رواية طبيبتي المجنونة الفصل السابع 7 بقلم ميرو عيد
(البارت السابع
)~~~~~~~~~"حازم قام ومشى بعد ما اطمن عليها وراح الفندق لبس وبعدين راح الحفله اول ما دخل الناس كلها اتلمت عليه اللى يتكلم فى مشروع واللى ياخد رأيه فى حاجه "
ويجيله صوت من وراه بيقوله : حازم بيه الاسيوطى معقوله شرفنى فى حفلتى !!!
حازم بيبص وراه وهو بيضحك: معقوله مجيش وانت بنفسك اللى دعتنى يا استاذ باسم .... ويروح يسلم عليه ...
باسم ويبتسم : هى الحفله هيكون ليها رونق غير بيك ..
"وبيقعدوا يتكلموا فى الشغل لحد ما يلاحظ حازم أن الناس كلها اتجمعت وبيبصوا على حد شكله مهم داخل فقعد يبص من بعيد لحد ما .........يقربوا منهم
باسم وهو بيسلم ع يارا : دكتوره يارا بجد مبسوط انك جيتى ..
يارا بابتسامه: انا اقدر اتاخر ياعمو برضو .....
يوسف بمرح : طيب مبسوط بيها وانا ابنك لا ...
باسم بضحك: اه امشى من هنا ...
يوسف: طيب مش هتعرفنا بالاستاذ اللى معاك ولا ايه؟؟؟ ...
باسم : اه طبعا ....استاذ حازم الاسيوطى رجل اعمال كبير اوى وشريكى ...ودى يا استاذ حازم دكتوره يارا السويفى من اكبر دكاتره جراحه مخ واعصاب فى مصر وباريس وكمان سيده اعمال وابنه صاحبى المقرب ليا الله يرحمه...ودا ابنى يوسف دكتور زايها كمان ..
يوسف بمرح : دايما كدا متبرى منى ومش بتكمل الجمله وتقول دكتور زايها 
...طب علفكره انا بقى اشطر منها 
...طب علفكره انا بقى اشطر منها يارا وحازم فى نفس الوقت وهما بيسلموا : تشرفت بمعرفتك...
"يوسف لاحظ أن الاتنين بيبصوا لبعض اوى وزاى ما يكون فى حاجه عايزين يقولوها لبعض "
يوسف لوالده : متيجى يا والدى نشوف المعازيم انا وانت فى ناس بدأت تيجى وميصحش كدا ...
باسم : اه يلا بينا .....
"يمشوا ويسبوهم مع بعض يفضلوا كتير ساكتين وبعدين حازم يقرر يبدأ يتكلم "
حازم: احم ...احم ...وحضرتك عندك شركه ايه فى مصر ولا عندك. هنا ؟؟!!
يارا : اه عندى هنا وعندى فى مصر مجموعه شركات السويفى لو تسمع عنها مشهوره .....
حازم : بجد مجموعه شركات السويفى دى مشهوره جدا ....دا حتى انا بتعامل مع شركتين منهم .. وكمان والدى بيتعامل معاكم وكان صديق لوالدك برضو الله يرحمه بس أنا افتكر أن والدتك إللى ماسكه شركات والدك صح ....
يارا: صح هى اللى ماسكه الشغل لأن انا متفرغه لشغل المستشفى ...
"حازم عايز يعرف إذا كانت متجوزه ولا لا ميعرفش ليه بس الفضول هيقتله "
حازم : اه ... فرصه سعيده يامدام يارا ...ولا اقول يا انسه يارا؟؟!
"يارا وفهمت قصده انه عايز يعرف إذا كانت متجوزه ولا لا"
يارا : دكتوره يارا احسن يا استاذ حازم ... عن اذنك هروح اسلم على واحده صحبتى ...
حازم : اتفضلى يادكتوره...
"حازم من اول ما مشيت من جمبه وهو مركز معاها وبعدين لاحظ أن فى واحد شكله معجب بيها ولما سلمت عليه هو ماسك فى ايديها جامد وهى بتقوله يسيب ايديها وحازم اتعصب "
حازم: دا ايه الراجل الوقح ده...
"حازم بيقرب عشان يتخانق معاه بس بيقف لما بيلاقى يارا ضغطت على ايديه اووى وبعدين زقته وقع "
يارا بخبث: اووه مستر جوزيف ...انا حقا لم انتبه انك تقع ....
"وبعدين يارا بتمشى بتسلم على الباقى وناس كتير بتجرى تسلم عليها اول مايشفوها وكل دا وحازم متابعها"
حازم فى نفسه وهو بيضحك :دى مجنونه بقى 
"وبعدين بيقف باسم على المنصة"
باسم: اول شىء اريد أن ارحب بكل من دعوتهم على هذه الحفله اشكركم كثيرا .....وثانى شىء أنا قمت بهذه الحفله احتفالا بالصفقه التى قمت بربحها انا وشريكى حازم الاسيوطى ....دعونا نصقف له ...لتاتى وتلقى كلمتك مستر حازم الاسيوطى ....
"حازم بيمشى بهالته المعروفه البرود والفخر كالعاده وبيطلع على المنصه ويقف قدام المايك "
حازم: اود ان اشكر على هذه الحفله مستر باسم وانتم شكرا جزيلا لكم ...حسنا بما انكم اصريتم على أن القى كلمتى فلن اقول سوى جمله واحده لانى لا احب الكلام الذى ليس منه فائده ...وهو أنكم لو عملتم بجد وبحذر سوف تحققون كل النجاح ....شكرا لكم ...
"بعد فتره بتروح يارا لباسم "
باسم : كنت عايز اقولك اخر حاجه عرفتها لموضوعك بس مش هينفع نتكلم هنا ممكن تبقى تيجى بعد شغلك بعد بكرا مع يوسف .....
يارا: تمام ياعمو .....
"وبعد وقت بتخلص الحفله وحازم بيروح الفندق ويارا بترجع البيت "
"حازم بينام على السرير يبدأ يفتكر شكلها"
حازم فى نفسه : بجد كانت جميله اوى النهارده ....بس أنا ليه بفكر فيها كدا ...
بيجى صوت من جواه تانى: يمكن عشان انت اعجبت بيها ...
صوت تانى غيره : ماتتلم يابنى تعجب بمين انت متجوز ...
حازم : اه انا غلط افكر فيها ....اقولكم على. حاجه انا هقوم اروح التدريب احسن ..
"حازم بيقوم يروح التمرين بس بيتفاجى أن المدرب لسه بيدرب حد للوقت دا "
"حازم راح المكان بتاع التدريب لقى المدرب بتاعه فى حد لسه بيدربه لحد دلوقتي"
حازم وهو واقف جنب عمود واتسند عليه وبيبص على اللى بيدربه المدرب بتاعه بيلاقيه جسمه رفيع مش جامد اوى ولابس كاب وسويت تيشرت كات وواسع حبتين وحازم بيركز اوى مع الشخص دا بيلاقى كل حركاته هو حاسبها اوى وحازم علفكره عنده ميزه أنه بيركز فى كل حاجه وبيدقق جامد فاى حاجه بتحصل قدامه بيلاحظ أقل تفصيله فيها "
"بعدين بيخلصوا تدريب والشخص دا بيكلم المدرب"
الشخص المجهول : شكرا لك ايها المدرب وانا موافقه على المباراه أن تكون غدا ..
بتنزل عن الحلبه بتاعه التدريب بتلاقيه فى وشها بتشيل الكاب عن رأسها وشعرها بينزل بطوله عل ضهرها واتفاجا : اجهز ياوحش لبكرا بقى ...
حازم كل دا واقف مصدوم ويقول فى نفسه: هو انت ورايا ورايا ...اهرب اروح فين منك ...ياميله بختك ياحااازم
..
.."بعدين حازم بيركز على كلامها "
