recent
روايات مكتبة حواء

رواية عائلات راقية بفسادها 19 الفصل التاسع عشر بقلم اروي طاهر المسلاتي

 رواية عائلات راقية بفسادها 19 الفصل التاسع عشر بقلم اروي طاهر المسلاتي 


خليل:اخت امير ....حسب علمي عنده اخت وحده يلي تقرا في الثانوي
ارسولان:سكت
خليل:كويسه البنت ؟؟لان خوك ناوي الحلال طول وكلهم قالولي اسأل الناس يلي ساكنين معاهم يعرفو
ارسولان:سكت فتره طويله بعدين جاوب ....مش مزبوطه البنت فوتها
خليل:ابتسم بصدمه....كيف مش مزبوطه مفهمتش !
ارسولان:قرن حواجبه....مش مزبوطه وفهمك كفايه يعني توا بنقعد نشرحلك ولا كيف!!
خليل:قام حواجبه بذهول ونزلهم
خدي نفس عميق ....تمام مشكور وربي يعاونك
ارسولان:يمسح في يديه....الله يسلمك
طلع خليل ونضرات ارسولان تلاحق فيه لين اختفى
تنهد ارسولان بعمق هوا مش فاهم يلي قاله صح او غلط كيف يتجرأ ويقطع بنصيبها هكي !!
هوا متأكد ان ماريا كويسه وداخلها نضيف برغم من انها متع مضاهر لكن مش لدرجة انها مش كويسه زي ما لمح هوا !
لوح الفوطه ع الارض وهوا نادم ع الشي يلي داره
مضايق من نفسه لان الشعور يلي بدي داخله فاهم كويس شعور شني !
__________________________________
شافتله من فوق لعند لوطه وفمها مفتوح وعيونها بيطلعو
جهاد:جنان داخل؟
موده:هااا😧😧😧؟؟
جهاد:جنان جنان اختي داخل؟!
موده:استوعبت وسكرت عيونها وفتحتهم بسرعه وهيا تشوف لي هيئته وباقة الورد يلي كان ماسكها❤️...اهاا اءء انت اء ان انت خو جنان يعني !
جهاد:حط يديه في جيوبه وابتسم....اي خوها
هيا قاعده
موده:اها قاعده
جهاد:استغرب من نضراتها ليه ....به ممكن لحضه من فضلك!
موده:ارتبكت ....اي اكيد تفضل
ووسعتله عشان يخش
جهاد:ابتسم اول ما شاف جنان ع السرير راقده وجروح الحادث مغطيتها
جنان:ملامحها الطبيعيه تغيرت وطلعت عيونها من الصدمه .....انت!؟انت شن جابك هنايااا!!
جهاد:مش لما تسلمي عليا گ اخت طبيعيه قبل!
جنان:قامت حاجبها ....شن جاي تبي !
جهاد:قعمز ع السرير جنبها.....ادوي بي اسلوب احسن الزح انا جايك لعندك بنسأل عليك احمدي ربك في حد مذكرك
جنان:هه انت متعب نفسك لعند هنايا باش تسأل عليا ؟
بطل كدب بوي لزك؟ولا فلوسك تمو !
جهاد:نزل عيونه بي ارتباك ....ولا شي منهم
سمعت بي الحادث اليوم الصبح بس وكملت شغلي وجيتك
جنان:خدت نفس عميق وهيا تشوفله....مش مقتنعه
جهاد:لوح باقة الورد على وجها ....خلاص عاد وانتي حرام فيك الزح
جنان:ضحكت وهيا تشم في الورد....به فيك الخير
جهاد:شن مقعدك في الشركه بحالتك هاذي ؟
بري عند بوي ولا امي لين تشدي صحتك ع الاقل
جنان:قلبت عيونها بسخريه....تبصر انت؟
لو فيا الموت مستحيل نمشي لي حد منهم بالله خليني ساكته ....لمحت موده واقفه من بعيد تبيت😂
جنان:ابتسمت....خشي تعالي متوقفيش برا
موده:تشوف لي جهاد....اءء انا بابا قريب يوصل
حطيتلك الدوا جنبك باهي
تو حتى غضوا نمر عليك
جنان:تمام
موده:هي خلي ننزل انا بسلامه
جهاد:صحيتي يبارك فيك
موده:بلعت ريقها...ووه سلمك
وطلعت بسرعه
جهاد:خلي عندك ذوق واشكريها ع الاقل
جنان:مدخلكش فيا انا وصاحبتي سكفمك
جهاد:اخيرا يعني ولو عندك صاحبات زي الناس !
جنان:نصدمت من الكلمه يلي طلعت من فمها....لاااا
مش صاحبتي يعني مدخلكش وخلاص
جهاد:غمز ...به شنو موضوعها ؟😉
جنان؛قامت صبعها بتهديد....ولا تفكر ياجهاد وربي نعدمك
جهاد:افففف بلاش وانتي زي الجن
_______________________________________
الساعه 8المغرب :-
احلام:كانت واقفه بصدمه على الروشن تشوف لي الشباب ومن ضمنهم ارسولان كيف يركبو في الخيمه 💔
شن القصه ؟؟؟!
بعد 3ساعات من العيطه والحركه الغريبه وصل خبر موت بنتهم منتحره!!
شنو القصه يلي تصير مع العيله هاذي !
خش الرعب لي قلب احلام وخافت ع بنتها هبه وولادها الصغار
علاش يصير معاهم هكي !
ممكن رحمه انتحرت بسبب الفضيحه
باهي بنتهم بسبب شنو ماتت؟!
معقوله الورقه يلي كانت جنب سريرها وحاكيه فيها ان في شاب تحبه وخانها تكون هاذي سبب انتحارها؟
لهدرجه عقل رزان بنت جميله صغير عشان تنتحر وتنهي حياتها ع سبب تافه هكي !؟
قاطع الكلام هاذا والاسئله صوت راجلها خلفها
وهوا يلبس في الجاكيته متعه....شنو لعند ترا قاعده هنايا انتي؟
بري لي الناس عيب مفروض انتي اول وحده غادي
احلام:تلفتت بتردد....خايفه
محمد:بي استغراب....من شنو؟
احلام:العيله هيا بدو يموتو واحد في جرت التاني ومفيش حد مات موتت ربي
كلهم منتحرين قصدي في حاجه في الموضوع
وانا انسانه نخاف على حوشي وصغاري بنروح بي هبه هنايا ومعش نخليها تمشي
محمد:هي هي هي ...وين عقلك انتي كيف تفكري هكي
الناس هادم خيرهم سابق علينا غلط تشدي بنتك عليهم
خليها تمشي وتوقف في العزي زي الناس اهم شي تراقب سكرها وتحافظ بس
وانتي نفس الشي ....مطلعيناش منعرفوش في الاصول عقاب الوقت احلام راني عابي عليك
احلام:بلعت ريقها واقتنعت بي كلام راجلها....ان شاء الله
احلام:طبطب ع كتفها بحنيه...ايوا هكي نبيك
توا بري البسي خلي نطلعو مع بعض
الدنيا بدت تصقع متلبسيش خفيف
احلام:حاضر....ومشت تلبس
________________________________________
ماريا:مقعمزه بين الزحمه عيونها بيطلعو من الصدمه!
جنبها هبه وكان وجها اصفررر ....تشوف لي جميله كيف تخبط وتريش وتعيط ع بنتها
كأنه حلم
خبر وفاتها في دقايق وسم الفيران وحاجات غريبه يلي لقوه تحت سريرها💔
كل شي صار بسرعه لدرجة مفي حد قادر يستوعب لعند توا!!
هبه:لصقت جنب ماريا.....مش قادره نصددق
ماريا:يديها متشبكات بتوتر ...ع اساس انا يلي مصدقه!!
هبه:نفس الطريقه يلي ماتت بيها رحمه
حتى هيا راه ماتت مسمومه هكي
ماريا:خاطري نعرف من يلي حباته وخانها عشان تنتحر ع خاطره هكي العار
هبه:معقوله يكون هاذا السبب ماريا !
ماريا:الوضع هكي يقول ....لو عليا انا ان شاء الله تلحقها اختها وخوها
هبه:شافتلها بي استغراب
معقوله ماريا تتغير لدرجه هاذي !!.
بدت متحسش بي الراحه الا لما تبدا هبه جنبها ومادابيها ديمه تقعد معاها وتبات معاها !
معقوله بدت معش تحب تقعد مع بنات عمها بعد ما كانت متقعدش الا معاهم هما ومتحسش بي نفسها بني ادمه غير في جمعتهم!؟
رقيه:قربت عليهم وواضح على وجها ملامح الخوف ...ماريا انا خايفه
هبه:شافت رقيه ترعش ....اهدي حبيبتي خيرك؟
رقيه:بلعت ريقها....مدام ليلى قالت الحوش ملبوس وفيه سحر
السحر هاذا يخلي الناس يلي في الحوش كلهم ينتحرو
وقالت بتجيب شيخ بعد العزي انا نخاف منها الحاجات هادي منتحملش
ماريا:امي ومعتقداتها الغبيه مدوريهاش
هبه:صح كلامها ....سمعت ام ارسولان تحكي لي امي وقالت كم مره امك تجيها تبي امية قرآن لانها تشوف في حاجات غريبه في الحوش
ماريا:هي هي انتي وياها متلعبًوش في راسي
رقيه:اءء انا بنمشي نصلي وندعي بالك ربي يبعد علينا
هبه:شافت لي رقيه وابتسمت....ادعيلنا معاك❤️
رقيه:ابتسمتها ببرائه .....من عيوني
هبه:شافت ليلى تأشرلها من بعيد بمعنى تعالي
قربت من ليلى وامها لانهم كانو مقعمزين جنب بعض
ليلى:الله يخليك بري لي حوشكم جيبي التباسي للعشي لان يلي عندنا هنايا شويه
احلام:هاك المفتاح متعطليش بيحطو العشي
هبه:تمام
ليلى:امير برا كلمته بيمشي يجيب معاك رزان عليك
هبه:في خاطرها...وووه ياربي
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
امينه:تتصفح في تالفونها....محلاااهم
تعالي رؤى شوفي
رؤى:قربت منها عشان تشوف ملابس بيبي يهبلو
محلاهم امونه ابعتيلي الصفحه نوريهم لي رعد
امينه:هي دقايق
اسراء:ابعتولي حتى انا
امينه :ياسر وانتي حاشيه راسك في كل شي
اسراء:وووك عليك حاسدتيني متبينيش نكتر ذريتي
امينه:اخخخ ياربي الصبر
اسراء:قعدت تضحك هيا ورؤى ومنيره مقعمزه مقابلتهم ومحروقه كيف يهدرزو ويضحك. بدون ما يعبروها
سمعو كلهم الباب يطق بعدين خلاص اختفى الصوت
نطت منيره من مكانها ....ياقلبببببي قداش استاحشتك
ناريمان:حضنتها...انا اكتر والله
ناجيه:خشت لي الصاله وعيونها يضحكو من داخل كأن شمت فيها ريحة نجمه❤️
امينه واسراء شافو لي بعض ورؤى فهمت ان هاذي تكون ناريمان اخت نجمه يلي يستنو فيها من الصبح
قربت ناريمان سلمت عليهم كلهم ووصلت في رؤى
رؤى:ابتسمت....اهلين
ناريمان:شافت لي منيره....مرت رعد؟
رؤى:قاطعت منيره قبل حتى ما ترد....اي مرته
ناريمان:سلمت بدون نيه...اهلا
وقعمزت مع منيره تهدرز
رؤى:بي ابتسامه عريضه على وجها....تحبو قهوا ولا شاهي ولا كابتشينو؟ولا عصير فرش؟!
منيره:قامت حاجبها بحقد....شن تشربي حبيبتي؟
ناريمان:رجعت شعرها للخلف بهدوء....قهوا وسط
رؤى:حطت صبعهاعلى عيونها....من عيوني
ومشت وخلتهم
كانت ناجيه تراقب من بعيد وهيا مستغربه من تصرفات رؤى يلي مفروض انها تكون عدوانيه بس شنو يلي خلاها هكي !
امينه:اما فرخه رؤى هادي اقسم بي الله مش هينه
اول ما جت كسرت خاطري قلت ياحليلها تبان طيبه مسكينه شنو يخلصها من ناجيه بطفشها زي غيرها
اسراء:تاكل ....شهاده بالله كنت حاسبه زيك لكن ذكيه الفرخه وتفهم كيف تربيهم خليها
ناجيه:نوضي انتي وياها حوسو ع الغدي البنت بتتغدى هنايا تحركو
اسراء:بدون نيه ....حاضر ياعمتي
بصوت واطي....نوضي وربي ما نخش بروحي باش يتسمسمو
امينه:ناضت وعلى وجها علامات الضيق
رؤى:توتي في سفرة القهوا وهيا تفكر
مستفزين بس لازم نعرف كيف نتعامل كويس
سكرت عيونها ثواني ...لازم تحافضي ع رعد يارؤى ومتخليشي يضيع منك بي تصرفات تافها لازم
خدت نفس عميق وهيا تصب في القهوا.....تمام!
خلاص كل الامور طبيعيه من اليوم مهما صار لازم نقابل كل شي بي ثقه وابتسامه منخلي شي يهزني
وخدت السفره وطلعت
____________________________________
هبه:طلعت وشافت امير يراجي فيها من بعيد
حسام:معزيتينيش ع الاقل!!
هبه:تشوف لي امير يلي كان واقف من بعيد ...اء اسفه متلاقيتش معاك
ربي يرحمها ويغفرلها
ان شاء الله هادي اخر الاحزان يارب وجعتني هلبا
حسام:مسك يدها....الله غالب هاذي الدنيا
هبه:سحبت يدها....بدل ما دماغك يمشي لي بعيد احترم عزي اختك وبطل الحركات هاذي في اول يوم ليها ميته .....ومشت وسيباته
حسام:شاف لي امير وهوا يبتسم....
كملت هبه مشي لي حوشها وامي. يمشي وراها ببطئ
كل شويه تحاول تخطف نضره من تحت لتحت عشان تشوف ردة فعله بس كان عادي جدا
خشت للحوش ونحت كندرتها
هبه:تلفتت لي امير وهيا متوتره....انت خليك هنايا
نجيبهم ونجيك
امير:حط يديه في جيوبه واتكى على الحيط بدون ما يرد عليها
هبه:خشت للمطبخ وفتخت الدولاب ادور على الصواني طلعت نصهم بعدين قعمزت ع الارض عشان اطلع الباقي
فجآه حست بي امير يقيم فيها من ع الارض ❤️
هبه:تشوفله...شنو!😧
امير:مسكها من جنابها وركبها ع البار ووقف قدامها بزبط❤️
هبه:بلعت ريقها ونزلت عيونها بتوتر...امير الباب يخش حد يحسابنا.....
امير:قاطعها....الباب سكرته
هبه:شافتله بصدمه
امير:يحسابنا شنو؟كمليها!
هبه:حطت يدها خلف رقبتها بتوتر ومعرفتش تجاوب
امير:حط يده على خده واتكى قدام وجها بزبط ....علاش وقفتي هدرزتي معاه!!؟
هبه:هرب الكلام منها لما شفاته قدامها وكان بينهم شعره بس!!
امير:ابتسم.....انا هادي حاليا والاحسن انك تستغلي الفرصه هيا وتحكيلي
هبه:اءء ان انا مكلمتش
هوا جي
امير:اي عارف ....شن كان يبي منك وعلاش مسك يدك!!
هبه:قالي معزيتنيش في اختي بعدين مسك يدي بدون مانعرف ...افففف شن دخلي انا
امير:سكت وهوا متكي ع يده يشوفلها❤️
هبه:وجها اصفر.....امير امكك تراجي بيحطو العشي
امير:مسك يدها....معش تخليه لا هوا ولاغيره يمسكها
يلعب بي صوابعها ويشوفلهم ....احمدي ربك ان مزاجي حلو اليوم كنهاذا مش هكي وقام عيونه وابتسملها
هبه:سحبت يدها ونزلت ....علاش انت تمسكها وغيرك لا!
علاش ان شاء الله؟!
امير:ابتسم وحاصرها ع البار❤️....شطانه انتي
تبيني نعترف بسيف!!
هبه:نفسها متسارع ....بي شنو؟
امير:قرب عليها اكتر وحس بي نفسها الخايف ...من اول يوم شفتك فيه
من اول يوم ركبتي سيارتي وانتي ليا❤️
متسألينيش كيف ولا امتى .....استفزيتك بكل الطرق وكل مره نتأكد فيها انك حتى انتي موافقه تكوني ليا
هبه:شن تحكي انت انا م......
امير:قاطعها ببوسه اعمق من خوفها يلي كانت تحس بيه!
استمرت دقايق لين فهم ان خلاص نفسها بينقطع وخبطت ع كتفه
بعد من عليها وهوا يساوي في الجاكيته ويعدل في نفسه بنبرة صوت كأنه مش نفس الشخص قبل دقايق
جيبي الباقي والحقيني .....ومسك الصواني وطلع
هبه:احتاجت ربع ساعه كامله واقفه ع المطبخ ويدها ع فمها مصدومه من يلي صار !
اما امير كان برا نادم ع الشي يلي داره ...مكانش لازم يضعف ويحكي الكلام يلي قاله
بس جاته لحضة ضعف ومقدرش يمسك نفسه!
______________________________________
كانت الدنيا هدوء رؤى وسلفاتها زي العاده حاشيين روسهم في بعض ويهدرزو
اما ناريمان كانت تحكي مع منيره بصوت واطي
رؤى:سرحت في ناريمان يلي كانت لابسه سروال قماش اسود مع بلوه بيضه رقبتها طرف على طرف وشعرها لعند وذنها مفتوح
فجآه خش عليهم عبد الرحيم ....
عبد الرحيم:اووو ناريمان هنايا....وبدي يسلم
اسراء:الواطيه مكلفتش نفسها تلبس غطا على راسها الحقيره
رؤى:اهدي خليك عاديه
عبد الرحيم:الحمد الله بخير انتي شنو خدمتك وقرايتك وحياتك
ناريمان:احسن الحمد الله كل يوم في تقدم
عبد الرحيم:به حلو استحقيتي شي كلميني
ناريمان:اكيد❤️اصلا هكي ولا هكي بنبدا في وجهك
ابتسمت وشافت لي رؤى وكناينها....لان انتقلت على الجامعه يلي هنايا وحوشكم اقرب نطلع منه
امينه:فقدت اعصابها....هي انتي شن قصدك!!!
ناريمان:بي استفزاز....مقيمه عندكم من اليوم
وخالتي قالت كان الحوش مسدكش نحطوك في قلوبنا ...مش صح خالتي !
ناجيه:اكيد اكيد عندك فيها شك هاذي ؟
عبد الرحيم:حس بي الجو متكهرب...انستينا هي نستأذن
ناريمان:لا عاد خليك هدرز قداش ليا عليكم
عبد الرحيم:شاف لي اسراء بخوف....لا والله عندى هلبا خدمه اهو هدرزي انتي ونساوين خوي ومنيره متحصليش معاها طريق في الهدرزه
ناريمان:ضحكت....تهبل منوره ❤️
عبد الرحيم:طلع وسيبهم وطبعا لحقاته اسراء وضرباته ع ضهره من بداية الدروج😂😂😂
اسراء:تسأل فيها ع قرايتها صار علاش ؟؟
بتقريها ولا بتسمع عليها
عبدالرحيم :ضحك....تو بالله انتي غايره من هادي ؟
لونها تقول عمارات الضواحي ؟
تي انا ميت فيك ياعبيده انتي يلي واخدتيلي عقلي انتي وصغارك
اسراء:ابتسمت وهيا تشوف للارض بدلع
عبد الرحيم:خبطها ع كتفها....ايوا هكي خلينا نشوفو ضحكتك وخليني نركب نرقد ياغزالتي
اسراء:نوم العوافي 😌😌
رعد:خاش داهش....السلام عليكم
كلهم :وعليكم السلام
رعد:ملاحضش موجود ناريمان .....بسرعه امي بنت عم امير توفت ولازم نمشو
ناجيه:شافت لي الساعه....ولدي توا الساعه 9ونص ليل ع الناس
ناريمان:العفو رعد معقوله لاتسلم ولا حتى تقولي كيف حالك
رعد:ابتسم....اهلين سامحيني والله مشفتك
ناريمان:مقبوله منك....استاحشتك وربي تعال قعمز نهدرزو
امينه:بصوت واطي....منحبش الفتنه لكن تعامس في راجلك
رؤى:تهز في رجلها بي تنرفيز
رعد:سامحيني والله بنبدل حوايجي وبنمشي للعزي ضروري
ناجيه:طلعت من صاله لما سمعت تالفونها يشرين
ناريمان:تمام الجايات اكتر
رعد:ابتسملها وشاف لي رؤى....حوايجي وين؟
رؤى:تو نجي نطلعهولك ❤️
رعد:ركب بسرعه وناضت رؤى من مكانها
رؤى:شافت لي ناريمان.........اسفه ع الحركه يلي دارها بس ياحليلي لما نبدا موجوده ميلاحضش في حد غيري
ودارت بكتفها ولحقاته
منيره:لا اسلوب لا منطق الوقحه هيا وووه بنموت منهااا
ناريمان:بهدوء.....خليها تاخد راحتها خيرك!!
امينه:تشرب في القهوا وادير في اصوات تنرفز من الفرح😂😂😂💔
رؤى:نمشي معاك!!
رعد:يلبس....ياريت ع الاقل في حد من العيله مشي
رؤى:قربت منه وهيا تشوفله
رعد:يسكر في البطم .....شن في!
رؤى:ابتسمت....شي
استاحشتك بس
رعد:خدي نفس عميق وحضنها......وربي غير مستعجل كنهادا وريتك حتى انا كيف استاحشتك
رؤى:ضحكت....
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
في السياره :-
جهاد:ركب وسكر الباب....هاك خودي
جنان:راقده ع الكرسي ....حط فيه عسل البان كيك؟
جهاد:لا ....مش عارف كيف بني ادمه متحبش العسل غريبه
جنان:شافتله وهوا يسوق....امتى روحت من مصر؟
جهاد:امس
جنان:ومشيت لي بوي ولزك؟
جهاد:مردش عليها
جنان:شافت لي الطريق....كنت عارفه ان في شي
يعني مضطر تقعد معاي لين تكمل اجازتك
جهاد:يشوف في المرايا....اي حاجه زي هكي
ودرس ع اليمين
جنان:خيرك وقفت ؟
جهاد:يتبعو فيا هما ولا مفهمتش
جنان:تلفتت عشان تشوف سيارت الكتيبه يلي شايفتها 100مره قبل درست وراهم
طق ع المرش ونزل جهاد المرش
جهاد:في شي !؟
صدام:يشوف لي جنان....مني يلي معاك هيا؟؟
جنان:خوي بلا عااار....بلا عارررر معش نبي نشوف وجهك في حياتي
جهاد:مصدوم.....ضمي فمممك
سامحنا ياحاج
صدام:انتي يلي بلا عار وين نعلم ان هادا خوك ولا لا
جهاد:شاف لي صدام بصدمه
جنان:خوي بوي عمي صاحبي مدخللللكش مش ساد مفترشني في الحادث وانت تقول واخد الرخصه من معمل حلويات
جهاد :يشوف لي جنان بصدمه
صدام:يصفق بيديه ويحكي....ع اساس انتي يلي تسوقي كويس وانتي تجري اكتر من سونيك يلي في سبايستون
تي وربي راسي وراسك وكل سياره بتاخديها بنفترشك انتي وياها
جهاد شاف لي صدام بصدمه
جنان:تقلد فيه....انتنن تينينينينيني
صدام:يخبط برجله...اخخخخخخ ياربي ع دمي المحروق
خبط ع السياره....كمل امشي امشي امشي خير مانصفيك انتي وياها
جهاد:ولع السياره وطلع ....مني هوا؟
جنان:واحد كلب ناقصاته رجوليه يطلع فيها عليا
جهاد:يتكلم كأنه يعرفك شن صاير بينكم؟
جنان:تشوفله بسخريه.....تو بديرلي فيها جو انا خوك الواعر!؟
ريحني وارقد بالله خير ما انطرك من السياره ونروح بروحي
______________________________________
الساعه1في الليل
كملت حوسة العشي وجي وقت النوم في حوش احسان
اريج وامها في عالم تاني رقدو من كثر البكي والتخبيط بسبب موت رزان يلي صار فجآه !
العيله كلها متنكده الخوف كثر بينهم والكلام والاشاعات كثرت وكل حد يقول في كلام
البعض منهم يقول صدفه والبعض التاني يقول انه سحر
جنان:تاكل في الجيلاطي وهيا في السياره والبحر قدامها....نفكر نسافر معاك
جهاد:لا ابدا
جنان:وعلاش؟
جهاد:منبيش نحط حد في مواضيعي ريحيني بالله عليك
جنان:شبحتله....حسب رايك جيتنا لي الدنيا كانت غلطه؟
جهاد:سكت وهوا يشوف للبحر....
جنان:كملتها سكوت حتى هيا ومعش في صوت غير صوت الاغنيه يلي كانت مفتوحه ❤️
__________________________________
طلعت ماريا برا لان الضي هارب ومفيش تغطيه
ردت ع تالفونها
جنان:مقعمزه في السياره.....سلامت راسك
مش رح نجيك لان منعزيش في موت اللافاعي
ماريا:ابتسمت....انا يلي مفروض نجيك عشان الحادث
جنان:نزلت رجلها من على السياره بصدمه....لالالا
بديتي تفهمي في الاوصول ؟
ماريا:بطلي جنان مش في مزاج حلو ابدا ره
جنان:المهم العمر ليك والفال لي اختك
ماريا:ضحكت بشويه....بارده
جنان:شافت خوها طالع من المحل ومقرب لي السياره ....هي تمام نتلاقو
ماريا:بسلامه ❤️
سكرت الخط ولمحت ضي خفيف جاي من مخزن ارسولان حاولت تمسك نفسها ورجعت للحوش
ركبت غرفتها شافت هبه مقعمزه
ماريا:لوحت التالفون....جنان الكلبه متشمته
هبه:تشوف لي ماريا ومرتبكه
ماريا:خيرك!
هبه:ماريا
ماريا:شنو؟
هبه:ساكته ومش عارفه كيف تقولها
ماريا:انطقيييي
هبه:ام ارسولان متبيش تأجل الفضانيه
بديرها الخميس
ماريا:نصدمت
هبه:خطيبته طلعت تقرا معانا في المدرسه وقالو ان بيقرو عليها الفاتحه عشان يرفعها ويجيبها
تكون حلاله!💔
ماريا:تعبو عيونها دموع في لحضه ...نزلت تجري ويدها ع قلبها كأنه كان في نار والعه داخل
هبه:لحقتها وتحاول تمنعها بس مكانتش قادره تنادي عليها بصوت عالي وتخلي باقي العيله تحس ان في شي!!
ارسولان:وغسل يديه ووجها ...قام عيونه في المرايا ومسحها عشان يشوف ماريا واقفه وراها ❤️
تلفت بهدوء ....كم مره حكيت على جيات الليل انا ؟؟
ماريا:حاولت وربي حاولت
حاولت نبينلك اني كويسه مش تافها زي ما انت متخيل
حاولت منحبكش ونشوفك اقل مني ومتستاهلش نضره وحده
ارسولان:ربع يديه واتكه ع الحيط بي استهزاء....وشن طلع معاك!
ماريا:مقدرتش
نزلو دموعها .....معش تشبحلي هكككككي
معش تشوفلي بي استهزاااء ارسولان
حبيتك حافضه امتى تروح وامتى تطلع شن تحب وشنو متحبش
ارسولان:قرب منها ويشوفلها بتكبر....شن تبي ؟
ماريا:كانت بتهبل من تصرفاته وطريقت كلامه ...متمشيش
ارسولان:وين؟!
ماريا:بطل متخطبش خلاص سيب قبل ما تبدا
ارسولان:يشوفلها من فوق لعند لوطه ...ع خاطر شني بنسيب؟!
ماريا:بدت تبكي بصوت عالى وتخبط في مكانها
بطلللللل شبحاتك هاذي ارسولان
بطللللل
تحكي وتضرب فيه....مش عيله انا ولا تافها ولا مش مزبوطه 😭😭😭😭😭😭
بعدت من عليه وهيا تبكي بحرقه نزلت ع الارض وغطت وجها بيديها وهيا تبكي تحكي بصوت متقطع
حمااااره انا 💔💔💔
حماره انا شنو جيبني لعندك وليش اصلا مقايلتلك
ارسولان:مسكها من يدها ووقفها
ماريا:اختارت تهرب من جديد وتطلع من المخزن زي العاده لان بعد يلي حكاته وردت فعله يلي شافتها معش عندها عين تشوفله💔
طلعت وهيا تبكي بس جبدها ارسولان من يدها لي حضنه طول❤️🔥
_______________________________________
هبه:خايفه تشوف للمخزن وتحاول تلهي امير يلي طلع قدامها فجآه
امير:شن اديري هنايا!
هبه:كنت ندور ع تغطيه بنقول لي امي تجيبلي شوية حاجات بكرا
امير:يشوف لي يديها...وين التالفون؟!
هبه:شافت واذكرت ان مفيش تالفون عندها
امير:ابتسم...طلعتي ادوري عليا!!
هبه:رمشت عيونها بسرعه....لا طبعا شن تقول؟
امير:سكت يشوفلها
هبه:اصلا كويس اني شفتك
امير يلي صار اليوم رح ننساه كأنه مصار شي
نعتبر ان الشطان خش بينا لان مكان في حد في الحوش
امير:يكون احسن لان معرفتش كيف نوصلهولك
انتي عارفه الشاب لما يكون بدون مطلق ولا ارمل يبدا يدور ع اي حد وخلاص
هبه:مقدرتش تخفي ملامح الصدمه ع وجها قامت حواجبها وهيا تشوفله
امير:مسك خدها....اصلا قاعده صغيره والحياه قدامك
من بكري نبي نعتذرلك ع كل شي درته ملقيتش فرصه خايف يرده فيا ربي في مرتي الجايه ولا بنتي
تسامحيني؟!
هبه:😧😧😧😧😧
امير:شنو؟
هبه:قامت راسها فوق تحاول تخفي دموعها بعد ما حست انها رخيصه!
او انضحك عليها وتلاعب بي مشاعرها وعيشها في هلبا وهم بدون مايوعدها بي حاجه
امير:خيرك؟قصدك جديات تأثرتي ؟
هبه:تعرف انك واطي زيك زي اختك ؟
حقير بلا قلب بلا ضمير
نكرهك وربي نكررررهك من قلبي
بتمشي بس مسكها من يدها❤️
امير:ابتسم...غبيه انتي باش تصدقي الكذب يلي قلته؟
هبه:بتهبللللنيش مريض انتتتتتت
عندك انفصام وربيييييي
امير:ضحك....كنت نبي نتأكد في حاجه هنايا ولا لا
وحط يده ع قلبها❤️
هبه:تنهدت....نحي يدك بنخش
امير:تحبيني ؟
هبه:كأنه حد كب عليها اميه مغليه
مكانتش تتوقع في يوم توقف قدام امير ويسألها حاجه زي هكي ؟!
امير:شنو؟
هبه:مرتبكه...شنو يلي شنو!؟
امير:زاد ضغط ع يدها عشان متهربش....تحبيني؟
هبه:لا
امير:نزل راسه ع جنب ....متأكده!
هبه:شافت ماريا طالعه من مخزن ارسولان وقلبها طاح لما شافت خوها واقف
امير:اخر مره تحبيني ؟
هبه:تشوف لي ماريا وتشوف لي امير
امير:؟
هبه:حضناته وخلت ضهره مقابل ماريا ...اي❤️
ماريا:نصدمت من تصرف هبه
هبه:تأشر بعيونها
ماريا:فاقت لي عمرها وخشت تجري
هبه:بعدت من على امير وهيا تستوعب الكارثه يلي دارتها❤️😂
_______________________________________
رعد:طلع من الحمام عشان يشوف رؤى مقعمزه على السرير وتبكي.....رؤى !
رؤى:مجاوباتاش
رعد:خيرك؟
حبيبتي؟؟؟
رؤى:مش حبيييييييبتك!
زهقت وقرفت
عطيت لي روحي امل واليوم كسرتني
رعد:مش فاهم....شن تحكي؟
رؤى:يلي تحبها مش ميته صح!!
رعد:عقد حواجبه
رؤى:ماتت نجمه وتسكرت صفحه بنسبه ليك
لكن يلي تزوجتها المرا الثانيه كانت حبيبتك ولعند توا بتهبل انها خلاتك !؟؟💔...يتبع


google-playkhamsatmostaqltradent