رواية قلوب كادت ان تنطق الفصل الرابع 4 بقلم شيماء سعيد الشرقاوي
في الجامعة
نغم _أخيرااااا خلصنا امتحانات يااااه الواحد حاسس بقاله سنين بيمتحنجهاد _لدرجة دي مليتي دا هما 3 اسابيع بس المهم عملتوا ايه
جور _الحمد لله كان حلو ان شاء الله امتياز
جهاد _الحمد لله وانتي يا ناني
نغم مين دي بس علشان ابقي عارفة
جهاد _تقريبا انتي نغم _يا ربي علي العسل الحمد لله عدا علي خير وان شاء الله التقديرات تكون كويسة المهم اية رايكم نخرج شوية
حورر _انا مش هقدر اعذروني لان بابا تعبان ولازم اروح المستشفي أبقي جانبة
جهاد ونغم _ربنا يقومه بالسلامه
نغم _خلاص بقا نخرج مرة تانية مع بعض
جهاد وحور _إن شاء الله
عند يزيد ومعاذ
يزيد _اية الاخبار يا باااشا
معاذ _الحمد لله بخير،وانتي
يزيد _الحمد لله في زحام من النعم، بص بقا كدا ومن غير مقدمات أنا عايز اتجوز
معاذ بضحك _وحد قالك اني خاطبة مثلا وانا معرفش
يزيد _بطل خفة يا باااباااا، وأصلا انا عايز اتجوز أختك
معاذ _أختي مين بس
يزيد _فوق كدا بدل ما اعدلك هو انت عندك كام اخت وانا معرفش مش هي واحدة
معاذ _والله انت انسان كويس وأي واحدة تتمناك بس للاسف يعني
يزيد بحزن _هي مخطوبة او مكتوب كتابها
معاذ بجدية مصطنعة _الموضوع وما فيه ان هي رافضة الموضوع من الأساس وعايزة تكمل دراستها وانا مقدرش اغصبها علي حاااجة
يزيد _تصدق انك عيل وقعت قلبي عيل رخم
معاذ _اية يا بني دا انتي كنت من ثانيتين محترمني،
يزيد _اخلص وحدد لي معاد أجي اطلبها رسمي قبل الاسبوع ما يخلص لان اجازتي هتخلص وبعدها لازم اسافر
معاذ _فعلا اخرة خدمة الغز علقة، المهم هكلمها في الموضوع واشوف ردها وبعدين اقولك تيجي امتي
يزيذ _حبيبي يا ميزوووو
معاذ _المهم اطلبلي بيتزا لو سمحت يا زيزو
يزيد _عيوني يا حمايا العزيز
معاذ _بدانا في شغل التمام واحب اقولك اني موافق يا يزيد وان شاء الله توافق
يزيد _ياااارب معاذ _لا دا انتي شكلك وقعت ومحدش سمي عليك
في الشركة
النهاردة اول يوم لنغم في الشغل هي خاايفة جداا ومتوترة جدااا
بس بمجرد ما دخلت مكتب أدهم وهو شرحلها طبيعة الشغل وفهمها الامور هتمشي ازاي وكمان هتكون موظفة تحت التدريب
نغم _تمام فهمت المطلوب مني وان شاء الله أكون عند حسن ظن حضرتك
أدهم _ إن شاء الله اتفضلي وسهي هتوريكي القسم الي هتشتغلي فية والاستاذ أحمد هو الي هيعلمك الشغل واتمني تقدري تثبتي نفسك في اقرب وقت
نغم _إن شاء الله
ادهم _ اتفضلي علي شغلك
نغم _عن اذنك
لأول مرة تحس انها فعلا هتعمل انجاز في حياتها وانها هتعتمد علي نفسها وتثبت لوالدها انها مش قليلة وهي واخوها زي بعض.....
في المستشفي
حورر _السلام عليكم، عامل اية يا بابا
محمود _الحمد لله بخير، هااا طمنيني عملتي اية في امتحاناتك
حورر _الحمد لله كانت حلوة وان شاء الله امتياز زي كل سنه
محمود _إن شاء الله يا دكتورة
حورر _ انت بقا ترتاح شوية وتنام وانا هفضل جنبك مش هروح في مكان
محمود _كدا هتتعبي وكمان مينفعش
حورر _لااااااا انت تسمع الكلام كدا ومفيش نقاش يا حبيبي انا هفضل يعني هفضل ودا اخر كلام عندي
محمود _ وانا مقدرش اناقشك وانا موافق
حورر_كفاية بقا لحد كدااا وارتاح يلااااا
محمود _حااضر
في بيت جهاد
معاذ _السلام عليكم
الأم _وعليكم السلام يا حبيبي
جهاد _اتأخرت كتير يا معاذ
معاذ _كنت مع يزيد، تعرفي انه قرر يتجوز وكان عايز يشوف راي اية
الأم _ربنا يتمم له علي خير
جهاد _حست انها عايزة تصرخ، قلبها هيتوقف معقول الشخص الي حبته طول عمري قررانه يتجوز، أنا الي غلطت لما سمحت لنفسي أحب شخص استحالة يفكر فيا انا المفروض أتحمل نتيجة غلطي
من جواها بتموت بس لازم متبينش حاااجة قدام حد كم تمنت أن تصرخ وتبكي لكي تخرج ما بداخلها، هي لا تتالم بل قلبها ينزف دما.....
معاذ _ المهم دلوقتي يا أمي في موضوع حابب آخد رأيكم فيه بس القرار الاول والاخير ليك يا جهاد
جهاد _بصوت مخنوق، في ايه يا معاذ قلقتني
معاذ _ في عريس متقدملك وأنا شايف انه مناسب ليكي وان شاء الله توافقي
جهاد _أظن انت عارف راي في الموضوع وغير كدا أنا قررت اني أحضر ماجستير ودكتوراة ومش حابة ارتبط حاليا، أتمني يا معاذ تكون فهمتني
معاذ _ومن امتي مفهمتكيش يا صغيرتي، بس أنا شايف انك علي الاقل تقابلية وبعدين قولي رايك
جهاد بدموع _علشان خاطري بلاش تضغط عليا يا معاذ خصوصا الفترة دي
معاذ _حاااضر بس لازم تعرفي ان عمري ما هغصب عليكي يا جهاد بس فيها اية بس لو شفتية وياستي لو رفضتي عمري ما هغصبك يا حببتي
جهاد _الي تشوفه يا معاذ عن اذنكم محتاجة أنام
معاذ_تصبحي علي خير
جهاد _وانت من أهل الجنه
بمجرد أن أغلقت علي نفسها باب غرفتها وأجهشت في بكاء مرير، تشعر بأن قلبها علي وشك التوقف هي من أخطأت وها هي الآن تدفع ثمن أخطائها فإن أحببت فلا تنسي نصيبك من الالم والحزن سيرافقك الي الابد وخصوصا ان كان من طرف واحد فقط، وبعد فترة كبيرة من البكاء قررت أن تذهب لربها فإنة الوحيد من يمكنه سماعك ويتقبلك كما أنت فكلما أثقلتك هموم الدنيا فتوجه له وبث شكواك في سجدة وادعوا بما شئت فانه القادر علي مساعدتك
دعت ربها أن تنساه وان يوفقه في حياته حتي وان كان مع غيرها، طلبت من ربها أن يريح قلبها وينسيها اياه
في بيت نغم
قاعدة بتشتغل الشغل المطلوب منها تسلمه بكرره، وفجأة الباب خبط، نغم اتفضل
عمر _ ازيك يا نغم ممكن أتكلم معاكي شوية لو انتي فاضية
نغم باستغراب _ أكيد يا عمر اتفضل
عمر _نغم أنا عايز اطلب منك انك تسامحيني علي كل الي عملته فيكي، أنا عارف انك أكيد بتكرهيني وممكن متقدريش تسامحيني، وأنا عارف انك معاكي حق لان عمري ما عملتك معاملة الاخ لأخته، أنا هنتك أكتر من مرة وكمان مديت ايدي عليكي بس كل الي طلبه منك تسامحيني
نغم بدموع فرحة تعرف أنا اااه زعلانه منك بس عمري ما أقدر أكرهك كان نفسي نكون صحاب ونتكلم مع بعض وعلاقتنا تكون حلوة بس للاسف محصلش، واذا كان علي كلامك وضربك ليا أنا مش فكراه لانك ببساطة اخويا الي بحبه ومقدرش أستغني عنه مهما حصل
عمر بدموع هو انتي ازاي كداااا أنا لو منك عمري ما كنت سامحت نفسك
نغم _المهم انك عرفت غلطتك وفوقت قبل فوات الاوان تعرف كنت بحلم باليوم الي يجي ونقعد نتكلم مع بعض في اي حاااجة والحمد لله حصل قبل ما اموت
عمر بعد الشر عليكي يا حببتي وأنا والله أسف جداااا ومستعد أعمل اي حاجة علشان تسامحيني
نغم _انا نفسي تحضني يا عمر تقدر تنفذ لي طلبي ولا مش مستعد
عمر ببتسامه _أنا نفسي اعمل كدا والله بس كنت محرج اطلب منك
نغم حضنت أخوها وعيطت جااامد هي مش عارفة اية السبب بس حست انها لاول مرة تحس انها فعلا عايشة وليها سند في الدنيا ولو ماتت دلوقتي هتكون فرحااانه جدااااا
"شعور الفقد والحرمان لا يمكن أن تصفه الكلمات لاتبخل في اظهار مشاعرك لمن حولك وإلا ستندم..... عناق ممن نحب يمكنه أن ينسينا آلام سنين.....كلمه لم نتوقع سماعها يمكنها تطيب جروحنا....." شيماء سعيد
عمر _تعرفي اني فرحاااان جدا، بس طالب انك تساعديني
نغم _وانا موافقة قولي بقا عايزني اساعدك في اية
عمر _قررت اني اقرب من ربنا عايز أتوب من كل ذنوبي عايز اصلي واصوم وحافظ علي علاقتي بربنا زيك تقدري تساعديني
نغم _أكيد هساعدك لو قررت انك تتوب فعلا لازم تقوم تتوضي وتصلي ركعتين توبة لربنا
عمر _أصل يعني هو......
نغم وقد فهمت مايقصده، عمر و المغرب أذن أصلي ماسمعتوش
عمر _ايوة نغم _طب انا هروح اتوضي واصلي واجي نكمل كلام
عمر _تمام أسيبك انا لحد ماتخلصي
نغم _لاااا انت هتفضل هنا لحد ما اجيلك
عمر _تمام.،،، اتوضت نغم وطلعت لقت أخوها منتظرها، صلت ركعتين قبل الفرض وحاولت ان صوتها يبان علشان عمر يعرف هي بتقول اية ويتعلم الصلاة
“لا تعجب إن رأيت شابا مسلما لا يعرف كيفية الصلاة أو الوضوء ويجهل عن دينه صغائر الامور...... فلقد ضيعه أباه في صغره وأكمل هو طريق الظلام بمفردة...... لا يغلم إن كان سيعود أو يبقي للابد في ظلامه................." شيماء سعيد
انتهت نغم من صلاتها ووجدت أخاها يري ما تفعله وشديد التركيز في كل أفعالها
نغم _تقدر تقوم تصلي واتفضل اقرأ الكتابين دول هيساعدوك جدااا زي ماساعدوني دا كتاب فاتتني صلاة لاسلام جمال وأول مرة أصلي ل دكتور خالد أبو شادي خلصهم وقولي رأيك ولو حبيت ممكن أجيبلك غيرهم
عمر _شكراااا يا حببتي
نغم _لو احتاجت حاجة انا موجودة دايما
عمر _أكيد ويا ستي فرصة بردو نتكلم في حاجة ونبقي صحاب زي ما انتي عايزة
نغم _تسلم يا موووري،،، علي اوضتك يلا عندي شغل ولازم يخلص
عمر _ بالتوفيق
بعد عمر ما طلع حست انها كانت بتحلم مش مصدقة ان دا عمر اخوها الي كان بيكلمها
عدت الايام وحالة محمود بتدهور كل يوم عن الي قبله وفي يوم تعب جاااامد حورر كانت حاسه ان وقت الرحيل بيقرب بس كانت بتحاول تقنع نفسها انها غلط
الدكتور _لأسف احنا عملنا كل الي نقدر عليه بس للاسف والدك مات ربنا يرحمه ويصبركم ادعوله
حوررر.............................
يا تري اية الي هيحصلها الفترة الجاية وحياتها هتمشي ازاي
جهاد اية الي هيحصل معاها واية رد فعلها لما تعرف مين العريس
عمر هيعامل نعم كويس ولا يمكن يكون بيخدعها......
