رواية عائلات راقية بفسادها الفصل الاول بقلم اروي طاهر المسلاتي
القصص يلي بنحكيها موجوده في كل عائله ليبيه!
او في كل شارع ليبي !
او في كل مدينه ليبيه!
عائلات كانت تملك رزق ماتاكلاش النار وفي ليله وحده اصبحت ع الحديده
بينما عائلات تانيه كانت لا شي!...يالله تحصل ما تاكل
وفي ليله وحده بدت تملك رزق رهيب وبدي ليهم اسم ومكانه في البلاد!....هاذا كله كيف؟؟؟؟
__________________________________
هبه:طحت من سريري لما سمعت الضربه
كانت قويه لدرجة وداني قعد فيهم صوت زنين
الضربه حسيتها في قلبي
الرواشن تكسرو وصوت السيارات برا قلب الدنيا !
طلعت نجري مخلوعه لقيت ماما سابقتني على الصاله مش عارفه كيف تتصرف!!
طلع بابا من الحوش لحقته بسرعه عشان ندور حد يساعدنا !
طلعنا نبو نطلبو المساعده لقينا شارعنا كله محتاج مساعده
بيوت جيرانه كلها ع الارض دم والدخان في كل مكان !
دم والدخان في كل مكان !سيارات غريبه اول مره نشوفها في حياتي والباين انها متع حروب تتمشى في الشارع ووراهم ذبابات
تلفتت وانا نشوف في خوتي كيف يبكو من الخوف وبابا يلي حيله نهد في لحضه مش عارف كيف يدير !
حرفيا كان ابشع منضر نشوفه في حياتي
____________________________________
رؤى:فتحت شنطي وبديت نخدم وانا سارحه !
سألت في خاطري
لو كانت حالتي الماديه احسن من هكي كيف رح يكون وضعي ؟
لو مثلا كان عندي فلوس هلبا ونرتاح من الخدمه هاذي كيف رح يكون شعور الراحه!؟
ابتسمت مجرد ما تخيلت نفسي مقعمزه زي الاميره وكل شي عندي وتكون مزينه مقعمزه قدامي تخدم فيا وادير يلي ندير فيه انا توا لكن اختفت الابتسامه مجرد ما شفت يلي قدامي
يعني كان فخ؟؟؟يعني ضحكو عليا؟؟؟
وقفت ولساني مربوط مش قادره ننطق بحرف
مفكرتش في شي!
مفكرتش اني بنموت او الطريقه يلي بيقتلوني بيها او حتى هل بنروح لي امي اليوم او لا!
كل تفكيري كان بنتي
معش بنشوفها؟؟؟
مش رح نراقبها وهيا تكبر قدامي !!
رِوَايـــــــــات بـــَـنـُـــووتِـــة الشـِــيـــْـخأروى الــــطـــاهــــر المــســلاتــــيماريا:سكرت اللاب توب متاعها ووقفت ع الروشن تتفرج
سارحه تفكر وعيونها على الحوش الصغيرون يلي قدامها
حوش واضح انه دافي دافي بي لمة العيله يلي فيه
دافي بي لمة العيله يلي فيه طالع منه ضي خفيف وصوت ضحكات واضح ان طالعه من قلوب متريحه
الاب كبير في السن مليشي حيل لكن بسمته في وجه صغاره تنسيك الدنيا
الام حتى هيا كبيره في السن وتخدم في البيت لكن حنانها وكبر قلبها يسد بلاد بحالها
شافت ماريا لي غرفتها وابتسمت بغرور وقالت
انا عندي كل شي ومفيش شي يقعد في خاطري فرق كبير بين مستواهم ومستواي
قامت خشمها بي كبرياء لكن بسرعه ما نزلاته لما سمعت امها وبوها يتعاركو زي كل ليله
_______________________________
رقيه:كنت نفكر زي اي مراهقه !
نهرب من حوش اهلي باش نفتكى من الضلم
كنت نشوف في غيرة خوي عليا ضلم ليا
كنت نشوف في قسوة ماما عليا كراهيه مش ربايه
فكرت زي اي مراهقه ان انا صح وكلهم غلط
فكرت ان لو هربت من حوش اهلي رح نلقى مكان نسكن فيه وخدمه ونولي فلوس ونعيش حياتي زي الافلام
فكرت وفكرت...وتهورت وهربت
...وتهورت وهربت واكتشفت ان كله وهم ....يتبع
