أخر الاخبار

رواية اذا كان له قلب الفصل السابع 7 بقلم سمسم

رواية اذا كان له قلب الفصل السابع 7 بقلم سمسم

إذا كان له قلب))

الجزء السابع
مؤيد بفزع...... إيه ازاى ده حصل خلاص خلاص احنا راجعين
صبا بخوف....... مؤيد فى ايه
مؤيد.....روفان فى المستشفى
صبا بخضة.....ازاى ايه اللى حصل
مؤيد.....فى عربية خبطتها
صبا.... حبيبتى طب يلا بينا انا هجز الشنطة بسرعة
مؤيد....ماشى وانا هتصل على حازم واسيا واقولهم
قامت صبا بتجهيز الشنط لمغادرة الفندق وقام مؤيد بالاتصال على حازم
حازم.....ايوة يا مؤيد فى ايه
مؤيد.....احنا هنمشى روفان فى المستشفى
حازم....ايه روفان خلاص استنى احنا هنمشى معاكو
مؤيد....طب بسرعة
حازم....ماشى سلام
اسيا....فى ايه يا حازم
حازم.....روفان بنت عمك فى المستشفى
اسيا برعب.....روفان ايه اللى حصل
حازم....يلا بينا بس بسرعة علشان نروح مؤيد وصبا ماشين
اسيا....ماشى هجهز كل حاجة بسرعة
اصابهم الاربعة الحزن والخوف على الصغيرة وخصوصا ابيها فمنذ سماعه الخبر وهو يشعر بالخوف عليها ولا يستطيع التفكير فروفان اغلى ما يملكه مؤيد هى وصبا
..........................
فى المستشفى
وصلوا الى المستشفى فى حالة ذعر شديد واستعلموا عن الطفلة فاخبرتهم الممرضة برقم الاوضة فذهبوا سريعا الى الغرفة
لاحظت صبا وجود والد مؤيد ورجل وامرأة اخرين ولكنها هذه اول مرة تراهم صبا
اسيا بصوت منخفض.........يا نهار ابيض طنط نوال
حازم......ليلة عمك مؤيد مش فايتة النهاردة
عندما شاهد مؤيد وصبا الصغيرة نائمة على السرير ورأسها ملفوف بضماد ابيض ساروا بلهفة الى السرير
مؤيد.......حبيبة بابا ايه اللى جرالك بعد الشر عليكى
بابا ايه اللى حصل
رياض...... كانت مع الدادة بيشتروا شوية حاجات وفى عربية جت بسرعة خبطتها وجريت
صبا.....هى مش بترد ليه
رياض..... هى بس لسه خارجة من العمليات
مؤيد.....والدكتور قال ايه
رياض.....هو شوية وهييجى يطمنا
نوال...... حمد الله على السلامة يا عريس
مؤيد............................
نوال.....مش بترد ليه يا عريس بنتك كانت ممكن تموت بسبب اهمالك زى ما موت امها
شكرى.....نوال مش وقته الكلام ده
نوال.....ليه هى مش دى الحقيقة مش البيه راح اتجوز وساب بنته لما كانت هتموت مبروك يا عروسة
صبا......الله يبارك فى حضرتك
مؤيد.....اظن مالوش لازمه الكلام ده دلوقتى
نوال.....ليه يا عريس الكلام وجعك
مؤيد...... أستغفر الله العظيم وبعدين
نوال.....لو روفان جرالها حاجة مش هسكتلك يا مؤيد
مؤيد.....بقول لحضرتك ايه انا مش ناقص
رياض.....مؤيد
مؤيد.....انت مش شايف يا بابا انا بس هسكت علشان حضرتك
نوال.....وتسكت ليه يا مؤيد
مؤيد....اظن انك عرفانى كويس انا ساكت احترام لبابا
نوال.....اه عارفة انك بجح يا مؤيد ومبيهمكش حد
شكرى.....نوال وبعدين معاكى
نوال.....ماهى العروسة الحلوة نسته نفسه وبنته كانت هتروح فيها
عندما سمعت صبا ذلك حاولت ان تخرج من الغرفة ولكن مؤيد امسكها من يدها
مؤيد ......انتى راحة فين
صبا ......هخرج بس شوية برا
مؤيد......لاء مش هتخرجى
صبا بهمس ...حبيبى انا هكون قدام الباب انا واسيا
خرجت صبا واسيا وحازم خارج الغرفة
صبا.....انا عايزة اعرف مين دى
اسيا.....دى طنط نوال جدة روفان تبقى مامت نسرين مرات عمو مؤيد الاولانية
صبا.....اه انا كده فهمت بس ليه بتعمل كده في مؤيد
حازم.....هى اعتقادها ان مؤيد السبب فى موت مراته
صبا....ازاى
اسيا.....دى حكاية طويلة
صبا.....قوليلى فى ايه يا اسيا
اسيا.....عمو مؤيد لما اتجوز بعد جوازه مراته اكتشفت ان عندها مرض خطير يمنعها من الخلفة والدكاترة حذروها انها تخلف عمو مؤيد كان راضى ومش معترض بس هى كان نفسها تخلف حملت لما عمو مؤيد عرف قالها ننزل الجنين رفضت واتمسكت بيه وعاندت وكملت الحمل ولما ولدت روفان جالها نزيف وماتت فمامتها مفكرة ان عمو مؤيد هو السبب فى موتها ومن ساعة ما ماتت وهى بتلومه وهو كان بيحاول يتجنبها على قد ما يقدر وفضل عمو من غير جواز لحد انتى ما جيتى وحصل اللى حصل
حازم.....هى مبتجتمعش مع مؤيد فى مكان الا لما تسمعه ما يكره وتحسسه بالذنب مع انه معملش حاجة
اسيا..... حاولى يا صبا تتجنبيها
صبا....انا مليش دعوة بيها بس مؤيد صعب عليا فى ظروفه دى وهى تعمل كده
رأت صبا قدوم الدكتور الى الغرفة فدخلوا ايضا للاطمئنان على روفان
مؤيد.....خير يا دكتور بنتى فيها ايه
الدكتور....الحمد لله ربنا ستر بس هتفضل هنا شوية علشان الجرح اللى فى رأسها وكمان ايدها الشمال اتكسرت فهنعملها اشعة زيادة اطمئنان الف سلامة عليها
رياض.....شكرا يا دكتور الله يسلمك
بعد خروج الدكتور من الغرفة مسك مؤيد يد صبا وضغط عليها كأنه يستمد منها قوته لاحظت نوال ذلك
نوال......احمد ربنا انها هتبقى كويسة يا مؤيد علشان لو حصلها حاجة مش هتعرف انا هعمل ايه
مؤيد....هتعملى ايه يعنى ها
نوال.....هاخدها منك يا مؤيد
مؤيد......تاخديها ازاى يعنى
نوال.....هرفع عليك قضية وهاخد حضانتها
مؤيد.....واشمعنا دلوقتى علشان اتجوزت طب ما روفان معايا من يوم ما تولدت افتكرتى دلوقتى انها حفيدتك
نوال.....مكنتش حضرتك مشغول عنها
مؤيد.....والله بنتى ما بقتش عايشة زى الاطفال الا لما صبا ظهرت فى حياتها
نوال....ومين هيشهد للعروسة
مؤيد....لاحول ولا قوة الا بالله حضرتك انا مفييش اعصاب علشان اجادل معاكى وياريت حضرتك تتقبلى انى خلاص اتجوزت
شكرى......نوال يلا بينا كفاية كده
رياض....يا جماعة هى مش حرب احنا فى ايه ولا ايه
مؤيد.....بابا حضرتك روح وانت يا حازم خد اسيا ووصل بابا وروحوا انتوا
اسيا.....هستنى معاكم هنا
صبا.....لاء روحى انتى هفضل انا ومؤيد هنا جنب روفان
ذهبوا جميعا وظل مؤيد وصبا مع روفان فى الغرفة
وضع مؤيد رأسه بين يديه يشعر بارهاق شديد وتعب بسبب كلامه مع ام زوجته الاولى
جلست صبا بجواره وضعت يدها على ظهره محاولة لتهدءته
صبا......حبيبى اهدى شوية
مؤيد....مش شايفة كلامها
صبا.....جايز خايفة على حفيدتها
مؤيد....هى كده متشوفش وشى الا لما لازم تفور دمى
صبا..... طب اهدى هروح اجبلك حاجة تشربها
خرجت صبا من الغرفة ورجعت ومعها كوبين من القهوة
صبا....خد يا حبيبى اشرب القهوة دى
شرب مؤيد القهوة فى محاولة لتهدءته اعصابه
كان يوجد سرير اخر فى الغرفة قامت صبا باغلاق الباب
صبا....تعالى يا حبيبى ناملك شوية
مؤيد....مش هيجيلى نوم
صبا....بس افرد جسمك على السرير مش مهم تنام
تمدد مؤيد على السرير وعندما حاولت صبا الابتعاد
مؤيد....راحة فين
صبا....انا هنا هقعد على الكرسى ده
مؤيد....لاء تعالى جنبى
جلست صبا بجواره على السرير ووضع رأسه فى حضنها
وضعت يدها على رأسه تمسد شعره فاغمض عينيه ظنت صبا انه ناءم حاولت الابتعاد
مؤيد..... خليكى جمبى متقوميش
صبا....ماشى يا حبيبى نام
ظلت صبا بجواره حتى غلبه النوم وهى نامت ايضا
........................
فى الصباح
استيقظت صبا على صوت روفان وهى تنادى عليها
روفان....مامى بابى
صبا.... حبيبتى انتى كويسة
مؤيد....سلامتك يا روح بابى
روفان....انتوا سيبتونى وروحتوا فين
صبا....خلاص يا حبيبتى مش هنبعد تانى
مؤيد....بعد كده مش هنروح فى اى مكان الا وانتى معانا
كانت جدة روفان عندما تحضر لرؤيتها تضايق مؤيد وصبا بكلامها
اخبر الدكتور مؤيد ان الطفلة بخير وتستطيع الخروج من المستشفى فرح مؤيد بأن ابنته انها اصبحت بخير وستعود معه للمنزل
................................
فى منزل نوال
شكرى.....نوال لو روحنا نشوف روفان فى البيت مش عايز مشاكل مع مؤيد
نوال.....هو انا كنت عملت ايه يعنى مش كفاية نسى بنتى وراح اتجوز
شكرى......حرام عليكى بقى الراجل قعد بعد موت بنتك 6 سنين ومتجوزش هو فى الاول والاخر راجل ومحتاج ست فى حياته
نوال.....مش هو السبب فى موت بنتى
شكرى.....هو السبب ازاى بنتك اللى عاندت وكملت الحمل وهو كان رافض
نوال....ما لازم يقول كده هو عايش حياته وانا عايشة بحسرتى على بنتى
شكرى.....نوال انا مش عايز مشاكل وانتى عارفة مؤيد معندوش عزيز ولا غالى
نوال.....اه عرفاه البجح اللى مبيهموش حد
شكرى....اللهم طولك يا روح لو كده مش هنروح
نوال.....انا راحة لبنت بنتى مش علشان خاطرو هو
شكرى....ادينى بحذرك اهو
لم تقتنع نوال بكلام زوجها فهى منذ معرفتها بجواز مؤيد وهى لا تهدأ
..............................
فى المنزل
حازم......حبيبة قلبي الف سلامة
روفان......الله يسلمك يا زوما
اسيا......كده تخضينا عليكى يا روفى
روفان....ما انتوا سيبتونى ومشيتوا
حازم بضحك.....يعنى تقومى تنتحرى
صبا.....بعد الشر عليها
مؤيد....الحمد لله على كل حال بعد الشر عليكى يا حبيبة بابا
روفان....مامى انا عايزة عصير
صبا.....حاضر يا حبيبة مامى
نوال.....انتى كمان بتقوليلها يا مامى
مؤيد....ودى فيها حاجة
نوال....روفان امها ماتت من زمان بسببك
رياض.....ميصحش كده يا مدام نوال
شكرى....يلا بينا يا نوال
نوال....انا لسه مطمنتش على حفيدتى
مؤيد.....انا مش مانعك عن حفيدتك بس ملوش لازمة كلامك ده
نوال.... متخافش كل حاجة وهيجلها وقت وتخلص
.......................
فى غرفة النوم
بعد اطمئنان مؤيد وصبا على روفان ذهبوا الى غرفتهم
صبا.....هى جده روفان قصدها ايه
مؤيد.....بالنسبة لايه
صبا....انها بتقول كل حاجة وهتخلص
مؤيد....سيبك منها هى مش هتسكت مش عارف اعمل معاها ايه
ااااه الايام اللى فاتت دى كنت حاسس ان هيجرالى حاجة
صبا....بعد الشر عليك يا حبيبى
مؤيد.....على فكرة انتى وحشتينى اوى اوى
صبا ......وانت كمان وحشتنى اوى
كان فى أمس الحاجة إليها الآن فهو يحتاج اليها يريد ان يضمها بين ذراعيه يريد ان يتخلص من توتره الايام الفائتة فهى ملجأه الآن
اعتصرها بين ذراعيه فهى تعلم مدى قلقه على ابنته شعرت صبا بحرارة عناقه فاستسلمت له فهى ايضا قد اشتاقت اليه كثيرا فلم تعد تفكر في شىء
.............................
فى احد الايام
اثناء جلوس صبا مع روفان فى الجنينة
صبا.....حبيبتى اجبلك حاجة تاكليها
روفان....لاء يا مامى مش جعانة
صبا.....انتى مش بتأكلى كويس يا روفى
روفان.....انتى يا مامى كل شوية تأكلينى
صبا.....علشان تخفى بسرعة يا روحى
روفان....ما خلاص قربت افك الجبس ده
صبا...على خير يا روح مامى
روفان....انا بحبك اوى
صبا....وانا بحبك اوى يا قلبى
رأت صبا حضور رجل غريب الى المنزل يسأل على مؤيد
الرجل......حضرتك الاستاذ مؤيد البكرى فين
صبا.....هو مش موجود بس انا مراته فى حاجة
الرجل.....معايا اعلان من المحكمة
صبا.....اعلان ايه ده
الرجل....دا اعلان قضية رفعاها السيدة نوال عبد الحق علشان حضانة حفيدتها روفان مؤيد رياض البكرى
صبا بدهشة......ايه


تعليقات



حجم الخط
+
16
-
تباعد السطور
+
2
-
close