رواية مكالمة سرية كاملة بقلم مي علي
مكالمه سريه
الفصل الاولكان يوم وحش اوي كله مطره ورعد كان عندي وقتها ٨ سنين يوم ما لاقيت تليفون في الشارع قديم وباين انه مصدي تحت المطره اخدته ومقولتش لأمي حتى عليه حاولت افتحه بأي طريقه طبعا معرفتش بس الغريبه وقتها اني مرمتهوش وشيلته في اوضه بعيد امي عملاها زي مخزن بتشيل فيه الحاجات اللي بتبقى مش عايزاها وتعدي الايام ويبقى عمري ١٨ سنه امي جابتلي تليفون ايفون بمناسبه أني جبت مجموع هندسه في الثانويه العامه وبقيت فرحان بيه اوي ومش مصدق اني بقى معايا ايفون، فضلت سهران عليه طول الليل وبعد كده امي قالتلي ان بنت خالتي هتيجي تقعد معانا عشان كليتها هنا وماينفعش تقعد في بيت طلبه واحنا موجودين قولتلها إسراء يا امي قالتلي اه قولتلهااا ياااااااه ايام قالتلي واد يا رامز اوعي تقرب من بنت خالتك دي امانه عندنا لحد ما تخلص كليتها.. سكت.. امي قالتلي كده عشان عارفه اني بحب اسراء من زمان بس هي مابتعبرنيش ابدا ولاقيتها بتقولي لازم ننضف الاوضه المقفوله دي ونشيل كل الكراكيب منها عشان بنت خالتك.. قولتلها حاضر واحنا بنضف الليل ليل علينا وامي تعبت قولتلها يا امي ادخلي نامي انتي وانا هكمل وبعدها بشويه لاقيت التليفون ياااااه معقوله انت لسه هنا بقيت احن لأيام الطفوله بمجرد ما شوفته وقد ايه كان نفسي الفون ده يفتح معايا عشان اتمنظر على صحابي واني معايا فون وهما لا
اخدته وحطيته في جيبي وكملت ترويق الاوضه وبعدها دخلت اوضتي عشان انام
من كتر التعب ومره واحده لاقيت التليفون المصدي بيرن
ازاي ده بيرن في الاول ماردتش ارد وبقيت خايف حطيته قدامي بس كل ما كنت امسكه الاقي الصدأ ينزل من عليه اسيبه بسرعه تاني وبعدت عنه
وبعدها بشويه رن مره تانيه رديت وقولت الووو..
لاقيت صوت راجل كبير صوته وحش اوي وبيقولي بص يابن الناس التليفون دا بتاعي سواء انت اللي لاقيته او سرقته مش مهم المهم انا عايز التليفون ده بأي طريقه ولما ترجعهولي هديك اللي انت عايزه التليفون ده مهم جدا بالنسبه لي فقلتله انت مين قالي انا صاحب التليفون قولتله التليفون ده معايا اكتر من ١٠ سنين جاي دلوقتي تفتكره لاقيته بيقولي مش شغلك انا عايز التليفون ده بأي طريقه التليفون ده قصاده روحك ولو مكنش عندي دلوقتي اعتبر نفسك في حكم الميت وقتها بصراحه انا خفت منه وقفلت التليفون ومسكت التليفون وبقيت عايز اعرف التليفون ده اتفتح ازاي وايه المهم اوي كده في التليفون يخلي البني آدم ده عايزه بالطريقه دي وبعدها وصلت التليفون باللاب بعد المكالمه على طول وشغلت الديجر بتاعي عشان اجيب قرار التليفون واشتغل الديجر وجابلي ماضي التليفون اولا كان في مجموعه صور كبيره لشخص واحد دا تقريبا صاحب التليفون كان في نص التلاتينات بس عارف لما تشوف حد وقلبك يتقبض وتحس ان على وشه غضب ربنا وصور تانيه مصورها نفس الشخص ده مع اكتر من حد كان متصور مع لعيبه كوره زمان وفنانين مشهورين ورؤساء انديه وناس عاديه مع كل شخص كان متصور معاه صوره وبعد كده كان في فولدر جابه الديجر بتاعي كان مخفي على التليفون ومعمول بباس وورد بس الديجر جابه والديجر ده مفتحهوش فشغلت الخوارزميه بتاعتي اللي بستخدمها في فك الشفرات الضعيفه دي ولاقيته فتح وياريته ما فتح لاقيت فيه مجموعه صور للاعيبه كوره الصوره واضح انها متخرمه بدبوس اخرام كتير جدا عند الركبتين ومكتوب عليها (إصابات.. مرض.. انهيار) اللاعب ده ابويا الله يرحمه كان بيشجعه زمان ومره واحده اختفى ومبقاش يلعب وكان في صوره كمان لكاتب رعب مشهور جدا مكتوب عليها (يفضل دايما تابع)
ومتدبسه في ورقه تقريبا اول صفحه في كتاب من كتبه كاتب عليها اهداء الى دكتور سليمان واللي استنتجته ان سليمان ده صاحب التليفون بس الكاتب ده مات بازمه قلبيه غير ناس كتير تانيه مكتوب على صورهم (خساره.. ضياع.. إفلاس) واللي معمول حوالين راسه دواير سودا واللي مقفول على صورته بقفل واللي معدي من وسط راسه سلك معدني وكلام أشكال وألوان مكتوب على الصور وصور قيد عائلي وصور شهادات ميلاد واعلان وراثه كان جراب ياحاوي وبعدها لاقيت فيديوهين
الغريب أن كل الصور اللي معمول فيها سحر وأعمال ظهرت كمان في فولدرأسمه سينت جوه فولدر الواتس آب اللي موجود جوه الملفات مش بره في الجالري,, تقريبا كان بيبعتها لحد وبعد كده يمسحها من عالواتس ويحفظها في الفولدر المخفي
الفولدر التاني بقا جوه الفولدر المخفي عبارة عن كتاب صفحاته كلها متصورة بالترتيب كان شكلة عتيق وورقه أصفر جدا ومتاكل من الاطراف وشكلوا كمان كان ترجمة من حاجة أقدم,, لان كنت تلاقي سطرين بلغه مش عارفلها ملامح وتحتهم سطرين بالعربي,, وبيتخلل الصفحات صور بتشرح بالمحاكاة,, قعدت أقلب في الصور بسرعة لغاية ما وصلت عند باب أسمه الاقتران شدني اتصفحه,, كان أربع فصول,, الأول التهيئة ودا كان بيحكي عن اشتراطات مكانية وزمنية ومستلزمات لعقد الاقتران والثاني تعويذة الحضور وده كان بيتكلم عن ما بعد التهيئة ومنطوقاته وشروطه وعواقبه والتالت تعاويذ الطلب والرابع تعاويذ الحل,, حسيت وانا بتصفح أن درجة حرارتي رفعت وجسمي سخن واعصابي معدتش مستحملة خاصة منظر الصور والكلمات المبهمه فقررت ابطل تصفح وانقل كل الصور والفيديوهات دي عندي على اللاب ,, ونويت أبعت التليفون لصاحبه اللي طلع شغله كله شغل سحر وعفاريت,, أو أرميه في الشارع زي ما لاقيته ولو فكر يأذيني أفضحه باللي عرفته واللي لسه هعرفه من الفيديوهات
قمت عشان أدخل الحمام قبل ما انام,, فجأة شباك الصالة أتفتح بعنف وشميت ريحة دخان دخلت ,, قلت في بالي ياد أمسك نفسك يمكن يكون هوااا ولا حاجه بس اللي خلا شعر جسمي كله وقف أن وانا ماشي كان ليا خيالين عالحيطه واحد طبيعي نتيجة أنعكاس نور اللمبه والتاني ضخم عالارض والحيطه,, أتسمرت في مكاني فالخيال اللي كان ضخم أختفى.. أتحركت تاني بالراحة ظهر تاني.. طلعت أجري عالبلكونة ولامحه بيجري جمبي هاين عليا أنده على امي وأقولها ألحقيني بس سكت والخيال اختفي لما طلعت البلكونه وفضلت متونس شوية بالشارع.. وقررت بعد فتره كنت بقنع نفسي فيها أن مفيش حاجه ودا وهم وممكن يبقى أنعكاس نور على مرايه ولا حاجه.. وقررت أني أدخل أشغل قناة القرآن على التليفزيون كنت دايما لما أحلم بكوابيس واشغلها الكوابيس بتروح دخلت وانا متعمد أني مبصش على خيالاتي ومسكت الريموت وانا برتعش وشغلتها وخدت التليفون بتاعي الجديد واتصلت بابن عمي عشان أحكيله اللي حصل لقيت صاحب التليفون هو اللي بيرد عليا,, بصيت في التليفون لاقيت الفون مقفول ومش فوني الجديد اللي في أيدي ده الفون المصدي اللي لاقيته رميته بسرعه و هديت بعد شويه وفضلت أتمشى في أكتر من مكان في الشقه وأدور على الخيال الغريب ملقيتوش,, فرحت وسبت نور الاوضه شغال ومددت, مكنش جايلي نوم بغفى وأصحى على كوابيس فيها صور التعاويذ الموجودة على التليفون وصور صاحبه لغاية ما صحيت الساعة كانت ٢ بالظبط على صوت التليفون عمال يعمل صوت توصيل الشاحن وانقطاع الشحن اتعدلت وشيلته من عالشاحن بصيت عليه لقيته بدأ يعمل ريستارت ومجرد ما يفتح,, يعمل ريستارت تاني, وجالي مكالمة,, التليفون كان بيرن وهو عمال يعمل ريستارت,, حاجة أول مره أشوفها,, حاولت اعدي ايدي على العلامة الخضرة بتاعت المكالمه الواردة اللي مبتختفيش على الرغم من أن التليفون بيقفل ويفتح,, مستجابتش,, بتلقائية حطيت ودني عالتليفون لقيته بيقولي بصوت تقيل وبطيء وبيضغط عالحروف..لسه لازمك التليفون في حاجة ولا خلاص كده؟؟!!
...قلتله وأنا شبه منهار من جوايا وبظهر التماسك ..تقريبا كده حصل سوء تفاهم بينا وانا ناوي أجيب لحضرتك التليفون بكرة لقيته بيقولي
...لا خير البر عاجله,, أفتحلي أنا بره,, طلعت بصيت من العين السحرية لقيته واقف فعلا قدام الباب
الثاني من هنا
