونخليك في حالك لا انت ولا الانسانه يلي مدايره روحها امي
جمعه:مسح نضراته ولبسهم.....انتي الدوا معاك فاضيه
يلي عندي قلته والامن يلي برا وصيته عليك تغلطي بتتحاسبي ....وسيبها وطلع
جنان:ضربت الباب يلي تسكر بي التحفه يلي كانت جنبها وهيا متنرفزه وموجوعه 💔
_____________________________________
يوسف:الانسه بخير؟!
محمود:وجها اصفر ولونه مخطوف....اي اي شكرا ربي يبارك فيك وسامحنا رعشناك في ها الليل
يوسف:اهاا ...اءء اء
لا ولا يهمك اهم شي تكون بصحه كويسه
محمود:بلع ريقه وهوا متوتر ويتصل
التالفون مفارقش وذنه وواضح ان الشخص يلي يتصل بيه ميردش ....عندك حد مريض هنايا ؟
يوسف:لا الحمد الله جاي ندير في تحاليل روتينيه تبع الصاله وهكي
محمود:ان شاء الله ربي يبعد عليك
يوسف:تسلم ....محتاجين شي ؟
محمود:سكر التالفون وهوا متنرفز ....لا صحيت ربي يبارك فيك
يوسف:سلمك....هي ليلتك سعيده
محمود:ليلتك اسعد ....
يوسف:انسحب بهدوء مخلي محمود قاعد يتصل وواضح انه اعصابه ع ناااار
اما يوسف طول الوقت يفكر شن جاب البنت هاذي لي خو رعد ؟!!!
هوا فاهم كويس ان محمود هاذا يكون خو رعد صاحب امير
بس ليش البنت هاذي معاهم وشنو يلي صار فيها بعد الدم يلي نزفاته!!!
____________________________________
ارسولان:واقفين ع القهوا نزل بياخد اميه
بنكملو طول الليل ندورو
رغم عارف ان هاذا كله مفيشي فايده لكن خوك مش رح يرتاح ولا نقدر نخليه يدور بروحه
ماريا:تنهدت....اهم شي دير بالك ع روحك وطمني عليك معش تخليني نتصل ومتردش
ارسولان:ماريا طول الوقت وخوك جنبي ولما يشرين التالفون يفز مع بعضه بطلي اتصالات واهدي
ماريا:خايفه عليك 🥺
ارسولان:خدي نفس وسكر عيونه دقايق ....مفي شي تخافي منه قاعدلك
ماريا:لو انا يلي انخطفت رح ادير زي امير؟!
ارسولان:حط يده على عيونه.....انا منبيش نتخيل الموضوع حتى في الخيال هكي
ماريا:سكتت وهيا حاسه كويس بي كمية الحب يلي بينهم❤️
ارسولان:هي لازم نسكر انا ....خوك كيف طالع من القهوا
ماريا:تمام دير بالك ع روحك ولو في شي طمني
ارسولان:ان شاء الله ....وسكر الخط
امير:ركب السياره وحط القهوا قدامه وولع الدخان ....هي اطلع
ارسولان:ولع السياره وطلع
امير:مفيش حد اتصل ؟
ارسولان:لعند توا لا....
امير :خدي جبده اكبر من الدخان وهوا يشوف من الروشن
____________________________________
في غرفه مضلمه مفيهاش غير ضي ملون خفيف
ريحتها كلها دخان وشاشة البلازمه الضخمه تعرض في فيلم اسباني وخيوط الشحن متشابكه في بعضها
كان جهاد راقد يتصفح في النت وصاحبه يلعب بلايستيشن والاغاني على قوتهم
جهاد:الزززح .....نقص النم خلي نشوف موضوعه هوا شن يبي
عماد:سكر السبيكرا واستمر يلعب
جهاد:نعم
جمعه:وين انت ؟
جهاد:علاش يهمك ؟!
لزيتني ولقيت مكان نقعد فيه مابين ما سافرت من جديد شن تبي مني ؟
جمعه:اسمع يافرخ بنحدرك للمره الاولى والاخيره
رد باااالك تلعب بديلك وتخرب عليا الانتخابات بي عمايلك الوسخه زي اختك راهو اقسم بالله ننهيك
جهاد:يعني انت متصل لي السبب هاذا !؟
جمعه:اي لي السبب هاذا واهو حدرتك
جهاد:شكر الخط في وجها ورجع قوى الموسيقى
وصلاته مسج من يدين يرجفو وقلب بيطلع من مكانه بسبب الخوف والتوتر
اهلا
جهاد:شافه اسم بنت رد بسرعه...اهلين
مني الحلوه؟
ردت بخوف اكتر ...موده
جهاد:من موده!؟
موده: اءء انا موده صاحبت جنان اختك!
جهاد:قعمز على حيله وابتسامات الخبث على وجها
________________________________________
مفيش وحده من البنات رقدت بسبب اختفاء هبه
الغريب
امير طول الليل يدور هوا وارسولان
وين يدورو ومن يسألو الله اعلم بس المهم يدورو وميقعدوش في مكان واحد ويراجو خبر !
رؤى طول الليل متعلمش بنفسها وين ولا واعيه ع روحها
ولا فاهمه المصيبه يلي رح تنوض عليها تاني يوم 🤷🏻‍♀️
اما المزرعه كانت في حاله كارثيه ❌
احلام في عالم تاني مش قادره تصبر ع بنتها وام امير تمارل تصبرها لان ياما احلام وقفت معاهم قبل وتحاول تردلها ولو جزء من جميلها 💔
اما جميله وبنتها اريج طول الوقت وهوا في الطابق الثاني مسكرين ع نفسهم الغرفه
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
امير:حاضن هبه....استاحشتك
هبه:انا اكتر ❤️
امير :تحرقيلي في دمي النم عارفتيني نخاف عليك علاش اديري فيه الجو هاذا فهميني
هبه:بنشوفك قداش تحبني 😌
امير:ضمها لحضنه بي القويه.....عارفتيني نموت فيك الزززح معش تعاوديها
هبه:ضحكت وهيا في حضنه ....به❤️
جت اشعة الشمس على عيون امير وصحاته من الحلم يلي كان فيه
الحلم يلي تمناه حقيقه وميكملش اختفى فجآه ❌
ناض من نومه عشان يلقى نفسه مقعمز في السياره وارسولان راقد جنبه من التعب 💔
نزل من السياره وخش لي حوشهم يسأل بو هبه او بوه او اي حد ممكن وصل خبر عليها 💔
بس لما خش لقي صدمه اكبر من خطف هبه بي هلباااا
__________________________________
رؤى:اخيرا وعت على نفسها وكان اول شخص لقاته قدامها امها❤️
كان وجه حسنه ميتفسرش وحست رؤى ان في شي
استاعت وهيا تسمع في امها تتحمدلها ع السلامه
بس وقتها مكانتش مركزه ع امها واذكرت لي نفسها لما طاحت والدم مغرقها
تكلمت ودموعها ينزلو.....البيبي طاح؟؟؟؟
حسنه:مردتش عليها ولا تكلمت ولا قالت اي شي
اكتفت بي انها حضنتها وقعدت تبكي
هنايا فهمت رؤى انها خسرت البيبي واستمرت تبكي بصوت عااااالي
__________________________________
امير:مصدوم....كيففف!!!
احسان:مش قادر يوقف ع رجليه ....عطيت لي عمك توكيل لان خشينا شركه
خلاني نوقع على اوراق تنازل الحوش وانا معنديش علم
امير:راسه صدع وهوا مش فاهم
يشوف لي ماريا وامه يطلعو في حوايجهم وامه تبكي بصوت عالي وتتحسب على جميله يلي مسكره ع نفسها الباب في الدور التاني
وماريا يلي كانت ميته من البكي وهيا اطلع في حجاتها
دارت بيه الدنيا امير وفي لحضه عرف انه فقد كل شي
حب حياته وحوشهم والله اعلم شن في تاني !
مسك امير عصابه وخلا امه وماريا يطلعو لي حوش ارسولان
وهوا معش عرف شنو يدير !
يراجي عمه وولده عشان يفهم ولا يطلع يدور ع هبه يلي بوها مش مخلي مكان وامها في المستشفى !؟
______________________________________
في حوش ارسولان:-
ماريا:ترتب في شناطيها ودموعها ع خدها ....شن بيصير يا امي؟؟
خلاص قعدنا في الشارع؟
ليلى:تبكي....ومقدرتش تجاوبها
ماريا:مسحت دموعها...وين الجاكيت الاسود ؟
رقيه:اي واحد؟
ماريا:يلي فيه ورده صفراء
رقيه:لبساته هبه اخر مره
ماريا:شبحتلها بعد ما اذكرت....اخر مره؟!
شافت لي رقيه ......انتي وين شفتيها؟
مش قلتي انك مريتيهاش امس اليوم كله؟
رقيه:ممكن في شناطيك وشبهت عليك عندها !
انا اليوم جمعه بنمشي لي حوش اهلي اعذروني
ليلى :معذوره يا بنتي معذوره
رقيه:لبست شاربتها الصغيره وطلعت
اما ماريا قعدت تلاحق فيها بي عيونها وقلبها حاس بي شي !!
______________________________________
امير:كله بسببك
ضيعتنا انت
احسان:قلبي مش متحمل ياولد محد يجي ع باله في يوم من الايام ان خوه يغدره
امير:وقف وجي بيطلع
احسان:وين ماشي ؟
امير:بنمشي نلقى البنت
بعدين نجي ندير حل للمهزله هادي
احسان:البنت يلقوها عيالها معندكش شغل بيها لا هي اختك ولا هيا مرتك
امير:خلي نلقاها وبعدين تو تبدا مرتي
احسان:عقد حواجبه....شن الكلام يلي ينقال هاذا ؟؟
امير:سيبه وطلع وهوا قاعد حاس ان المصايب يلي تنزل عليه هادي مجرد حلم💔
_____________________________________
هبه:فتحت عيونها على صوت باب الدار اخيرا !
نطت من مكانها بسرعه عشان تنصدم بي الشخص يلي دخل عليها
قالت بصوت متقطع ....رقيه !!!
رقيه:ابتسمتلها
هبه:.مش فاهمه شي ...منو حابسني هنايا !؟
رقيه:اسفه هبه💔
هبه:عقدت حواجبها....اءء ع ع على شنو؟
رقيه:انا يلي جبتك هنايا اعذريني
هبه:افكارها مشوشه ....انتي ؟؟
علاش ؟
رقيه:تشوف بنضرات غريبه ....خليتيه يحبك💔
اءء ان اننتي شن فيك زايد عليا !!
فهميني علاش هكي صار !!
هبه:على شنو تحكي ؟
رقيه:امير
من اول يوم كان فيه معاك وانا شايفتكم
كل وحده قربت منه ماتت
بس تعرفي شنو المميز فيك ولعند توا ممتيش؟
هبه:فاتحه فمها بصدمه
رقيه:ان كلهم مفيش وحده حبها حتى يلي كان متزوجها بس انتي غير عليهم
الوحيد يلي قرب منها
هبه:نزلو دموعها ....رحمه ورزان؟
رقيه:هزت راسها بمعنى اي وهيا مبتسمه
هبه:حطت يدها ع فمها وعيونها دموع ووجها مرعوب
رقيه:مقدرتش نقتلك ونشفي غليلي في مره
ولو لقوك ميته بيقعد طول العمر يحبك
لازم يكرهك قبل ما تموتي
هبه:مصدومه وترعش
رقيه:كيف يكرهك هاذي خليها عليا وبردو كيف تموتي هاذي خليها عليا
هبه:ق قق قتلتيهم وتوا دوري؟؟💔
رقيه:هيا وحده بس يلي قتلتها
رزان
هبه:تبكي بشهقه....وررررحمه
رقيه:بحركات غريبه كأنها مريضه نفسيه....مش انا يلي قتلتها وحق ربي كانت هيا
هبه:من هيااااا؟؟
رقيه:ابتسمت....جميله
______________________________________
ارسولان:واقف ع السياره وحاط يديه ع راسه من الصدمات يلي في جرت بعض
حسام:درس بسيارته ونزل لي ارسولان ....اهلا اهلا بي جاري
وتي حوايجك حتى انت باش ترحل معاهم
ارسولان:قام راسه وقرب عليه
قام يديه وقعد يشوفلهم....انت عارف يديا هاذم قداش قتلو واحد في الحرب !!
حسام:بلع ريقه ومردش
ارسولان:بعد من عليا احسن ما تكون رقم معاهم لان وربي ماني راحمك
طلع امير فجآه عليهم عشان يخرب الدنيا 🤦🏻‍♀️🔥....يتبع


google-playkhamsatmostaqltradent