رواية طفلة عدوي الفصل السادس 6 بقلم رنا سليمان
الفصل السادس
بسم الله الرحمن الرحيم
عدا 3 ساعات وهما بيدوروا عليها ومحدش عارف يوصلها الدنيا بقيت ليل وهو بيدور عليها وعمال ينده ب اسمها
كمال:حوووور
يا حوررر
كان عمال يدور عليها زي المجنون مكانش عارف هو بيعمل كده علشان هو خايف عليها ولا علشان هي امانة من حبيبته وخايف لو حصالها حاجه ملك متسامحهوش
وقف في نص الطريق علشان يخد نفسه كان بينهج جامد فضل يبص حواليه وهو بينهج سمع صوت عياطها العالي بدأ يقرب من الصوت بخطوات بطيئة لحد ما لاقها قاعده على الارض ماسكه العروسه بتاعتها وبتعيط
اتنهد براحة واتكلم بصوت عالي شويه
كمال:قلقتينا عليكي يا حور
بصيت ناحيه الصوت ولقيته واقف قدامها قامت بسرعه وجريت من قدامه
جرا وراها ومسكها
كمال:رايحه فين؟!
حور وهي بتعيط جامد
حور: سبني انت عايز مني ايه
انتو عايزين مني ايه
كلكم بتكرهوني مفيش غير ماما وجميله بس هما ال بيحبوني وانتو خدتوني منهم ابعد عني انا مش بحبكم انا بكرهكم علشان بعدتوني عن ماما وجميله بكرهك انت وبابا وكلكم
كنت بتتكلم بعياط جامد وهو كان قاعد على ركبه بيحاول يمسكها وهي كانت بتحاول تبعد عنه بس مكانتش عارفه
مسك ايديها وحاول يهديها
كمال:طيب اهدي يا حبيبتي بس اهدي متخافيش
تعالي معايا وانا هجبلك جميله ال انتي بتحبيها ومحدش فينا هيزعلك تاني يا حبيبتي وبابا عمره ما هيقرب منك ولا هيأذيكي تاني
حور:لا انت كداب وهتضربني زيه
كمال:لا يا حبيبتي والله مش هأذيكي ولا هزعلك تاني ابدا مهما حصل ولو زعلتك اعمل معايا ال انتي عايزاه اتفقنا؟!
فضلت بصاله وساكته
كمال: قولي اتفقنا بقي
وانا هجبلك شوكولاتة كبيررره
حور ابتسمت:بجد؟!
كمال ضحك وهز رأسه
كمال:بجد
يلا بينا نمشي من هنا ولا انتي ايه رأيك
حور:يلا
كمال مسك ايديها ومشيوا هما الاتنين
____
ماسكه كوبايه اللمون وايديها بتترعش وخايفه
يوسف:انتي كويسه دلوقتي؟!
هزيت رأسها ب ااه
مسح على وشه ورأسه بعصبية وخبط على المكتب واتكلم بعصبية
يوسف:انا مش قادر استوعب عمار قدر يعمل كده ازاي الحمد لله اني وصلت في اللحظه المناسبه
انا بعتذرلك بالنيابة عنه
جميله هزيت راسها من غير ما تتكلم
طه وصل وهو مبتسم
طه: كمال لقي حور ورجعوا على البيت
يوسف: الحمد لله
جميله ابتسمت
جميله: الحمد لله يا رب
طه بصالها ب ابتسامه
طه:حور عايزه تشوفك
جميله اتكلمت ب فرحه
جميله:تشوفني انا؟!
طه ابتسم
طه:ايوه كمال قالي كده
هما في البيت دلوقتي مع ماما تحبي تيجي تشوفيها دلوقتي
جميله:اكيد طبعا
يلا بينا
جميله اخدت شنطتها ومشيت ورا طه وكانوا هيخرجوا من المكتب بس يوسف ندا عليها
يوسف: انسه جميله
جميله وطه بصوا عليه
يوسف:انا بعتذر ل حضرتك مرة تانيه بسبب ال حصل دا
جميله ابتسمت
جميله: حضرتك ملكش ذنب علشان تعتذر
عن اذنك
جميله وطه خرجوا وطه مكانش فاهم حاجه
طه:هو بيعتذرلك على ايه
جميله:ولا حاجه
جميله مشيت قدامه خطوتين وهو فضل باصص عليها ب استغراب وبص ناحيه مكتب يوسف وبعدين مشي وراها تاني
_____
اول ما الباب اتقفل ابتسم وحط ايده على قلبه
وبص علي ايده
يوسف:بتدق جامد كده ليه
حبيتها من اول مرة تشوفها فيها ولا ايه
ضحك واتكلم ب استهزاء
يوسف:وانا ال كنت واخد عهد على نفسي ان قلبي عمره ما هيدق لواحده تانيه تيجي انتي وتخليه يقع فيكي من اول لحظه كده؟!
يوسف ابتسم وبص في الارض وحط ايده في جيبه وبعدين رفع راسه ل فوق واتنهد ورجع بص حواليه وشاف حاجه وقعه على الارض يوسف بص على الحاجة دي ب استغراب وقرب منها
________
كانوا ماشين وطه باصص على جميله ال كانت سرحانه
طه:مالك؟!
بصاتله وابتسمت
جميله:مفيش
طه: سرحانه في ايه
جميله:افتكرت حاجه كده
طه: حاجة ايه
جميله: حاجه كده مش مهمه
طه:وهي الحاجة ال مش مهمه دي هتخليكي سرحانة كده؟!
انتي بتحبي صح
بصاتله بسرعه وفضلت ساكته وبعدين بصيت قدامها واتكلمت بحزن
جميله:تؤ
انا بحب الحب دا قفلته من 5 سنين ومش مستعده افتحه تاني ولا عمري هفكر اصلا في كده
طه:وهو الحب وحش للدرجه دي
جميله:الناس
طه:الناس؟!
جميله:الناس هي ال وحشه ومش بتقدر قيمه الحب
الحب دا اجمل كنز ممكن الانسان يحصل عليه والحب دا جنة الارض بس الناس هي ال حولت الجنة دي لجهنم بسبب جشعهم وقلوبهم السودا
طه:كلامك غريب اوي بس مش صح على فكره
الدنيا زي ما فيها الوحش فيها الحلو كمان
جميله ضحكت ب استهزاء
جميله:يمكن
بس انا ال شوفته الوحش بس حبيت بدل المرة 3 وفي كل مرة كنت بتكسر وبشوف اسود ما في الشخص ال حبيته دا لحد ما كرهت الحب وال بيحبوه
مسحت دموعها ال نزلت غصب عنها
جميله: معلش دوشتك بحكايتي دي بقي
هو فاضل كتير على البيت
فضل باصص عليها شويه وبعدين اتنهد وبص قدامه
البيت في العمارة ال هناك دي
جميله:طيب يلا علشان اشوف حور بقي
جميله مشيت قدامه وهو فضل باصص عليها وهو متلغبط ومش فاهم حاجه من كلامها بس كان نفسه يعرف ايه ال حصالها وكان حابب جدا يتعرف عليها اكتر وكان مشدود ليها ومش عارف ايه السبب ل دا
جميله وقفت وبصيت وراها لقيت طه لسه واقف
جميله:انت هتفضل واقف كده كتير ولا ايه طه مشي وراها وفضلوا ماشيين لحد ما وصلوا البيت
______
كان بيتكلم بعصبية كبيرة اوي وهو قاعد قدامه بكل هدوء وبيلعب بتلفونه
ممدوح:انا عايز افهم انا هفضل هنا كتير ولا ايه انا زهقت وعايز اخرج من هنا
اتكلم ببرود وهو باصص للتلفون
عمار:انت بقالك 5 ايام بس هنا وعايز تخرج طيب تيجي ازاي دي مش المفروض نضيفك الاول
ممدوح:انا ولا عايز ضيافه ولا زفت انا عايز اخرج من هنا في اسرع وقت لو مخرجتش من هنا بعد يومين هندمك انت وكل الموجودين هنا
رمي التلفون بعصبية وبدأ يتكلم بصوت عالي
عمار:بقولك ايه يا ممدوح بيه
انت مش جاي هنا في قضية بسيطه هتدفع كفلتها وتمشي لا يا بيه انت جايه في قضية قتل وخطف دا غير القضايا ال كانت عليك من زمان ف يا ريت تهدأ شويه انا ولا انا ساحر ولا دجال علشان اخرجك من هنا في يوم وليله أهدأ شويه على نفسك لحد ما نشوف هنعمل ايه وهنخرجك من مصايبك دي ازاي
الباب اتفتح بصوا ناحيه الباب وكان يوسف
يوسف بص ل عمار بكرة وعصبيه وكان معاه حسن العسكري
اتكلم بعصبية
يوسف:خده على الحبس يا حسن
حسن:تحت امرك يا فندم
حسن اخد ممدوح علي الحبس ويوسف قفل الباب بعصبية
عمار وقف قدام مكتبه
عمار:خير يا يوسف جاي لحد عندي ليه لو كنت جايه علشان تحاسبني على ال حصل في مكتبك دا ف متتعبش نفسك انا مش شايف اني غلطان في حاجه
طه قرب من عمار وضربه بالبوكس في وشه بعصبية وعمار وقع على الارض من قوة الضربه
_______
كان قاعد في اوضته مرجع راسه ل ورا وبيشرب سيجارة وبيفتكر ذكرياتهم مع بعض
فجاه الباب خبط
مسح دموعه واتكلم
كمال: ادخل
طه فتح الباب
طه:ايه ال غير حالك من الصبح ل بليل كده يا كمال؟!
بصاله وفضل ساكت ومكانش عارف يقول ايه
