رواية اذا كان له قلب الفصل الثامن 8 بقلم سمسم
إذا كان له قلب))
الجزء الثامنصبا بدهشة...... إيه
الرجل.......اتفضلى حضرتك ورقة الاعلان دى توصليها للاستاذ مؤيد
صبا......ماشى شكرا
الرجل....العفو عن اذنك
صبا.....اتفضل
مسكت صبا الورقة فى يدها ولا تصدق ان جدة روفان تريد اخذ الطفلة من أبيها بسبب انه قد تزوج مرة اخرى
روفان.....مامى فى ايه
صبا.....مفيش حاجة يا حبيبتى
روفان..... طب زعلانة ليه كده
صبا.....لاء يا روحى مش زعلانة يلا ندخل جوا
روفان.....ماشى
دخلت صبا وروفان الى المنزل ولكن لاحظ رياض ان صبا ليست على طبيعتها
رياض.....فى ايه يا صبا
صبا.....جدة روفان رفعت قضية علشان تاخد حضانة روفان
رياض .....ايه هى عملتها مش عارف هى بتفكر ازاي
صبا.....ايوة واتفضل حضرتك ده اعلان المحكمة عن القضية
رياض.....وبعدين انا عارف مؤيد كويس عصبى ولما حد بيضايقه مش بيسكت
صبا.....مش عارفة هقوله ايه ولا اعمل ايه
رياض.....هو كده كده لازم يعرف
صبا......لما ييجى باليل هقوله وربنا يستر
............................
فى المساء
صبا.....روفى يلا يا حبيبتى علشان تاخدى الدوا وتنامى
روفان.....هو بابى لسه مجاش
صبا.....شوية كده وزمانه جاى
روفان....ماشى هاخد الدوا بس بلاش حقنة علشان بخاف
صبا.....ما تخافيش مش انا بدهالك ومش بتوجعك
روفان.....ايوة بس برضو بخاف
صبا....وانا والله كمان بخاف
روفان.....ههههه بتخافى يا مامى
صبا.....مامى مفيش أجبن منها
ولكنها سمعت صوت مؤيد خلفها
مؤيد.....ولا فى اجمل منها
صبا بابتسامة......حمد الله على السلامة يا حبيبى
مؤيد.....الله يسلمك روفى حبيبتى عاملة إيه
روفان..... الحمد لله يا بابى هاخد الحقنة ومش هخاف
مؤيد....شطورة حبيبة بابى دى بنوتى الحلوة
كانت صبا شاردة لا تعرف كيف سخبره بأمر الدعوة المقامة ضدة من جدة ابنته
مؤيد.... تصبحى على خير يا حبيبة بابى
روفان....وانت من اهله تصبحى على خير يامامى
صبا....وانتى من اهله ياروحى
.............................
فى غرفة النوم
كانت صبا تقف فى البلكونة الخاصة بالغرفة ومؤيد كان يأخذ حمامه وهى تفكر بانها يجب اخباره بما حدث واثناء تفكيرها لم تشعر به الا وهو محتضنها من الخلف واضعا رأسه على كتفها
مؤيد......الجميل سرحان فى ايه
صبا.....حبيبى فى حاجة حصلت ولازم تعرفها
مؤيد.... حاجة ايه دى
قامت اعطاءه الورقة الخاصة بالمحكمة وعندما رأها مؤيد تغيرت ملامح وجهه
مؤيد بغضب......هى ازاى تعمل كده
صبا....حبيبى اهدى
مؤيد.... اهدى ازاى عايزة تاخد منى بنتى دا اللى مش هيحصل ابدا
صبا.....اهدى علشان تعرف تفكر
مؤيد .....وهى دى فيها تفكير على جثتى لو خدت منى روفان
صبا.....بعد الشر عليك يا حبيبى انت ممكن تروح تتفاهم معاها
مؤيد....وهى دى هتتفاهم دى من ساعة ما عرفت انى اتجوزت وهى مش ساكتة
صبا.... حاول بس معاها روحلها انت وباباك واظن جد روفان مش هيرضيه اللى بتعمله ده
مؤيد...... دى طول عمرها كده اللى فى دماغها بتنفذه بس انا بقى مش هديها الفرصة دى واخليها تبعد بنتى عنى
..............................
فى منزل نوال
ذهب مؤيد ووالده لمنزل جدة روفان للتفاهم معها بشكل ودى لتتخلى عن القضية
شكرى.....اتفضلوا نورتوا البيت
رياض..... دا نورك
نوال....خير يا عريس ايه سبب الزيارة السعيدة دى
مؤيد.....اظن انك عارفة انا هنا ليه
نوال باستفزاز.......علشان القضية يعنى خايف تخسرها
مؤيد....انا عايز اعرف انتى بتعملى ليه كده
نوال.....علشان مش عايزة بنتى مرات اب تقرفها فى عيشتها
مؤيد.....انتى شوفتى صبا بتعاملها ازاى وروفان بتحبها
نوال....ما يمكن دى مجرد شوية حركات بتعملها علشان تكسب البنت ويوم انت ما تخلف غيرها هتغير معاملتها معاها وانا مش هسمح بكدة
رياض.....حضرتك احنا نعرف صبا كويس وهى محترمة جدا وبتحب حفيدتك
نوال....شىء ميخصنيش والكلام ده ميدخلش دماغى
مؤيد.....يعنى لسه مصممة على رأيك
شكرى.....نوال ما يصحش كده احنا مش عايزين مشاكل
نوال....وايه المشكلة انى عايزة اخد حفيدتى اربيها
مؤيد .......ماهى حفيدتك بقالها 6 سنين انا اللى بربيها اشمعنا دلوقتى
نوال.....علشان بقى عندها مرات اب ومش عايزة حفيدتى تتعقد
مؤيد....والله قلبك فيه الخير
نوال.....عندك شك
مؤيد.....على العموم بنتى مش هتبعد عنى لو هيبقى اخر يوم فى عمرى روفان مش هتبعد عن حضنى
نوال.....هنشوف يا عريس
............................
فى المنزل
دخل مؤيد غرفته كالعاصفة من تصرفات نوال واستفزازها له بكلامها
صبا.....عملت ايه يا حبيبي
مؤيد..... مصممة على رأيها ومنشفة دماغها
صبا.....هتعمل ايه دلوقتى
مؤيد.....انا مش هسيب بنتى تتربى برا بيتى ومش هسمحلها تاخدها
صبا......ان شاء الله مش هتبعد عنك
مؤيد.....ان مش عارف هو حرام اعيش في الدنيا دى مرتاح شوية؟
صبا بحزن.....الظاهر انى انا السبب يا مؤيد
مؤيد......انا مش عايز اسمع منك الكلام ده تانى مفهوم
صبا.....لو انا هبقى السبب فى بعد بنتك عنك يبقى ابعد انا
مؤيد........انتى بتقولى ايه
صبا....مش عايزة ييجى وقت وتلومنى انى كنت السبب فى ان روفان تبعد عنك
مؤيد....الومك ازاى يا صبا انا بحبك وهفضل احبك طول عمرى
حدق بها فى نظرة طويلة مليئة بعواطف لم يبح بها علنا واخذ يديها ووضعهما على شفتيه
مؤيد.....حبيبتى مش ممكن اخليكى تبعدى عنى ابدا
لما جذبها اليه استسلمت وانجرفت بانفعالها الذى لم تكن قادرة ان تسيطر عليه ووجهها المندس فوق صدره حيث كانت تسمع نبضات قلبه فضمته اليها شابكة يديها حول خصره
مؤيد بهمس.... آه يا صبا يا حبيبتى ضمينى ليكى اكتر واكتر مش عايزك تبعدى عن حضنى ابدا انا ما صدقت لاقيتك
صبا.....انا بحبك اوى يا مؤيد
ضمها اليه اكثر ونسيا للحظة كل الهموم انحنى على جفنيها المغمضتين ثم على خديها وراح يعانقها مطولا تهيأ لصبا ان تيارا لا يقاوم من المشاعر جرفها نظر اليها يتأمل ملامحها الجميلة
مؤيد.....اوعى تقولى انك عايزة تبعدى عنى تانى
جذبها نحوه من جديد وعانقها وشعرت بارتياح بين ذراعيه هو الرجل الذى تحب
...............................
حضر حازم واسيا الى المنزل للاطمئنان على روفان كعادتهم
اسيا....روفى حبيبتى عاملة ايه دلوقتى
روفان....الحمد لله
حازم....الشيكولاتة الحلوة دى لمين ولا اكلها انا
روفان......جبتلى شوكولاتة يا زوما
حازم.....اه يا روح زوما وهاكلها انا وانتى ومش هنخلى حاجة لاسيا
اسيا....طب و ربنا دا انا كنت انتحرت من على الكنبة دى
حازم....الكنبة طب اختارى حاجة عالية شوية
اسيا.....عايز تخلص منى يا حازم قاعدة على قلبك
حازم....قصدك قاعدة جوا قلبى
اسيا بكسوف.....يخربيت الاحراج
حازم.....هو انتوا مالكم كده ساكتين نقوم نروح
رياض....لاء يا حبيبى بتقول ايه
اسيا.....هو فى ايه صحيح
مؤيد.... جدة روفان رفعت قضية حضانة
اسيا....ها هى مشت كلامها برضو
حازم....وانت هتعمل ايه يا مؤيد
مؤيد....انا طبعا استحالة اخليها تاخد بنتى منى
حازم....بس هى ممكن تكسب القضية وخصوصا بعد انت ما اتجوزت
مؤيد.....يمكن ربنا يهديها وترجع عن اللى فى دماغها
كانت صبا تفكر فى حل لهذه المشكلة ففكرت انه ربما ستذهب هى الى نوال وتقنعها بالتخلى عن القضية
فطلبت من اسيا عنوان منزل نوال
صبا....اسيا انا عايزة عنوان جدة روفان
اسيا.....تعملى بيه ايه
صبا....هروحلها اكلمها انا
اسيا....وهى هترضى تسمع كلامك
صبا....اى محاولة وخلاص انتى متعرفيش عمك من ساعة الموضوع ده وحالته عاملة ازاى بس مش عايزة عمك يعرف انى روحتلها
.........................
فى منزل نوال
ذهبت صبا للتحدث معها فربما تأخذها الرأفة بحال الطفلة وحال ابيها فمؤيد اصبح شديد العصبية والتوتر واصبح يعانى من ضغط نفسى من معرفته ان ربما ستبتعد ابنته عنه
صبا......ممكن ادخل
شكرى....اتفضلى يا بنتى ادخلى
نوال.....خير حضرتك منورانا ليه
صبا....انا جاية بخصوص القضية
نوال....هو المحروس جوزك مش قالك على قرارى
صبا....قالى بس حضرتك متعرفيش هو حالته ايه دلوقتى
نوال.....ما انتى كفاية عليه هتنسيه كل حاجة
صبا.....مؤيد متعلق ببنته
نوال.....البركة فيكى بقى وابقى خلفيله عيل هينسى على طول
صبا.....يعنى هو كل اللى مضايقك ان مؤيد اتجوز
نوال....مش راح شاف نفسه واتجوز خلاص بقى يسبلى حفيدتى
صبا.....يعنى لو مؤيد مكنش اتجوز مكنتيش فكرتى تاخدى روفان
نوال.....برافو عليكى ما انتى فهمتى اهو
...........................
عادت الى المنزل بقلب مثقل بالهموم فهى اصبحت الآن العقبة فى طريق مؤيد فى الاحتفاظ بابنته ذهبت وجلست امام البحر تبحث عن حل لمشكلتها وعندما تأخر الوقت عادت الى المنزل
صعدت الى غرفتها ولكنها وجدت مؤيد فى انتظارها
مؤيد..... انتى كنتى فين يا صبا
صبا....ها لا ابدا كنت بتمشى شوية
مؤيد.... كنتى بتتمشى فين لحد دلوقتي
صبا.....الظاهر محستش بالوقت وانا قاعدة عند البحر
مؤيد....بتتمشى لحد دلوقتى دا الوقت اتأخر
صبا....انا اسفة على التأخير
مؤيد....مالك فى ايه
صبا....ابدا يا حبيبى مفيش حاجة
ولكنه لاحظ انها اقتربت منه وشددت من احتضانه لها
طافت نظراتها المحدقة بوجهه تبحث عن مزيد من الأمان
كانت عيناه تلمعان وقد انفرجت شفتاه
صبا بهمس.....مؤيد
مؤيد....صبا
بعثت لمساته فيها الحياة كان قلبها يضطرب بالسعادة كانت آمنة بين ذراعى مؤيد
كان توتر اعصابها بدأ يوثر على صوتها كانت عاقدة العزم على ان تعيش هذه الليلة بالذات وتكتنزها وتنسى ما قد تأتى به الأيام من لوعات ومن سنين خاوية
مؤيد.....مالك يا روحى فى إيه
صبا.....مفيش يا حبيبى بتسأل ليه
مؤيد.... حاسس فى صوتك بنبرة حزن
صبا بابتسامة مزيفة......لا يا حبيبى مفيش حاجة
مؤيد....انتى قلقانة علشان القضية
صبا.....ان شاء الله خير وروفان هتفضل فى حضنك ومفيش حاجة هتبعدها عنك اى حاجة
اغمضت عينيها يجب الا تبكى هذه الليلة بالذات وأراحت رأسها الى كتف زوجها فضمها محتويا إياها وكأنه يحميها
..................
فى الصباح
فتح مؤيد عينيه ولكنه لم يجد صبا بجواره نظر فى الغرفة ولكنه لم يجدها فظن انها ربما تكون فى الحمام
مؤيد.....صبا صبا حبيبتى انتى فين
ولكنه لم يجد رد فشعر بالقلق قام بفتح باب الحمام لم يجدها ولكنه لاحظ وجود ورقة بجواره على السرير قرأ مؤيد الورقة بعيون متسعة من الدهشة
مؤيد.....حبيبى متزعلش منى مقدرتش اكون السبب فى انك تخسر بنتك ففضلت انى ابعد عنك انا احسن لانى مش هستحمل ييجى يوم وابقى السبب فى ان روفان بعدت عنك سامحنى ومتحاولش تدور عليا انا أسفة
قام مؤيد بعصر الورقة بين قبضة يده
مؤيد بغضب شديد....ليه يا صبا ليه تعملى فيا كده ليه ليه
ولم يشعر بنفسه وهو يقوم بتكسير كل شىء موجود في الغرفة
سمع رياض صوت تكسير قادم من غرفة ابنه ففتح الباب ووجد الغرفة فى حالة فوضى شديدة
رياض.....مؤيد فى ايه ايه اللى انت عملته ده
مؤيد.....صبا يا بابا
رياض....مالها صبا فيها ايه
مؤيد....صبا سابت البيت ومشيت
رياض....ايه سابت البيت طب ليه
مؤيد......علشان مش عايزة تبقى السبب فى بعد روفان عنى
رياض...... وانت هتعمل ايه
مؤيد.....
