رواية هبل نسوان كاملة بقلم نسرين الهادي
العايلة متكونه منى انا كمال عمري 30 سنه خدمت على راسى ، مافيش خدمه ماخدمهاااش وكونت نفسي ودرت سيارة .. وبنيت حوشي فوق اهلى بعد تعب ،، الحمد لله آلحآل مـسـتوور .. ومـعقبلنآ آلحاج ثروة تعيشنا مش محتاجين لحد
بوى متوفي وعآيشـ مـع آمـي وخواتى ......
منال 20سـنه عزباء '''' رويدة 18 سنة متزوجه ''' وسارة 16 سنه طالبة ثانوى
المهم بعد وتيت روحى قلت هيا ياراجل كمل نص دينك وافرح بعد سنين الشقا والتعب ،،
وفعلا بدت أمي تدورلي في عروسة الغفلة .. وانى بعد تعبي في الحوش وخدمتى شرطت عليهم يجييوهاااالى طررررررف ،،
أمي : شنو الطرف ياوليدى
كمال : حلوة يا أمي نبي حاجة باهية مش شينه
أمي : انى بناخدلك بنت الناس اللي تصونك وماتقصرش
كمال : كان شينه مانبيش حتى كان بتكووون بنت الرئيس راه
أمي : العفو ياوليدى معقوله توا انى بنختارهالك شينه
كمال: المهم وقضتك نبيها طويله وبيضا وشعر خرووبي وعيون كبار وجمااال
ونطت أخته منااال عمرها 20 سنه طـآلبه جآمـعيه . جتنى من الدار
أخته منال : وووك شباب توا مايدورو كان في الشكل
كمال : هي انتى خيرك خيرك مال تبينى ناخدها شينه زيك 
منال : واحد زيك شين برا اشبح لروووحك في المرايه واطلب وحدة على قدك
أمي : ايوااا توا بتتعاركو انت وياااااها
منال : وهيا تنضف في ضوافرها بي مبرد الاضافر >> بدل مايقول نبيها حنونه ونضيفه في حوشها ومتعلمه وفالحه
سارة كانت حاطة سماعات ومقعمزة بحداهم وتكتب في واجبهاا .. حولت السماعات وقعدت تسمع حست ان في اكشن بين خوتها وهيا تموت فهالجو
كمال : نبيها بااايرة وماتعرف شي لكن المهم سمحه ،،
منال : وافرض لقينالك ملكة جمال وماتعرفش تطيب ولا تدير شي !
كمال : انا اللي بنطيب وانا اللي بنغسل مدخلكمش فيا
أمي : العفو ياوليدى اسم الله عليك ربي مايجيبك ليه 
كمال: المهم ماتجيبوهاش شينه ،،
راهو والله تجيبولى وحدة شينه لما نطلقها .. انى شاقى وتاعب ويعلم الله كيف ملقط فلوووسي وتجى انتى يا قزمة وتقوليلي خودها شينه
منال : انى ماقلتش خودها شينه ياربع دماغ افهم الكلام قبل ،،
الواحد يختار وحدة متكاملة قصدى مش تركز عالجمال وترمى الباقي
كمال : خرفي
ووجهت كلامي لأمي >> المهم فهمتينى يا أمي ولااا
امي : ربي يسخرلك اللي تبيها ياوليدى
سارة : واااو كمال بيتزوج ههههههههههههههه
كمال:مش عاجبك ولا شنى
سارة :لا غير مش ماشي معاك بس عريس وجو هههه
كمال : ترا اسكتى خير مانرزيك في كتبك وكراساتك
سارة : غير شن قلنا >> ورجعت حطت سماااعاتها 
ام كمال : هههه وسع بالك على وخياتك كمال يبصرو عليك
وشبح كمال لي لمنال يحرق فاها بحواجبه ،، كشخت عليه و خشت لدراها بمبرد اضافرها
ولحقت عليها سارة وسكرت عليهم الدار ..
سارة : ياي خيره خوك صاير عصبي >> وخشت علا سريرها حطت كتبها ودفاترها
منال وهيا مقعمزة قدام المراية مازالت تواسي في ضوافرها >>وين نعلم بيه
سارة : اوووف الامتحانات قريب
منال : اقري من توا وان شاء الله تلحقى
سارة : انى ؟ وبنقرا ؟ لالا مستحيل انا انخمم في الغش كيف بنديره واتقوليلي اقرى
منال : هدا وزعميتك بتطلعى دكتورة !!!
سارة : الماده هادي صعبه هلبا
منال : والله اخرتك ممرضه وفي مشفى عمومى مدام هدا حاالك هههه
سارة :نعم نعم نعم 
ورن تلفون منال ؛؛
،،
حطت المبرد ... ورفعت تلفونها لقتها اختها رويدة المتزوجه
منال فتحت الخط : هلا هلا
رويدة :ههه اهلابيك يانوووله كيف احوالك
منال : تمام وينك انتى
رويده : والله موتيه روحى من بدرى نستنا في راجلى يجيبنى اخر شي قاللي مش فاضى
مناال : يعطيهاله هالخايب انى مش عارفه علا شنى خديتيه
رويده :اسكتى تراا مانرضا شى عليه
منال : غير بالشوى عليك
رويدة :ههههههههه
منال : نبعتلك كمال
رويده : قاعد هواااا؟؟
منال : اي قاعد وفاضي
رويدة : باهى كلميه
وسكرت منها منال وناضت فتحت باب الدار وطلعت ..
منال : كمال قالتلك رويده تعالا ارفعنى
كمال : وراجلها وين بسلامتها
منال : مش فاضى وقاتلك تعالا ضرورى
أم كمال : نوض سلم ولدي جيب وخيتك حتى نى مستاحشتها خلها تهدرز عليا
كمال ناض وهوا يتمتم : اللي قاعدات حاصل فيهم ارفع جيب ... وحتى اللي عطيناها بنحصلو فيها 
منال : ومزاااااال ست الحسن والجمال اللي بتجيبها 
كمال وصل للباب وتلفتلها : شن حسك قلتى ؟؟
منال:
ام كمال :
يتبع ...
الثاني من هنا
