-->

رواية اهدتني معاقا (لكنه القدر) الفصل التاسع 9 بقلم اسماء عبدالهادي

رواية اهدتني معاقا (لكنه القدر) الفصل التاسع 9 بقلم اسماء عبدالهادي

    رواية اهدتني معاقا (لكنه القدر) الفصل التاسع 9 بقلم اسماء عبدالهادي

    فى احد المرات


    كان يامن يمشى مع حازم فى الجامعه فى الفترة ما بين المحاضرات

    وجد يامن بعض الشباب يحاولون مضايقه فتاه ما ويمنعونها من العبور
    اقترب منهم يامن بضيق كبير _ايه اللى انت بتعمله ده انت وهو ،انتم معندكمش اخوات بنات
    ثم وجه حديثه للفتاه _تقدرى تمشى ،انا اسف علي اللى بيعملوه

    نظرت له الفتاة بامتنان ورحلت سريعا
    مسكه الشاب من ملابسه بقوة_انت ايه اللى عملته ،وانت مالك انت بينا بتدخل ليه

    لم يخف منه يامن وقال بثبات وهو يزيح يده بعيدا_انت مفكر ان دى الرجوله ,انت تتشطر على بنت

    نظر له الشاب بسخريه _وانت بقى اللى هتعملنى الرجولة ازاى ،انت مش شايف نفسك عامله ازاى

    ضحك الشباب منه كثيرا

    لم يبالى بهم يامن _لا ده الظاهر انك عايز تتربى بجد وقام بلكمه لكمة قوية
    _انت قد اللى عملته ده ولكم يامن كلمه مماثله لكنها اردت يامن ارضا
    اقترب منه حازم وساعده على النهوض وهو يقول_ايه رايك نعلمهم الادب يا يامن
    وبالفعل ساعد حازم يامن فى تأديب هؤلاء الفتيه وتلقينهم درسا حيث كان حازم يفوقهم قوة

    يامن باعجاب_ ماشاء الله ،طلعت قوى ،بس مش باين عليك فكرتك مسالم ههه

    حازم بمزاح _بص يا يامن يابنى اللى يعيش فى قصر الصياد لازم يكون قوى انا عايش مع اسود بعيد عنك

    ضحك يامن على طريقته الساخرة تلك

    حازم _بس انت كمان قوى وشجاع يا يامن

    يامن بمحاولة اخفاء الالم_فين ده انت لولا مساعدتك مكنتش قدرت عليهم

    حازم _الكترة بتغلب الشجاعه يا يامن ،وانت كنت شجاع ومخفتش منهم ومترددتش لحظه انك تدافع عن البنت

    يامن _مقدرش اشوف حد بيتعرض للاذى وافضل ساكت وخاصه لو بنت ،عارف انى كنت هخرج منها خسران بس يكفى انى احاول ،انا جربت الاساءه والاعتداء ده كتير ومحبش اشوف حد فى نفس الموقف ابدا

    ***
    فى اليوم التالى ذهب امجد الى الجامعه وقرر هذه المرة الحضور

    حضر امجد اول محاضره بسلام وبدأ الاندماج فعليا مع المحاضر لكنه لم يستطع تكملة اليوم فهو شعر بالملل فهو كثيرا ما يشعر به بسرعه
    فى احد المرات النادرة التى يحضر فيها امجد

    كان الاستاذ الجامعي يشرح المحاضرة فوجد احد الطلبه يرفع قدميه لاعلى الديسك ويضعهما فوق بعضهما ويضع السماعات فى اذنه ويبدو انه فى عالم اخر

    جن جنون الاستاذ الجامعي وقرر معاقبه هذا الطالب بل وطرده نهائيا من محاضراته

    قال فى المايك_الاستاذ اللى جاى المحاضرة ومفكرها اوضته دى ،ومش عامل احترام لدكتور المادة يتفضل يطلع برا

    سمعه امجد ولكنه لم يبالى به وظل على وضعه

    اقترب منه الاستاذ الجامعي _انت يا زفت انت مفكر نفسك فين

    ازال امجد سماعات اذنه واخفض قدميه ووقف امامه ببرود مميت_انت بتكلمنى انا

    لم يكن يعرف الاستاذ الجامعي هويه لكنه عندما اقترب منه عرفه على الفور

    اخفض الاستاذ الجامعي من نبرة صوته الحاده_امجد كارم ،معلش مكنتش اعرف انه أنت ،ممكن تتفضل تقعد كويس علشان اشرح المحاضرة

    امجد وهو ينظر إليهم بقوة اخافته_اعتذر

    الاستاذ بصدمه _نعم
    امجد _اللى سمعته انت غلط فيا يبقى تعتذر
    بلع الأستاذ ريقه _قلت مكنتش اعرف انه أنت ،خلاص بقا يا امجد علشان الطلبه بيبصوا علينا

    اقترب منه امجد _هعديهالك المرة دى بمزاجى وياريت متتكررش تانى

    الاستاذ وهو ينظر حوله يرجو الا يكون سمعه الطلبه فتهتز صورته التى شوهها بنفسه بالفعل _سلامى للوالد يا امجد باشا

    رمقه امجد بنظرة جانبيه واستحقار من جبنه الذى لا يليق باستاذ جامعى ،كيف يسمح لطالب باهانته هكذا _يوصل

    وصل كارم ما حدث بجن جنونه

    كارم بغضب_امجد انت ايه اللى عملته فى الدكتور بتاعك ده
    امجد بلا مبالاه _عملت ايه
    كارم_ينفع تعامل راجل قد ابوك بالشكل المهين ده

    امجد بسخريه_هو اللى مقلل من قيمه نفسه اعمله ايه

    كارم _ولو يا امجد كان لازم تعمل له احترام
    امجد_بقولك ايه يا كارم ،ما تفكك منى خالص،انا عارف بعمل ايه

    كارم بغضب_ولد اتكلم كويس مع ابوك

    امال_فى ايه بس يا كارم ،روح انت يا امجد يا حبيبي وانا هتكلم مع باباك شويه

    امجد بابتسامة لوالدته_حاضر يا امال هانم ،بس ايه الشياكه والجمال ده كله ،لا ده انا كده هعاكس بقا

    امال وهى تضحك_ههه يا واد يابكاش ،

    امجد _لا بجد شيك اوى يا امال هانم

    امال بثقه وغرور_مم دى الخياطه الجديدة اللى اتعرفت عليها ،شغلها يجنن يا امجد هعمل عندها علطول

    امجد الى والده _هنياله ياعم

    كارم مندهشا_ولد
    امال_سيبه يا كارم الولد مقالش حاجه غلط
    كاد كارم أن ينفجر غيظا من امجد الذى لا يحترم احدا ويعامل والده بلا مبالاه شديده ومن معاملة امال المدلله له

    كارم_لااا انا رايح الشركه وسايبهالكم بدل ما انفجر وانا واقف

    امجد_سلامتك يا ابو الكوارم ،خد بالك من الطريق يا حج وانت سائق وانت بالحالة دى

    نظر له كارم بضيق شديد ثم رحل
    امجد_ماله ده

    ****
    امال_بجد يا ست احسان شغلك جميل جدا
    احسان_ تسلمى يا مدام امال يارب الشغل يكون عند حسن ظنك

    امال _لا بجدالاطقم اللى عملتيها ليا عجبتنى ابنى جدا ،وهو اصلا مبيعجبوش العجب ،وصعب تعجبه حاجه بسهولة

    احسان بسعاده_دى شهادة اعتز بيها يا مدام

    امال_تمام اتفضلى بقية حسابك اهو

    احسان وهى تنظر للمبلغ_بس دول كتير عن المبلغ اللى احنا متفقين عليه ،وقامت باعطاءها ما زاد عن حقها _انا مش هقدر اخد اكتر من حقى ،اتفضلى

    امال_لا دى حاجه بسيطه ،اعتبريها هديه يا ست احسان وبعدين احنا لسه هنتعامل مع بعض كتيير

    احسان بامتنان_جزاكى الله خيرا

    امال_يلا هاتى رقمك بقا علشان لما احتاجك اكلمك
    ******

    كانت فرح تجلس مع نغم

    فرح_بسم الله ماشاء الله عسولة يا نغم فى الحجاب ،ايه القمر ده

    نغم_انا محروجه خالص وانا لابساه حاسه ان الناس كلها بتبص عليا

    فرح_ههه ده فى الاول كده بس،علشان حاجه جديده عليكى ،ربنا يحميكى يا نغم ويثبتك ياحبيبتى

    نغم_انا خايفه من رد فعل بابا وشهاب

    فرح _اطمنى على حسب كلامك هما مش هياخدوا بالهم اصلا ،وان شاء الله مش هيحصل حاجه ،انتى عملتى ايه يعنى ،انتى نفذتى اوامر ربنا ولبستى الحجاب
    نغم_ربنا يستر
    فرح_اتفضلى الهديه البسيطه دى منى

    نغم _الله يا فرح ده رقيقه اوى ،متشكرة اوى ياحبيبتى

    كانت الهديه عبارة اطار جميل مطرز عليه اسم نغم "مبارك الحجاب"
    ومدون عليه تاريخ ارتدائه وكلمة"اليوم ولدت من جديد "

    كان اطارا رائعا والوانه متناسقه جدا

    فرح_بصراحه مش انا اللى عاملاه استعنت بيامن اخويا يرسمى الشكل والكلمات وماما هيه اللى اشتغلته

    نغم_تسلم ايديهم بجد ،تعرفى اول مرة حد يجيب لى هديه وافرح اوى كده

    فرح_ربنا يسعدك يا حبيبتى يارب

    جاءت فتاة من بعيد
    _هاى يابنات ،ها يابنات ها هتسجلوا فى كورسات اللغه ،البنات كلها تقريبا هتسجل ،ثم نظرت الى نغم وانهدشت كثيرا_ها نغم انتى اتحجبتى امتا ،لا انا مش مصدقه

    نغم_ها ايه رايك بقا

    _عسوله خالص ،بس صراحه متوقعتش ابدا تعملى الخطوة دى بالسرعه دى

    فرح_ما انا مش بلعب هنا يااستاذة ،بعدين نغم اصلا كانت عندها الاستعداد بس محتاجه اللى يشجعها
    _لا شابوا بجد
    فرح_شابوا ايه قولى ماشاء الله

    _المهم اكتب اسمكم ولا ايه نظامكم

    فرح_الكورسات دى غاليه

    علمت نغم ان فرح هترفض اذا علمت تكفلة الكورسات لذا حبت ان لا تحرجها فقالت_خلاص يا ليلى ،روحى انتى واحنا هنشوف كده وهنجى نسجل بنفسنا كمان شويه ،شكرا ياقمر
    _ماشى باى

    نغم _احنا مش محتاجين للكورسات دى
    فرح _بس دى هتفيدنا اوى وهتثقل اللغه عندنا ،بس المشكلة انها تقريبا هتكون مكلفه

    ابتسمت نغم_يا ستى ،هعطيكى انا الكورس وبالمجان كمان ايه رايك

    فرح _ انتى بتتكلمى جد

    نغم_اه انا اخدت الكورسات دى قبل كدا وخلصتهم كلهم،ولو فى جديد ممكن الكورس يكون لينا انا وانتى وبس ،ها ايه رايك

    فرح_انا مش عارفه اقولك ايه بجد

    نغم_متقوليش حاجه يا حبيبتى ،يلا تحبى نبدأمن دلوقتى لو حبيتى

    ابتسمت فرح_لا شكلك بروفيشنال بقا

    ضحكت نغم_ هههه اسكتى يابنتى لاحسن اتغر ،وغرورى مش هيعجبك

    فرح_لا وعلى ايه الطيب احسن

    وشرعت نغم فى اكساب فرح المزيد من مهارات اللغه والفوناتكس
    اعجبت فرح ببراعه نغم وتمكنها من اللغه

    *******
    حازم_يامن تعالى نشترك فى مسابقه الرسم دى

    يامن_ايوة بس الشروط بتاعتهم دى تعسفيه اوى

    حازم_ايه ياباشا انت هتستسلم ولا ايه ،لا انشف انا معرفكش كده

    يامن_مش كده بس دول مشطرتين الوان معينه وكمان رسم معين وانا كنت افضل ارسم الفكرة اللى احبها

    حازم_نجرب مش هنخسر حاجه ،هتقدر تخلص اللوحه فى اسبوع يابطل

    يامن وهو ينظر لحازم بتحدى قبل الاسبوع هتكون خلصت باذن الله

    حازم_حلو اوى اروح انا لعمتى نور تعملى اللوحه

    يامن وهو ينظر لحازم بحده_حاااااازم

    حازم_بهزر اقسم بالله ،انا اصلا مقدرش اطلب طلب زى ده ،كنت اتآكل من الاسود اللى هناك
    يامن_مش مطمن لك على فكرة

    حازم وهو يضحك_ليه بس ده غلبان

    يامن وهو يبادله الضحك_طيب يلا ياخويا قدامى المحاضرة بدأت

    *******
    اقترب موعد الامتحانات والجميع بدأ يستعد
    ما عدا امجد الذى يبدو انه لم ولن يستعد على الاطلاق

    رن هاتف امجد

    امجد_ايه ده ست الحسن والجمال بتكلمنى بنفسها

    تلعثمت من كلامته كثيرا وحاولت ان تكمل كلامها بجديه_.........
    امجد_الحمد لله ،انا فل اوى يا قمر ،مبقتش اشوفك ليه

    ...........
    امجد بصدمه _بتقولى ايه ؟!

    .............
    حاول امجد التحكم فى اعصابة _انا متشكر ليكى جدا ، انتى متعرفيش زيدتى فى نظرى قد ايه ،اكيد هيجى الوقت واردلك جميلك ده

    ..........
    _ماشر يا قمر ،خدى بالك من نفسك ،سلام

    امجد_اه ياحيوان ياشهاب،،مش انا امجد كارم اللى يتعمل معاه كده ،شكلك بتلعب بالنار بايديك
    ****

    كارم _امجد فين مشفتوش بقالى كم يوم

    امال بتردد وخوف من ردة فعل كارم عندما يعلم ان ابنه سافر مع اصدقاءه فى رحلة الى شرم مدتها شهر كامل دون علم اهله _ااا امجد طلع رحلة مع اصحابه

    كارم _ايه؟!!،حلو اوى وانا اخر من يعلم ياهانم

    امال_والله انا لسه معرفش غير لما خلاص سافر يا كارم

    كارم بعصبيه_ يعنى ايه الكلام ده ،ازاى يسافر من نفسه كده ومن غير ما يقولى هوا فاكر نفسه مين ،الولد ده اتجنن

    امال_اهدا بس يا كارم بعدين ترجع تتعب ،امجد مبقاش صغير ،هوا عارف هوا بيعمل ايه

    كارم بانفعال زائد_لا مش عارف حاجه ،ده ولد فاشل وتافهه كل همه الفسح والخروج وبس ،تقدرى تقوليلى ده ولد اقدر اقول عليه راجل يعتمد عليه ،،انا تعبت بجد منه ومبقتش طايقه

    امال_كارم ارجوك خلاص ،نتكلم بعدين لما تهدى

    كارم_اهدى ازاى قوليلى وابنك مش راجع الا بعد ما الامتحانات تبتدى وهوا اصلا ميعرفش اى حاجه عن المنهج ،وفجاءه انخفض ضغط كارم وشعر ان الارض تدور به وكاد يسقط على الارض

    امال بخضه على زوجها _كاااارم ،،،عم عتمان اتصل بالدكتور حالا

    الطبيب_حضرتك عرضت نفسك لانفعال زائد وده مش كويس على صحة حضرتك،لازم تبعد عن اى حاجه ممكن تزعلك او تعصبك ،لان الضغط مش مستقر،الادويه دى هتساعدك والف سلامه على حضرتك

    امال وهى تجلس بجواره على السرير وهو ممد على الفراش ومتصل بيده ابرة متصلة بانبوب شفاف يسمح بالسائل الموجود داخل المحلول العبور من خلاله

    _كده يا كارم تقلقنى عليك بالشكل ده

    كارم بتعب_ابنك اللى هيموتنى بعمايله ،كنت مفكره هيطلع راجل ويسندنى ،بس طلع ولا حاجه عارف انى تعبان ومفكرش يكلف نفسه وينزل يطمن عليا او حتى ينزل علشان الامتحانات

    لاحظت انه بدأ ينفعل وقد تسوء حالته اكتر_طب خلاص متزعلش نفسك ارجوك ،خاف على صحتك ياكارم،اعطت له المهدئ ليغط فى نوم عميق

    امال فى نفسها_ايه اللى بتعمله ده ياامجد ،ابوك هيروح مننا بطيشك ده
    *******
    شهاب_ها ايه رايك فى الجو هنا ،لا تقولى القاهرة ولا زحمتها

    امجد باستمتاع_قاهرة ايه يابنى ،ده انا مش عايز اروح خالص،هنا عايش حياتى وبراحتى

    شهاب_طب خد جرب ده هيعجبك اوى ،حاجه كده اخر حلاوة

    امجد بصدمه_مخدرات ياشهاب،لااا فكك منى

    شهاب_ليه يابنى ده هيعيشك فى جو تانى خالص وهيعمل دماغ عاليه جدا

    امجد بعصبيه_بقولك ايه ياشهاب الزفت ده انا مش هتعاطاه

    شهاب_ايه يا امجد انت خايف ولا ايه ،لا ده انا ابتديت اقلق منك

    امجد_لا خايف ولا حاجه ،انا مش محتاج للقرف اللى هيدمر صحتى،انا عايز اعيش حياتى بالطول والعرض مش اقضيها بين الحشاشين والمستشفيات
    اسمع مش عايز اسمع سيرة مخدرات تانى لاحسن ازعلك

    شهاب_يابنى مستشفيات وحشاشين ايه دى حاجه كده تسالى لزوم التغيير مش اكتر

    امجد بحدة_شهاااااااب
    تراجع شهاب_خلاص يا عم براحتك

    ********
    على الهاتف

    _ها عملت ايه
    شهاب_ابن الايه رافض تماما وقال ايه مش عايز ادمر صحتى
    _غبى مش قادر تقنعه وتضحك عليه
    شهاب_حاولت معاه بكل الطرق،خفت يشد معايا واخسره ونخسر اللى بنخطط له،بس عندى ليه خبر هيعجبك
    _قول خبر ايه اشجينى
    شهاب_امجد منفض لابوه خالص وعارف انه تعبان مفكرش حتى يكلمه بالموبايل يطمن عليه،وكمان امتحانه تقريبا بدأمن كم يوم وهو ولا اتحرك فيه شعره مكمل الرحله لاخر الاسبوع يعنى من الاخر ضايع السنه دى

    انفجر الفيومى ضاحكا_ههه هوا ده الكلام،برافو عليك ياشهاب ،ولسه

    شهاب_هتعمل ايه وخطه المخدرات فشلت معاه
    الفيومى بخبث_لا مفشلتش ،هتتأجل بس شويه ،ندمر شركه ابوه الاول ونخليه يفلس هيجى للمخدرات لوحده ،كل الحكايه هنعيد ترتيب الخطه بس

    اسمع خليك وراه لحد ما تفشله فى الدراسه اكتر ،كارم خلاص ابتدى يقع بسبب ابنه ضربه ولا اتنين كمان وهينهار ،وامجد ابنه سهل بعد كده

    شهاب_متستقلش بامجد يافيومى باشا
    الفيومى_وانت متسقلش بابوك ،بص واتعلم منى 😈😈

    _____

    جلست على الاريكه فى صالة منزلها وهى تكاد تغلى من الغيظ والغضب بدت وكأنها تكلم نفسها فى جنون

    اقترب منها ابنها على الذى نزل من شقته بالاعلى للتو _مالك ياماما انتى بتكلمى نفسك

    _اسمع يا عين امك،انا عايزة عيل بدل اللى راح ده ،فاتصرف بقا

    على_ياماما كل بامر الله ،وكمان امانى لسه مستريحتش من الحمل الاولانى
    سماح بسخريه_حمل الندامة راحه تولدلى ولد ميت ياحسرة قلبك يا سماح ،
    على _وهيه ذنبها ايه بس

    سماح _افضل دافع عن المحروسه بتاعك


    إرسال تعليق

    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .