رواية احتيال كاملة بقلم اماني عنان
انا مش مبسوطة في جوازي حياتي مملة ورتيبة متجوزة راجل هادي وسلبي طيب بدرجة عبيط صحيح هو مسؤول علاقات عامة في شركة محترمة لكن بالنسبة لي راجل عادي ويمكن اقل اخر خلاف بيني وبين مامته صدمني فاكره الحوار بكل تفاصيله :
دخلت حماتها عليها الاوضة وفتحت الشقة بالمفتاح الاحتياطي اللي منزله لها جوزها حاتم عشان لو حصل حاجة أو اضطرت تفتح شقته وهو بره ومراته تكون نايمه كالعادة ،اول مافتحت اوضة نومها من غير ماتخبط قامت منال مفزوعة وبتشد الروب عشان تغطي جسمها قالت حماتها ببرود
حماتها .. ماتخافيش دا انا
منال .. ايه دا تقدري تقوليلي ازاي دخلتي هنا
حماتها بالمفتاح ورفعته قدامها وورتهولها
منال .. اكيد بالمفتاح امال بطفاشه ،، الفكرة ازاي تدخلي عليا اوضة نومي من غير ماتخبطي أو حتي تكلميني في التليفون دا اسمه اقتحام لخصوصيتي
حماتها .. هههههههه معلش معلش انا زي امك
سابتها ودخلت علي المطبخ تبص فيه وتشوف الشقة متروقه ولا لا
قامت منال زعلانه جدا لبست الروب وطلعت تكمل عتاب لها ..
ي طنط ماينفعش كدا دا بيتي علي الأقل اعرف اخد حريتي فيه شوية مش كدا خالص ..
بصت لها بغيظ وبجحت اكتر .. دا بيت ابني الوحيد وإذا كان عاجبك
منال .. لا مش عاجبني ومش هسكت
طلعت حماتها قعدت علي الركنة وشغلت التليفزيون وهي مكبره دماغها …………….
مسكت منال التليفون وكلمت جوزها وحكت له علي اللي حصل وكان رده :
حاتم .. معلش ي حبيبتي استحمليها زي امك برضو
منال .. لا امي مابتعملش كدا امي لحد النهاردة بتخبط عليا لو لقتني قافله باب اوضتي
حاتم .. يمكن حاسه بالغيره شويه عشان وحيدها انشغل بيكي فاكره انك اخدتيني منها
منال قعدت علي السرير بإحباط وقالت بس كدا ..!! هو دا اللي ربنا قدرك عليه
حاتم .. لما اجي نتكلم
قفل الخط وسكت وهي فضلت في اوضتها ماخرجتش الا لما حماتها زهقت ونزلت وبعد مارجع ماعملش اي حاجة غير أنه غسل لها المواعين عشان يراضيها
حاتم لابس بيجامة زرقا ومنال فستان شقة اصفر وفاتحة فيس ..
طلب منها ينزلوا يسهروا مع حماتها فرفضت ..
منال .. تعبانه شويه ومش هسهر انا هنام
شدت الغطا فعلا ومثلت أنها هتنام لحد مانزل هوا وسابها براحتها قامت تبص عليه وقالت ..
صحيح أنت ممل بس مريح ومافيش منك هههههههه
تأليف أماني عنان
______________
شقة مامته تحتهم علي طول خبط ودخل :
حاتم .. الجميل لسه صاحي
أمه .. ايوا ياحبيبي تعالي ادخل
حاتم .. معلش بقي منال تعبانه وماعرفتش تنزل
أمه .. والله طيب ماشي الف سلامة عليها بس يكون في علمك دي بت قادرة وربنا يكون في عونك منها مش عايزا اللين خالص ي ابني صدقني لو طاطيت لها هتبهدلك
مشي ناحية الكرسي وخد طبق الفاكهه وقعد ياكل ببرائه وقال .. تؤ حرام عليكي ي ماما دي طيبة وبنت حلال
قعدت محتارة .. اتمني بس قلبي مش مرتاح
حاتم .. قلبك مش مرتاح برضو ي ام حاتم ولا غيرانه ؟
أمه .. ههههه اتلم ي واد انا عارفه انك كبرت وحقك تتجوز وتكون أسرة ويكون ليك بدل العيل عشرة
حاتم .. حط الطبق وقال في دي عندك حق نفسي اوي اخلف كمان اخ لسليم لكن منال رافضة
أمه .. مش بمزاجها انت واحيد ولازم ابنك مايترباش كدا
حاتم بتعجب .. وماخلفتليش انتي اخ ليه ي ماما ؟
أمه زعلت وقالت وهي بتعيط .. أرادت ربنا كدا
________________
في يوم خرجوا التلاتة مشوار حاتم ،منال وسليم ومن هنا بيبدأ شبح الاحتيال يظهر
حاتم .. اركبي ورا سليم شقي ومابيخلنيش اركز في الطريق
منال بتكشيره .. امال لو مش عربية نص عمر وبتعطل في الشهر مرتين
حاتم .. قولتي حاجة ي حبيبتي
منال… قرفت
حاتم .. من ايه بس ماليوم جميل اهو وهفسحكوا في مكان عمركوا ماشوفتوه قبل كدا
منال .. اما نشوف
في الطريق سليم نايم في حضن أمه طفل عنده تلت سنين متعلق بيها جدا
منال .. تيجي نلعب ي لومي
سليم .. يالا
منال … يالا اخبط ايدك اليمين في أيدي الشمال والعكس كدا يالا هوب هيه برافو
بص عليهم حاتم وحمد ربنا قال دول عيلتي واجمل ماعندي
في الشارع وسط الزحمة ظهر عربية مرسيدس بزجاج اسود مش مبين اللي جوا العربية
بصت منال عليها وجذبتها لثواني لكن اللي جوا العربية مانزلوش عينهم من عليها
……… 
اللي في العربية اربع شباب وكلهم من عائلات كبيره ..
صلاح .. ايوا بقي
بص محمد وضحك .. بقي ذوقك أمهات واخد بالك
صلاح .. امهات ايه دي لسه بورقتها مش شايف رشيقة ازاي ؟!
بص فهد صاحبهم اللي اتولد في دولة عربية ونازل مصر إجازة مع أهله بعيون بنيه شاف منال فهدي السرعة
صلاح قرب عليه وساب الكرسي بتاعه : مالك عينك فين ي ريس
شاور عليها ..
صلاح .. حلوة ضحك وقال والله حلوة وقف ي فهد
فهد .. ليش ايش فيك ؟
صلاح .. مالكش دعوة انت انزل بس
فهد .. فتح الباب ونزل وهو مستغرب
ركب صلاح مكان السواق وقال هجيبها البت دي تلزمني
رد محمد بصوت عالي .. تلزمنااااا عيب عليك
فهد .. مابيصير هيج دي متزوجة ومعهاا صبي عين الله ترعاه
صلاح .. خليك انت في التعاويذ اللي بتقولها دي وسيب ابو صلاح يتصرف تأليف أماني عنان .. ممنوع النقل بدون اسم المؤلف
فهد حرك كتف انور اللي كان بيقرأ في كتاب وقاعد معاهم لأنهم أصحاب وشلة من زمان لكنه مختلف عنهم قاله .. شوف صاحبك ؟
أنور .. سيبك منه دا كلامنجي وبعدين دي شكلها محترمة زوجة وأم هتبص له ازاي
العربية فضلت في طريقها راحوا اتفسحوا وكانت منال زهقانه من روتين جوزها اللي دخلهم حديقة الحيوان :
منال .. ايه دا
حاتم .. حديقة الحيوانات عشان سليم
منال .. وبعدين هنروح فين ؟
تأليف أماني_عنان
حاتم .. هنمشي ع الكورنيش وناكل ترمس
منال رزعت باب العربية .. لا روحني ي حاتم انا مرارتي مش مستحملة دي مابقيتش عيشة
حاتم زعل منها وقرر يرجع فعلا ع البيت ووراهم نفس العربية بعد اللي صلاح شافه بقي مصمم عليها أكتر ومتوقع أنها هتقع في اللي بيخطط له
أنور .. مستحيل تيجي
صلاح .. وانت ايه رايك ي محمد ؟
محمد … هتيجي كل ست ولها سكة
صلاح سأل فهد كمان
فهد .. هي حلوة ونتمناها لكن زوجة والزوجة عندنا خط احمر
صلاح .. ليه انت ساكن في المدينة الفاضلة الستات كلهم زي بعض ي حبيبي بالفلوس بيجوا
محمد .. عندك في نوع تاني غبي بيجي بالحب والحنان والعطف والحبتين دول
صلاح .. تمام احنا كدا اتنين اتنين تيجوا نتراهن ؟!
فهد .. موافق
أنور .. انا ماعنديش قدكم ي عم
صلاح .. مش فلوس
أنور.. امال عايز ايه
صلاح .. ابقي القائد وكلمتي تمشي عليكوا
فهد .. ولو ماعرفتش تجيبها
محمد .. يبقي عيل ويسكت خالص بعد كدا
ضحكوا الكل ووقفوا تحت بيت منال وصلاح بيخبط علي دفة القيادة وبيقول الي العمل ..
تفتكروا هيعمل ايه صلاح وايه رد فعل منال ؟
يتبع
الثاني من هنا
