رواية عشق من رحم الخيانة كاملة بقلم دنيا امام
"يا نهارك ابيض معقول اللي عملتيه في الغرفه دا يا حنين
تنهض حنين من علي الفراش وتركض الي والدتها وتقبل جبهتها
" معلش ياقلب حنين ثواني بس والغرفه دي كلها هتكون زي الفل بس ساعديني يا ماما اختار فستان علشان يوسف كلمني وقالي انه خلاص علي وصول
"هو مستعجل علي ايه يابنتي كلها بكره وهننقل عزالك علي الڤيلا بتاعته، قالت السيده نجلاء هذه الجمله
تدخل ماهيتاب الغرفه وتتحدث بغرور وكبرياء
"ايه القرف دا دي غرفه دي ولا مزبله وبعدين ليه كل دا يعني
تتظر لها حنين بغيظ وتتحدث بهدوء "اصل يوسف كلمني وقالي انه هيجي يتكلم مع بابا علشان عايز يأجل كتب الكتاب كمان اسبوع
تتحدث ماهيتاب بزهول"معقول بجد هيأجل كتب الكتاب اسبوع
تنظر لها حنين ب استغراب وتقول"انتي مالك فرحتي كده ليه انتي مش مبسوطه اني هتجوز اللي بحبه ولا ايه
ترتبك ماهيتاب وتقول"لا طبعا بس انتي عارفه حياتي الزوجيه اتدمرت مع اني كنت متجوزه عن بس الحب مش هيدوم بعد ماتتجوزوا او انا بقا اللي مكنتش محظوظه، علي العموم ربنا يسعدكم
تتحدث السيده نجلاء بحزن"ليه يابنتي بس انا ماصدقت اني خلاص هفرح بيكي
تحدثت حنين بمرح لكي تنهي حزن والدتها"يا ماما ياست الكل ياقمر انتي كل تأخيره وفيها خير وبعدين كلها اسبوع وهتفرحي بيا ولا انتي عايزه تخلصي مني بسرعه
تبتسم والدتها وتقبلها وتقول"خلاص يا حبيبتي يلا البسي بسرعه وانزلي علشان مراد شكله وصل انا سمعت صوت عربيته
تمسك حنين بفستان قصير باللون الاحمر وتقول لوالدتها"هلبس دا يوسف بيحب الفستان دا عليا اوي
By Queen of Surprises Donia Emamفي الطابق الارضي يجلس السيد عز الدين علي سفره الطعام ويأتي له يوسف
"اهلا يا يوسف يابني اتفضل تعالي افطر معايا
يتحدث يوسف وعلي وجهه ابتسامه هادئه" بالهنا والشفا ياعمي انا فطرت قبل ماجي، انا بس كنت عايز اقول لحضرتك علي حاجه وهمشي علي طول علشان عندي اجتماع مهم جدا للشركه
ينتبه السيد عز ليوسف ويقول" اتفضل يابني انا معاك
يقول يوسف"بصراحه ياعمي انا جي اطلب من حضرتك نأجل كتب الكتاب اسبوع كمان علشان عندي مؤتمر مهم في لندن ولازم اسافر كمان يومين
ينصدم السيد عز من كلام يوسف ويقول" ازاي يابني بس احنا خلاص عزمنا الناس وبكره هننقل الحاجه الڤيلا
يتحدث يوسف بسرعه ويقول"لا لا ياعمي بكره هننقل الحاجه عادي بس كتب الكتاب بس اللي هنخليه كمان اسبوع، انا اسف ياعمي والله غصب عني انت عارف انا بحب حنين قد ايه ونفسي تكون مراتي دلوقتي كمان
يبتسم السيد عز"خلاص يابني انا موافق
يبتسم يوسف ب ارتباك ويقول"ش.شكرا ياعمي، ممكن بقا استأذن من حضرتك لاني عايز حنين معايا في الاجتماع بما انها هتكون شريكه حياتي فأنا عايزها تكون معايا في كل خطوه هتكبرني
" ماشي يابني انا رايح علي مكتبي ولما حنين تنزل خدها معاك بس متتأخرش وترجعها بدري
تنزل حنين علي الدرج وتري يوسف تبتسم بعشق وينظر لها هو ويراها بالفستان الاحمر ويغمز لها وعندما وصلت له قال لها"شبه الملايكه اوي وانتي بالفستان دا، وحشتيني
تنظر حنين للارض بكسوف وتقول"طيب يلا بينا علشان منتأخرش علي الاجتماع
By Queen of Surprises Donia Emamفي شركه يوسف وبداخل غرفه الاجتماعات يعقد يوسف صفقه من اكبر الصفقات للشركه
يتحدث يوسف مع اداره شركته واحد مسؤلين الشركه الاخري"طبعا انتو فهمتوا كلامي كويس صح، انا مش عايز اي إهمال وياريت الوقت اللي هكون مسافر في لو في اي تفسير علي اي حاجه تبلغوا حنين بيه فورا زي مانتو عارفين انا عامل توكيل ليها وهي تقدر تحل اي مشكله في غيابي ويلا اتفضلوا علي شغلكم
وبعد مغادره الموظفين يغادر يوسف الشركه هو وحنين وفي طريقم لمنزل حنين وبعد وصول حنين يغادر يوسف للنادي ليقابل شخصا ما
وعندما يري يوسف هذا الشخص يتعصب بشده ويصرخ به"انا مش قولتلك ابعدي عندي، انتي عايزه مني ايييه
تنظر له البنت بأبتسامه بارده وتقول"هكون عايزه منك ايه يا حبيبي وابو ابني اللي في بطني
ينظر لها يوسف بصدمه ثم يقول بصوت مثل صوت الرعد" انتي بتقولي ايييه ابن مين وابو مين اللي بتتكلمي عنه انتي جايه ترمي بلاكي عليا يابت انتي
تتحدث معه بصوت عالي وتقول"صوووتك ميعلاش عليا احسن وربي هقول لحنين كل حاجه وساعتها بقا حبيبه القلب هتسيبك ياحرام لا ويمكن مش هتلحق تسيبك دا يمكن قلبها يقف وتموت من صدمتها في حبها اللي بتعشقه وبتموت في ياحرام المسكينه متعرفي ان حبيبها اصله*** وخاين
يمسك بوسف بزارعها بقوه ويقول" وديني لو حنين عرفت اي حاجه هقتلك فاهمه وديني هقتلك.. هقتلك ..........
