رواية طلب صداقة الفصل الثامن 8 بقلم مي علي
لفصل الثامن
الكاتبه / مي علىاسفه ع التأخير وهعوضكم بجزئين لو في تفاعل كويس ع الجزء ده
دخلت الحاله التالته وقعدت غ الشازلونج
وبدأت كلمها
ب انا اماني
عندي عشرين سنه
اصغر واحده يعتبر في اللمه الحلوه دي
انا حكايتي لتبدأ لما كنت خارجه من تجربه صعبه
وكنت شايفه اني مستحيل أخرج
منها
كنت بقلب ف الفيس عجبني بوست حد مشيره
من صفحه حد تاني
ف عملت فولو عادي
للبيدج
او الاكونت بتاع الشخص ده
زي زي اي حد
دوست علي علامة فولو
وخلاص عدي الموقف
مكنتش بفتح كتير وقتها
فتحت مثلا قولو بعدها بيومين
لقيت حد
داخل كاتبلي
مين !!
الو
الو
مين
فرديت مين اي ؟!
قال انتي مين
قولت ..
انت تعرفني ولا انا اعرفك
هو اي ده
- انتي عملتيلي متابعه انا الحقيقه عاوز اعرف مين
- وانا الحقيقه مش فاكره انا عملتها لك أمتي اصلا
ولو مدايق انا ممكن ألغيها اصلا
انا مش عارفه انا عملتها يمكن وانا بتفرج علي حاجه
- اممممم تمام
ولا يهمك خلاص عادي
كل الحكايه زي ما قولتلك كنت عاوز اعرف مين
عدي وقت وخلص الكلام علي كده
كنت منزله صوره ليا ع الاكونت عادي
لقيته داخل كاتبلي هي دي صورتك
قولت ف نفسي اه بقي انا عارفاه شغل الشقط
ده
معملتش للماسدج سين خالص
ودخلت ابص علي صفحته
شكله ابن ناس ومحترم
مردتش عليه ف وقتها
بس بعدها بساعتين مثلا
دخلت رديت
ايوه في حاجه
ف صورتي
قال ...
لا اللهم بارك عسوله
بس يعني ممكن تشيليها احسن
انا مش قصدي حاجه ابدا
بس دي نصيحه مش اكتر
قولت ..
واشيلها ليه
هي ع الاكونت بتاعي
وبعدين ما كل البنات بتعمل كده
قال ...
بصي مش هقعد اقولك كلام أنشا وبتاع
لكن صدقيني ده غلط
لان كمان صفحتك
عاملها عام يعني اي حد ممكن ياخدها ويعمل بيها اي حاجه
مسألتيش نفسك
نص صور البنات
اللي ع جوجل بيجو منين
مهو من حاجه زي كده
والاكونتات الفيك
ف شيليها احسن دي نصيحه
ساعتها فعلا دخلت شيلتها عادي معرفش سمعت كلامه ليه بس اهو
وتوقعت أنه هيكمل كلام لقيته سكت
وبيفتح ويقفل
ف انا كبرت دماغي
حتي مشكرتوش علي النصيحه
كان بينزل استوريهات ع الفيس
كانت بتعجبني
كنت برد عليها بلايك
او اقول ابعتها ممكن
ويبعت أقوله شكرا
يقول لا شكر علي واجب
ده كان كل الشات بنا
ومكنتش حطاه ف دماغي اصلا
لحد ما فيوم فعلا كنت تعبانه
فنزلت كذا بوست حزين ورا بعض
عجبوني
كلام عام يعني مش بحكي حاجه عن نفسي
وقفلت
بليل لقيته عاملي لايك
واول ما فتحت لقيته بعت ماسدج
بصي هو مش تطفل بس ممكن أسأل مالك
قولتله ..
مالي ازاي
قال ..
مالك فيكي اي انا اه غريب ومعرفكيش
بس حاسس ان فيكي حاجه مزعلاكي
كنت فعلا محتاجه اتكلم
مع اي حد انشالله الحيطه
قولت .. .فعلا انا تعبانه ومحتاجه حد يسمعني
قال ...
انا بسمع كتير لو حابه تحكي
قولتله ...
متعودتش اتكلم مع حد غريب
قال ..
طب خلاص اقفل وانتي كأنك بتكتبي لشخص
خرجي اللي مدايقك ف الكتابه وامسحيهم
تاني
انا بعمل كده أما بكون مدايق
سكت شويه مردتش عليه
قال ...
اللي ممكن يكون معكننك كده مسأله حب مش كده
بعتله وش حزين
رد وقال ... .صدقيني مش انتي لوحدك
وبدأ يتكلم
عن تجربته وانا كنت بسأل ازاي زاي اللي حصل
ومش عارفه اي
حكايته كانت مشوقه ف كنت بسأل
وهو بيحكي ابتديت انا كمان احكي
عن تجربتي
انا كنت مخطوبه فعليا مش اي كلام
حاكتله ازاي اتعرفنا واتخطبنا
وقعدنا مع بعض احلي ايام
وفجأة كل ده راح بسبب أمه
وازاي انا اخدت قرار فاجأه اني اسيبه لوحدي كده
مع أن مكانش فاضل علي جوازنا غير حاجات بسيطه
ابتدينا نتكلم ف الموضوع ده
كذا مرا
والمواضيع ابتدت تتغير
اتعرفنا واحنا بنتكلم
هو اسمه علي وعنده حوالي 27سنه
ويتيم الاب وعايش ف منطقه ف القناطر زي الأرياف كده
وشغله كله ف القاهره والجيزه
يعني بيروح ويجي
فضلنا مثلا اد شهر نتكلم
بالساعات
كل حاجه بقيت شبه عارفاها عنه
وانا كمان كنت بحكيله
ارتحتله
وهو كمان ارتحلي
لحد ما فيوم قالي أنه جاي القاهره
انا ساكنه
ف القاهره بس ف حته شعبيه
هي مش شعبيه اوي لكن
طول الوقت في هيصه ودوشه
وانا بحب المكان ده اوي اوي
طلب نتقابل
ف الأول رفضت
وبعدين وافقت
وفعلا خرجت اليوم ده وروحت قابلته
كان محترم جدا
وملامحه طيبه
مخوفتش معاه ومتعداش حدوده
وانا كمان كنت بتعامل عادي
ف مكنش في قلق
عارفه انكم ممكن تلوموني علي اللي عملته ده
بس اسمعو حكايتي للأخر
هو مش متعلم يادوبك بيقرا ويكتب بالعافيه
انا بردو تعليمي مش ادد كده
انا اخدت دبلوم
وقعدت ف البيت
كنت هكمل بس خطيبي الاول
يعني قال كفايه كده
ف وقفت
اتكلمنا تمن شهور
اتعودنا علي بعض اوي
لكن مع مرور الوقت الاهتمام مبقاش زي الاول
مع العلم اني متعدتش حدودي
احنا فعلا كنا دخلنا ف علاقة حب
بس هو كان بيقول أنه مبقاش يقدر يكون معايا زي الاول عشان شغله
ف ابتديت اتقل زي ماهو بيتقل
ناس كتير قالت اياكي وعلاقات النت اوعي
اكيد بيتسلي
فضلت الفكره دي مسيطره عليا
وحاولت ابعد
لكنه فاجأني بأنه عاوز يقابل والدي
بعد تمن شهور دلوقتي عارفين بعض
الصراحه انبسطت منه اوي بالخطوه دي
قليل اوي اوي ع النت لو في حد يدخل البيت من بابه
لكن فعلا كلم بابا
وسلم عليه
وقله هو منين
وشوية معلومات
لحد ما يحدد معاد بس يبقي علي سبيل التعارف
ووالدته جت قابلت والدتي
وقعدت معاها علي سبيل التعارف بردو
ماما كانت عارفه أننا بنخرج
لانها كانت مرتحاله وشيفاه محترم جدا
ممكن تستغربو بس هيا
كمان خالتني سافرت معاه المكان اللي هو منه
عشان اشوف شقته والبيت والمنطقه
الحقيقه بابا ميعرفش
او يعرف بس مصهين
بس هما واثقين فيا جدا
وانا واثقه فيه
وروحت لكن المفاجأة كانت
اني حسيت احساس مش حلو
نهائي
مش عشان المنطقه وحشه لا
عشان انا كنت فاكراها منطقه زي منطقتنا
لقيتها ارياف
وبابا عمره مهيقبل ابدا بأني اعيش هنا
روحت بيته ومامته قابلتني احسن استقبال
وفرجوني ع الشقه
وكانت الصدمه التانيه
هي الشقه صغيره جدا
جدا
انا كنت جهزت نفسي من كل حاجه
اصلا
الشقه اللي كنت هنقل فيها حاجتي
كانت أكبر من دي
ف عشان كده
جبت الحاجه علي أساسها
لكن محصلش نصيب
ف خلاص يعني
دلوقتي انا فهمته ان بابا مش هيوافق
بابا لو نزل وسأل هيترفض قبل ما يدخل
هو أهم حاجه عنده
يأمن مستقبلي انا اصغر اخواتي
ف انتو فاهمين بقي
هو كان بيحاول يقنعني اني اسكن هناك
وقالي ممكن بعد كده ننقل
بس طبعا انتو عارفين بعد الجواز مفيش حاجه بتتغير
ودي المشكله بقي اختلاف الطبقات
لازم يجيب شقه ف اي حته
حتي ممكن ف منطقتنا
بس هو بيقول أن الفلوس اللي معاه توضب شقته منشتريش شقه
وانه مينفعش يبيع البيت ده بيت عيله
ده غير أمه هو حامل همها مش عاوز يسبها ولا يسيب أهله وبلده
انا قولتله امك ف عنيا
هيا طيبه جدا
وانا حبيتها اوي
بس هو بيقنعني وانا بحاول اقنعه
قبل ما يدخل ويترفض
كمان انا ليا استايل لبس معين
هما البلد عندهم هاديه
تقريبا بينامو من المغرب
انا واحنا راجعين كنت حاسه اني هتخطف
ولبسي طول مانا ماشيه محسسني اني جايه من الفضاء
مؤخرا بقي بيجيلي احساس اني مش قادره اكمل مش عاوزه اتكلم
ومش عارفه مالي كده قرفانه ومخنوقه
وظلماه معايا وهو ملوش ذنب
انا جيت احكي تجربتي
ليكم
وعاوزه رأيكم
هو اي اللي فيا ده
وهل انا بحبه فعلا
ولا دخلت ف علاقه عشان انسي الأولي
وعلاقتنا دي هتنجح
ولا مش هتأقلم
انا مش عاوزه اروح هناك
ومليون حاجه ملخبطه جوايا حقيقي انا مش عارفه انا فيا اي
طب حتي بحبه ولا لا
ممكن حد يجاوبني من واقع خبرتكم
وتنصحوني لوجه الله انا فعلا تايهه ومش عارفه مالي ومش عاوزه أذيه .......
انا هسبلكم انتو الرد يا متابعيني اي حد يقرأ الجزء ده يقولها رأيو لأن الشخصيه دي موجوده هنا بالفعل اكتبوا رأيكم وعلو التفاعل
