رواية قيود من حرير كاملة بقلم سمسم
((قيود من حرير))
الجزء الاولأميرة........رحيق رحيق اصحى بقى كل ده نوم
قامت بفتح شباك الغرفة حتى تستطيع ان توقظ اختها فهى تنادى عليها ولكنها مستغرقة فى النوم وهى تريد ان تقوم حتى تلحق محاضراتها فى الكلية
رحيق بنعاس......شوية بس يا اميرة
أميرة.......شوية ايه قومى هتتأخرى على الكلية
فاقت من نومها وعلى وجهها ابتسامة جميلة تنظر لاختها فهى كل ما تملكه من هذه الدنيا
رحيق.....صباح الخير
أميرة..... صباح النور يا حبيبتى
رحيق.....سلمى جت ولا لسه
أميرة.....زمانها جاية زى الغارة الجوية دلوقتى
رحيق..... أسر فين
أميرة..... لسه نايم جننى طول الليل
رحيق.....حبيب قلب خالتو
أميرة.....قصدك مجننى زى خالتو
رحيق.....اخص عليكى يا أميرة دا انا طيوبة خالص
أميرة......ماشى يا طيوبة يلا بقى قومى
رحيق....هو جوزك راح الكلية ولا لسه
أميرة......ايوة وزمانه ابتدا شرح وانتى نايمة
رحيق.....يعنى يا ربى يطلع الدكتور بتاعى جوز اختى ليه بس كده يا أبيه مراد
أميرة.....بس يابت ماله مراد هتلاقى دكتور كده فى الجامعة زيه
رحيق.....اه مين يشهدلو غيرك ما كان برضو دكتورك يا قمر
تذكرت أميرة كيف قابلت زوجها مراد فهو كان المعيد بكليتهم ومنذ وقعت عينه عليها وقع فى حبها وتزوجها برغم معارضة اهله وعاش معها فى الشقة الخاصة بهم بالرغم من اصراراه ان يأخذ لها شقة اخرى ولكنها ابت ان تترك اختها الصغرى فوافق على العيش معهم وكان يعامل رحيق كأخته الصغيرة
سمعوا رن جرس الباب فقامت أميرة بفتح الباب
سلمى.....صباح الانوار على احلى ام اسر فى الدنيا
أميرة..... صباح النور اهلا وسهلا بالفاشلة التانية
سلمى....ايه الصباح ده على الصبح
أميرة...... علشان انتى ورحيق مش هتنفعوا فى سنتكم
سلمى.....ماهو ده دورك بقى تحننى قلب دكتور مراد علينا ويسربلنا الامتحان واحنا هننجح على طول
أميرة بضحك.....دا انتوا اللى شكلكم هتتسربوا من الكلية
رحيق.....يلا يا ام مواعيد زفت نلحق المحاضرة
سلمى....ام اسر رنة كده لدكتور مراد علشان يدخلنا ماشى
اميرة.....يلا يا بت انتى وهى من هنا
رحيق.....لازم ابوس اسر قبل ما انزل
ذهبت لغرفة اختها لكى تقبل ذلك الصغير الذى لم يكمل عامه الاول فكان يشبه الملاك وهو نائم ورحيق تعشقه
رحيق.....هلموا بينا يا سلمى يلا يا بنتى
سلمى....ايه المعاملة الجافة دى لا سندوتش ولا كوباية شاى بلبن حتى ايه الناس دى
رحيق......هبقى اطفحك فى الكلية يلا قدامى
...................
فى الشارع
سلمى.....هو الواد شريف ده مبيزهقش من وقفة البلكونة
رحيق.....احنا مالنا بيه
سلمى....دا قرب يسوس من الوقفة دى
رحيق بضحك.....يخربيت كده امشى وانتى ساكتة
سلمى.....ولا امه مورهاش حاجة غير تجيب فى سيرة الخلق وبس دى عملت ودى سوت وحاجة قرف والله
رحيق.....ربنا يسهلها دعى الخلق للخالق
سلمى....على رأيك يلا بينا يا اختى
..............................
فى الكلية
دخلت رحيق وسلمى الى المدرج لحضور المحاضرة
مراد.....لسه بدرى
رحيق.....سورى يا دكتور
مراد.....اتفضلوا ادخلوا ومتتأخروش كده تانى
سلمى....شكرا يا دكتور
بعد انتهاء المحاضرة خرجت رحيق وسلمى إلى الكافتريا
رحيق.....هتأكلى ايه
سلمى....اى حاجة بلاش سندوتشات فول دماغى مش ناقصة
رحيق....تأخدى طعمية
سلمى ....وهى فرقت يعنى
رحيق.....بطلى تناكة وحياة اهلك
سلمى .....خلاص هاتى اى حاجة وامرى لله
سمعت رحيق صوت زوج اختها ينادى عليها
مراد.....رحيق
رحيق.....ايوة يا أبيه
مراد.....لما تروحى قولى لأميرة هتأخر شوية عندى مشوار مهم
رحيق.....حاضر
ذهب مراد الى مشواره ورجعت رحيق الى سلمى
سلمى.....فى حاجة ولا ايه
رحيق....مش عارفة بيقول وراه مشوار مهم
سلمى....هو برضو لسه مبيكلمش حد من اهله
رحيق.....انا معرفش حاجة عن اهله غير ان باباه اتوفى بعد جوازه من أميرة وان له اخ اكبر منه بحوالى خمس سنين
سلمى.....خمس سنين
رحيق.....ايوة يعنى اخوه ده عنده حوالى 34 سنة لان ابيه مراد عنده 29 سنة
سلمى....قصة حب اختك دى ولا الروايات الشاب الغنى اللى يضحى بكل حاجة علشان حبيبته يا سلام على الرومانسية
رحيق.....بطلى نق يابت انتى مش ناقصة نق اهلك
سلمى.....ربنا يهنيهم يارب انا قولت حاجة يا بت انتى
رحيق.....امين يارب لان هما كل اهلى وناسى وخصوصا اسر مقدرش اتخيل يوم مشفوش فيه
سلمى....ربنا يباركلهم فيه وانا مستنية اهو ومش هتجوز علشان اتجوز أسر
رحيق بضحك......دا انتى كده هتبقى اطاطا دا اسر مكملش سنة
سلمى.....انا قاعدة اهو انا موريش حاجة ههههههه
...................
فى المنزل
رحيق.....السلام عليكم
أميرة.....وعليكم السلام
رأت رحيق ابن اختها وهو يزحف على الأرض ويبتسم لها
رحيق.....روح خالتو انت جاى تستقبلنى على الباب يا قلبى
أميرة......يلا غيرى هدومك الغدا جاهز
رحيق...... صحيح أبيه مراد قال وراه مشوار مهم وهيتأخر
أميرة......ماشى
عاد مراد الى البيت ولكن يبدو عليه ان هناك امر مهم قد حدث
مراد.....حبيبتى
أميرة....حمد الله على السلامة يا حبيبى انت كنت فين
مراد .......مش وقته انا جعان
أميرة....ثوانى والاكل يكون جاهز
................
فى يوم من الايام
حضرت والدة شريف وتدعى وفية هى وابنها لطلب يد رحيق فاستغربت أميرة ومراد فهم يعلمون ان رحيق لا تريد الزواج من شريف
دخلت أميرة الى غرفة رحيق لتخبرها بما يحدث
أميرة.......رحيق
رحيق.....نعم فى ايه
أميرة.....شريف ومامته برا جاى عايز يتجوزك
رحيق.....ايه شريف عايز يتجوزنى انا
أميرة.....اه هو وامه قاعدين مع مراد بره
رحيق.....لاء طبعا مش هيحصل مستحيل دا شريف عاطل وصايع وفيه العبر
أميرة..... عارفة ومراد عارف بس قولت اسألك برضو
رحيق.....ودى عايزة سؤال لاء طبعا يا أميرة
مراد .....اهلا نورتونا
شريف....شكرا يا دكتور مراد
وفية.....امال العروسة الحلوة فين
أميرة بارتباك.....والله يا طنط هى هى
شريف.....مالها الانسة رحيق فى حاجة ولا ايه
مراد.....لاء بس هى تعبانة شوية
وفية من غير نفس..... اه تعبانة طيب الف سلامة عليها
شريف.....قولتوا ايه فى طلبى يا دكتور مراد
مراد .....والله آسفين يا استاذ شريف بس رحيق رافضة الجواز دلوقتى مش عايزة تتجوز الا لما تخلص دراسة
شريف.....وفيها ايه ماهى فى اخر سنة فى الكلية وكلها كام شهر وتخلص وانا مستعد استناها
مراد.....انا أسف بس هى رافضة خالص الجواز
وفية.....براحتكم هو اللى خلقها مخلقش غيرها يلا يا شريف
خرج شريف وأمه وهو يشعر بمهانة رفض رحيق له فكان يتوعد برد اهانتها
...................
على العشاء
لاحظت اميرة شرود زوجها فعلى ما يبدو ان هناك ما يشغله
أميرة......حبيبى مالك
مراد .....لاء يا روحى مفيش
أميرة.....عليا انا فى ايه بجد
مراد......مهيب اتصل بيا وعايزنى اروحله
رحيق باستغراب......مهيب مين ده
مراد.....مهيب اخويا
رحيق.....اه اصل اول مرة اعرف اسمه
أميرة.....وهو عايز ايه
مراد ....عايزنا نروح نعيش فى البيت تانى
أميرة.....واشمعنا دلوقتى يعنى
مراد.......علشان بعد موت بابا بقى عايش لوحده وعايزنا نروح نعيش معاه
أميرة.....وانت رأيك ايه
مراد ......مش عارف
رحيق.....لو انتوا محتارين علشانى فمتشغلوش بالكم بيا روحوا متقلقوش عليا
مراد ......انتى بتقولى ايه لاء طبعا انتى ناسية انتى اختى الصغيرة الى مش ممكن اتخلى عنها دا انتى اخت الغالية
أميرة بحب .....تسلملى يا قلبى
رحيق بضحك....احم احم انا هنا انتوا ناسيين ولا ايه
مراد ......ههههههه من امتى
رحيق.....من زمان
...................
اخبرت اميرة رحيق انها ستذهب هى وزوجها وطفلها لمقابلة اخو زوجها
أميرة..... رحيق النهاردة انا ومراد رايحين نقابل اخوه
رحيق......ليه فى حاجة ولا ايه
أميرة......مش عارفة هو مراد قالى انه اتصل عليه وعايز يشوفنا
رحيق......خير ان شاء الله جايز عايز يصفى الخلافات اللى بينه وبين اخوه
أميرة......هو مراد ومهيب مفيش بينهم خلاف الخلاف كان بين مراد وباباه بسبب جوازه منى باباه كان رافض علشان انا مش من مستواه ومراد قالى انى مهيب مكنش رافض دا حتى حاول يقنع باباه بس برضو رفض
رحيق.... ربنا يصلح الحال خلاص سيبولى اسر يسلينى
رحيق.....عمه طالب يشوفه كلمى سلمى تيجى تقعد معاكى على ما نرجع ماشى
رحيق......ماشى
رنت رحيق على صديقتها سلمى فسلمى تسكن بنفس الحى وبيتها ليس ببعيد حضرت سلمى ورنت جرس الباب
رحيق.....شيلى ايدك هتحرقى الجرس
سلمى.....عملتيلى سندوتشات ولا القاعدة ناشفة
رحيق.....ايه الفجعة اللى انتى فيها دى بتودى الاكل ده كله فين
سلمى.....بقولك ايه انا كده مبعرفش اقعد وبوقى فاضى
رحيق.... امرى لله يعنى لازم أميرة وأبيه مراد يخرجوا النهاردة
اثناء مشاهدتهم التليفزيون وجدت رحيق رنين هاتفها برقم غريب
رحيق.....الو مين
..........حضرتك انسة رحيق
رحيق......ايوة مين حضرتك
............ حضرتك احنا من المستشفى
رحيق بخضة.....مستشفى ليه فى ايه
.........اختك وجوزها عملوا حادثة
اصابت رحيق صدمة قوية ولم تقوى على الرد على الهاتف
سلمى.....مالك فى ايه
رحيق بتوهان...... أميرة وجوزها عملوا حادثة
سلمى.......يا خبر ابيض يلا بينا على المستشفى
ذهبوا الى المستشفى وهم فى حالة من الرعب
رحيق.....لو سمحتى فى اتنين جم فى حادثة واحدة اسمها أميرة عبد الله وجوزها مراد الشرقاوى
الممرضة......ايوة بس الاستاذ مراد تعيشى انتى ومراته فى العناية المركزة
كانت هذه اللحظة كفيلة بقلب حياتها رأس على عقب
احست بجفاف فى حلقها
رحيق بخوف....وابنهم
الممرضة ....ده اللى انكتبله عمر جديد وخرج سليم
جرت رحيق الى غرفة العناية المركزة حيث ترقد اختها بين الحياة والموت
رحيق بدموع....... أميرة حبيبتى ردى عليا ألف سلامة عليكى
أميرة بصوت منخفض......رحيق كويس انك جيتى مراد مات يا رحيق
رحيق ببكاء.....البقاء لله يا حبيبتى
أميرة.....شكلى انا كمان هحصله
رحيق....متقوليش كده ان شاء الله هتخفى وتبقى كويسة
أميرة.... خلى بالك من أسر ومن نفسك يا رحيق أسر أمانة فى رقبتك متخليهوش يبعد عنك يا رحيق
قالت هذا وقد اسلمت روحها الى بارئها بعد نطقها الشهادتين
رحيق..... أميرة أميرة ردى عليا أميييييييييرة
احتضنتها سلمى وهى تبكى ايضا على حال صديقتها التى فقدت كل احباءها
سلمى .......شدى حيلك يا رحيق دا أمر الله
رحيق.......اميرة ماتت وسابتنى مبقاش ليا حد فى الدنيا ااااااااااه
سلمى ......اهدى اهدى يا رحيق
ولكن اعصابها لم تتحمل تلك الصدمة فدخلت فى حالة بكاء هستيرى
...................
قضت ايام العزاء وهى فى عالم أخر كانت تحتضن ابن اختها فى احضانها فهو ما تبقى لها فى هذه الدنيا
رحيق بدموع.....شوفت يا أسر باباك ومامتك سبونا فى الدنيا لوحدنا ازاى ياااااارب صبرنى ياربى
بعد مرور شهرين
سلمى..... رحيق انا جبتلك المحاضرات
رحيق.....تسلمى يا سلمى
سلمى.... انتى مش هتيجى الكلية
رحيق.....واسيب أسر لمين
سلمى.....طب وانتى عايشة ازاى انتى وهو
رحيق......اهو معاش بابا يعنى ممشينا على ما اخلص كلية واشتغل
سلمى ......ربنا يعينك الحمل تقيل عليكى اوى يا حبيبتى
رحيق........كله على الله وربنا يباركلى فى أسر مالى عليا حياتى
..............
فى احد الايام عندما كانت رحيق جالسة تلاعب الصغير سمعت جرس الباب قامت بفتح الباب ووجدت رجل على الباب كانت هذه اول مرة تراه فيها واستغربت رحيق هيئته فهو رجل يبدو عليه الثراء فهو يرتدى ملابس أنيقة جدا وهو أيضاً له ملامح وجه جميلة وخصوصا عينيه الرماديتين
رحيق باستغراب......ايوة مين حضرتك
مهيب ............انا مهيب الشرقاوى اخو مراد
رحيق...................
