رواية نعم احببت حياتي الفصل السادس 6 بقلم جهاد عبدالرحمن
أدم بيكلم أسر
أدم : طيب ياأسر انا هاجي اخدك بعد مروح الشركه فعايز الملف ضروري علشان الشغل يبني
أسر : خلاص ياأدم ابعت حد من الحراث عندك او محمد البيت يخده وانا هقولهم في البيت
ادم : ماشي ياأسر مع السلامه ارتاح وبطل لعب في الفون
أسر : حاضر ( طبعا أسر مسمعش كلام أدم ومسبش الفون الصراحه الملل وحش اوي يعني )
ادم قفل مع أسر وراح قعد علي السرير
أدم : ايه الصداع ده دماغي هينفجر هنزل اخلي داده فاطمه تعملي فنجان قهوه او اعمل لنفسي لان داده فاطمه اكيد مشت
ادم نزل تحت لقي حياه بتعمل اكل
أدم : ايه ده انتي لسه صاحيه
حياه : ايوه
أدم : بتعملي ايه ده
حياه: جعانه بعمل حاجه اكولها تاكل معايا
أدم : لا اعملي قهوه وهتيهالي بس
حياه : انتا فكرني الخدامه الي جبهالك ابوك ولا ايه
أدم : ابوك انتي يبت لسانك ده عايز قطعه ده انتي مصيبه
حياه : انا مش هرد عليك علشان انتا تعتبر المدير بتاعي
أدم : اعتبر وبعدين انتي ليه سهرانه لحد دلوقتي احنا نص اليل
حياه بتلقائيه: كنت بذاكر
أدم ياستغراب: بتذاكري ازي يعني مش انتي المفرود مخلصه
حياه : لا انا تانيه كليه تمريض وبشتغل ممرضه من وانا في الثانوي انا بحب مهنه التمريض اساسا واشتغلت مع دكتور شريف الي هوا ابو صحبتي
لحد مبقيت متسبته في المستشفي ومن احسن الممرضين
أدم : ده انتي طلعتي عيله بجد بقا ١٩ سنه صح
حياه من غير نفس: عيله ايوه ١٩ سنه.
ادم : طيب يشاطره انتي هتكلي ايه بقا
حياه : عملت املت وهكله تاكل معايا ولا لسه عايز قهوه
ادم : دماغي مصدع بس هاكل معاكي بس بعدها تعمليلي قهوه علشان بتعتي وحشه
حياه في نفسها : ده ميعرفش يعمل حاجه كده لازم يؤمر ويتشرط
حياه : ماشي هعملك
حياه وادم قعدو يكلو وبعد مخلصو حياه عملت ل أدم قهوه وهوا بيشربها وماسك فونه في ايده بيبوص فيه
حياه بتبصلو واول مره تاخد بالها من ملامحه قد ايه هوا جذاب جدا وعيونه حلوه اوي وحياه عماله تبصله
أدم : ايه هوا انا حلو اوي كده
حياه ووشها انصبغ بالون الاحمر من الخجل: ايه قصدك ايه
أدم : اصل بتبوصيلي فقولت معجبه بيا او كده عادي اساسا شي طبيعي انك تعجبي بيا لأني حلو اساسا
حياه ووشها احمر : لا والله من قالك اساسا اني اعجب بواحد مغرور زيك وبعدين انتا مش حلو شكلك عادي اول مشفتك اساسا فكرتك تمرجي عندنا في المستشفي انسان مغرور
حياه سبته وطلعت فوق وقالت الكلمتين دول اساسا علشان تغطي علي خجلها منو
أدم: يلهوي انا شكلي زي التمرجي
مبتشوفش دي ولا ايهاما عند حياه
حياه : نفسي اعرف شفني ازاي وانا ببوصله ايه ده كان موقف محرج اوي بس الصراحه الولد مز اوي بس مغرور وفيه تكبر الدنيا
حياه غيرت هدومها ولبست بجامه ونامت اما ادم فكان مستغرب من تصرفات حياه وكان مشدود ليها اوي يعني هوا في طبعته مبيسكتش لحد وكلو بيعملو اعتبار اما حياه بيحب كلامها مشفهاش الا تلت مرات بس هوا مشدود ليها
أدم قاعد علي سريره ابتسم لما افتكر توتورها وخجلها منو
أدم : مش عارف ليه مشدود ليكي اوي كده يحياه
ادم أدرك نفسه : ايه ده ايه الي انا بقوله ده هنام احسن
ادم نام هوا كمان
__________
الصبح عند ناديه
كمال: هيا المستشفي الي حياه كانت بتشتغل فيها اسمها ايه
ناديه : بتسأل ليه يكمال
كمال : عادي مجرد سوال
ناديه : مستشفا ######
كمال : اممممممم
طيب انا هروح الشغل بقا يما علشان
ناديه : ماشي يبني
____________
عند حياه وادم
ادم قام من نومه ولبس بنطلون جينز وتيشرت اسود وسرح شعره الاسود ورش عطره ونزل
لقي حياه بتحضر الفطار لصادق وفاطمه معاها
ادم : صباح الخير
حياه وفاطمه: صباح النور
ادم : طيب انا عايز اشرب قهوه
داده فاطمه : ماشي ياأدم بيه هعملك
ادم : ماشي
ادم وهوا طالع قرب من حياه وهمس ليها بس قهوه امبارح كان طعمها حلو ومشا طلع بره المطبخ
حياه ابتسمت تلقائي : داده فاطمه
داده فاطمه: نعم يبنتي
حياه : انا الي هعمل ل أدم بيه القهوه بس طلعيهالو انتي ماشي
وقوليلي انك الي عملاها
داده فاطمه : ماشي يبنتي
حياه عملت لآدم القهوه وفاطمه طلعتهالو وأدم اخدها وبيشرب
نادي علي فاطمه بعد مبعدت عنه شويه
داده فاطمه: نعم ياأدم بيه
أدم : انتي الي عمله القهوه
داداه فاطمه: ايوه ياأدم بيه
أدم: ماشي يداده روحي انتي
داداه فاطمه: ماشي يبني
ادم وهوا بيشرب القهوه نادي لحارث من الحراث
أدم : روح العنوان ده بيت أسر هيدوك ملف هاتو وانا مستنيك
الحارث: ماشي ياأدم بيه
أدم : ماشي
________
ادم وهوا قاعد
أسر ررن
أدم : نعم يبني
أسر : تعالا خدني دلوقتي هما مش راضين يطلعوني
أدم : انتا اهبل مش قولتلك هاجي اخدك بعد الشغل
أسر : انا زهقت وطالع ومش هستنا وهما هنا مش راضين يسبوني بيقولو انك قولتلهم ميطلعنيش الا لما انتي تيجي
ادم : ايوه خلاص انا جاي اهوه يمتخلف
أسر : ماشي
أدم طلع مستعجل ونسي خالص حكايه الملف وراح المستشفي
____________
عند كمال
كمال: ممكن توديني مستشفي ######
السواق: اه اركب وانا اوديك
كمال: ماشي
كمال ركب التاكسي وراح المستشفي
كمال دخل المستشفي وراح وقف ممرضه
كمال: لو سمحتي الدكتور أشرف فين
الممرضه : اتفضل تعال معايا انا رايحه عندو
كمال : ماشي
كمال راح هوا والممرضه عند دكتور اشرف
الممرضه : الحاله بتاعت الحادثه يدكتور اسر بيه عايز يمشي وأدم بيه منبه علينا منطلعهوش الا معاه
دكتور اشرف : اوعو تطلعوه احنا مش عايزين مشاكل مع ادم بيه
الممرضه : ماشي يدكتور
كمال : لو سمحت يدكتور اشرف ممكن ثواني بس
دكتور اشرف : اتفضل
كمال: انا كمال ابن خالت حياه كنت عايز من حضرتك عنوان شغل حياه الجديد
دكتور اشرف : طيب هيا حياه مقلتلكوش علي العنوان
كمال : كل حاجه جت بسرعه وكده وانا كنت عايزها في حاجه ضروري لو سمحت ممكن تقولي العنوان
دكتور اشرف : منتا ممكن تطلبه منها
كمال: اصل حصل بينا سوء تفاهم وهيا مش بترد علي مكلماتي لو سمحت ممكن تديني العنوان
دكتور شريف: تمام العنوان #######
كمال كتب العنوان
كمال: تمام شكرا
دكتور شريف : علي ايه عادي اتشرفت بمعرفتك يكمال ( بلا نيله قول كلام غير ده يدكتور
)كمال : انا اكتر
كمال طالع مبسوط انو اخد العنوان وهوا طالع أدم دخل المستشفي
أدم راح عند اوضه أسر
أدم :يلا يحيوان علشان اروحك
أسر : ماشي يلا
أدم : انا ماسك نفسي عنك بالعافيه يأسر لما تصحي هدخلك المستشفي تاني
أسر : حرام عليك يلا بقا انا زهقت من القعده هنا خلينا نمشي بقا
أدم : ماشي يلا يخويا
ادم وأسر طلعو من المستشفي وراحو عند بيت أسر وقبل ميطلعو من المستشفي ادم دفع فتوره العلاج بتاع ادم وبتاع المستشفي
___________
اما كمال
كمال: وديني العنوان ده لو سمحت
السواق : ماشي بس ده هيزود الاجره لانو بعيد شويه
كمال : مش مهم اهم حاجه اروح وخلاص
سواق : ماشي اركب
كمال : #######
