رواية انا وحماتي كاملة بقلم نغم فتحي
بقلم #نغم_فتحي
حكايتي ابتدت وقت ما ركبت سماعه في ودني اصل سمعي تقل بحكم السن
اخترتها اصغر حاجه علشان ماتبنش اصل من ساعه مابقتش اسمع كويس وانا حاسه ان مرات ابني ساقت فيها ...
ماشي ياسماح لما اشوف اخرتها ايه معاكي
خلاص فكرتي إن راحت عليا تتكلمي براحتك ،وبتزعقي وبتتنرفزي علي ابني علشان يطلع فوق معاكي ويسبني.
_انا طلعالك ...
_افتح ياحسين انا تيتا..........
هوا انت كنت نايم ؟!..طاب بتفتح ليه يابني كده وانتي قائم من النوم
_ازيك ياتيتا
_ماما فين
_جوا
_طب ادخل نام انت ياحبيبي
'دخلت أتلفت واقول لنفسي
_ هيا فين ياخواتي تلاقيها نايمه ولا سأله في الولد دا لو حرامي دخل ولا هتحس
'سمعت صوت جي من الأوضه بتاعتها
_ياحلاوة انت كمان هنا ياعز وقافلين الباب عليكوا وبتتكلموا ولا في الدنيا....
'ولسه هخبط عليهم سمعتها بتتكلم وتقول
_والله ياعز بخبي حبي ليك ولهفتي عليك علشان اتجنب زعلها ،قولت لنفسي خلاص ياسماح ما جاش علي حبة الوقت اللي بنقضيه معاها ،المفروض أنها تفرح وتطمن لما تشوف حبي ليك مش تتنرفز وتعمل اي حاجه علشان تقومك من جنبي وتكسر فرحتي بوجودك وضحك معايا.
'اتصدمت من اللي بسمعه وقولت لنفسي
_يااه ياسماح بتقوي ابني عليا وبتشحنيه وتمليه من أمه ،عامله فيها بنت اصول،ومكسوره ومغلوبه علي امرك، افتح الباب عليكي دلوقت واقولك ايوه انا المفتريه الظالمه
ماهوا من اللي انتي بتعمليه دلوقت وتقوليه لابني.
'مسكت نفسي بالعافيه وكلامها تاني شدني وهي بتقول
_رغم وجعي وضيقتي منها بس لازم حتي أعزها دا هيا اللي جبتك ليا بعد ربنا علشان
تبقي من نصيبي وتبقي جوزي وسندي وراحتي وضحكتي
المفروض لما تشوف ضحكتي معاك
تفرح أن ابنها راجل قادر يسعد مراته
تفرح أن مراته سعيده ومبسوطه معاه وأنه راجل مسؤول ومتحمل المسئولية.
انا مااخدتكش منها هيا ربت وكبرت ليه علشان ماتجوزكش ولا علشان تفرح لفرحك وترتاح لراحتك
انا بعملها حاجات حلوه كتير عمرها ما فرحتي بكلمه ولا بدعوه ،انا عشت معاها يا عز اكتر ماعشت ما ابويا وامي
انا بتمني ضحكتها وطبطبت ايديها عليا
انا اتمنيت حضنها في وقت موت امي وقلبها يلين ويحن عليا
انا نفسي اشوف زعلها وقت تعبي
نفسي اسمع منها دعوه واحده حلوه تشيل هم وجرح وزعل سنين مرت عليا منها ومعاها.
' انا اتصدمت من الكلام وكل اللي همني ازاي بتتكلم مع ابني عليا
ولسه هفتح عليهم باب اوضتهم لقيت اللي غير كل حياتي
لثاني من هنا
