recent
روايات مكتبة حواء

رواية احببت مريضا الفصل السادس 6 بقلم مريم سمير

رواية احببت مريضا الفصل السادس 6 بقلم مريم سمير

 البارت السادس احببت مريضا

_اى دا اى إلى بيحصل هنا معلش!
=دي ملك
_كنت فكراك مختلف، بس كلكم مصطفي أبو حجر
=نعم! دي ملك كانت زميلتى في الجامعه يمريم!!
_اه، اهلا، ازيك؟
*الحمد لله، اختك يا احمد؟
_لا مراته
*ألف مبروك، لازم امشي دلوقتي عشان عندى ميعاد، فرصه سعيدة
_انا اسعد
هى مشيت وانا ركبت العربيه ومتكلمتش
_دي تبقي...
=مسألتش وانت حر في حياتك على فكرة
_انتى اضايقتى لى طيب!
=اعملى حساب يا أخى حتى
_طب متزعليش يستي بس مكنش ينفع مسلمش عليها، دى زى اختى يعنى
=حبيبي على نياته كل البنات اخواته، امال اى حضرتك إلى على طول بتقولها دى
_كلمة عاديه
=مريم
_ايه
=بعد كده تقولى يمريم
_تمم
دا شكله زعل، ادلع عليه طيب، هما كانوا بيدلعوا ازاى يربي، خلصانة هتسهوك
_بس دا ميمنعش انى زحلانة لا بجد زحلانة جامد زوحليقه
=افندم!
_زحلانة صلحنى
=انتى بتتكلمى كده لى
_تصدق انا غلطانة مينفعش معاك غير قلة الأدب اصلا
طلعت من شنطتى الدوا
_ممكن تاخد الدوا بقي
=حاضر
وصلنا البيت ونزلت وهو قالى هيخرج شويه اتمنى يبنى ترجع باد بوي بقي عشان عاوزة اضحك والنفسيه يدوبك
طلعت أوضة باباه طمنته، وهو فرح اوى ان حالته فيها امل تتحسن ودخلت اوضتى، يجماعة انا مش غيرانة ولا بتحرق من جوا ولا اى حاجة، انا لا طبعا براحته جامد، غيرت هدومى وقعدت على السرير
وبعدين في الملل ده، احسن حاجة اقرأ الكتاب إلى قرفنا بيه
جبت الكتاب ولقيت جمبه درج فتحت الدرج لقيت ازازة صغيرة
اى دا فيها اى دي! اشربها لا طبعا مينفعش
بس تعرفوا طعمها مكنش حلو، ايوة شربت يجماعة اى يعنى، انا طفسه مش حوار
ثوانى انا دوخت لى!!
شويه ولقيته جه، وفتح باب الاوضه ودخل
_ازيك يحلوة
=دا انت الى حلو والله، اى يبنى الحلاوة دى
_مريم مالك!
=انت رجعت ابو دم خفيف صح،ضحكنى بق
_ينهاري، انتى شربتى إلى كان في الازازة دى!
=ايوة، طعمها في الأول وحش هيهيهي بس بقي حلو
_انتى شربتى ويسكي بمريم!
=اى دا هاتلى شويه حرام تانى
_دا انتى ضايعة نامي نامى وهتبقي بكرة كويسه
=لاء، تعالى اقولك حاجة احسن
_مريم انتى بتقربي منى لي!
=هقولك حاجة في ودنك عشان محدش يسمعها
_بس...
=شششش اخرش
_ماشي
=الحيطان ليها ودان وقربنا نركبلها حلقان
_يانى منك، انتى مش في وعيك خالص، تعالى معايا
=شكل هيبقي لينا رقصه بقي ولا اى!
شالنى وفضلى باصصلى بغضب، اخر مرة هو انا كنت اعرف انى بشرب منكر! يجماعة انا الى بقيت باد بوى مش هو!! حطنى على السرير
_نامى بقي
=انت رايح فين
_اوضتك انا هنام فيها الليلة
=اى دا هتسبنى لوحدى عشان اشرب تانى!
_يختاى يختاى، خلاص قاعد اهو
قعد على السرير
_انت بتشرب الحاجات دى لى يا احمد؟
=والله بطلت بس نسيت خالص ان فيه ازازة هنا
_هيهيهي، ابقي انسي وهات تانى
=مريم فوقي الاه
_منا فايقه يحلو انت
=يبنتى بطلى تحرش بقي مليتوا البلد
_هه، انا بحبك اوى
=بتقولى اى؟
_بحبك اوى
=انتى دلوقتي مش في وعيك، نامى
قومت وانا بطوح يمين وشمال جه يمسكنى يودينى السرير تانى زقيته
_انت فاكرنى مش واعيه! لا انا فعلا وقعت، مش عارفه امتى وازاى، بس انا عمرى مكان ليا صحاب ولا حد قريب منى، عمر محد شافنى حلوة وانت على طول شايفنى كده، هه دا انا عمرى معملت اكل وانت كلته وقولتلى تسلم ايدك
=كان هيجيلى تسمم
_اهو اجبلك حاجة، مش احسن من مفيش، انت بتحبنى صح؟
=نامى يمريم
فضلت اهلفت في الكلام لغايه منمت، صحيت الصبح لقيته نايم جنبي، هو اى دا هو جه امتى دا!
_اه دماغي انا مالى في اى!
صحي على صوتى إلى كان تقريبا زعج الجيران باين
=وطى صوتك
_انت شربنتى حاجة أصفرا صح، كنت عاوز تستفرد بيا لي يا احمد دا انا كنت واثقه فيك و..
=خلصتى؟
_استنى لسه هكمل
=اتفضلى
_انا مصدومة مصدومة مصدومة اااه
=الله يست الله يفنانة، معتيش تعملى كده تانى بقي
_انت شربتنى حاجة امبارح؟
=انتى الى شربتى، انتى الى اتحرشتى بيا يمريم
_انا أخرس يسافل، انا لازم اقول لباباك،انا انا محترمة يا استاذ انا مش من الشارع
=أداءك اوفر، والله انتى الى طلبتى انام هنا حتي!
_خلصانة صدقتك
=انتى دايخة؟
_اوى يا احمد حاسه ان دماغي هتنفجر
قام عملى قهوة إلى مش بحبها وصمم اشربها عشان افوق، الله ينتقم من الظالم، يشيخ حسبي الله ونعم الوكيل يا اخى
_ها احسن
=اه الحمد لله
_انتى مش فاكرة حاجة خالص!
=لاء، اشمعنا
_اصلك قولتى كلام مهم امبارح
=زي ايه!
_لاء متخديش في بالك، المهم انك كويسه
فونه رن
_اي دا رقم ملك! دا احنا متقبلناش من ايام الجامعة، استنى ارد
=نعم يحمادة انت هتخيب!

google-playkhamsatmostaqltradent