رواية اهدتني معاقا (لكنه القدر) الفصل السابع 7 بقلم اسماء عبدالهادي
دخلت فرح لداخل غرفتها تقيس ما حاكته لها والدتها
فرح_ها ايه رايك يا مامااحسان_بسم الله ماشاء الله ،ربنا يحفظك يابنتى
فرح بسعاده_جميل اوى ياماما
محمود_ماشاء الله لا قوة الا بالله ،خلاص كبرتى وبقيتى عروسه يا فروح ،ربنا يسعدك ياقلبى
خجلت فرح كثيرا من كلام والدها
يامن وهو يضحك عليها_ايه يافروح اتكسفتى ،تعالى شوفى بنات اليومين دول لو حد قالهم زواج بيعملوا ايه ،للاسف الحياء بقى نادر اليومين دول عند البنات ،بس انتى غير يا فرح ،انا بجد بحسد نفسى عليكى ،ربنا يباركلى فيكى يا احسن اخت فى الدنيا
فرح_ويباركلى فيك يا احن اخ فى الدنيا ،ها ايه رايك فى الفستان اللى ماما عملتهولى
يامن باعجاب_جميل مفيش كلام ،ربنا يهنيكى يارب
****
امال وهى تجلس على احدى الطاولات مع صديقه فى حديقه الفيلا حيث يقام الحفل
رشا هانم _الف مبروك يا امال نجاح ابنك امجد ،دى هديه بسيطه ،لامجد
امال_الله يبارك فيكى ،ليه تعبتى نفسك بس
رشا_هوا احنا عندنا اغلى من امجد ؟!
امال ابتسامه _ميرسى ياروحى ،،الا قوليلى انتى اشتريتى الدريس اللى عليكى ده منين ،تحفة بجد
رشا وقد سرت بكلام امال كثيرا_هتصدقينى لو قلت لك انه مش جاهز
امال_واو ،يبقى اكيد مصمم مشهور عمله ليكى مخصوص ،عجبنى اوى
رشا_هوا صحيح اتعمل ليا مخصوص بس مش مصمم اللى عمله ،دى خياطه عاديه بس شغلها عالى اوى
امال_بتتكلمى جد ،دى شكلها فاشون ديزاينر ،قوليلى على عنوان المركز بتاعها ضرورى
ضحكت رشا ونظرت لها امال باستغراب
رشا_ دى ست غلبانه اتعرفت عليها بالصدفه وشوفت شغلها فعجبنى قلت اجربها مش هخسر حاجه ،لقيت فعلا شغلها حلو اوى ،وللاسف موهبتها دى محدش يعرفها الست عايشه فى حى فقير خالص ،وبتخيط للناس هناك ،يعنى فى الاخر بيطلعلها ملاليم ،علشان كده هعرفك عليها انتى وصاحباتنا فى النادى ،يمكن نقدر نساعدها
امال _تمام مفيش مشكله عندى ،انا كمان هجربها ،ممكن بعد كده اكون زبونه دايمه بقى
رشا _طول عمرك بتحبى تساعدى غيرك ومتواضعه يا امال عكس ناس كتير ،عجبهم تصميم الفستان ولما عرفوا انها ست غلبانه اللى عملتوا تكبروا ورفضوا يخيطوا عندها
امال _انا ميهمنيش اللى يعمل مصمم مشهور او خياطه عاديه طالما فى الاخر الشغل هيطلع برفكت ،وكمان فعلا انا عايزة تساعدها ،بيصعب عليا الناس دى اوى ،بتتعب جامد ومش لاقيه مقابل ده اى تقدير او دعم لمواهبهم
رشا_معاكى حق مش معنى انهم فقرا ،انهم جهله ،دول بيطلع منهم اذكى عقول فى البلد ،ودى فرصتنا اننا نساعدهم وندعمهم
***
فرح_ها يا يامن هتختار ايه حاسبات؟!
يامن _انا فكرت فى الموضوع ده كتير،هدخل فنون قسم عمارة او ديكور على حسب هشوف لسه
فرح _مم تمام ندخل فنون
يامن _انتى بتجمعى ليه يا انسه
فرح _ ايه؟!مش فاهمه
يامن_فرح انتى هتدخلى الكليه اللى انتى حاباها مش علشان تكونى معايا
فرح _بس انا عايزة اكون معاك يا يامن انا وعدتك بده
يامن_فرح احنا فعلا هنكون مع بعض بنفس الجامعه،بس هتدخلى الكليه اللى تحبيها انتى وانا عارف انك بتتمنى تدخلى السن بس مش بتبينى ده
فرح _يامن انا مستعده اسيب اى حاجه بحبها بس اكون معاك
يامن_انا مبقتش صغير يافرح اعرف اتصرف لوحدى لو قابلتنى اى مشكله
فرح _انا مقصدتش ده ،يامن انا مش بعتبرك اخويا بس،انا رغم اننا توأم ،بس احيانا بحس انى امك وانت ابنى اللى بخاف عليه من الهوا
يامن وهو يضحك _ههه طيب يلا يا ماما،بينا نلحق نسجل الرغبات قبل ما باب التسجيل يتقفل
فرح_اوك يلا فنون فنون
يامن رفع اصبعه محذرا_فرح انا قلت ايه
فرح وهى تدعى الخوف_خلاص خلاص السن مين قال فنون بس
ضحكوا سويا ودعوا الله أن يوفقهم لما هو قادم
***
امانى بتصرخ _اااااه ،قوم يا على يابنى بولد ،الحقنى بسرعه ،ااااه
على بخضه_ ايه ؟!طب استنى اكلم امى تشوف الدكتور حالا
سماح (فاكرينها
):بتقول ايه ،طيب يا على جهزها وجهز شنطه المولود بسرعه وانا هكلم الدكتور،وتعالى ع العيادهتم تجهيز غرفه العمليات لزوجه على فهى على وشك الولاده
انتظر على بالخارج بينما دخلت سماح مع امانى بحكم عملها ممرضه
نظرت سماح الى الطبيب بفزع_يعنى ايه يا دكتور
منصور_للاسف الجنين مات فى بطنها
سماح _بس احنا بنتابع معاك وكنت بتقول انه كويس مفيهوش حاجه
منصور _ده فعلا اللى حصل ،الجنين كان كويس وزى الفل ،بس للاسف لسه ميت من كام ساعه بس قبل الولاده
سماح بجنون_ازاى ،يعنى مات ازاى ،دى لما حست بالاعراض جبناها وجينا على طول
منصور _انتى تحمدى ربنا انها حست باعراض بدل ما كان هيسبب لها الضرر.
سماح وهى تضرب على فخذيها_يا مصيبتى الواد اللى نفسى اشيله على ايديا ،الواد اللى بتمنى طول عمرى اشوفه
ابن ابن يطلع ميت
حاولت الممرضات الاخرى تهدئتها واخراجها من غرفه العمليات حيث أن امانى زوجه على انهارت هى الاخرى
على _فى ايه يا مه،امانى جرالها ايه،ابنى جراله حاجه
سماح بصراخ فشلت فى كتمه_ابنك مات ياعلى من قبل ما يشوف الدنيا ،ياميلة بختك يا سماح
على بصدمه _ايه مات ،انسابت دموع على حزنا على ابنه الذى لم يره حتى ،وقال بصوت متحشرج من البكاء للممرضه الاخرى فامه ليست فى حالة جيدة لسؤالها_ ومراتى جرالها ايه
الممرضه _متقلقش يا استاذ ،مراتك كويسه ،هتخرج دلوقتى ،حاول تهديها الزعل وحش على صحتها وهى لسه قايمه من عمليه
****
يامن_مستعدة يا فرحة قلبى لاول يوم دراسي،،بقيتى خلاص فتاة جامعيه
فرح بسعاده من هذا اللقب الجديد الذى اطلقه عليها اخيها_مستعدة اكيد
محمود ينصح ابناءه وخاصه فرح_الجامعه عالم مختلف تماما عن جو المدرسه ،هتلاقوا طلبه اشكال والوان ،طرق تفكيرهم ولبسهم مختلفه وكمان عاداتهم مختلفه ،المطلوب منكم ،عدم الانسياق ورا المظاهر الخداعه اللى هتشوفوها ،واثق بقدرتكم فى التفريق بين الصالح والطالح ،واخيرا عايزكم تراقبوا ربنا فى كل فعل او قول تعملوه
يامن_نصيحه غاليه يا والدى ،ربنا يبارك فى حضرتك
فرح_حاضر يا بابا،دعواتك انت وماما
احسان _بندعيلكم دائما يا حبايبى ،فى امان الله
فرح_تسلمى يا احلى ام فى الدنيا
يامن_ يلا يافرحة قلبى لسه ورانا مواصلات كتير نركبها , السلام عليكم
خرجا الاخوان
عند السلم قابلهم جار لهم يحب يامن كثيرا وكذلك يامن يحبه ويحترمه
الاستاذ مؤمن _بالتوفيق يا شباب
فرح _شكرا يا استاذ مؤمن
يامن بحب _ربنا يبارك فى حضرتك يا استاذ مؤمن عقبال دكتورتنا الصغيره يارب ،هيه عاملة ايه
مؤمن_كويسه الحمد لله ،بتسلم عليك ،انت عارف بتحبكوا قد ايه.
فرح_الله يسلمها يارب,واحنا بنحبها جدا القمرايه دى
مؤمن_كنت عايز اقولكم ،ان فى الجامعه هتلاقى طلبه سيئه كتير ،مهمتهم فى الحياه هى السخريه من الاخرين ،سواء علشان لونهم ،مستواهم الاجتماعي ،او شكلهم ثم وجه حديثه ليامن،حاولوا متلتفتوش ليهم ابدا ،وتحاولوا تتجنبوا امثالهم ،وتصبروا لو حد فيهم اذاكم بكلمة او نظرة او فعل
يامن بامتنان _جزاك الله خيرا يا استاذ مؤمن
مؤمن_واياك ياحبيبى ،يلا اتفضلوا علشان متتأخروش ،فى امان الله
فرح وهم فى طريقهم لركوب اول مواصله الى الجامعه _النهارده يوم النصائح العالمى
يامن _بمناسبه النصائح،فرح عايزك تكتسبى صديقه يافرح حاولى تلاقى صديقه،انتى فضلتى طول الفترة اللى فاتت كلها معندكيش صديقه واحدة كلهم زملاء فصل وبس مفيش صديقه مقربه
فرح _انت صديقي المقرب وده يكفينى
يامن_مينفعش يا فرح ،لازم يكون عندك حد تحكى معاه تشاركيه احلامك وطموحاتك ،تشكيله همومك ،حد تخافى عليه تكونى مستعدة تساعديه فى اى وقت وتضحى من اجله ان لزم الامر،حد تشاركيه الهبل احيانا ،مفيش حد يقدر يفضل من غير صديق يافرح
فرح_ كل ده فعلا بحاول اشاركه معاك،انت صديقى يا يامن
يامن_فرح افهمى انا اخوكى ،انتى محتاجه صديقه ،انا اكيد فى حاجات مش هينفع تشاركينى فيها ،انا معاكى وصديقه مقربه كويسه لازم تكون معاكى كمان يافرح ،فاهمانى
فرح_حاضر يا يامن ،هحاول ،اوعدك انى احاول رغم انه ممكن يكون صعب انا طول حياتى انت كنت مغنينى عن اى صديقه ،مكنتش بهتم بتكوين صداقات ولا غيره مكنتش شايفه قدامى غيرك يا يامن
يامن_علشان كده بقولك،خرجى نفسك من جو الاسرة اللى انتى محيطه نفسك بيه وسعى دايرة علاقاتك يافرح ،ومتقلقيش انتى طيبه وعسل وهتتحبى بسرعه انا متأكد ،بس اعملى بنصيحه بابا واختارى بحدسك البنت اللى انتى شايفاها كويسه ومؤدبه
فرح_حاضر يا احلى اخ فى الدنيا ،وانت كمان اعمل بنصيحتك
يامن_ده اللى كنت بفكر فيه يا فرحه قلبى ،احاول الاقى صديق يحبنى زى ما انا ، ثم اكمل بامل اكيد هلاقى
*****
_هههه ايه يابنتى رايحه فين ،هوا فى حد بيروح الجامعه اول اسبوع الا الاهبل اللى زيك ده
تجهمت ملامح وجهها وقالت بغضب_اه انا هبلة يا استاذ شهاب شكرا ليك بجد
شهاب _ايه يابنتى انتى زعلتنى ده انا بنصحك هتروحى تعملى ايه اول يوم
نغم_هروح اتعرف على الجامعه ،اشوف الجدول اعرف اماكن المحاضرات واتعرف على زمايلى هناك
شهاب بسخريه_ممم عظيم ،روحى ياختى على الله تفلحى
نغم_ سايبه ليك الفشل ياخويا
شهاب وهو يضحك_يابنتى الفشل ده له ناسه ايش فهمك انتى ،يلا روحى طريقك زراعى
نغم _وانت ايه اللى مصحيك بدرى مش عوايدك ،اوعى تفهمنى انك رايح الجامعه
شهاب _جامعه مين يا حلوة ،انا عندى مشوار اهم
نغم_مشوار اهم من مستقبلك؟!مش هتبطل طيش بقا وتأخد بالك من جامعتك؟!
شهاب_بقولك ايه انزلى شوفى رايحه فين وملكيش دعوى بيا خالص فاهمه
نظرت له نعم نظرة ضيق وهى تهز رأسها يمنه ويسره_مفيش فايدة ابدا ثم استقلت سيارتها وذهبت الى اول يوم لها بالجامعه
كانت تشعر بالوحده بعد وفاة امها ،ظنت انه ربما يتغير ابيها او اخيها للافضل ويحتواينها لكنهم لا حياة لمن تنادى ،يهتمان فقط بالمال وكل شىء متعلق به ،لا وجود للعواطف عندهم الاسرة عندهم لا تساوى شيئا امام المال،فابيها كون اسرة فقط من اجل اكتمال المظهر العام لا اكثر
ذهبت الى الجامعه وهى تتمنى ان تجد صديقه تؤنس فراغ قلبها الحزين
*****
_امجد ، قوم يلا اتأخرت الساعه بقت عشرة
امجد بنعاس_سيبينى يا ماما عايز انام ،عشرة ايه بس هوا انا بصحى دلوقتى
امال_يا امجد انت ناسى أن الدراسة بدأت يا ميدو
امجد وهو يمط شفتيه_عارف
امال _امال ايه بقا يلا علش علشان تلحق
امجد_الحق ايه بس ياماما ، انا مش رايح الجامعه الا بمزاجى لما الاقى نفسى زهقان وحاسس بملل هروح
امال بجديه_فى ايه ياامجد ،انت لحد امتى هتفضل مستهتر بدراستك كدا
امجد ببرود_ يا ماما انتى ليكى عندى انى انجح وبس ،ميهمكيش بقى اعمل ده ازاى وباى طريقه ،يلا ياقمر اقفلى النور علشان انام بقا
تنهدت امال _ماشى ياامجد لما نشوف اخرتها
***
وصلا اخيرا بعد معاناه ساعه ونص فى المواصلات ينزلون من هذه يركبون ذلك كان الامر شاقا وذلك لبعدهم عن الجامعه،ولكن الامر يستحق المعاناه
اوصل يامن اخته الى كليتها _يلا ياحبيبتى فى امان الله ،لو احتجتى حاجه كلمينى علطول ،خدى بالك من نفسك،واثق فيكى يافرحة قلبى
_متقلقش يا حبيب فرحه قلبك عمرى ما هخيب ثقتك وثقة ماما وبابا ابدا ،مع السلامه
دخلت فرح كليتها,ابنهرت بالمكان فهو واسع حقا مصمم بشكل رائع وبحرفيه عاليه ،اخذت تتجول فى المكان بلا هدف فقط تمتع نظرها بالمناظر الخلابه امامها ،وجدت ما قصده والدها فالفتيات تختلف كثيرا عن ما كانت عليه فتيات مدرسه حيها ،هنا اكثر تحررا وأقل حشمة وحياء ايضا ،عرفت أن مهمتها شبه مستحيلة فى ايجاد صديقه تحافظ مثلها على التزامها بالزى الشرعى وسط هذا الكم الهائل من الفتيات المتبرجات
فرح فى نفسها_مم تمام اكيد هتلاقى صديقه وسط الصرح الهائل ده كله
_ايه ده ستنا الشيخه دى بتعمل ايه هنا
_ههه الظاهر دخلت عنوان غلط ،هنا مش الجامع ياستنا الحجه
_بس يالا انت وهو ،سيبوا الشيخه تمشى لاحسن تدعى علينا ياعم ،وبالفعل انصرفوا الثلاثه ،وسط دهشه فرح
تبسمت بسخريه_ياااه الى هذه الدرجه الالتزام بالزي الاسلامى اصبح غريبا ،كيف يظنون هكذا ،كيف يستغربون وجودى هنا وانى طالبه مثلهم ،اتراهم يريدون أن ارتدى الضيق من الثياب حتى اكون فتاه جامعيه
لابأس يا فرح دعكى منهم ،يبدو انك لست وحدك يا يامن من سيرى العجب فى الجامعه
_ممم فرح فكرى وجهتك على فين ،ممم اه هروح اشوف الجدول وبعدين ادور على مكان المحاضرات
كانت تمشى تبحث عن شخص ما لتساله عن مكان تعليق جداول المحاضرات،فاصطدمت عن عدم قصد بفتاة اخرى
فرح _انا اسفه ،مأخدتش بالى
_ولا يهمك ،محصلش حاجه ،وتركتها وذهبت
حاولت فرح ايقابها_لو سمحتى ممكن اعرف مكان جدول المحاضرات
_انتى دفعه سنه اولى ،صح
_اه صح ولسه مش عارفه الاماكن وكده
_وانا كمان ،بس سألت على مكان الجدول هو من هنا تعالى معايا
فرح_بجد يعنى زمايل ،اهلا بيكى وفرصه سعيده
_اهلا،انا اسعد
ده تقريبا المكان
فرح _اوكى تعالى نشوف
اخرجت فرح ورقه وقلم كى تنقل الجدول
_بتعملى ايه،صورى بالموبايل
فرح _صدقى فكرة
اخرجت فرح هاتفها وصورت الجدول وكذلك فعلت الفتاة الاخرى ،لاحظت فرح الهاتف الباهظ الثمن الذى تحمله الفتاة وكذلك ايضا ملابسها يبدو انها تندرج لعائلة ثريه
لم تلتف فرح لمثل هذا هى تبحث عن الاخلاق،وهذه الفتاة ليست محجبة اذا هى خارج منظومه البحث لتكون زميلة فقط
مم فين مدرج ٦ب ده
الفتاة_مش عارفه ،تعالى ندور عليه ،لو مش هضايقك
فرح_لا ابدا ،تعالى ندور عليه
بعد فترة طويله من البحث لم يعثروا على شىء
فرح _ايه ده احنا فى متاهه هنا ،تعالى نسال حد
الفتاة _صدقى احنا ليه اللى عملناه ده ،ليه مسألناش بدل الدوخه دى
وبالفعل سألت الفتاتان احد الطلبه فوجدوه امامهم مروا عليه عدة مرات لكنهم لم ينتبهوا اليه
نظر الفتاتان الى بعضهم البعض،وضحكن
_معقولة كان قدامنا طول الوقت
فرح_شوفتى ،يلا خير تعالى ندخل تقريبا المحاضرة بدأت
