recent
روايات مكتبة حواء

رواية اذا كان له قلب كاملة بقلم سمسم

رواية اذا كان له قلب كاملة بقلم سمسم



 (إذا كان له قلب))

فى شقة صغيرة
صبا........نهى نهى تعالى الاكل جاهز
نهى.......ثوانى جاية
صبا.....انتى بتعملى ايه
نهى.....انتى عارفة انى مسافرة بعد بكرة
صبا.....انتى برضو هتسافرى برلين
نهى.....اه طبعا انا عندى تغطية صحفية لمهرجان السينما هناك دا الواحد هيطلع بشوية فضايح تكفى 10 جرايد
صبا......هتوحشينى والله يا نهى
نهى......وانتى كمان يا صبا
كانت صبا ونهى صديقتين منذ زمن بعيد يستأجرون شقة صغيرة يعيشون بها فهم ليس لديهم احد كانت صبا تعمل مدرسة بأحد دور رعاية الأطفال ونهى تعمل صحفية باحدى الجرائد المشهورة وهما لهم من العمر 22 سنة
صبا.....بس اختاروكى ازاى علشان تسافرى
نهى.....دا شغلى انا بقى
صبا.....يعنى ايه مش فاهمة
نهى.....يعنى رئيس القسم اختارنى فى الفريق اللى هيسافر ودى فرصة
صبا.....ربنا يوفقك بس خدى بالك من نفسك
نهى.....والنبى انصحى نفسك الأول دا انتى يابنتى عايشة فى الدنيا دى أبيض يا ورد
صبا.....يعنى لازم ابقى خبيثة علشان اعيش
نهى.....الدنيا يا صبا مش عايزة الغلبان عايزة اللى يعرف يأخد منها اللى هو عاوزو
صبا...... سيبك من الكلام ده دلوقتى وتعالى ناكل
.......................
فى دار الامل لرعاية الطفل
عمرو.....لسه مفكرتيش فى الموضوع يا انسة صبا
صبا......موضوع ايه
عمرو.....موضوع الجواز ان انا وانتى نتجوز
صبا........استاذ عمرو قولتلك مش هينفع
عمرو.....ليه يعنى
صبا.....انت حضرتك متجوز
عمرو.....وفيها ايه الشرع ميمنعش
صبا..... وانت عندك استعداد تقول لمراتك انك هتتجوز عليها
عمرو.....ومين قالك انى هقولها
صبا......كمان عايز تتجوزنى فى السر
عمرو......دا حل مؤقت
صبا.....لا مؤقت ولا دايم انا مش موافقة
عمرو.....لو كده شوفيلك شغل فى حتة تانية
صبا.....حضرتك بتساوم على شغلى هنا قصاد انى اتجوزك
عمرو.....برافو عليكى انتى فهمتى اهو
صبا.....مش انا اللى اجى بالطريقة دى والشغل عندك اشبع بيه
.............................
فى الشقة
نهى......هتعملى ايه دلوقتى بعد ما سيبتى الشغل
صبا.....هدور على شغل فى حتة تانية امتى بقى اترحم من كده واقدر افتح حضانة وتبقى خاصة بيا واترحم من رزالة الناس
نهى.......ان شاء الله ربنا هيوفقك
صبا.....يارب يا نهى اصلى اتخنقت من الدنيا دى
اثناء حديثهم سمعوا صوت جرس الباب فتح نهى الباب
صبا.....فى ايه
نهى .......دا جواب علشانى
صبا.......من مين
نهى....من جدى
صبا باستغراب .......جدك مين
نهى.....جدى ابو أمى
صبا......وانتى عرفتى توصليله ازاى
نهى.....هو اللى كان بيدور عليا
صبا.....عايز ايه
نهى.....عايزنى اروح اعيش معاه ويكفر عن ذنبه فى حق امى
صبا.....ازاى يعنى
نهى....انتى عارفة ان ماما كانت من عيلة غنية وبابا كان فقير وجدى رفضه وماما وبابا هربوا واتجوزوا وجدى حرمها من الميراث فلم جدى عرف ان بابا وماما ماتوا وان له حفيدة دور عليا عرف انا فين كنا بنتكلم عن طريق الجوابات لحد ما عرض عليا اروح اعيش معاه
صبا..... كويس روحى عيشى معاه
نهى.....لاء طبعا انا كده عايشة براحتى ومش عايزة حد يتحكم فى تصرفاتى ثم انتى ناسية انى مسافرة برلين بكرة وكمان هو ميعرفش انا بشتغل ايه وجدى على حسب ما سمعت من ماما الله يرحمها راجل محافظ جدا على التقاليد ومش هيرضى ان حفيدته تسافر لوحدها او انى اشتغل
صبا......وهتعملى ايه فى الموضوع ده
نهى.....مش عارفة اعمل ايه
طرأت فكرة فى رأس نهى
نهى......انا عرفت هعمل ايه
صبا.....هتعملى ايه
نهى.....الحل فى ايدك انتى
صبا.....اللى هو ازاى
نهى.....تروحى لجدى بدالى
صبا.....انتى اتجننتى
نهى.....والله بتكلم جد
صبا.....لاء ده جنان
نهى.....صدقينى بس انتى هتروحى وتعملى نفسك انك انا وهتقعديلك كام يوم فى بيت جدى وهو باين عليه اصلا تعبان وممكن يموت قبل ما ارجع من السفر
صبا.....بس يا نهى بطلى هبل
نهى.....كنت فاكرة انك صاحبتى وبتحبينى
صبا.....احنا صحاب اه بس الجنان ده لاء
نهى.....علشان خاطرى يا صبا واوعدك لو وريثت من جدى ده هديكى فلوس تعملى الحضانة اللى انتى عيزاها
صبا.....ده اسمه انتحال شخصية
نهى.....دى خدمة لراجل عجوز على وش موت نفسه يشوف حفيدته قبل ما يموت
بعد الحاح نهى على صبا اضطرت صبا الى الموافقة بالرغم من ان عقلها حذرها من ان تفعل ذلك
صبا.....وهو جدك عايش فين
نهى.....فى اسكندرية
صبا.... اسكندرية
نهى.....ايوة واسمه رياض البكرى
........................
كانت جالسة فى القطار المتجه إلى الاسكندرية ودقات قلبها تتسارع مع صوت عجلات القطار فلماذا وافقت على كلام صديقتها فنهى سافرت أمس لعملها اما هى الان متجه الى منزل جد نهى بصفقتها حفيدته
صبا......انا ايه بس اللى خلانى اوافق استرها يارب
توقف القطار وكأن توقف بها الزمن فهى مقدمة على خطوة لا تعرف عواقبها فماذا سوف يحدث اذا اكتشف جد نهى حقيقتها وأنها ليست حفيدته الاصلية فهى فعلت ذلك ارضاء لصديقتها عندما علمت ان جدها مريض ويريد ان يراها قبل موته
نزلت من القطار وخرجت من محطة القطار ولكنها قبل ان تأخذ سيارة الأجرة فكرت فى شراء كوب من القهوة ليريح اعصابها فهى من عشاق القهوة دخلت الى احد الكافيهات واشترت كوب قهوة
اثناء خروجها من الكافية اصطتدم باحد المارة وانسكب الكوب الساخن على هذا الشخص
......... ااااه حرام عليكى مش تفتحى
صبا بأسف.....بجد انا اسفة جدا والله
.........هيفيد بايه اسفك دلوقتى انتى حرقتينى وبوظتيلى القميص
صبا........قولتلك مكنش قصدى
...........نفسى اعرف البلاوى دى بتطلعلى منين
صبا......بلاوى ما تحترم نفسك يا اخ انت اما انت قليل الادب والذوق كمان
.........مش اكتر منك يا بتاعة انتى
صبا.....طب يلا غور فى داهية كاتك الارف فى شكلك
........ صحيح انتى قليلة الادب
صبا......مش اكتر منك يا ابو لسان زى الزفت
.........والله لولا انك بنت كنت غيرتلك ملامح وشك
صبا......ما تعملها علشان تشوف اللى هيجرالك
......للاسف مش بمد ايدى على بنت
........يا سلام على ادبك
انصرف هذا الشخص من امامها بالرغم من انه كان يريد خنقها بيديه
.......................
ركبت سيارة الاجرة واعطت الساءق العنوان طوال الطريق تأنب ضميرها على فعلتها ولكن وقت الندم قد فات فأصبحت امام المنزل الان وفاقت على صوت الساءق
.........خلاص يا انسة وصلنا
صبا.......شكرا اتفضل الاجرة
.........شكرا يا أنسة
بعد انصراف الساءق وقفت امام المنزل تحمل فى يدها حقيبة ملابسها وحقيبة ظهر بها مستلزماتها الشخصية قامت برن جرس الباب
لاحظت ان فى الجنينة تجلس فتاتين احداهما فى سنها تقريبا والاخرى لديها من العمر تقريبا 6سنوات
شاهدتها الفتاة الكبرى فاقتربت منها لتسألها عما ماذا تريد
آسيا.......مين حضرتك
شعرت صبا بتوتر خانق من كذبها
صبا.....انا نهى وجدى مستنينى
أسيا......انتى تبقى بنت عمتو سميرة الله يرحمها
صبا.....ايوة انا
أسيا.....اه اتفضلى ادخلك عند جدى
صبا.....هو انتى مين
أسيا.....انا اسيا بنت خالك حسن ودى روفان بنت خالك مؤيد
صبا......هو باباكى هنا
أسيا بحزن.....بابا وماما متوفيين
صبا.....الله يرحمهم
أسيا.....اللهم امين روفان تعالى
روفان......مين دى يا اسيا
اسيا....دى نهى بنت عمتو سميرة
روفان.....مين عمتو سميرة دى
اسيا.....لاء انت عايزة شرح سنة بعدين بقى
تعالى اوصلك اوضة جدو
دخلت صبا الى غرفة يتوسطها سرير كبير ينام عليه رجل كبير ينظر اليها بحنان
اسيا......جدو نهى جت
رياض......تعالى يا حبيبتى
اقتربت صبا منه وهى تبتلع ريقها وتشعر بتعرق فى يديها من شدة توترها
رياض.....تعالى متخافيش انتى نهى
صبا......ااايوة
رياض......كويس انك وافقتى تيجى كفاية انى اتحرمت من امك 23 سنة انا قسيت عليها انا عارف بس انتى سامحينى
صبا......خلاص اللى فات فات ربنا يرحمهم جميعا
رياض.....انا ان شاء الله هعوضك عن كل حاجة انا فرحان اوى انك جيتى تعيشى هنا
روفان......جدو جدو
رياض.....ايه يا روح جدو
روفان.....تبقى مين دى
رياض.....دى تبقى بنت عمتك
روفان.....يعنى هتلعب معايا
اسيا.....وانا مش مكفياكى
روفان.....ما انتى خلاص قربتى تتجوزى انا عايزة حد يلعب معايا
صبا بحنان.....ماشى هنلعب سوا
رياض.....خديها يا اسيا وديها اوضتها علشان ترتاح
اسيا..... حاضر يا جدو
ذهبت صبا مع اسيا الى الغرفة التى ستقيم فيها مدة بقاءها فى هذا المنزل
اسيا.....اتفضلى اتمنى تعجبك
صبا.....شكرا
اسيا.... شكرا انك جيتى جدى كان عايز يشوفك وقلنا انه بعتلك علشان تيجى
صبا.....علشان كده جيت
اسيا.....نورتى البيت
صبا....شكرا بس هو مفيش حد عايش هنا غيركم
اسيا.... للاسف ايوة انا بابا وماما اتوفوا وروفان مامتها اتوفت وهى بتولدها
صبا......الله يرحمها
اسيا بحزن......ربنا يرحم الجميع اسيبك ترتاحى
خرجت اسيا من الغرفة وظلت صبا تفكر فى معاملتهم لها فهذه اول مرة تجد احد يعاملها بطريقة حسنة تمنت الا يحدث شىء والا تنكشف حقيقتها
نامت صبا واستيقظت عندما سمعت طرق على باب الغرفة
صبا......ادخل
اسيا.....كل ده نوم يلا العشا جاهز وكمان جدو اول مرة يخرج من الاوضة ومستنيكى تحت
صبا.....حاضر هخد شاور واجى وراكى
اسيا.....تمام متتأخريش
بعد ان اخذت حمامها وارتدت ملابسها خرجت من الغرفة فالبيت كبير ولا تعرف اين تجد غرفة السفرة
صبا.....البيت زى المتاهة ليه كده طب امشى منين
اثناء حديثها مع نفسها نظرت خلفها ووجدت الرجل الذى اصطتدم به قبل ان تأتى لهذا المنزل ينظر اليها ويضع يده فى جيوبه
صبا.......هو انت
.........ايوة انا
صبا......انت بتعمل ايه هنا دا انت رزل صحيح كل ده علشان قميصك باظ
.........اصل القميص غالى
صبا..... وانت جاى عايز حقه
..........هتقدرى تدفعى حقه
اثناء كلامهم لمحت صبا روفان واسيا
اسيا......ايه يا نهى اتأخرتى ليه
روفان.........بابى انت جيت امتى
مؤيد.........لسه جاى من شوية يا حبيبتى
صبا......بابى مين انت مين
مؤيد......انا ابقى خالك
صبا بصدمة.......ايه
مؤيد.......بقولك انا ابقى خالك
صبا......................

google-playkhamsatmostaqltradent