رواية منورة يا حماتي (حماتي ملاك) الفصل الثامن عشر 18 بقلم هايدي محمد
يتجمع سامح وريحانه مع أهل همسة قدام بيت همسة
سامح : ازيك ياريحانه
ريحانة : الحمد لله أنا والله ماكنت عاوزة آجى بس ..
همسة : كنت زعلت أنا طبعا بعدين صاحبتي الوحيدة ميادة وقلت فرصه أكسب صاحبة جديدة ليا
ريحانه تسلم على ميادة : ازيك يا ميمو
ميادة : تشرفت بيكي ياقمر
ريحانة : ازيك يا أونكل وازى حضرتك يا طنط
ابو همسه وأم همسة : ازيك انتى يابنتى
همسة : ايه الرغي ده كله احنا مش هنطلع ةلا إيه
سامح أه يللا بينا
يطلع الكل عشان خاطر همسة تشوف بيت سامح وتقابل النقاش عشان يختاروا الألوان اللى نفسها فيها
ريحانه كانت قلقانه من مقابلة أم رتيبة خصوصا إنها دايما بتحب تذل فيها قدام الناس لكن المرة دى همسة موجوده وهى بنفسها شافت أم رتيبة بتقلب بط بلدى قدامهما ازاى فده كان مطمنها شويه
ياترى هتبقي المواجهة عامله ازاى
وصل الكل بيت سامح اللى رن جرس الباب
أم رتيبة تفتح وتفاجأ بوجود ريحانة قدامها
أم رتيبة : ريحه بتعملى إيه هنا يا معصعصه يا عصاية الغلية
ريحانه : أهلا ياطنط
أم رتيبة تبصلها من فوق لتحت وماترودش
أم رتيبة : أهلا أم همسة وأبو همسة عاملين إيه
يدخل الكل فى حين ريحانه فضلت واقفه والدموع هاتهرب من عينيها مش قادره
تطلع رتيبة من المطبخ وسامح يفاجأ بيها
رتيبة : إيه رأيك فى المفاجأة دى
ريحانه تيص على سامح اللى حرك كتفه الشمال لفوق فى إحراج
همسة وهى تكز على سنانها مفاجأه حلوة طبعا
رتيبة لريحانه : وانتى ياختشي جايه تعملى إيه ولا هى رخامه على خلق الله وخلاص .. إنتى مالكيش أى لازمه هنا
همسة بعصبية : أنا اللى فضلت أتحايل عليها عشان تيجي تنقى معايه ألوان العفش شوفي مين بقي اللى قلنالها متجيش وجت رخامه عغلى خلق الله وهى مالهاش أى لازمة هههههههههه وياريت تتكلمى معاها أحسن من كدا
رتيبة بعصبية : ده اللى ناقص واحده زيك مالهاش لازمة تيجي تعلمنى أتكلم ازاى و...
سامح بغضب : رتيبه أقسم بالله لو مالميتي نفسك لايكون ليا تصرف تانى فاهمة
رتيبة بخوف : فاهمة بس مش شايف هى بتقول إيه
سامح : هى ماغلطتش فى حد ياتحترمى نفسك يا تروحى بيتك
أم رتيبة : اخص عليك تزعق لأختك اللى من لحمك وبطنك عشان الناس اللى ياعالم هتبقي من نصيبك ولا لأ
أبو همسة تدخل فى الموضوع وقال بعصبية : والله ياحجه احنا ماأجبرناكوش تيجوا تتقدموا وتحفوا ورانا عشان نوافق على الجوازة دى
همسة تعالى معايا يللا عالبيت كل شيء قسمة ونصيب
يمشي أبو همسة وأمها معاها
وسامح واقف مذهول مش مصدق اللى حصل
أم رتيبة : الباب الللى يفوت اكسري وراهم القلة يارتيبه بكره هجوزه ست ستها و ....
سامح بغضب هادر : ماخلاص بقي
ويمشي
ريحانه تلحقه عشان خاطر تحاول تهدى الموقف و ......
#يتبع
حماتى_ملاك
-18 _19
ريحانة : استنى بس يا سامح انا ...
سامح يلتفت لأمه وأخته
سامح : ليه كدا بس ياما تعملى فيا كدا ليه ... ده بدل ماتفرحيلي تضايقي الناس اللى هموت وأناسبهم والاسم أم وبس بتقولى ولادى ولادى وانتى مابتحسيش بيهم
أما انتى يارتيبة كل اللى بتعمليه ده هيتردلك في جوزك واولادك هنروح بعيد ليه مش دايما تشكي من حماتك وأخت جوزك
زى ماتحبي الناس تتعامل معاكى تعامليهم
يمشي سامح وتلحقه ريحانه
ريحانة : سامح استنى
سامح : سيبيني يا ريحانة عاوز أبقي لوحدى
ريحانة : بس...
سامح بعصبية :سيبينى أرجوكى
يمشي سامح
أما ريحانة فتوقف تاكسي وتركب فيه وتقول بسرعه ياسطا
.....
.....
رتيبة بعد ماخدت الكلمتين دول من اخوها مشيت
كانت راكبه التوكتوك مروحة
سواق التوكتوك كان شكله مش واعى عمال ياكل مطبات وكان هيخبط عيل صغير والدنيا ملطشة معاه آخر حاجة
رتيبة : مابشويش ياسطا على مهلك
السواق : مالكيش فيه ليكي عندى توصلى مكان ماقلتي
تسكت رتيبة
السواق يخرج موبايله ويتصل بحد
السواق : ألووو ايوه ياولا يالبان
جهزلى اصطباحة كل يوم أنا مش قادر
..
ياسطا انت عارف هدفعلك
...
هديلك كل القديم كمان اصبر عليا بس
...
يعنى كدا يالبان دى أخرتها
...
ياعم أنا ابنى عيان مش عارف أروح اكشف عليه ومراتى تعبت من كتر قلة الغذا كل فلوسي رايحه عليك
ياجدع ببديك على مراتى وابني وتعمل معايا كدا
...
طب اقفل يا لبان خلاص
اقفل
هى اصطباحة خ.... من أولها
رتيبة : مالك ياسطا
السواق : حد اشتكالك ياست انتى ماتقفلى بقك وتقولى يا مسا
رتيبة بضحك : واللى يديلك كل الفلوس اللى انت عاوزها
السواق : احنا وصلنا العنوان هاتيلي أجرة مواصلتى واتكلى على الله بدل ماعملها معاكى
رتيبة تحط إيدها في شنطتها وتطلع رزمة فلوس
رتيبة : متأكد
السواق : إنتى عاوزه إيه ياست
تقف رتيبه مع السواق يتكلموا من غير ماتاخد بالها من اللى واقفه قدام مدخل العمارة
من اللى شايفاها واقفة تضحك مع السواق من غير ماتسمع هما بيقولوا إيه
نرجع لرتيبة
رتيبة : خلاص رقمك معايا ياسطا لو عوزتك هكلمك
السواق : يخربيت شيطانك فعلا إبليس يتعلم منك انتى
رتيبة : هيهيهيهيهيهييهي كيد النسا بقي ياسطا
تمشي رتيبه وتدخل عمارتها من غير ماتاخد بالها من اللى كانت بتراقبها
....
...
ريحانة : يا أونكل بعد إذنك ممكن أكلمك في موضوع
أبو همسة : خلاص الموضوع انتهى يا بنتى
ريحانة : أفهم من كدا إنك بتقولى امشي
أبو همسة : لا مش كدا طب بصي اتفضلى خلاص
دخلت ريحانه مع أبو همسة الصالة
ريحانة : ليه يا أونكل نهيت الموضوع بس
أبو همسة : ماشوفتيش أمه وأخته
ريحانة : سامح إنسان كويس ماشوفتوش رد عليهم ازاى وبصراحه هو بيحبها جدا ماشوفتوش زعل ازاى بعد مامشيتوا .. حقيقي بجد سامح راجل يعتمد عليه ويابخت اللى هتبقي مراته بيه
عارفه إن طنط صعبة لكن طول ماهى بعيد عن بنتها طيبه وبيتضحك عليها بكلمتين
أبو همسة : بس دي بنتى يابنتى ماقدرش أرميها الرمية دى
ريحانة : الله يخليك يا عمو تتخيلش سامح جمايله عليا قد إيه وأنا نفسي أساعده مره الله يخليك تكسرش بخاطرى و...
يقطع كلامها رن الجرس
يقوم أبو همسة عشان يفتح
سامح : سلام عليكم يا عمى
أبو همسة : عليكم السلام اتفضل يابنى
يدخل سامح ويتفاجأ بوجود ريحانة هناك
سامح : ريحانة ! بتعملى إيه هنا
أبو همسة : تعالى يابنى اقعد
سامح : أنا جاى أعتذرلك ياعمى
أبو همسة : لولا ريحانة مكانش أسفك ده اتقبل
سامح بفرح : بجد ياعمى
أبو همسة : أيوه يابنى
يفاجأ بسامح إللى نط في حجره وهو بيحضنه
يااااااااااااااااه ياعمى الحمد لله إنك مافرقتش بين عصفورين الحب ... مش هتكسر رسالة الحب الطاهرة الجميلة ... باب السعادة بيتفتحلى من تانى عشان
يفاجأ بخبطة على دماغه
يبص يلاقي همسة واقفه تبصله من فوق لتحت
همسة : كم مرة لازم أقولك تبطل فرجة على كوشي وأرناف ... منك لله يابعيد لسه البونيه ريحانة كانت بتشكر فيك قدام الحاج وأنا واقفه أتصنت عليها
تقوم فاضحنا كدا ... عريتني خليتنى اطلع ألحق أبويا المسكين من جنانك
أم همسة تيجي من جوه : أيوا البركة فيكي يا ستى العاقلة تحبي أقوله كنت بتعملى إيه في ميادة امبارح
همسة : ماما !!!!!!!
سامح بيعلى صوته : همسة قلبي وروحى .... ظل عقلى البراق هيام عمرى الذي
همسة تشد ريحانة : يللا بينا نمشي من هنا بسرعة لحسن شكله قلب المحطه بتاعت كوشي وأرناف وشغلنا هيام من حريم السلطان
أبو همسة : تعالوا هنا رايحين على فين
همسة : رايحين نلحق سي مندوح النقاش اللى زمانه خلل وهو مستنينا تلاقيه قاعد مع امه بتوزه على المسكينة دى
أبو همسة : عندك حق يابنتى يللا بينا نرجع كلنا عشان نشوف هندهن الشقة ازاى والعفش كمان
ينزل الكل ويروحوا بيت أم رتيبة وأول ما وصلوا
ودخلوا البيت قابلوا أم رتيبة و...
#يتبع
