رواية انا العروسة المتاجرة الفصل السادس 6 والاخير بقلم امل المهندس
الجزء السادس (النهاية)
وروحو وكل واحد بقي بيفكر في التاني وكل اللي بيحصل معاهم، واسبوعين عدو وهم بيتقابلو في الشغل وتريقه علي بعض وعلي كدا لحد مجه وقت وقت التحضيرات لفرح تاليا وايوان
في نفس الوقت كان في حوار بين نريمان واياس
اياس :مش فاهم انتي عايزة توصلي لايه
نريمان : مش احنا شفنا انو بيغظنا بيها واااااد ايه هم بيحبو بعض
اياس : ايوا بس البنت حلوة فعلا وتتحب
نريمان : what ever (ميهمنيش) ,انا اللي يهمني افهم ازاي شفنا الصبح وبليل يخطبها امتي وازاي حبها اكيد في حاجه احنا مش عارفنها
اياس : مش فاهم برضو عايزة تعملي ايه
نريمان : لو فعلا بيحبها هيدور عليها ولوفعلا بيحبها ودور عليها يبقي اكيد هيضايق لما يشفها مع غيره
اياس : هتخطفيها
نريمان :هنخطفهاا
اياس : نعععم
نريمان :وهنكرر معاه نفس الموقف بتاعنا معاه ويكرها فهمت
اياس وهو بيسقف : ابليس بيسقفلك
نريمان وهي بتبصله : اه منا شيفاه قدامي اهو
وجه وقت الفرح الكل فرحان وبيجهز وراحو القاعه خدوا الصور ورقصوا ومستنين المأذون يجي وجاسم ونارين مشلوش عيونهم من علي بعض وراحلها واداها عصير تشربه
جاسم : اشربي العصير دا عشان ميغماش عليكي تاني واحنا بنرقص ههههه
نارين : ههههه
جه اتصال لجاسم برقم غريب
جاسم طلع برا القاعه عشان الميوزك
جاسم : الو مين معايا
واحده صوتها كان كله خوف : الحق الجيم بتاعك بيولع
ساب كل حاجه وجري علي الجيم ونارين بدور عليه وهي بدور عليه نامت علي السلم وجه شباب وخدوها ومشيوا وجاسم وصل الجيم ملقاش حاجه وجه صوت من وراه
نريمان : جاسم
جاسم : انتي , انتي اللي كلمتيني صح
نريمان : مكنش في طريقه تانيه اجيبك بيها غير ديه عشان لو كنت كلمتك مكنتش هتيجيلي
جاسم : عن اذنك
نريمان :اسمعني الاول الموضوع متعلق بنارين
جاسم بزعيق : عارفه لو قربتلها مش هرحمك
نريمان بعياط خادع :مش انا اللي قربتلها دا هي اللي خدت مني اياس
جاسم : نعم ,ايه الهبل اللي انتي بتقوليه دا
نريمان : اكيد مش هتصدقني ولا انا صدقت بس انا ندمت اني سبتك (وهي بتقرب منه), فعلا اللي بيخون صاحبه مع حببته يخون حبيبته عشان واحده تانيه
جاسم :انتي بتقولي ايه
نريمان : اياس من ساعه مشاف نارين معاك وهو بيحاول يتقربلها بأي طريقه عشان ياخدها منك عشان واخده عقله من ساعه ماشفها وانا اللي كنت فاكره انو بيحبني،،، وهم دلوقتي مع بعض في حب وغرام
جاسم : انتي كدابه ,نارين في فرح اختها وكانت لسه معايا....
نريمان تقاطعه: لو مش مصدقني روح الفندق اللي جنب طريق بيتك
وجاسم فضل يجري بعدها وبيرن علي اخوة بوراك
بوراك : جاسم فينك يابني
جاسم : بوراك نارين عندك صح
بوراك : لا احنا بندور عليها من بدري عشان اختها عايزاها وقلنا انها معاك عشان اختفيتو سوا و....
جاسم قفل السكه في وش بوراك وجري علي الفندق ولما وصل سال علي مكانهم من الريسيبشن قعد يخبط علي الباب بتاع غرفتهم وفتحله اياس بنفس المنظر اللي كان فيه لما كان مع نريمان ولما دخل مكنش باين من نارين غير ايدها قام رجع ورا وعينه بدمع ومكسور من اللي شافه وجري برا الفندق وفضل يفتكر ايامهم ولما اداها الانسيال علشان يقلها بحبك (المشهد بتاع الانسيال)
جاسم : ايه ديه , ديه وحمه
نارين : لا ديه ندبه مش بططلع
ورجع للبنت اللي كانت علي السرير كانت ايدها سليمه رجع بسرعه تاني للغرفه وكسر الباب لقي نريمان والبنت واياس قام ضرب جاسم اياس ضربه قويه
جاسم : يا كلاااااااب نارين فين يا كلاب
نريمان بتحاول تهرب قام جاسم وقع اياس علي الارض بلكمه وجري علي نريمان
جاسم : نريماااان , فين نارين عملتي فيها انطقي (وهو بيشد شعرها) اااانطقي بقلك
نريمان : اااااا....في اوضتك , دا المكان الوحيد اللي انت مكنتش هتدور فيه وكنا هنرجعها تاني بمجرد مانت تمشي من هنا وهي دلوقتي نايمه عندك , لاننا حاطنلها منوم في العصير اللي انت اتدهولها
جاسم : يا شويه حيوانات
وبعدها جري عشان يشوفها وهو مش فاهم ازاي وصلوها لاوضته وبعدها افتكر كلامه لمامته لما كان عايز يروح بيتهم عشان كان عايز يجيب حاجه
ام جاسم : مش هينفع دلوقتي يا جاسم , عشان نريمان زمنها وصلت البيت اصلها هتبات معانا في البيت النهارده عشان اهلها مسافرين وقالتلي انها تعبانه ومش هتقدر تيجي الفرح فاديتها المفتاح
جاسم : يااااا بنت ال.....
جاسم جري علي البيت وراح اوضته
جاسم : نارين
لقاها نايمه علي سريره وربطنها وكتمين بقها
جاسم وهو بيفكها : نااارين , فوقي يا نارين اصحي
نارين : هممم , ايه دا انا فين ,(بخضه) ايه دا انت جايبني هنا ليه , فرح اختي , العصير انت شربتني عصير , انت خطفتني
جاسم : ااااهدي , ايه كله ورا بعضه حيلك شويه انا جريت كتير حرام عليكي نهجتيني مش انا اللي خطفتك صدقيني ولا انا اللي جبتك علي هنا والله، عارفه نريمان واياس ( قام حكلها علي كل اللي حصل )
نارين : OMG ربنا ينتقم منهم
جاسم : يارب المهم انا عايز اقلك حاجه مهمه مش احنا مخطوبين مزيف انا عايز قدام الناس ....
نارين بخضه : هتـأجرني تاني
جاسم : اتقدملك حقيقي
نارين: هه
جاسم بضحكه :تتجوزيني يا متخلفه انتي
نارين : بعد اللي حصل منك دا ,افكر
جاسم : هكتب شركه الترجمه باسمك قلت ايه
نارين بنرفزه : دا تأجي
جاسم:لا مش تأجير والله ديه هديه عيد جوزنا
نارين : ....(ساكته ومتفاجئه)
جاسم : السكوت علامه الرضا , علي بركه الله الف مبروك يا حبيبتي
نارين : هه
جاسم بضحكه بيقلدها وهي بتقلها لما عزمها عند مامتو : روحي روحي
وراحو علي القاعه بتاعه الفرح تاني وكان المأذون لسه بيكتب كتاب اخواتهم وتاليا شاورت لنارين تبقي جنبها ,بعد ماالمأذون خلص
جاسم: رايح فين يا عم الشيخ جوزنا العروسه اهي ( وهو بيشاور علي نارين )
الكل مزهول
ام نارين : ايه يا بني انا مش ام العروسه ولا ايه انت مسالتنيش حتي
جاسم بمسكنه : اسف والله يا امي بس انا لو طلبت ايد بنتك دلوقتي هترفضيني
ام نارين : لا يابني ....
جاسم مقاطعها: يعني موافقه يلا علي بركه الله يلا يا عمنا الشيخ جوزنا بقي
كتبو الكتاب جاسم قطع جاتو واكل نارين واداها لنارين عشان تاكله منها قام لحوس نفسه
ام نارين : كل علي مهلك يا بني عشان ....
جاسم قاطعها : جرا ايه يا جماعه بنتك تبصلي ف كوز الدره وانتي ف الجاتو شكلي هموت هنا ههههههههه
والكل ضحك وهيصوا سوا وتاني يوم عملو فرح نارين لانها صممت تلبس فستان فرح ويتعمل فرح
فلاش باك
جاسم:
مش مهم اهو نبقي اتجوزنا كلنا ف نفس اليوم
نارين : لا مش كله سربعه كدا انا عروسه لازم البس فستان ويتعملي فرح ولا ايه (وهي بتخوفه بعنيها )
جاسم : اكيد يا شبح
الكل ضحك
ام جاسم: نارين عندها حق يابني
جاسم: عارفوالله وعمري مهكسر فرحتك
واتجوزوا اخيرا بس المرادي مش بالايجار الحمدلله
