رواية احبك يا بنت عمي الفصل التاسع 9
بحبك يابنت عمى
الحلقه 9ليلى,,,وهو مفيش غير مازن يعنى مايجيبها اى حد من الخدامين
محمد,,,,لانها اكيد مكسوفه مش هتنزل
مازن,,,نعم يابابا
محمد,,,,اطلع هات مى
مازن,,,نعم,,هو انا مش ورايا غير الست مى
محمد,,,ولد
مازن,,,يابابا ميجبها اى حد انا واقف مع محرم بيه بناقش مشروع مهم
محمد ,,,ماشى هطلع انا اجبها
محمد طلع وجاب مى وكان نازل ومى ماسه فى ايد عمها وكانت لابسه فستان بمبه قصير ومنفوش من تحت وعامله شعرها تسريحه روعه وميك اب خفيف
اسامه,,,,,يلهوووى مين القمر دى
مازن,,فين دى
اسامه,,,الى نازله مع ابوك دى
مازن,,كان بيشرب العصير اول ما لف وشاف مى رشا العصير كله على اسامه وقعد يكح
اسامه,,,ايه ده يبنى بوظت البدله
مازن,,,مركزش مع اسامه وكان مبهور من جمال مى
وائل ابن محرم بيه
مى دى يامازن
مازن,,,, دى مى بنت عمى
وائل,,,دى جميله اوى
مازن بغيظ,,,نعم
وائل,,,,لا ابدا ,وراح ناحية مى وعمها
طول الحفله الناس كلها بتتعرف على مى ومى مبسوطه اوى وليلى وبنتها هيتشلو طبعا ومازن كان بيراقبها من بعيد ومتغاظ من نظرات الكل ليها
الحفله خلصت وكل واحد راح اوضته
مازن فى اوضته مش عارف ينام
اوووه هو انا بفكر فى الزفته دى ليه , بس متنكرش انها كانت زى القمر,,, اووف بئه
وقعد مازن فتره يكلم نفسه وبعدين تعب ونام
عدا شهر وجه معاد الكليه والسواق وصل مى للكليه
مى طبعا مكنتش عارفه حاجه وبدور على سنه 4 طب
فالاخر لقيت بنت غلبان ولابسه نضاره
مى,,,,,لو سمحتى فين 4 طب
البنت,,,انا فى 4
مى... الحمدلله ,, ممكن نتعرف انا مى
البنت,,,اهلا انا ساره
مى,,,,,اهلا ياساره ممكن نبقأ صحاب , اصل انا محوله من اسكندريه
ساره,,,اكيد بس ياترى هتفضلى صحبتى دايما ولا هتسبينى زى كل الدفعه
مى حست ان ساره صعبت عليها اوى
مى,,,,لا والله اوعدك هنبقأ صحاب دايما
ساره,...فرحت اوى , ماشى يامى
قعدوا البنات مع بعض وساره عرفت مى على الجامعه كلها
وبعد اسبوع
الصبح محمد خد السواق وقال لمازن وصل انت مى , مازن قال حاضر من غير خناق , مى استغربت وقالت لنفسها,,تتحسد مش اتكلمت ولا اتخانقت
فى العربيه
مى,,,ممكن تستعجل شويه , انا اخرت
مازن وقف العربيه ,مش عاجبك انزلى
مى اتغاظت اوى ,وفتحت باب العربيه ونزلت
مازن,,,فتح الباب العربيه,,انتى رايحه فين
مى,,,مش عاوزه ادايق حضرتك ووقفت تاكسى ومشيت
مازن اتغاظ اوى ورزع باب العربيه ومشى الشركه وهو متعصب
فى الشركه
مازن فى مكتبه متعصب وبيقول لنفسه
اناتنزلى وتسبينى ماشى يامى ان ماكنت اطلع عنيكى ميبقاش اسمى مازن
فى الكليه
مى بتجرى لانها اخرت اوى والدكتو لطفى معروف ان مبيدخلش حد بعديه
مى خبطت على بابا القاعه ودخلت
الدكتور,,,هاتى الكرنيه بتاعك
مى انا اسفه يادكتر , خلاص هخرج
الدكتور ,,,بقولك هاتى الكرنيه
مى,,ادت الدكتور الكرنيه وكانت خايفه اوى
الدكتر,,,,,,انتى تقربى للمهندس محمد القاضى
مى,,,,اه عمى
الدكتور,,,طيب خدى الكرنيه ومتأخريش تانى
مى ,,,حاضر , شكرا يادكتر
مى لنفسها,,,اه يابلد مش ماشيه غير بالوسايط
كل الى فى القاعه عرفو مى تبقأ مين والكل كان عاوز يصاحبها بس مى رفضت تصاحب اى حد غير ساره
وهمه رايحين المستشفى عشان العملى
ساره,,,انتى طيبه اوى يامى
مى,,,وانتى كمان ياساره
ساره,,,انا مبسوطه انك رفضتى تصاحبى حد غيرى
مى,,,عشان كلهم عاوزين يصحبونى اول ماعرفو انا مين لكن انتى صاحبتينى من غير ماتسألى انا بنت مين
ساره,,,,ربنا يدوم صحوبيتنا
مى .... يارب
خلصت مى محاضرات وروحت البيت لقيتهم بيتغدوا
مى,,, جريت على السفره انا جعااانه
محمد,,,هههههه اخرتى ليه
مى,,,كانت عندى مستشفى
ليلى,,,مستشفى,ايه
مى,,,قصدى عملى فى المستشفى ياطنط
محمد....ايوه خلصى عشان هفتحلك مستشفى
مى,,هههههه مستشفى بحالها ياعمو
محمد,,,وهو انتى شويه
ليلى متغاظه اوى ومازن ساكت
مى,,,,بس انا عاوزه اشتغل فى مستشفى حكومى عشان اساعد الناس الغلالابه
مازن لنفسه...انتى اذاى طيبه كده
محمد,,,, طيب ياحبيبتى براحتك انا كنت عاوز اقولك حاجه
مى,,,خير ياعمو
محمد,,,بعد يومين انا مسافر دبى وهقعد 3 شهور عشان هظبط فرع الشركه الى هناك
مى اتصدمت وسابت المعلقه من ايدها
محمد,,,,مالك خوفتى ليه كده, انا مش هأخر كمان انا وصيت مازن عليكى
مى لنفسها,,,وانا كل خوفى من مازن
مازن لنفسه ,,,هى دى فرصتى انا هطلع عنيكى
مى اديقت اوى وقالت انا شبعت هقوم عشان عندى مذاكره كتير بعد ازنكم
محمد اتفضلى
بعد يومين محمد مسافر سلم على مى وعلى كل العيله وقال لمازن خد عاوك برا
مازن خير يابابا
محمد,,,,بنت عمك امانه فرقبتك يامازن خلةى بالك منها , وركب عربيته ومشى
ليلى ,,,ايوه ياهبه دى فرصتنا
هبه,,,,فرصة اى
ليلى ,,,محمد مشى
هبه,,,هتعملى ايه
ليلى,,,ميبقاش اسمى ليلى ان مكنتش اخليها تهج من البيت ده
