رواية عائلات راقية بفسادها 18 الفصل الثامن عشر بقلم اروي طاهر المسلاتي
كانت الدنيا هدوء لين فجآه خشت عليهم وحده ومعاها شنطة سفر
مفهمتش رؤى هاذي منو تكون!!؟
بس لاحضت تعابير الدهشه والصدمه على سلفاتها !!
ناجيه:وقفت بحزم وبنبره حاده تكلمت .....شن جابك انتي هنايا
منيره:العفو يا مرت بوي هكي تستقبليني معقوله؟؟
وخشت تسلم عليهم بي الوحده لين وصلت في رؤى
منيره:هاذي مني جديده !؟
جبتو خدامه وانا معنديش علم!!
امينه واسراء مصدومات
رؤى:شافت لي ناجيه وهيا ساكته مش فاهمه شي!
مني يلي خشت هادي وخيرها هكي تتكلم !
اسراء:قامت حاجبها.....لا حبيبتي هادي مرت رعد واسمها رؤى
امينه:بحركات مسمومه اضحك....وحامل
منيره:قامت حواجبها بذهول ويدها ع قلبها ....رعد؟؟؟
علاش رعد قدر يتزوج من جديد بعد نجمه !!
بعد الجمال والاناقه والنزاكه والزين والاخلاق ياخد هكي ؟؟!!
وشافت لي رؤى من فوق لعند لوطه
رؤى:بصوت واطي....ياعيني بدي عندي زوز ناجيه هنايا
ناجيه:منيييره
منيره:تشوف لي رؤى....اها
ناجيه:تعالي وراي خلي نشوف شنو موضوعك
منيره:شافت لي رؤى بنضره اخيره ولحقت ناجيه برا الصاله
رؤى:رجعت قعمزت....هاذي مني !!؟
امينه:هاذي اخت رعد من بوه ..شن جابها بسسس
رؤى:بو رعد متزوج على ناجيه
وانا نقول علاش مشفتاش الا مرتين بس هنايا
اسراء:هاذي ياحنه كل يوم راجلها مرقدها بي طريحه وشكلها والعلم لله انها جايه حرجانه
رؤى:وين امها ؟؟
اسراء:امها مصريه متعدلش على صغارها بكل ولا تبيهم معاها بحجة انه الشقه متعهم صغيره
رؤى:العز هاذا كله ويسكنها في شقه؟!
امينه:ضحكت بسخريه....عز؟؟؟؟
سلم يلي حاكمه في العز ياحبيبتي اقسم بالله عمتي كان تقوله سكنها في براكه يسكنها
رؤى:سكتت بعد مافهمت حاجتين
الاولى هاذي منو تكون
والثانيه انها رح تكون عدوتها في الحوش هاذا
الشي هاذا واضح من اول دقيقه تلاقو فيها
امينه:وين سارحه؟؟متعدليش عليها كملي ماكلتك
اسراء:اي متكبريلهاش راس راهو وحده حشيشتها الفتنه والدوا الزايده تباعدي عليها بس
رؤى:ان شاء الله 
___________________________________
صدام:نزل من سيارته وابتسامة النصر على وجها
وقف قدام الروشن وهوا يقول....اطلعي من السياره هي
وربي كل ماتصلحيها الما نعجنهالك زي توا هكي كان مخليتكش تكرهي السواقه معش نتسمى انا
سكت وهوا يراجي فيها تفتح الباب وتنزل تفصل عليه قدام الناس بس مصار شي !
فتح الباب وشافها مرميه على كرسي الثانيه والدم في كل مكان !
ابتسم والخوف معبي وجها وملامح التوتر والرعب بانت عليه!!
هي انتي
هييييي مكلم فيك يامتع الشيكات
نوضي بلا جو عار
سكت شويه يراجي فيها تتكلم بس مدارت شي وهيا قاعده مرميه بنفس الوضعيه هكي
حط يده عليها وهوا يهز فيها ....نوووضي
اقسم بالله تطلعي تكدبي نفرغ فيك ونلوحك للكلاب
نكلم فيك
تجمعو الناس على الحادث وهنايا تأكد صدام ان جنان تصاوبت 
الخبطه مكانتش خفيفه زي ماكان متخيل ويبيها !!
رِوَايـــــــــات بـــَـنـُـــووتِـــة الشـِــيـــْـخأروى الــــطـــاهــــر المــســلاتــــيماريا:محست بشي غير ولا فهمت شي غير انها فجآه لقت تفسها واقفه في المخزن وارسولان يشوفلها مش فاهم جيتها ع الصبح بي منضر البجامه يلي كانت فيه !!
ماريا:متاخدهاش
ارسولان:حط الفوطه يلي كانت ع كتفه ع الكرسي ...شن هيا يلي مناخدهاش؟!
وخيرك طالعه هكي انتي !!
ماريا:فاقت ع نفسها .....في لحضه فكرت هيا شنو ادير هنايا؟؟؟
.....في لحضه فكرت هيا شنو ادير هنايا؟؟؟هيا مني اصلا عشان تمنعه يخطب ؟!
هيا كيف واقفه قدامه بي لبس زي هاذا وكيف قادره تقيم عيونها فيه بعد كل يلي صار مبارح
ارسولان:مستمر يشوفلها بنضرات استغراب وزاد سألها....نكلم فيك انا
ماريا:شافتله بنضره اخيره وهربت تجررري
هلباااا كلام كان في قلبها تبي تقرله بس مقدرتش
مقدرتش لانها ولا شي بنسبه ليه
ارسولان:حكي بصوت واطي وهوا يرجع في الفوطه ع كتفه.....مراهقه غبيه
وكمل تصليح السياره بدون اي ردة فعل تانيه...
________________________________________
حسام:فتح عيونه ببطئ يحاول يفهم هوا وين ؟!
الدار كلها حايسه مفيش شي مرتب لف راسه ع اليمين شافها راقده جنبه وكتفها عريان! ناض مخلوع مسك تالفونه يشوف الساعه لقاها 12ونص الضهر
نزل من السرير وهوا يسب ويلعن لان خداه النوم من اول ما روح من النادي معش روح للحوش
ناضت تتكسل بعد ما حست بيه يخبط جنبها
فيروز:خيرك معصب ع الصبح!
حسام:يلبس في حوايجه ......الززززح كيف تخليني نرقد هكي انتي عارفه ممنوع عليا نبات برا الحوش ولا ومنبهك
فيروز:شفتك غارق في النوم محبيتش انوضك خيرك تعيط علياا
حسام:يسكر في السبته .....كل شي في الغرفه يخصك خوديه
متخلي شي يتعلق بيك في الفندق فاهمه
فيروز:تنهدت بملل....افففف باهي فهمت حافضتها الدسكه هيا انا
حسام؛يلبس في ساعته...منو بيروح بيك!؟
فيروز:سيارتي لوطه خليتها
حسام:قرب منها عطاها بوسه بين عيونها ...كلميني لما توصلي
فيروز:ابتسمت....تمام
حسام:خدي مفاتيحه وطلع وهوا مستعجل
اما فيروز رجعت لي السرير وكملت نومها
____________________________________
عياط وعراكات وصوت عالي جنبها
بوها يلوم في امها وامها تلوم في بوها والاثنين يحملو في بعض المسؤليه ومش مهتمين بيها لو كانت حيه او ميته المهم يطلع حد منهم مش غالط
فتحت عيونها اخيرا
جمعه:اهو فااقت خليها تقولك الحق وانها طلعت من الحوش بدون منعلم ع الصبح
صفاء:الحمد الله ع السلامه ....فهميني كيف تطلعي هكي
لو بوك الله غالب عليه مش متع مسؤليه متكونيش انتي مستهتره هكي
الجري يلي في سواقتك قريب جاب اخر عمرك الناس شنو بنحكي علينا هااا؟؟
مخليين بنتهم في الشارع ! لا وزياده جايبها لي مصحه تبع الجرحه متع الحرب مفيهاش اي اتيكيت ولا نضااااام عديم مسؤليه
جمعه:يعني انا يلي بدون مسؤليه ؟
خليها امالا بنتك تقعد عندك مدام انا مش قد المسؤليه معش تروحلي ويلي جابها هنايا بارك الله فيه حتى سعفها ....وطلع وهوا معصب
لحقاته امها وهيا تلعلع بصوت عالي
صفاء:تبيها تعيش مع راجلي؟؟؟
ترضى انت بنتك تعيش مع واحد غريب؟
نكلم فيك تعااالا....وتبعاته تجري في الممر
جنان:سكرت عيونها من جديد وهيا متقرفه من نفس المواقف
بوها يحدف فيها ع امها وامها نفس الشي
وهيا حايره مش عارفه وين تمشي ووين تستقر
وابدا متعرفش شنو يعني كلمة عيله
ولا كانت فاهمه الحادث كيف صار؟وبسبب مني صار!
__________________________________
رؤى:تفضلي
منيره:خذت فنجان القهوا وهيا مركزه ع رؤى كويس ....صحيتي ياحنه تعبناك وانتي حامل
رؤى:ابتسمتلها ابتسامه صفراء وكملت تفريق
امينه:مدت مثرد الحلاوات ....تفضلي
منيره:زايد فضلك يناري على خوي محمود خيره وجهك هكي يامرا معبي كلف
امينه:بصوت واطي....الصبر ياربي
وحطت السفره ع الطاوله وطلعت متنرفزه
رؤى:خدت فنجانها وقعمزت جنب اسراء حاطه رجل ع رجل وتشرب
منيره:شافت لي رؤى وگ العاده تحاول اطلع فيها عله ....وانتي خيرك هكي ضعيفه بتموتي هااا؟
مسكين خوي كان متعود على الكمال والكمال لي ربي
رؤى:رجعت شعرها للخلف وهيا مبتسمه....ضعيفه وميت فيا كان نسمن شويه شن تبيه يدير
هوا هكي وحملت من اول شهر زواج بسلامته منبيشي يزيد يهبل فيا اكتر من هكي
منيره:عيونها قريب يطلعو من الصدمه !!
شافت لي ناجيه....الفااااانص سمعتيها؟؟
شنو قلة الادب يلي تتكلم بيها هاذي ؟!
رؤى:شربت فنجان القهوا بي استفزاز....حلالي
وين قلة الادب في الموضوع !!
قاطع استفزاز وثقة رؤى وصدمة منيره وناجيه صوت رعد يلي جاي وملامحه متوتره
رعد:السلام عليكم
منيره:ناضت تجري حضناته...ووع علياا وخي خيرهم عليك مزوجينك هكي
كان قلتلي بس انك خلاص نسيت الغاليه الله يرحمها وتبي تتزوج راهو خديتلك احسن بنت في المنطقه كلها
رؤى:وقفت....هوا يلي اختارني
مش صح رعد؟
رعد:ابتسم....اكيد
شافت لي اخته.....وانتي كيف جيتي هنايا وخطرنا عليك هكي فجآه
منيره:شافت لي رؤى بسم.....لا ياحنا خلاص قررت وعزمت اموري على الطلاق قاعدتلكم هنايا معش تستاحشوني
رعد:شاف لي امه وواضح ملامح وجها انه مش راضي ....الحوش حوش بوك اكيد
رؤى الحقيني فوق نبيك
رؤى:جايه هي ...وطلعت
...وطلعت _______________________________________
هبه:صباح الخير
ليلى:اهلا صباح النور
جميله:قلبت عيونها....توا قايله صباح البايرات بس
هبه:خدت نفس وهيا في خاطرها تقول ربي يشفي....عمتي وين ماريا؟
هبه:فوق والله مريتها من امس
رقيه:مبتسمه بي حب لي هبه....صباح الخير هبه
....صباح الخير هبه هبه:بادلتها الابتسامه....اهلا حبيبتي صباح الورد
ماريا في غرفتها!
رقيه:اي فوق
هبه:شافت لي ليلى وجميله.....نستأذنكم انا
جميله:تشوفلها بعدم رضا
ليلى:تقضلي حبيبتي
هبه:ركبت تجري
جميله :انا البنت هيا مش خاشتلي دماغ
ليلى:تنقي في العدس ومش طايقه سلفتها ابدااا...البنت مش شايفه منها شي علاش الكفر يلي اديري فيه!
جميله:سكتت وكملت تنقي في الخضره كويس
هبه:فتحت الباب وهيا خايفه....ماريا !
ماريا:مقعمزه ع الارض وساكته واضح عليها الصدمه
هبه:سكرت الباب وقربت....خيرررك شن صار
جيت بسرعه مقدرتش نصبر بعد ما اتصلتي بيا شن في؟
ماريا:خطب وبيدير فضانيه ياهبه
هبه:فضانيه؟؟!....ع منو تحكي !
ماريا:ارسولان
هبه:عضت فمها وهيا ساكته مش عارفه شنو يلي تقوله
ماريا:تكت راسها ع حاشية السرير....انا غبيه صح!
علقت قلبي في هلبا ناس غلط حسام وتوا ارسولان
هبه:بلعت ريقها....مرات مفيش منه الموضوع وهوا ميعلمش
ماريا:كيف ميعلمش؟
هبه:يعني نفس المره يلي فاتت لما جت امه تخطب وهوا معنداش علم مرات امه مدايرتها من جديد
ماريا:بدت على وجها علامات الاقتناع ....به شن يلي نديره
هبه:من رائي انك تكلميه ماريا
هدزي معاه مثلا ديريها بجو واسأليه رسمي فضانيتك قريب ....وهكي
ماريا:لو طلع صح!!
هبه:مليكش الا جنان في المواضيع هيا
ماريا:سكتت وهيا تفكر
هبه:انا لازم نروح وعدت ماما منعطلش
ديري بالك
ماريا:تمام
طلعت هبه ونفس الموقف صار من جديد
ماريا كانت فيه الآف الكلام في قلبها تبي تحكيه لي هبه وتشكرها بس غرورها منعها للمره الالف
هبه:سكرت باب الغرف ويدها قاعده على مقبض الباب سكرت عيونها وتنهدت براحه
حسام:كأن جياتك كثرو عندنا!
هبه:فزعها صوت حسام فجآه
تلفتت ....علاش مضايقك الشي هاذا!؟
حسام:قرب.....شويتين هكي لو تسأليني علاش
ينقولك لان نقدر نشوف لكن منلمسش
هبه:بي غباء....تلمس؟؟
شنو بتلمس؟
امير:حسب رايك شنو يلي يبي يلمسه؟؟!
هبه:حطت يدها ع راسها بتعب من تصرفاتهم ونزلت وخلتهم الاثنين واقفين ....لان بيساطه كانت عارفه يلي بيصير بينهم
امير:يشوفله بنضرات طوويله ومحكاش كلمه
اما حسام شاف لي امير من فوق لعند لوطه بي استفزاز وكمل طريقه لي داره وهوا عارف كويس امير شنو يحس اتجاه هبه!
_____________________________________
رعد:وقف في غرفة نومه وهوا ملهوف
رؤى:حبيبي؟
رعد:تعالي هنايا
رؤى:خشت لي الدار وتشوفله
رعد:شفت المسج متعك جيت بسرعه علاش طلبتي مني نروح شن صاير ؟
شاف لي بطنها ...حاسه بشي!؟
رؤى:اي
رعد:بخوف ...شني
رؤى:قربت منه ولفت يديها على رقبته ....الناس تتوحم ع حاجات تانيه يبدا خاطرها فيها
وانا فجآه هكي استاحشتك
وجي خاطري نشوفك 
رعد:تنهد براحه.....الززززفت خلعتيني يارؤى حرام عليك يلي اديري فيه
رؤى:قربت على عيونه.....طلبات البيبي هاذي ره مش طلباااتي للعلم
رعد:استسلم قدام عيونها وضحك
حضنها وهوا يتمايل بيها يمين يسار كأنهم يرقصو سلو
بس نضرات رؤى خلفه كانت حاده
فهمت كويس انها رح تناسب وتعاشر ناس لازم متكونش معاهم طيبه وساكته طول الوقت زي ماربتها امها
لازم تفهم كويس وادير كل شي تقدر عليه عشان تحافظ على رعد كويس
_____________________________________
جنان:حست بيد حنينه ع راسها تمسح عليها بهدوء
بعدين بوسه انطبعت بين عيونها
حد مسك يدها بقوه كأنها تقول متخافيش انا معاك مش بروحك
فتحت جنان عيونها وهيا مبتسمه تنادي ...امي؟
بس زالت الابتسامه لما لقتها موده
موده:الحمد الله ع السلامه
جنان:حاولت تمسك نفسها كويس...الله يسلمك
موده:اتصلت ع رقمك ورد عليا بوك قالي على الحادث جيت بسرعه
حتى بابا يراجي فيا لوطه
جنان:ابتسمت...
موده:شن حاسه؟
جنان:حاسه اني لو نشد يلي خبطني الحمار بنقتله
موده:يده مش جبس صح؟!
جنان:قعمزت تحرك في يدها....لامش جبس
لافينها قال مش عارف تمزق او حاجه زي هكي
موده:وين بوك؟
او امك او اي حد حتى في الممر فاضي
جنان:كيف طلعو قبل ما تجي تشحطو معاي من الصبح قلت لي امي تمشي ترتاح
موده:شافت لي تالفونها وكان بوها يشريين
انا لازم ننزل بابا جابني بسيف لان عنده خدمه
بكرا نجيك من الصبح
جنان:بملامح بارده ....متعبيش روحك
موده:سكري فمك وارقدي وانتي حتى الحادث مش مفلق فيك
اه بي المناسبه جبتلك ورد زي المسلسلات 
جنان:شافت جنبها لقت باقه صغيرونه
ابتسمت....كتر خيرك والله
موده:باستها....هي بسلامه
جنان:مسحت البوسه....الف مره نقولك معش تقربي عليا
موده:طلعت وهيا تضحك على تصرفات جنان يلي مستحيل تتغير ابدااا
اما جنان كانت فاهمه كويس ان بوها وامها من الصبح معش رجعولها
لان امها عابيه على بوها
وبوها عابي على امها ....والشي هاذا صار من اول ما نخلقت ونفصلو الاثنين وكل واحد تزوج وشاف حياته
جنان كل طلباتها مجابه
فلوس سفر حوايج سيارات انحلال قلة اهتمام
حتى لو باتت برا مفيش حد يعلم بيها متغطيه واكله؟شاربه!!؟
ولايعلمو بيها
كأنه يقدمولها في فلوس عشان تحل محل الحب والاهتمام متع العيله!
والشي هاذا غلط
______________________________________
حسام:خش لي داره خدي حمام دافي
طلع لي غرفته مروق
لبس حوايجه وخدي كوب قهوا وقعمز فتح اللاب توب يخدم
قعد مقعمز ع اللاب توب لمدة نصف ساعه تقريبا بعدين اذكر وناض لي شنطه
فتحها وقلبها فوقي لوطي دور زي المجنون
الاوراق ووووووين؟؟!
فيروز:اها بيب
حسام:لما نزلت لغرفة الفندق امس ريتيني منزل شنطه رياضيه معاي !!؟
فيروز:لا خشيت لوحت تالفونك ومفاتيح وعلقت عليا طول هههههه
حسام:سكر في وجها ولوح تالفونه ع طول يده بقوه
واستمر يفتش وقلبه بيطلع منه
مش بعيد على غرفته تحديدا في غرفة ماريا
كانت ماريا ترتب في دارها من الحوسه يلي صارت امس !
لين وصلت في اوراق حسام يلي قالب عليهم الدنيا في الغرفه يلي جنبها
فكرت شنو ممكن ادير بيهم وهيا مفهمت شي منهم
كلها ارقام وكلام غريب مفهمت منه شي ؟
قربت ع الكناسه بتحط الاوراق بس في اخر لحضه تراجعت وضمتهم في دولابها لانها حطت في بالها ممكن ترجعهم بدون ما يحس !
رِوَايـــــــــات بـــَـنـُـــووتِـــة الشـِــيـــْـخأروى الــــطـــاهــــر المــســلاتــــيالساعه 10ونص في الليل:-
هدوء!
صوت اجهزة المعدات جنبها !!
والغرفه ضلااااام
حاولت تنزل من السرير بس كان جسمها واجعها
رجعت قعمزت وسكت الكتاب يلي كان جنبها نحاول تقراها وتفوت وقت لين يجيها نوم بس مقدرتش
طق طق طق
جنان:تساألت داخلها معقوله حد فيهم تنازل يجيني ؟!
طق طق طق
جنان:تفضل
صدام:فتح الباب وخش ونضراته كلها متوتره
جنان:انت؟؟؟
شن ادير هنايا ؟
اقسم بالله تحاول تقرب مني نقلب عليك الدنيا ونلم عليك الناس
صدام:والله؟
انتي هادا فاش فالحه العار بس
هاذا شعارك في الدنيا دير العار وروح لي الدار
جنان:شن تتتنبي
صدام:نزل عيونه بتوتر....جيت بنشوفك شني وصعك ميته ولا صار شي
جنان:تشوفله بنضرات قرف.......وعلاش!!
لهدرجه فرحت بي الهديه وتبي تردلي الجميل؟
صدام:لا ولله باش كان لقيتك ميته نصيم 60يوم رغم ان قتلك مفروض نخش بيه لي الجنه لانك زي البوبريص
جنان:توسعو عيونها من الصدمه...انت يلي خشيت فيا!!!!
صدام:حااادث يعني عادي
جيت بنبصر عليك وانتي متتحمليش البصاره طلعتي
جنان:حقيرررررر ياعيل
ياعييييييل
صدام:واضح ان حالك كويس زي الجن خلي نطلع انا قبل ما تزيدي تستفزيني اكتر ونقتلك بيديا
طلع صدام
واول ما سكر الباب لوحت جنان ع الباب مزهريه صغيره تكسرت وتبعثرت في كل مكان
_____________________________________
كل العيله متجمعه على سفرة الغدي
امينه اسراء وصغارهم ورؤى ورعد وخوته الاثنين عبد الرحيم ومحمود
ووسطهم ناجيه ومنيره
وسط الماكله والضحك والهدرزه واول ما ناضت منيره ناجيه تكلمت بصوت واضح
منيره بتقعد هنايا لين راجلها يدبرلها في حوش بروحه
من توا منبيش مشاكل ولا حركات صغار
شافت لي رعد وخوته....وانتم ريحوني من المشاكل وتحملوها
عبد الرحيم:امها اولا بيها
ناجيه:الشي هاذا ميخصكش ....كلمتي انا يلي تمشي وبس
رؤى:كانت تراقب في صمت وساكته
______________________________________
هبه:كملت عشاها وخشت غرفتها
قعدت مقعمزه تفكر في الف حاجه !
كيف بتمشي لي جنان المشفى ؟؟وحتى التالفون لو اتصلت بيها مش عند جنان !
حست بي باب البلاكونا الارضيه يتحرك
ناضت بتسكره وقبل ما تعيط سكرلها فمها
امير:اشششش اهدي
هبه:شافاته بوضوح ....خش لعند نص غرفتها
امير:بعد يده من عليها شوي شوي عشان يتأكد انها متفضحاش
هبه:مشت تجري سكرت الباب بي المفتاح وتلفتت....انت شن جابك هنايا في وقت زي هاذا !!
امير:فاتحتيله الطريق لي الدوا؟!
هبه:نعم؟
امير:يقرب منها....فاتحتيله الطريق لدرجة يدوي في كلام زي هاذا الصبح
هبه:ضربت راسها بيدها.....انت شن تبي ؟؟
نفتحله نسكرله انت شن دخلك
امير:متستفزينيش يا هبه
هبه:فصلت.....استفزاز شنوووو شن دخلك بيا شن يلي تبيه نبي نعرف بسسس تأمر فيا صبح وليل
مره متوافقيش ع ارسولان مره تركبي مع حسام نقصلك رجليك!!
امير:يشوفلها وساكت
رغم انه هوا يلي جاها بس كانت شبحاته كلها غرووور...صاحبت اختي وانا حريص منو يلي يخالطوها
ارسولان لا لانه جيران منبيش تصير خطبه وتمشيله ويجيك وتكثر عليكم الدوا في النهايه انتم الزوز في مزرعتنا عايشين
وحسام نفس القصه حركات المراهقين هاذي لاااا
هبه:للحضه خاب املها !
كأنها تراجي في اجابه امير اصر ميقولهاش!!
هبه:شافتله بتحدي.....وانا في حد عاجبني بينهم لا انت ولا غيرك مسؤل عليا
امير:عاااجبك؟!
هبه:اي
امير:شفلها بنضره طويله....انتي جربي
هبه:مش م......
احلام:هبه؟؟؟مع منو تحكي!!
هبه:انطلقت بسرعه ادف في امير برا الدار وهوا يتحرك ببطئ وبرود تام لين طلعاته
وقعمزت ع السرير داهشه
________________________________________
في ناس تملك حاجات لكن مش محتاجتهم!!
جنان تملك الفلوس لكن محتاجه عيله!
ماريا تملك كل شي جمال عيله فلوس لكن محتاجه راجل زي ارسولان
وارسولان مكانش عاطيها وجه!!
حسام يملك التخطيط والخبث
لكن كان محتاج لي شوية حظ يستر عليه فضايحه
هبه تملك قلب طيب وحب المساعده
لكن كانت محتاجه شوية قوة شخصيه لا اكتر
رِوَايـــــــــات بـــَـنـُـــووتِـــة الشـِــيـــْـخأروى الــــطـــاهــــر المــســلاتــــيفاتو 3ايام :-
الخميس والجمعه والسبت
والايام هاذي قضتهم رؤى في حوش بوها مع امها وبنتها وارسولان
ال3ايام هاذي كانت جنان حاسه ان هيا بروحها
مكانتش تعرف ان في شخص معاها طول الليل كأنه حارس عليها ويطمن من بعيد لبعيد
ماريا:طالعه للمزرعه وكانت متجها لي حوش هبه عشان تخبرها انها لقت طريقه تمشي بيها لي جنان يلي روحت من المشفى ومقدروش يكلموها ولا يمشولها بسبب امير!
تلاقت مع ارسولان
جت عينها في عينه وارسولان بدي بي التحيه ...اهلين
ماريا:وقفت...اهلين بيك الله يعاونك شنى ادير!
ارسولان:وقف يمسح في راسه....الله يسلمك
شي كيف بنطلع للخدمه
ماريا:ابتسمت بتوتر....سمعت ان فضانيتك قريب !
ارسولان:اي الفال ليك
ماريا:نصدمت !
كانت متوقعه او اطمن في نفسها بي شي تاني لكن نصدمت وقريب نهارت قدامه
ربي يتمملك
ارسولان:هز راسه وركب سيارته وطلع
ماريا:لفت ورجعت للحوش بدون كلام!
على بعد خطوات هبه لمحت امير واقف على رزان ويحكو
شنو نوع الحديث مفهمتش بس رزان كانت واقفه بطريقه غلط ومشبوها وقفت تشوف بس منعت نفسها وكملت طريقها
____________________________________
امينه:بسم الله شنو نازل عليك انتي تبخري اليوم
منيره:بي خبث.....جايينا ضيوف
اسراء:مني !
منيره:ناريمان اخت نجمه الغاليه الله يرحمها
رؤى:كملت تقشر في البازيلاء وتحاول تضبط اعصابها
منيره:من صمصوم قلبي كنت نبيها لي رعد اقسم بالله
رؤى؛كانت فاهمه كويس قصد منيره
اختارت رؤى تنسحب بهدوء لي دارها بدون اي كلمه
___________________________________
موده:وهاااذي القصه
امير حلف معادش يجو شورك ولا يكلموك
جنان:التافه هاذا
موده:الدوااااا ....هاك خودي
جنان:معنديش نيه خليني
موده:انتي خيره جوك هكي متفركس !؟
جنان:سيارتي ضاعت
غضوا بنطلع ناخد وحده منتحملش نقعد بدون سياره
وفي واحد في بالي نبي نقتله ونريح راسي
موده:وقفت ترتب في نفسها ع المرايا ...وووه وانتي كلامك كله قتل
عندك علم ان المدرسه معش مزال عليها الا اسبوع بس؟
جنان:ساكته وتفكر
طق طق طق
موده:قربت على باب الغرفه فتحاته عشان تشوف انسان واقف قدامها
شافتله من فوق لعند لوطه وفمها مفتوح وعيونها بيطلعو
جهاد:جنان داخل؟
موده:هااا؟؟
؟؟جهاد:جنان جنان اختي داخل؟!
___________________________________
ماريا كانت بتمشي لي هبه وصدمها ارسولان برده
رجعت لي حوشها من الصدمه بدون ما تتكلم حرف !
هبه كانت حتى هيا ماشيه لي ماريا ومن الصدمه لما شافت امير ورزان رجعت للحوش 
الاثنين كانو عايشين نفس الاحساس ممكن تكون علاقاتهم مختلفه شويه !
لكن نفس الاحساس
كانت الامور تمام لين طلع صوت من حوش احسان
وحتى المره هاذي موته
________________________________________
صدام؛الضمير يا اخي الضمير نسحابه مات في الحرب الزح
ارسولان :ينضف في السلاح ....علاش ضاربها من الاول كان عندك ضمير
صدام:كان في غليل ونبي نشفيه الزح
ارسولان:مش لما .....
عفوا ؟انت ارسولان؟
ارسولان:تفضل
خليل:ممكن لحضه على انفراد؟
صدام:بصوت واطي ...انفراد؟
شنو جو البودريين هوا !!
ارسولان:تفضل كيف نقدر نساعدك؟
صدام:سيبهم وطلع
خليل:انت تسكن في مزرعة احسان سعيد صح؟
ارسولان:اي ان شاء الله
خليل:كنت نبي نسألك على موضوع خطوبه ونبي نسألك ع البنيه بحكم انك تسكن غادي وتعرفهم
ارسولان:خطوبه؟؟
مني فيهم؟
خليل:اخت امير ....حسب علمي عنده اخت وحده يلي تقرا في الثانوي
ارسولان:سكت
خليل:كويسه البنت ؟؟لان خوك ناوي الحلال طول وكلهم قالولي اسأل الناس يلي ساكنين معاهم يعرفو
ارسولان:سكت فتره طويله بعدين جاوب ....مش مزبوطه البنت فوتها.....يتبع
