recent
روايات مكتبة حواء

رواية وصاية حب بالاكراه الفصل السادس 6 بقلم سمسم

رواية وصاية حب بالاكراه الفصل السادس 6 بقلم سمسم


 ((وصاية حب بالإكراه))

الجزء السادس والاخير
اسماعيل........فى ايه يا باشمهندس ادم
ادم بغضب...... فين سالم ابنك
اسماعيل......ليه فى حاجة
ادم.....انا عايزو فى موضوع مهم
فتحية.....بس دا تعبان عمل حادثة ودماغة متعورة
ادم.....لاء الف سلامة فين اوضته
اسماعيل باستغراب.....اهى اتفضل
فتح ادم باب غرفة سالم ووجده يجلس على سريره ولكن عندما رآه سالم هرب الدم من عروقه فهو كان يظن ان جورى لن تخبر احد بما حدث
كانت نظرات ادم نظرات حقد على شخص فكر فى لمس شىء خاص به
ادم.....الف سلامة يا استاذ سالم
اقترب منه ادم وامسكه من ملابسه ولم يشعر بنفسه الا وهو يقوم بضربه بكل غيظ وعندما يتذكر منظر الخوف فى عيون جورى يزيد فى ضربه حتى كاد ان يزهق روحه
فتحية.....سيب ابنى انت بتعمل ايه
اسماعيل......الواد هيموت فى ايدك
وبعد عدة محاولات استطاعوا تخليص سالم من يده بعد أن صار لا يقوى على الحركة
اسماعيل بصوت عالى......انت فاكر نفسك ايه علشان تعمل فى ابنى كده
ادم....... احمد ربنا انى مقتلتهوش
فتحية.....ليه يعنى هو عمل ليك ايه
ادم.....ابنكم المحترم ضحك على مراتى وقالها ان خالها تعبان وهو كان واخدها يعتدى عليها ولولا ستر ربنا هربت منه
اسماعيل بصدمة.....انت بتقول ايه
ادم.....اللى سمعته ابنك كان هيعتدى على مراتى اللى هى المفروض بنت عمته بدل ما يخاف عليها علشان قريبته طلع ندل وواطى وحقير
فتحية.....انا ابنى ميعملش كده
ادم .....لاء عمل والجرح اللى فى راسه جورى هى اللى خبطته بالفازة
انت عارف لو عرفت انك حتى بصتلها اوحتى دوست على خيالها مش بس لمستها انا همحيك من على وش الدنيا وان كان على الورث اللى انتوا خايفين عليه انا مراتى مش محتاجة حاجة من حد اشبعوا بيه بس انتوا هتختفوا من حياة جورى ومش عايز حد منكم يقربلها وده اخر انذار ليكم
كان سالم لايقدر على الكلام من كثرة ضرب ادم فيه ولكنه كان يتوعد بداخله انه سينتقم منه اشد انتقام
............
كانت فى غرفتها تؤلمها شفتيها والرضوض التى سببها لها سالم ولكن الالم الداخلى كان اقوى واشد واكثر صعوبة على التحمل وكانت دموعها لاتجف من على وجنتيها
سيلين.....خلاص يا حبيبتى اهدى
جورى ببكاء.....مش قادرة كل ما افتكر اللى حصل مبقدرش امسك نفسى
سيلين.....دا طلع ابن خالك ده زبالة اوى
جورى.....منه لله
سمعوا طرق على باب الغرفة قامت سيلين بفتح الباب وكان ادم
سيلين.....اتفضل يا ابيه
ادم......سيبينى مع جورى شوية يا سيلين
سيلين.....حاضر عن اذنكم
وخرجت سيلين من الغرفة
ادم.....انتى عاملة ايه دلوقتى
جورى....الحمد لله
ادم..... جورى انا مش عايزك تخافى من حاجة بعد كده انا دايما هبقى جمبك ومش هسمح لاى حد ان يضايقك او يزعلك غيرى انا بس
ابتسمت جورى لكلامه
ادم.....ايوة كده لازم تحاولى تنسى اللى حصل ومتفكريش فيه
جورى.....شكرا على كل حاجة
ادم....مفيش بنا شكر يا جورى
طرقت سيلين الباب
ادم.....فى ايه يا سيلين
سيلين....جازمين جت تحت وعوزاك
ادم.....ماشى انا جاى دلوقتى
خرجت سيلين بعد ان اخبرت ادم بوجود جازمين
شعرت جورى بالضيق الشديد وبالغيرة ايضا
ادم....جورى انا
جورى.....متقولش حاجة سيبنى لوحدى وابعد عنى عايزة افضل لوحدى
ادم....انتى مجنونة تعرفى كده
جورى.....لو سمحت اخرج برا بقى
ادم.....لينا كلام تانى مع بعض يا جورى
...............
استطاعت جورى تجاوز المحنة التى تعرضت لها ولكنها ما زالت متضايقة من ادم وتصرفاته وكلما رأت جازمين برفقة تشعر بلوعة الغيرة
.................
فى الكلية
جورى.....شايفة اخوكى وعمايله
سيلين......هو عمل ايه ما الراجل غلبان اهو
جورى.....مش شايفة البنات باصة ومتنحة له ازاى
سيلين......وهو يعمل ايه يعنى
جورى .....اشمعنا احنا اللى مركز معانا وبيطردنا من المحاضرات
سيلين.....انتى عارفة البت اللى هناك دى هتقوم تقوله دلوقتى لو سمحت يا دكتور ممكن تشرح الحتة دى تانى
جورى.....اه مفكراه مغنى وهيغنيلها
احدى الطالبات......لو سمحت يا دكتور ادم بس الجزء ده مش فهماه ممكن تشرحه تانى
ادم.....اوك بس ياريت تركزوا علشان انا تعبت الصراحة
الطالبة....الف سلامة عليك يا دكتور بعد الشر
سيلين.....شوفتى مجبتش حاجة من عندى اهو
جورى.....انتى بتغظينى يا سيلين
سيلين...هو الصراحة ابيه وسيم وسامة اوفر شوية مع لبسه والنظارة اللى بيلبسها هنا بيبقى اوفر كتير
جورى.....سيلين اسكتى احسن ما اقوم اجبها من شعرها بنت اللذين دى
لاحظ ادم حديثهم مع بعض
ادم......الاختين الحلوين جورى وسيلين هيركزوا ولا عارفين طريق الباب منين
سيلين.....سورى يا دكتور هنركز
ادم.....ياريت علشان خلاص الامتحانات قربت
جورى.....عارفين والله يا دكتور وبنذاكر
ادم.....اما نشوف هتعملوا ايه
............
فى امتحانات نهاية العام الدراسى
جورى.......كده تمام اوى الواحد حاسس ان روحه طلعت
سيلين......بس والله الواحد كان بيخرج من البيت دلوقتى هنقعد فى البيت وابيه كل ما يشوفنا هيقولنا لاء على اى حاجة عايزنها
جورى.....مش عارفة ايه ده صحيح مش حافظ غير كلمة لاء
سيلين.....الظاهر مفيش كلمات جديدة نزلت فى القاموس بتاعه
جورى.....هههههه اكيد قاموس الرفض لسيلين وجورى
سيلين.....اااه يانى وانا الى افتكرت هدخل الجامعة واشم نفسى يطلع الدكتور بتاعى هو ابيه ادم قليلة البخت من يومى
جورى.....ماهو باختى اتقل انا كمان دا انا كنت فى اسكندرية فى رحمة شوية
سيلين.......بس بزمتك مش انتى مبسوطة بتصرفاته دى
جورى.....اكدب عليكى ايوة
سيلين.....شوفتى الحب اعمى واطرش كمان
ايه رأيك لو نقوله نروح ندرب فى الشركة عنده
جورى......وهو هيوافق
سيلين.....دا دورك انتى بقى اقنعيه
جورى.....والله بتحطينى فى وش المدفع
سيلين.....انتى بقى حاولى تقنعيه
...............
فى المنزل
اثناء تناول العشاء
جورى.....هو ممكن فى الاجازة نيجى ندرب فى الشركة
ادم ......فى الشركة عندنا
سيلين...... ايوة يا ابيه والنبى توافق
عبد القادر.....لو هما حابين خليهم يسلوا وقتهم
ادم .....هيسلوا وقتهم ولا هيتسلوا عليا انا والموظفين انت مكنتش بتشوفهم فى المحاضرات بيعملوا ايه
جورى .....اوعدك هنكون كويسين ومش هنزعج حد
عبد القادر......خلاص وافق يا ادم وخليهم يروحوا
اضطر ادم الى الموافقة على اقتراحهم ولكنه كان يعلم انهم سيتسببون فى مشاكل له
....................
بالفعل عملت جورى وسيلين فى الشركة واستطاعوا ان يكونوا محبوبين من العاملين بسبب براءتهم وخفة دمهم وهذا ما ازعج ادم اكثر
فى احد الايام
واثناء مرور ادم امام مكتبهم سمع صوتهم يضحكون بصوت عالى ولم يكونوا بمفردهم فمعهم بعض العاملين بالشركة
ادم......لو سمحتى خلى الانسة سيلين وجورى يجوا على المكتب بسرعة
السكرتيرة.....حاضر يا افندم
دخلت جورى وسيلين الى مكتب ادم
ادم بغضب.....هو انتوا جايين تهزروا هنا ولا ايه
جورى..... احنا عملنا ايه
ادم.....عملتوا ايه صوت ضحككم جايب لاخر الشركة
سيلين..... احنا كنا بنضحك عادى يا ابيه والله
ادم......لو هتفضلوا على النظام ده مش هخليكم تيجوا هنا تانى مفهوم
جورى بغيظ......مفهوم يا فندم
خرجت سيلين وتبعتها جورى ولكن صوت ادم اوقفها
ادم....... استنى انتى يا جورى
جورى....افندم فى حاجة تانية
ادم.....مش عايز اسمع صوتك وانتى بتضحكى كده تانى وخصوصا قدام اى حد مفهوم
جورى.....وايه تانى
ادم......وتسمعى الكلام من غير مناقشة
جورى......هو حضرتك فاكرنى الجارية اللى اشترتها من سوق العبيد اعملى ده ومتعمليش ده
ادم ....والله انا كراجل ما اقبلش ان مراتى تضحك كده قدام حد ولا ايه يا جورى
توقفت فجأة وشعرت جورى بانه ينظر اليها وتوترت اعصابها وتمنت الا يضع يده عليها انها متضايقة جدا وقد تركض بعيدا اذا حاول لمسها او ان ترمى نفسها فى احضانه ولكن كرامتها لا تسمح لها باظهار عواطفها له
جورى.....عن اذنك
خرجت هاربة منه ومن احساسها نحوه فهو الى الان لم يظهر لها مدى تعلقه بها وايضا لم يترك خطيبته المدعوة جازمين
...............
كان ادم يشعر كل يوم بتزايد حبه لجورى فاراد التحدث مع جازمين خطيبته
بشأن فسخ خطبتهم فهو لايستطيع الان ترك جورى ولا يستطيع الزواج من أخرى غيرها
فذهب الى منزل جازمين ولكنها كانت تتحدث مع احدى صديقاتها ولا تنتبه لوجوده
ميرا......هو انتى مش هتتجوزى ادم قريب ولا ايه
جازمين.....مش عارفة دا كان خلاص قربنا نتجوز بس من ساعة ما ظهرت قريبته جورى دى وانا مش مرتاحة
ميرا.....وهيعمل ايه يعنى
جازمين.....انا خايفة يتعلق بيها وانا ما صدقت ان احنا نتخطب وهنتجوز وانتى عارفة ادم غنى قد ايه وانا مش لازم اضيع الفرصة دى من ايدى
ميرا.....هو انتى مش كنتى بتقولى بتحبى واحد تانى
جازمين ....ايوة ولسه بحبه بس هتجوز ادم واأمن مستقبلى وبعد كده هسيبه واتجوز اللى بحبه
ميرا.....وقدرى ادم عرف اللى انتى ناوية عليه
جازمين .....وهو هيعرف منين يعنى
ولكنها تفأجات بصوت ادم
ادم......لاء ما هو انا خلاص عرفت يا جازمين
جازمين....ااادم
ادم.....ايوة ادم اللى كنتى ناوية تستغفليه
جازمين.....انا انا
ادم.....متكمليش وكويس انى عرفت حقيقتك وانا مش عايز اشوف وشك تانى وياريت تنسى انك عرفتينى فى يوم ماشى يا جازمين
خرج ادم من عندها يشعر بالضيق بسبب ان جده واخته كانوا يعلمون حقيقتها ولكن بسبب عنده كان سيقع فى ورطة زواجه منها
.............
كان سالم يتربص لادم امام شركته للانتقام منه بسبب ضربه له ولان والده بعد معرفة ما حدث منه بحق جورى قام بطرده من المنزل
كان ادم خارجا من الشركة مساءا ولم ينتبه لسالم الذى قام باشهار سلاح ابيض فى وجه ادم ولولا ابتعاد ادم عنه كانت انغرزت السكين فى قلبه ولكنه اصاب كتفه
ادم......اااه انت ما حرمتش من اللى جرالك
كان احد الامن يمسك بسالم
سالم.....انا هخلص منك ومش هسيبك يا ادم
ادم.....خدوه وسلموه للبوليس
فرد الامن.....انت لازم تروح للدكتور يا ادم بيه جرحك بينزف
ذهب ادم الى الدكتور وقام بخياطة الجرح
الدكتور.....الحمد لله جت سليمة
ادم....الحمد لله
الدكتور....دى ادوية حضرتك تاخدها ومسكنات علشان الوجع
ادم..... متشكر يا دكتور
كانت جورى قلقة جدا بسبب تأخره فقد فات ساعتين على ميعاد رجوعه إلى المنزل وكانت لا تستطيع ان تنام قبل ان تطمئن الى انه عاد الى المنزل
وبينما جورى بلغت ذروة قلقها سمعت صوت الباب يفتح
ووجدت ان ادم قد حضر إلى المنزل
تنفست بعمق ثم هرعت نحوه ورمت نفسها بين ذراعيه وهى تهتف باسمه
جورى.....ادم انت كنت فين كل ده
كان فرحها لرؤيته اكبر من ان يوصف
دفنت وجهها فى صدره وهو يقفل الباب فسمعت دقات قلبه
جورى.....انت اتأخرت ليه كده
ادم.....مفيش حصلت حاجة كده اخرتنى
انتبهت الى الطريقة العاطفية التى تستقبله بها واحست بانفاسه الساخنة تتململ فى شعرها فانزلت يديها رويدا رويدا عن عنقه ومررتهما على صدره
تأملها بعينيه وسألها
ادم.... انتى خايفة عليا
لم تنتبه جورى فى بداية الامر الى قميصه الملوث بدماءه
جورى......ايه ده ايه الدم ده
ادم......عادى مفيش حاجة
ولكن بسبب احتضان جورى له قد تسببت فى نزول الدم من جرحه مرة اخرى
جورى....فى ايه فى كتفك وايه الدم ده ارجوك قولى
ادم.....مش وقته يا جورى
جورى.....انت جرحك بينزف
ادم.....متخافيش انا هطلع دلوقتى واغير عليه
جورى....لاء تعالى انا هجيب الاسعافات الاوليه وهغيرلك انا عليه
ادم بألم.....زى ما تحبى
فتحت جورى باب غرفته وهى تتظاهر بان الامر طبيعى الا انها لم تجرؤ على النظر فى عينيه وأضاءت النور
خفق قلبها بعنف عندما دخل ادم واغلق الباب وراءه
جلس على كرسى قريب من السرير وقامت هى بجلب الاسعافات اللازمة لتضميد الجرح
قالت له بصوت حاولت جاهدة ان يظهر طبيعى
جورى......احسن تقلع القميص علشان اشوف الجرح
ادم.........ماشى
سمعته يضحك بهدوء وعندما استدارت نحوه كان يخلع قميصه كان منظر الجرح مفزعا بدأت تضمد الجرح بعناية بالغة ولكنها كانت تشعر طوال الوقت بأنه ينظر الى شعرها ووجهها
ادم.......انتى المفروض كنتى تبقى دكتورة مش مهندسة
جورى......هو مين اللى عمل فيك كده
ادم.....سالم ابن خالك
جورى.....الجبان دا كان ممكن يموتك
ادم.....كنتى هتزعلى عليا
جورى......بعد الشر عليك
ادم......على فكرة انا وجازمين سيبنا بعض
جورى....بجد ليه
ادم.....اكتشفت انها انسانة انتهازية بس مش ده السبب
جورى.....امال ايه السبب
ادم.......السبب انى بحبك
جورى......انت قولت ايه
ادم.......قولت انى بحبك يا جورى
ولدهشتها الشديدة جذبها نحوه وضمها بين ذراعيه
ادم......وانا شايف الحب واضح فى عنيكى
جذبها ادم واجلسها الى جانبه
جورى......وانا كمان بحبك
ادم.....بس انتى لسه صغيرة وفى فرق بينا فى السن كبير فا انتى متأكدة من مشاعرك دى
جورى...ايوة طبعا
ادم..... انا لازم اديكى الفرصة انك تفكرنى لان انا حبى ليكى هيبقى حب امتلاك
جورى .......انت تقصد ايه
ادم ......يعنى انتى ممكن بعد كده تكتشفى ان حبك ليا مجرد وهم
حدقت جورى بوجه ادم ببرود
جورى......انت بتقول ايه
ادم.....متبصليش بالطريقة دى يا جورى
جورى....بس انت قولت انك بتحبنى
ادم....عارف وعلشان كده قولتلك الكلام ده لانى مهووس بالحاجة اللى بتبقى ملكى وانتى صغيرة
جورى......لاء يا ادم
ادم.....انتى بتزيدى الموقف صعوبة عليا
ادركت جورى سر قوتها وقدرتها على السيطرة عليه
فاقتربت منه وطالبته بعنف
جورى......خلاص قول انك مش عايزنى وانك عايزنى ابقى ملك حد غيرك
تصلب ادم فى مكانه ثم احاطها بذراعيه معانقا فعلمت بأنها حققت ما ارادته
ادم ......آه يا جورى انا مقدرش اتخيل انك تكونى لحد تانى
جورى بهمس....... بحبك اوى
ادم.....وانا بعشقك
وضع يدا قوية على وجنتها وتحسس وجهها ان لمسة منه جعلت الدم الحار يندفع الى وجهها
قبلها برقة متعمدة وهو يمسك بكلتا يديها أحست بأن قلبها سينفجر بين ضلوعها قال مبتسما
ادم......جورى انا محتاجلك
قبلها من جديد واحست بالضياع خلصت يديها منه وأحاطت بهما عنقه مستسلمة له
لم يكن هناك شك فى الرسالة التى اراد ان يبلغها اياها من طريقة عناقه بعد ذلك لم تعد تفكر فى شىء
ظلت تنظر اليه وهو نائم وقلبها يتدفق حبا له وكانت تنظر اليه فى اعجاب واحست بموجة فياضة من الحب له
لقد انتزع منها فى تلك الليلة الاعتراف بحبها له مرات عديدة وكان يبدو عليه ان يستمتع بسماعها وهى تردد ذلك مرارا
عندما افاقت فى اليوم التالى وجدت ادم بجوارها كانت سعيدة جدا
جورى.....حبيبى انت اتأخرت على الشغل
ادم.....لاء النهاردة مش هروح عايز افضل جمبك
جورى....زمان سيلين بدور عليا دلوقتى
ادم.....انا عايزك تنقلى حاجاتك كلها هنا علشان خلاص انا مبقتش قادر ابعد عنك عايزك على طول فى حضنى
قامت جورى بنقل اغراضها الى غرفة زوجها بمساعدة سيلين التى بدت سعيدة بأن جورى هى من اصبحت زوجة اخيها بدلا من خطيبته السابقة
سيلين...... كده كل حاجة تمام
جورى......تصدقى انا زعلانة انى مش هرغى معاكى قبل ما انام
سيلين......ابقى ارغى مع ابيه وصدعيه
جورى.....ليه هو انا صداع
سيلين.....صداع كلى ونصفى
كان ادم ينتظر انتهاء يومه بفارغ الصبر حتى يعود الى من سلبت قلبه وعقله فهو اصبح يعشق وجودها فى حياته
وعندما عاد وجدها تنتظره بغرفته بجمالها الأخاذ ورقتها التى تسلبه اى رغبة فى التفكير فى اى شىء اخر
جورى......حمد الله على السلامة يا حبيبي
ادم......الله يسلمك يا قلبى بقى انا كل يوم ارجع هلاقى القمر ده مستنينى
كانت كلماته تجعل وجهها يزداد احمرارا وقلبها ينبض بسرعة كبيرة فبمجرد النظر اليه تشعر انها لا يمكن ان تكون سعيدة اكثر مما هى الآن
ادم....... وحشتينى اوى
جورى.....وانت كمان
ادم.....وانا كمان ايه
جورى.....وحشتنى اوى اوى اوى
ظلت ايامهم سعيدة فهى اصبحت عشقه الذى لا ينتهى وهو اصبح كل كيانها
.............
بعد مرور سنوات
سمع ادم صوت أطفاله التؤام ينادون عليه وهم يبكون
يارا......بابى
ادم.....ايه ياروح بابى بتعيطى ليه
يارا.....ماما اكلت الشكولاتة بتاعتى
يحيى.....وانا كمان عمتو سيلين اخدت المصاصة
ادم.....خلاص متزعلوش بكرة هجبلكم غيرها يلا دلوقتى روحوا ناموا
ذهب ادم الى اخته وزوجته
ادم.....انتوا مش هتبطلوا شغل العيال بتاعكم ده
سيلين.....احنا عملنا ايه يا ابيه
ادم.....كلتوا الشكولاتة والمصاصة بتاعة يارا ويحيى ليه
جورى.....هما اللى قالولك
ادم..... أيوة وانتى يا سيلين اعقلى دا فرحك كمان اسبوع وبلاش شغل العيال ده
جورى.....كويس ان خطيبك بيته قريب مننا علشان نرغى مع بعض
سيلين.....ههههه ما انا وافقت علشان كده علشان مبعدش عنكم كتير
ادم......ربنا يصبره عليكى بس هعتب عليكى ليه اذا كان امهم وكلت الحاجة بتاعتهم
..............
فى غرفتهم كان ادم يقوم بتخليص بعض الأعمال
جورى.....انت بتعمل ايه
ادم......بخلص شغل مهم
ولكنها جلست على رجله وقامت بخلع نظارته الطبية من على عينه
جورى بصوت ناعم......هو الشغل ده ما بيخلصش
ادم...... لاء بيخلص
جورى.....مش باين
قام بتملكها فى احضانه بشدة
ادم.....تعرفى انك وحشتينى اوى
جورى ..... لسه فاكر انى وحشتك
ادم......وانا امتى كنت نسيت
جورى.....ما يارا خلاص خدتك منى
ادم بضحك......على فكرة يارا دى بنتك برضو
جورى......بس اخدتك حق مطلق ليها بتاعها هى وبس
ادم.......حبيبة بابا دى هى واخوها
جورى.....وامهم لاء
ادم......امهم حاجة تانية حبها شكل تانى دى اللى عشقها بيجرى فى دمى وقلبى ملكها هى وبس
جورى......بحبك اوى يا ادم
ادم......بموت فيكى يا عقل وقلب ادم
فاخذها بين ذراعيه فى عناق طويل فطال العناق وطاب...
فهى التى تزوجها من أجل ان يكون واصيا عليها هى من اصبحت واصية على قلبه وعقله
فكانت هذه وصاية حب وعشق بدل من ((وصاية حب بالإكراه))
google-playkhamsatmostaqltradent