رواية من القاتل كاملة بقلم رنا سليمان
الجريمه الاولي (التحقيقات)
كانت عماله تزعق والعساكر مش راضيه تدخلها
_سيبوها يا جميل
سبوها ودخلت تجري علي الجثه وقعدت جمبها على الارض واتكلمت بعياط
"كامل حبيبي
ايه ال حصالك يا حبيبي مين ال عمل فيك كده
كده يا حبيبي تسيبني لوحدي وتمشي قوم يا كامل يا حبيبي انا مليش غيرك في الدنيا
كانت بتتكلم بعياط جامد وكانت منهارة
قربت منها ومسكت ايديها وقومتها من على الارض
=اهدي يا مدام سناء واحنا هنجيب لجوزك حقه وال عمل كده هياخد جزائه بس حضرتك لازم تهدي الاول
"اهدي ازاي وانا شايفه جوزي بالمنظر دا
_ال حضرتك بتعمليه دا مش هيرجعلك جوزك يا مدام سناء ارجوك تهدي شويه علشان نعرف نتكلم معاكي كلمتين
"كلمتين؟!
كلمتين ايه ال هتاخدوهم مني يا حضرة الظابط دلوقتي
=احنا بنعمل كده علشان نعرف مين ال عمل في الأستاذ كامل كده ونجيب حقه احنا مش هناخد من وقت حضرتك كتير
لو سمحتي اتفضلي اقعدي واهدي علشان نقدر نتفاهم
قعدت وانا قعدت قدامها واياد فضل واقف
_الجيران قالوا ان حضرتك والمجني عليه دايما بتتخانقوا وفي خلافات بينكم ممكن اعرف ايه سبب الخلافات دي ايه
اتكلمت وهي بتعيط
"انا وكامل كنا بنتخانق زي اي زوجين عادين مكانش في بينا مشاكل كبيرة يعني
=طيب قوليلي يا مدام سناء عبد العزيز البواب والاستاذ كامل في بينهم خلافات ودايما بيتخانقوا حضرتك تعرفي ايه السبب في الخناقات دي؟!
فضلت ساكتة شويه
_ساكتة ليه يا مدام سناء
حضرتك تعرفي الخلافات دي كان سببها ايه
نزلت رأسها في الارض وهزيت راسها ب اه
=طيب ممكن حضرتك تقوليلنا سببها ايه
"انا اعرف عبد العزيز من زمان كان جاري وكان بيحبني اوي ولما اتقدملي انا رفضت لاني كنت بحب كامل جدا
لما انا وكامل اتجوزنا وجينا نعيش في البيت دا وعرفنا ان عبد العزيز موجود في نفس العمارة حاولت اقنع كامل اننا نسيب العمارة دي ونروح اي مكان تاني بس كامل رفض وقالي انه مرتاح في الشقه دي بس الخلافات بينهم هما الاتنين مكانتش كبيرة اوي عبد العزيز كان فاكر ان كامل خطفني منه وعلشان كده بيكره كامل بس انا معتقدش انه يقتله
علشان كده
=طيب يا مدام سناء
استاذ محمود جاركم وزميل الاستاذ كامل كانت علاقته عامله ازاي مع استاذ كامل
"الخلافات ال بينهم وال كانت قدام الناس كلها غير علاقتهم الحقيقيه ببعض
_ازاي يعني ؟!
"العلاقة ال بينهم والخلافات دي كانت بسبب شغلهم وكل واحد كان بيقول رأيه في شغل التاني وبس لكن العلاقة بينهم برا الشغل مكانتش كده
هما الاتنين ااه مكانوش صحاب بس كل واحد كان في حاله مكانش ليه اي علاقه بالتاني ولا بالخير ولا بالشر
=طيب وعلاقه حضرتك بزوجه الاستاذ محمود كانت عامله ازاي
"انا وهي صحاب وبنتكلم دايما ومكانش فيه اي خلافات بينا
_انتي وكامل بينه اتخانقتوا اخر خناقه بينكم كانت اول امبارح صح
"ايوه صح
انا عرفت انه بيكلم واحدة تانيه ولما عرفت اتخانقت معاه وعلينا اصواتنا على بعض وهو طردني من البيت بس امبار بعاتلي رسالة وقالي اني وحشته وانه عايز يشوفني وانا قولتله اني هاجي انهارده
_ممكن اشوف الرسالة دي
"طبعا
اديته التلفون بتاعها بص فيه وبعدين ادهولي وبصيت في الرسالة وبعدين اديتها التلفون
_شكرا جدا يا مدام سناء وأن شاء الله نوصل ل ال عمل كده في اسرع وقت
البقاء لله
غمضت عينيها
"شكرا
خرجنا انا وهو من البيت وبصينا على باب شقه الكاتب محمود خالد وقربنا انا وهو ناحيه الباب وهو خبط
بعد دقيقة الباب اتفتح
_صباح الخير يا استاذ محمود
-:اهلا وسهلا
مين حضراتكم
طلعنا الكرنيهات بتاعتنا وورينهاله
_انا الظابط اياد خيري
=وانا رنا سليمان
احنا ال بنحقق في جريمة قتل الكاتب كامل عبد الله وكنا عايزين نتكلم مع حضرتك كلمتين لو معندكش مانع
-:طبعا اتفضلوا
دخلنا وقفل الباب وقعدنا احنا الاتنين قدامه
-:خير حضراتكم
_هنسأل حضرتك شويه اسئلة بسيطة بس
-:اتفضلوا طبعا
=حضرتك كنت فين امبارح بليل
-: المفروض اني اكون في المطار علشان كان عندي ندوة في لبنان والمفروض ان معاد الطيارة الساعه 9
_وحضرتك مسافرتش ليه؟!
-: العربية عطلت في نص الطريق وكنت في مكان فاضي اخدت وقت طويل عقبال ما لقيت عربيه تساعدني اني اروح المطار ولما روحت كانت الساعة داخله على 10 الا ربع ومعاد الطيارة كان عدا واضطريت اني ارجع تاني على البيت ولما رجعت لقيت ناس كتيرة واقفه قدام باب الاستاذ كامل ولما شوفته غرقان في دمه زعلت عليه جدا
=هو حضرتك وصلت البيت الساعه كام
-: على 11:30 كده
=بس عبد العزيز البواب كان واقف تحت ومشافكش وانت طالع
-:لا حضرتك انا لما رجعت عبد العزيز مكانش موجود علشان كده مشافنيش لكن أنا رجعت الساعه 11:30 ولما طلعت لقيت عبد العزيز واقف مع الجيران ومكانش بيحرس العمارة
=معلش يا استاذ محمود ممكن حضرتك تجيبلي كوبايه مياة بس
-:طبعا
قام ودخل المطبخ واياد بصالي
قومت من مكاني وقربت من البلكونة بخطوات بطيئة دخلتها وكنت ببص في كل حتة فيها واياد كان ورايا
_انتي بتدوري علي ايه
بصاتله وكنت هتكلم بس محمود رجع
-:اتفضلي
مسكت منه كوبايه المياه
=شكرا يا استاذ محمود
شربت من المياه وحطيت الكوبايه على الترابيزه ال في البلكونة
=هي المدام فين يا استاذ محمود
ممكن اتكلم معاها
-:المدام من ساعه ما رجعت وهي نايمه هي والاولاد
تحبي اصحيهملك
=لا شكرا هبقي اجيلهم في وقت تاني
يلا يا اياد باشا
_اسفين للازعاج يا استاذ محمود بس احنا كان لازم ناخد اقوال حضرتك
-: على ايه
دا شغلكم يا حضرة الظابط
خرجنا من البيت وكنا نازلين على السلم
_هو انتي بتفكري في ايه
=ناخد اقوال عبد العزيز بس وهقولك على كل حاجه
_اما نشوف
نزلنا انا وهو ولقينا عبد العزيز قاعد قدام البيت
=صباح الخير يا عبد العزيز
قام وقف
*صباح الفل يا ست هانم
_معلش يا عبد العزيز عايزين نتكلم معاك شويه
*اتفضل يا سعادة البيه اتفضل
=قولي يا عبد العزيز
انت كنت بتحب مدام سناء زمان صح
*ايوة يا ست هانم كنت بحبها
_طيب وايه ال بعدكم عن بعض
*قدرنا يا بيه ربنا عالم ب الاحسن لكل واحد فينا وبيعملهوله انا قلبي كان متشعلق بيها وهي قلبها كان متشعلق في غيري وغيري كان احسن ليها وغيري كان احسن ليا
=طيب وطالما انت بتقول كده ليه دايما كنت بتتخانق مع كامل الله يرحمه
*غصب عني يا ست هانم مكانش كنت بطلع حزني فيه لانها حبيته ومحبتنيش ال كنت بعمله دا من غلبي لكن انا عمري ما كنت اقصد اني ازعله ولا كنت بكرهه انا اكتر واحد زعلان على ال حصاله دا علشان مراته ال كانت بتحبه وابنه ال ملهوش غيره في الدنيا
انا عارف انتو بتفكروا في ايه دلوقتي
بس انا عايز اقولكم اني عمري ما اقتل ولا ارتكب جريمة زي دي
يا بيه انا راجل بيخاف ربنا قبل ما يخاف عباده علشان كده عمري ما اعمل كده وحبي ليها كمان يمنعني اني اكسر قلبها وازعلها يا ست هانم
بصاتله وقومت وقفت جمبه
_طيب يا عبد العزيز
احنا هنمشي دلوقتي بس لو احتاجنا منك اي حاجه هنبعتلك
*وانا تحت امركم في اي وقت يا بيه
سابناه وركبنا عربيه اياد وروحنا القسم
كنت قاعده في مكتبه وحاطه رجل على رجل وهو قاعد قدامي
=قولي يا اياد انت شاكك في مين
_كلام عبد العزيز مخليني شاكك فيه وبصراحه هو عنده سببكافي يخليه يعمل كده
الحب اعمي زي ما بيقولوا وعبد العزيز شكله بيحبها اوي وعلشان كده كان عايز ينتقم من كامل بالطريقة دي
انتي ايه رأيك؟!
ابتسمت
=انا بقي مستبعده عبد العزيز خالص ومتاكدة مين ال عمل كده
_مين؟!
بصاتله وابتسمت
....
تفتكروا مين القاتل الحقيقي
1:سناء
2: محمود
3:عبد العزيز
الجريمه الاولي خلصت وحلها هيكون مع الجريمة التانيه
الحلقة الثانية من هنا
