رواية الملاك الحزين الفصل الرابع 4
حلقة الرابعة
الملاك الحزينفي صباح اليوم التالى
أستيقظ الجميع وتوجهو الى عنبر الاكل وجلسو ب انتظار توزيع الاكل ابتدا العساكر فى توزيع الاكل وكانت تجلس ملاك بجوار قمر
قمر : كلي يا ملاكي كلي
ملاك : حاضر وانتى كمان كلي
عندما شرعت ملاك فى تناول الطعام وفى لحظة واحدة كان الاكل على الارض وعندما نظرو وجدو حسام يقف امامها وينظر لها بنصر
حسام : مش انا امرت ان البنت ديه ملهاش اكل
السجانة : بس يا سيادة الرائد البنت مكلتش من امبارح وممكن تتعب
حسام بخبث : ايه ده انتى جعانة
ملاك : الى حضرتك شايفة انا هنفذه
حسام : خلاص روحى كلي الاكل بتاعك
ملاك : بس حضرتك وقعته على الارض
حسام : يبقي مفيش اكل
ملاك بدموع : بس انا جعانة اوي
مسكها حسام من شعرها بشده فاطلقت ملاك صرخة عالية بسبب وجع شعرها ودماغها ونزلت دموعها بغزارة
ملاك : خلاص مش جعانة انا اسفة ونبي سبني
حسام ببرود : مليش مزاج
وشد شعرها اكتر ابتدت تشعر ملاك بتنميل فى رأسها واصبحت الراية معدومة أمامها وسقطت بين ايديه غائبة عن الوعي فنفضها ووقعت على الارض وغادر عنبر الطعام بعد أمره بإرسالها الى عنبرها وليس الى العيادة
حملتها احدي السجينات و قمر وتوجهو الى العنبر ووضعوها على السرير جلست قمر تبكي عليها
قمر بدموع : هنعمل ايه البنت تعبانة اوى وهو حرمها من الاكل
السجانة توحيدة : على عيني يا بنتي بس انتى عارفة انه شديد ومستحيل يرجع فى قراره
قمر : هو ينفع اشتري ليها اكل
توحيدة : ايوة ينفع روحي بسرعة
خرجت قمر من العنبر وتوجهت الى الكانتين ( كمان يبيع الاكل والعصائر ) وغادرت توحيدة العنبر وتركو ملاك بمفردها
بعد فترة عادت قمر وهى تحمل الاكل و حاولت أكثر من مرة فى افاقة ملاك ونجحت أخيرا
قمر : اصحي يا ملاكي الحلو انا جبت اكل ليكي
ملاك بضعف : بس الظابط ممكن يزعق
قمر : متخفيش يالا كلي
جلست ملاك تاكل بسرعة من شدة جعها وبعد انتهائها جلست بجوار قمر
ملاك : انتى هنا ليه
قمر بتنهيدة : مش هتبعدي عني لما تعرفي
ملاك بسرعة : لا مش هبعد بس انتى متبعديش عنى لما تعرفي انا جاية هنا ليه
قمر بضحكة : لا متخفيش بصي بقي يا ستي
فلاش باك
*********
كانت قمر تريد أن تعالج امها فذهبت حتى تعمل فى إحدى المحلات حتى تحصل على تمن العلاج ولكن قام صاحب المحل بالتحرش بيها أكثر من مرة وفى اخر مرة حاول الاعتداء عليها فقامت بضربة و خرجت من المحل وتأتى يوم جالها البوليس وقبضو عليها بتهمة السرقة
باك
***
قمر : الحيوان خاف يقول الحقيقة علشان ميتسجنش واهلى سابو البيت وراحو عاشو فى حته تانية علشان الفضايح وبس
ملاك بدموع غزيرة : نفس حكايتي بس انا جوز الست الى ولدتني حاول يعتدي عليا وانا ضربته على دماغة بس عمو الظابط وعمو وكيل النيابة قالو انى ضيعت مستقبلة الذكوري بس انا مش فاهمة يعني ايه
قمر : يعني انتى موجودة هنا علشان واحد زبالة ذي ده منهم لله الرجالة ديه
ملاك بدموع : طيب دلوقتي انا عاوزه اروح الإمتحان بتاعي
قمر : انتى فى سنة كام
ملاك : انا فى أولى ثانوي
قمر : هو فاضل قد ايه على الامتحانات
ملاك : الامتحانات فى اخر شهر 6
قمر بتفكير : ايه رايك نقول لحضرة العقيد وهو شخص طيب ومنكم يوافق
ملاك : تفتكري بس عوزة الكتب بتاعتي
قمر : لما والدتك تيجي زيارة ابقي قوليلها تجبلك الكتب
ملاك : هو انتى فاكرة انها هتيجي تشفني لو بجد كانت يتخلف عليا مكنتش ضربتني يوم مالبوليس قبض عليا ولا دعت عليا يوم المحكمة وقالت ليا انى مت بالنسبة ليها
قمر : سبيها على ربنا وهو حلال العقد والمشاكل
ملاك : تعالى نروح المكتبة ينفع
قمر : طبعا ينفع تعالى
خرجت البنات وذهبو الى المكتبة وكانت تحتوي على كتب اطفال وقصص لم تجد ملاك أي كتب مفيدة فتنهدت وخرجت من المكتبة وخلفها قمر وأثناء سيرهم قابلو العقيد بندر لهم وضحك
العقيد : صباح الخير يا حلوين
قمر : صباح النور يا فندم
ملاك : صباح النور يا عم اقصد فندم
العقيد : قريتو ايه فى المكتبة
قمر : ملاك ملقتش حاجة عجباها
العقيد : والقمر الحلو بقي عاوز كتب ايه
ملاك : يعني ممكن حضرتك تجبلي الكتب الى عوزاها
العقيد : قولي وانا هنفذ
ملاك : تمام عوزة كتب
فضلت ملاك تملي عليه أسماء الكتب والغريبة كانت كتب أجنبية او فرنسية او كتب عملية كل هذا تحت ذهول العقيد و قمر و حسام واشخاص اخرين
العقيد : وانتى هتعرفي تقري الكتب ديه
ملاك : انا كنت فى مدارس انترناشونال وانا دلوقتي فى اولي ثانوي والمدرسة كانت بتعمل نشاط صيفي فى الأجازة وبتخلينا ندرس لغات جمب الدراسة
شخص : وانتى بقي بتعرفي تتكلمي كام لغة
ملاك بخوف : ااااناااا ببببب
العقيد بحنان ابوي : متخفيش يا ملاك قولي
ملاك : بعرف اتكلم انجليزي و فرنساوي و إيطالي ودول اللغات الأساسية فى الدراسة وبرا الدراسة درست ألماني و روسي و تركي و صيني و كوري
الشخص : ما شاء الله بتعرفي تتكلمي 8 لغات غير العربي
قمر : هو ينفع ملاك تكمل دراسة وتروح الامتحانات آخر الشهر الى جاي
العقيد بفرحة : طبعا ينفع ومن بكرا تبتدي تذاكر
ملاك بحزن : بس اذاي والكتب عند امي وهى مش هتردا تجبها ليا
العقيد : انا هتصرف متقلقيش
حسام بسخرية : وياترا المدرسة انترناشونال هتقبل لمتهمة بالدخول عندها
تساقطت دموع ملاك لتذكرها بتلك المحنة فنظر لها العقيد والأشخاص الأخرى باسف وحزن ونظرو لحسام بنظرات استحقار
شخص : متخفيش ملاك احنا هنتصرف
ملاك بفرحة : بجد يا عمو يعنى هكمل دراسة وبابي مش هيزعل مني
الشخص : لا يا بنتي محدش هيقدر يزعل منك
العقيد : يالا قمر خدي ملاك وروح العبو شوية
قمر بفرحة : حاضر يالا ملاكي الحلو
غادرت البنات و توجه العقيد وحسام والأشخاص الاخري الى المكتب
في المكتب
الشخص : هى البنت ديه تهمتها ايه يستحيل تكون سرقة
العقيد : لا المحضر بيقول ضربت جوز امها وعملت ليه عاهه مستديمة
شخص آخر : يمكن فعلا عمل حاجة معاها
العقيد : هى بتقول حاول يعتدي عليها بس لما الكل الشرعي كشف عليها ملقاش اي آثار لمحاولة الاعتداء ولقو البنت لسه سليمة
شخص آخر : مسكينة البنت ديه هتعمل ايه يا سيادة العقيد فى المدرسة
العقيد : ديه مدرسة دولية ويستحيل يوافقة على حاجة ذي كده
شخص : احنا ممكن نخليها تمتحن السنة ديه وبعد كده ننقل ورقها أي مدرسة حكومية وتروح على الامتحانات وبس
العقيد : والله ياريت
شخص : احنا هنكت تقرير ونرفعة لمنظمة حقوق الطفل وهى تباشر مع الوزير
العقيد : وانا هطلب مقابلة الوزير فأسرع وقت وأكيد معاليه هيوافق
شخص آخر : طيب و الكتب بتاعة السنة
العقيد : هخلي حسام يتصرف
رئيس الوفد : كده تمام وانا بإذن الله هبعت ليكم السواق بتاعي بكره بشوية كتب مهمة ليها تقعد تقراهم
العقيد : الف شكر يا فندم وهنتعب حضرتك
رئيس الوفد : ولا تعب ولا حاجة هما كده كده موجودين
غادر الوفد على موعد بارسال الكتب لهم غدا
في المكتب
العقيد بعصبية : انت اه يا بني حرام عليك دول مهما عملو هيفضلو اطفال حرام الى بتعمله ده وانا شايف انك بتكره ملاك اوي كده ليه
حسام بتنهيده : خلاص هبقي اصالحها
العقيد : يا بني أفهم دول اطفال ومش ذنبهم انك اتنقلت هنا بقالك فترة الصبر يا بني وربنا هيظهر الحق وترجع مكانك تاني
حسام : تحت امرك
العقيد : احم يعني هو انت ينفع يعني لو ممكن يعني
حسام بضحك : ايه كمية يعني ديه كلها قول عاوز ايه على طول
العقيد : عاوزك بكرا الصبح تاخد ملاك وتروحو تجيبو كتبها وهدومها وكل حاجة هى عاوزاها
حسام بصدمة : حضرتك عاوز مسجونة تخرج من السجن و تروح تجيب حاجاتها وبقالها هنا يومين لو كملتهم
العقيد بتنهيدة : مش عارف ليه حبتها ونفسي اسعدها باي طريقة ونبي يا بني مترفض
حسام : مالك يا خالي انت تعرف البنت ديه
العقيد بزعل : للاسف ايوه انا شفتها مرتين قبل كده بنت قمة فى النظافة والاحترام والجمال والأدب
حسام بفضول : شفتها فين ها قول
العقيد : والدها كان مدير بنك الى بنتعامل معاه بس هو الله يرحمة من فترة كبيرة وشفتها مرة فى البنك وتاني مرة شوفتها حوالى 3 شهور فى الفندق وكنت ماسك شنط وواحد خبط فيا وهى ساعدتني فى شيل الشنط و طمنت عليا وبعد ممشيت بفترة لقتها جاية بتجري عليا وبتديني المحفظة وبتقولي انا وقعت منى وكان كل فلوسي كاملة ولما سألتها اسمك ايه قالتلي ملاك صفوت القاضي علشان كده انا عاوز اساعدها باي طريقة
حسام : يعنى هى ديه البنت الى انقذتك من الوقوع يوم الفندق
العقيد : ايوه هيا عرفت ليه عاوز اساعدها وخليت الناس بتوع منظمة الطفل يشفوها علشان مضيعش مستقبلها ولا الفرحة الى كانت فى عيون ابوها يوم مشفته
حسام : وهى كانت بتعمل ايه فى الفندق
العقيد : انا سألتها قالت انها هنا فى ندوه تبع المدرسة وقالت ليا انى ممكن احضارها كمان وفعلا دخلت وحضرتها وكانت ندوه على مستوى عالى
حسام : تفتكر هى لسه فاكراك
العقيد : اكيد لسه فاكرانى بس خايفة مني ها قولت ايه هتساعدها
حسام : والله يا صوفي
العقيد بغل : انت يا حيوان متقولش صوفي تانى ديه بتاعه حبيبتي وبس
حسام : خلاص يا عم انت هتاكلني انا هروح لملاك يالا سلام
العقيد : ربنا يهديك يا حسام يا رب
توجه حسام وسئل السجانة توحيدة على مكان ملاك ملاك قمر وقالتلو على مكانهم فتوجه ليهم
وصل حسام الى مكان ملاك وقمر ووجد قمر بتلعب مع البنات وملاك تجلس وحيدة تنظر إلى الفراغ ودموعها تنزل بهدوء على وشهها فتالم قلبه فذهب وجلس بجوارها ولكنها لم تشعر بيه فقام حسام بهزها برفق وعندما نظرت ملاك بجوارها ولقته حسام قامت بسرعة وقفت ونزلت وشها فى الأرض
حسام : تعالى اقعدي ملاك
ملاك بخوف : لا حضرتك شكرا
حسام : قولت تعالى اقعدي
وشدها قعدها جلست ملاك بجواره وهى مرعوبة منه وجسمها يرتعش بشدة فقام حسام باخراج شكولاته من جيبه وأعطاها لملاك فنظرت له بصدمة
حسام بضحك : اقفلي بوك هيصطاد حشرات
ملاك : ديه ليا
حسام : مش عاوزاها خلاص أكلها انا
ملاك بسرعة : لا عاوزها شكرا
حسام بجدية : هسالك سؤال ولو كدبتي هضربك مفهوم
ملاك : مفهوم
حسام : انتى تعرفي العقيد مصطفى
ملاك : لا معرفش حد بالاسم ده
حسام : طيب انتى تعرف العقيد الى هنا
ملاك : ايوة شوفته مرة من فترة
حسام : طيب جهزي نفسك بكرا الصبح هنروح نجيب هدومك وكتبك من بيت امك
ملاك بفرحة : حاضر شكرا يا فندم
حسام : بلاش تزعلى منى علشان كنت بمنع عنك الاكل وضربتك
ملاك بتفهم : خلاص محصلش حاجة هو حضرتك هامشي من هنا خلاص اول الاسبوع
حسام بستغراب : همشي فين
ملاك : ترجع شغلك فى المدرية
حسام : وانتى عرفتي اذاي
ملاك : بابي قالى انك هترجع شغلك وهتسيب هنا وقالي كمان انك هتصالحني وانا بصدق بابي فى اي حاجة
حسام بستغراب : ماشي يا ملاك عارفة لو فعلا رجعت مكاني اول الاسبوع هعمل معاكى ايه
ملاك باهتمام : هتعمل ايه
حسام : هاي كل يوم امتحان ليكي وهاخدك واوديكي الامتحان ومش هزعلك خالص تمام
ملاك : تمام
حسام : يالا على الغدا وكلى كويس ولو حد زعلك تعالى قوليلي على طول
ملاك بفرحة : حاضر
غادر حسام وتوجهت قمر إليها وحكت ملاك لقمر كل شي وفرحت ليها جدا وتوجهو الى عنبر الطعام
في امريكا
أصبح جاسر شديد فى التعامل مع الآخرين وبارد لابعد الحدود ولا يرحم اي احد ووقف بجوار امه فى الشركات واستطاع ان يرجع الشركات لسابق عهدها
عاد جاسر الى المنزل ولم يجد أحد فى الصاله فصعد الى غرفته وابدل ملابسه واخذ دوش وتوجه الى غرفة جدته حتى يطمان عليها
جاسر : مساء الورد زهرتي الغالية
الجدة : يسعد مساك يا حبيبي اخبارك ايه
جاسر : الحمد لله طول مانتم بتدعولي هبقي كويس بلاش تقلقي
شمس : برافو عليك جاسر عرفت تاخد الصفقة بجدارة
جاسر بفخر : ابنك و ابن عثمان الدالي
شمس : عجبتني انت و ادم كنتم فى ظهر بعض ذي الوحوش
الجدة : بقولكم ايه متخلي ادم يجي يوم الجمعة ونقضية كلنا مع بعض
جاسر : السلطانة تأمر واحنا ننفذ
ورده بصراخ : خيانة خيانة خيانننننننننننننة امى و اخويا وتيتة مع بعض مكنش العشم يا ريتني مشفتكم فى الوضع ده
جاسر ببكاء مزيف : اسطري علينا الله يكرمك
ورده : ابدا
جاسر : بقي كده طيب والله مانا سايبك
طلعت ورده تجري وخلفها جاسر تحت ضحكهم
