رواية عشقت رجل مجهول الهوية الفصل الرابع 4 بقلم فاطمة ابراهيم
"طلع وخبط ع الباب بهدوء وفتح لتظهر الاوضة بالنور الاحمر الخافت"
-بإبتسامة " يالا ي بيلا هي في إنتظارك
- بسعادة " وأنا كمان مستنياها من زمان
"تانى يوم"
- يالا يبنى قوم بقي الساعه بقت تمانية
- اييه تمانية!! ؛ فريدة أكيد صحيت دلوقتي
- أيوا وبتشرب شاي في التراث كمان لعند ما انت تنزل علشان تفطروا سوا
- ليه كدا ي عم محمد أزاي متصحنيش قبلها ؛ كدا هتعرف أني منمتش عندها أمبارح
- لأ متقلقش انا قولتلها انك صحيت بدري وطلعت المكتب علشان الشغل
- حسيت من ملامح وشها أنها شاكة في حاجه؟
- حاجة زي أيه!
- بصوت واطي "يعنى من وجود بيلا عندها أمبارح
- والله دي بقي هتعرفها منها هي لما تنزل بس ااا
- في ايه
- ناوي تقولها ولا ايه!
- بشرود" مش شايل هم غير الموضوع دا
- بص يابنى الا حصل قبل كدا قوم وحياتك الا بعد كدا قوم تاني لو ناوي تكمل معاها يبقي تنسي كل الا حصل في حياتك قبل كدا وعقدتك دي ؛ أنما بقي لو بتفكر أنك تعمل فيها زي الا قبلها يبقي ااا
- أنا حاسس أنى بحبها
يعنى مش متأكد! ؛ مينفعش تصارحها بأي حاجه في حياتك الا قبل كدا غير لما تتأكد انك بتحبها وتستحمل منها أي رد فعل هيكون منها متنساش يابني الا بيحصلها دا مش شوية
- بيلا تعلقت بيها اوي
- بإبتسامة "بيلا بس الا تعلقت بيها !
- قصدك ايه
- قصدي أنت فهمته كويس ولو مش قادر تواجه نفسك بيه تبقي تسيبها يابني لحالها وكفاية لحد كدا
- أنت شايف أني اعترفلها بكل حاجه ! ؛ بس أنا
بكدب عليها من اول يوم شفتها فيه حتى الأسئلة الا كنت متأكد انه طبيعي هتسألها مكنتش بلاقي ليها إجابة أقولهالها
- وأنت بقي فاكر لما تخرجها وتأكلها برا تبقي كدا هتنسيها الاسئلة دي !
- كفاية ي عم محمد أرجوك ، انا محدش حاسس بيا انا بقالي ست سنين بتعذب فيهم كل يوم وبندم ع اليوم الا شفت ملك فيه أنت اكتر واحد عارف وشفت بنفسك عملت فيا ايه " بعيون مدمعة " حتي لما جت تموت حكمت عليا بالعذاب الأبدي
- أهدي ي أدم وتمالك نفسك مينفعش كدا أنا جمبك وهفضل طول الوقت في ضهرك لعند ما تنسي كل حاجة وتعيش سعيد
- "بإرتياح" مش عارف من غيرك كنت عملت ايه بجد شكرا اوي ع كل حاجه عملتها وبتعملها معايا
- سيبك من الكلام دا انت أبنى الا معنديش غيره المهم عاوزك تفكر وبسرعة في طريقة تصلح بيها كل حاجة مع فريدة لاني شايف انها مش هترتاح غير لما تعرف حقيقة بيلا وخد بالك لو عرفت لوحدها أو شكت في كلام حد مش هترتاح غير لما تعرف بس وقتها مش هتقدر تواجها ولا أي كلام هتقوله هيبقي ليه معني
---------------------------------------------
- ايه دا ايه دا!! ؛ أنتي ي بت
- أنتي بتكلمينى أنا!
- شايفة حد غيرك هنا ولا ايه
- وتيفر صباح الخير باي
- صباح الخير وباي! ؛ خدي هنا اقفي مكانك هي وكالة من غير بواب
- أمم افهم من كدا أنك البواب ؛ أوكي ي بيبي مش وقته وأنا طالعه هبقي أشوفك بتبس
- تبس! ؛ لأ بقولك ايه اتظبطي لظبطك فاهمة انتي مين وعاوزة أيه
- ايه دا أنتي بتشتغلي هنا جديد ولا ايه أول مرة أشوفك
- احترمي نفسك بقولك وهاتي من الاخر جاية هنا لمين
- أوف أنتى رغاية أوي جايه لأدم يالا بقي عن أذنك
- نهارك اسود أنتي وهو اقفي عندك
"تبصلها من فوق لتحت وهي لابسها جيبة فوق الركبة وبدي كت وفاردة شعرها وميكب كتير
- سؤال بس معلشي" بصوت واطي تقرب من ودنها أنتي فصيلة البنأدمين زينا كدا عادي!!
- ايه دا مش فاهمة يعنى ايه!
-بصوت عالي" يعني حرام عليكي ي ولية أيه الا انتى عملاه في نفسك دا كلنا بنمر بالاربع فصول الا انتي صيف عندك طول السنة!
- ايه دا انتي مالك انتي خليكى فى شغلك بدل ما أخلي أدم يطردك من هنا فاهمة
- انتى مين أنتى علشان تشوفي نفسك كدا والله عال ي أدم بقي حصلت جيب بنات البيت كمان
- ايه الصوت العالي دا في ايه!!
- أنت شرفت ي بيه اتفضل شوف الا جيالك جري دي ونسيت تلبس هدومها عاوزاك في ايه
"يضحك أدم وتتغاز البنت جامد"
- أحم فريدة يظهر بس في سوء تفاهم دي تبقي مني هاني السكرتيرة بتاعت مكتبي
- أيوا طبعا لازم يبقي أبوها هاني علشان تعمل كدا ودي بقي كانت طالعه تنيم الولد فقوق مش كدا!
- أنت أزاي سمحلها تتكلم كدا وكمان بتشرحلها مشيها يالا وأنا من بكرا هكلم مكتب يبعتلنا واحدة فلبينية احسن منها من بكرا
- مني دي فريدة مراتي
- طيب مفيش م... أيييه!! مراتك!
- أيوا مراتي بس مجتش فرصة اعرفكم ببعض ياريت تصلحوا التاتش دا وانا متأكد أنكم هتبقوا صحاب جدا
- سوري ي فريدة مكنتش اعرف
- طيب عن أذنكم "بخطوات سريعه وضيق
- فريدة حصل ايه زعلك كدا
- مفيش حاجه
- لأ فيه ومش همشي غير لما اعرف
- أنت تعرف مني دي من امتي؟
- من سنتين تقريبا بس ذكية جدا وتعلمت الشغل في وقت قياسي
- ايه دا قصدك أنى انا غبية ومبتعلمش!.
- لأ ي حببتى طبعا مقصدش كدا
- هو مفيش غيرها دي الا تبقي سكرتيرتك!
- بستغراب" أمم أنا حاسس كدا ان الموضوع فيه غيرة في الموضوع دا
- هه أنا اغير من دي! دى بنت هاني
- طيب أنتي عاوزة ايه دلوقتي
- عاوزة أشتغل معاك في الشركة
- مش حابب اتعبك معايا
- بس حابب تعب مني مش كدا !
- نعم!!
- قصدي يعنى انا زهقانة وعاوزة انزل اشتغل أنا تعبت من القعدة كدا مش متعودة
- خلاص يحببتى براحتك
- بإبتسامة " تسلملي ي قلبي يالا بقي علشان نفطر
- كلي يحببتى واتغذي شكلك تعبانة أوي ووشك أصفر
- مش عارفة ي أدم بقالي يومين عندي صداع فظيع حتى انا قومت انهاردة من كتر التعب مش قادرة افهم ايه الا حصل امبارح اخر حاجه فكراها اننا كنا بنتعشي
- أهدي ي حببتى أكيد إرهاق مش أكتر
- عرفت أزاي اني بحب الحنة!
- حنة!!
- اه دي مش أنت الا رسمتها ع إيدي وانا نايمة!
- اه ااه افتكرت ايوا هو انا فعلا
- بستغراب " بس ليه كاتب بالحنة كلمة وحشتينى!
"بإبتسامة خجل" وبعدين لو عجباك الصفاير بتاعتى ممكن أعلمك تعملها بدل ما أصحي الاقي شعري متبهدل كدا
"بتوتر فنجان القهوه يقع منه ع هدومه"
- بتوتر أيه مالك ي أدم انت كويس!
- انا كويس أسف الفنجان وقع مني غصب عني
انا هروح أغير القميص وأنزل أروح الشركة
- طيب هلبس واجي معاك حالا
- لا لا خليكى انهاردة علشان الصداع الا عندك دا لو حابة تنزلي من بكرا عن أذنك
ـــــــــــــــــــــــــــــــــــــــــــــــــــــــــــ بالليل
- مالك ي أدم
- مفيش ي مني ياريت تجبيلي فنجان قهوة
- هو حضرتك مش هتروح بقي الساعة عشرة
- نفسي أروح بس مش هقدر أجاوب ع العسكري لما يسألني تاني فين بطاقتك ؛ ومين أنت
- بتقول ايه أدم انت تعبان!
- يولع سجارة وياخد منها نفس بضيق ويرمها في الارض بغيظ "مش مهم تفهم المهم تقنع
- بتتكلم عن مين!
- انا ماشي سلام
- هي فين ي عم محمد
- جوه في أوضتها نامت من بدري
- نامت ولا أديتها عصير.
- كانت مندمجة أوي في رواية فقترحت عليا كباية نسكافيه تعدل دماغها وقد كان
- بتصعبها عليا أنت أوي كل يوم عن الا قبله
مينفعش بيلا متشوفهاش!
- خلي بالك أن بيلا طلباتها بتزيد يوم عن يوم ودا بيصعب الموضوع اكتر وبتزيد شكوك فريدة ؛ كنت فين لما بيلا رسمتلها حنة ع إيديها!
- انا كنت ااا
- بضيق" حاسس اننا بنحفر حفرة محدش هيقع فيها غيرنا
أنا طالع اجيبها ظبط انت كل حاجه لعند ما أنزل
- بيلا حببتي أسف اتأخرت عليكي ؛ يالا بينا
"فتح باب أوضة فريدة براحة ودخل ووراه بيلا ؛ قعدت جمبها ع السرير وبتسمت
" عاوزة أشوفها المرة الجاية صاحية "
#يتبع
#عشقت_مجهول_الهوية 
#رأيكم_وتوقعاتكم 
ـــــــــــــــــــــــــــــــــــــــــــــــــــــــــــــــ
- بيلا حببتي أسف اتأخرت عليكي ؛ يالا بينا
"فتح باب أوضة فريدة براحة ودخل ووراه بيلا ؛ قعدت جمبها ع السرير وبتسمت
" عاوزة أشوفها المرة الجاية صاحية "
"بصدمة بص أدم لعم محمد هو كان متوقع الطلب دا بس مش بالسرعة دي ؛ بصله عم محمد وبعدها بص في الارض ومحدش فيهم كان قادر يرد عليها لدقايق
يبدأ أدم بتوتر " بيلا أنتى عارفة أن ماما تعبانة ولو صحيناها ممكن تتعب اكتر
- بثقة "وأنا رحت فين!! ؛ محدش يقدر يعالجها غيري
تحط إيديها ع وشها بحب " لازم تفوقي ونتكلم مع بعض عندي احساس كبير زي ما أحنا شبه بعض من برا أكيد شبه بعض من جوه ونقدر نحس ببعض
"سابها أدم وعم محمد وطلعوا زى كل مرة
- بدموع" أنا بحبك أوي ع فكرة وبإبتسامة تمسح دموعها:-
وعارفة انك كمان بتحبيني بقيت اعمل شعري زيك مش عارفة اسمها ايه بس انا عارفه أنها مش حلوة زي بتاعتك بس أكيد لو قومتى انتى وعلمتينى هتعلم أسرع " تمسك إيديها وتلمس كلمة وحشتيني
" قبل ما الحنة دي تختفي هتصحي أنا متأكدة من دا
سنين وانا مستنياكي واكيد مش هستحمل عٌمر كمان وأنتي كدا
"حطت حاجة جمبها ع التربيزة وحضنتها وقامت"
"تاني يوم"
- عم محمد عاوزك فوق حالا
- بتوتر "حاضر ي بيه
- تحب اجيبلك القهوة
- وهو مديله ضهره وساند ع المكتب"ليه ي عم محمد!
- ليه ايه يابنى
- بعصبية" ليه عملت كدا! انا متأكد ان كلام بيلا دا مش كلامها هي
- كلام ايه مش فاهم
- خبط ع المكتب بقوة " هتستفاد ايه قولي!!
-
- من ناحية بداري معايا ع فريدة موضوع بيلا وتساعدني ومن ناحية تانيه بتضغط عليا بسلاح أنت عارف ومتأكد اني مش هقدر اقاومه
-
- رد عليا ساكت ليه!!
- مستنيك تخلص الا انت شايلة في قلبك ومسهرك طول الليل ومنيمكش مع أني متفاجئ شوية من رد الفعل الكبيرة دي معرفش ان كلام بيلا ضايقك أوي كدا للدرجة دي كنت مستبعد الطلب دا منها أوي كدا!!
- لأ مكنتش مستبعده ع قد ما انصدمت بقربه وانا متأكد أنك انت الا فتحت عنيها ع الكلام دا هي متعرفش حاجه
- بيلا أذكي من تخيلك ي أدم يمكن انت مبتقعدش معاها قدي صحيح قعدتي معاها قلت بعد ما جبت فريدة الفيلا بس انا من سنين وعارف بيلا كويس مع أنك أبوها بس متعرفهاش زيي
- أنت عاوز تقنعني ان الكلام دا مش انت الا ملمحلها بيه!
- أنت مشفتش أوضة بيلا من أمتي؟
- ليه بتتهرب من سؤالي بسؤال تاني انتو عاوزين تجننوني!!
- بإبتسامة " مش يمكن إجابة سؤالك في سؤالي!
- قول الا أنت عاوزة ع طول من غير لف ودوران
- عاوز أقولك أني صحيح مش متعلم زيك ولا عندي شركات ومال ومش سافرت برا قبل كدا بس مع ذلك إلا الدنيا علمتهولي مقدرتش أنت بكل الا عندك دا تتعلمه في حكمة قالوها زمان بتقول متعيطش ع اللبن الا وقع معرفش أنتوا المتعلمين بتقولوها أزاي بس لو فهمتها هتعرف انها تنطبق عليك أوي
- هات من الاخر أحنا مش هنحكي!
- يعنى الا حصل حصل بيلا ومن حقها تتعرف ع أمها وفريدة لازم تعرف أنك كنت مخبي عليها موضوع بيلا دا ؛ وخد بالك كمان زي ما أنت قلقان من رد فعل فريدة متستهونش برضو من رد فعل بيلا لما تعرف ان طول الوقت دا بتكدب عليها وبتعذبها
-"قعد أدم ع الكرسي بحسرة وحزن" طب وأنا!
أنا فين من كل دا!! ؛ ذنبي ايه يحصلي الا انا فيه دا عاوز أفهم
- يمكن الزمن بينسي ويظهر أنك نسيت أن دي غلطتك أنت من عشر سنين وللاسف لسه بتدفع وهتدفع تمانها جوازاتك الا قبل كدا الا فريدة متعرفش عنهم حاجة دا غير ملك الا اتجوزتها ودمرت حياتك وسمعتك وخسرتك أهلك كلهم
- دموع أدم نزلت بقوة من كلامه وهو بيقول " معاك حق أنا إلا أستاهل كل دا
- متأخذنيش يابنى مقصدش بس كنت لازم تفوق
- لأ أنت فعلا عندك حق كنت فاكر أن تمن الغلطة دي موت والدي بس يظهر أن موته دا كان بداية العقاب الابدي ليا
" سابه أدم ونزل بسرعه ع أوضة فريدة "
- عااااا بسم الله الرحمن الرحيم في ايه ي أدم حد يخض حد كدا!
- أسف مكنتش أقصد
- ايه دا مالك زعلان ليه!
- ليه بتقولي كدا
- يعنى هو طبيعي أصحي ألاقيك قاعد قدامي ع كرسي وبتبصلي كدا!!
- مش طبيعي صح! ؛ عندك حق والله انا فعلا بقيت احسن نفسي مش طبيعي
- بستغراب" في ايه ي أدم أيه الغموض إلا ع الصبح دا
" يقوم بسرعة ويخرج من الاوضة من غير ما يرد "
- هو فين ي عم محمد
- برا في التراث ي هانم ؛ ياريت تطلعيله وتقنعيه يفطر
- هو كمان رافض الاكل! ؛ أمم الموضوع شكله كبير
- أحم ممكن أفهم في ايه!
- يطفي السجارة بغيظ " مش عاوز اتكلم
- طب شاور وأنا هفهم ميهمكش
" يبصلها بقوة
- ااا أسفة خلاص ؛ طيب يالا نفطر
- مش عاوز حاجة روحي أنتي
- لأ لو مش كلت مش هاكل أنا كمان
- خلاص يبقي أحسن
- أحم ايه الكسفة دي ؛ طيب انا زعلتك في حاجه!
- فريدة أنتي مولودة في بؤقك مكروفون ما تفصلي بقي!
- أحم انا ناقصلي كمان كسفة وهبدأ أشك أني معنديش دم
- يالا أنا رايح الشغل
- استنى انا جاية معاك
- افطري الاول علشان الصداع الا بيجيلك دا
- لأ ما بصراحة الحباية الا سبتهالي جمب السرير دي طلعت جامدة اوي مش عارفة اقولك ايه ع اهتمامك بيا دا بجد شكرا أوي ربنا ما يحرمني منك ابداا....
"حباية!! ؛ يمكن عم محمد الا حطها!
- اه أحم ما هو أهم حاجه سلامتك ي حببتي يالا افطري علشان تقدري تستحملي المجهود الا هتعمليه انهاردة
- بشرط تاكل معايا
- قولتلك مش عاوز هي عافية!
- يالا بقي ي أدم هنتأخر
- استني بس اخر قطمة ؛ الله الجبنة بالبيض دي حكاية تسلم الإيد الا كلتها بجد
- ايه دا هي مكنتش تسلم إيد إلا عملها باين!
- رغاية رغاية أووي يعني انا ماشي
- صباح الخير ي مني
- صباح الخير ي أدم بيه
- هل أنا شفافة يعني!
- لأ طبعا مقصدش هاي ي فريدة
- تقلدها بستفزار "هاي ي مني
- فريدة احنا هنا علشان نشتغل مش نلعب!
- خلاص سكت اهو
- فريدة هتدرب معاكي ي مني في السكرتارية ياريت تعملي معاها اللازم
- وحضرتها بقي معاها شهادات ايه وكام لغة وخريجة ايه وايه اخر خبراتها في مجال الكومبيوتر
- ايه دا ما تخديني فيش وتشبيه احسن!
- أنسي كل دا ي مني ابدأي معاها من الصفر " ويبص لفريدة ويبص ع مني تانى وبصوت واطي "لو تقدري تبدأي معاها من تحت الصفر كمان يبقي أفضل
- أدم بيه هو أنا قولتلك أني مستغنية عن حياتي ولا حد قالك أن حرق الدم غاية عندي!
- مني!!
- اوف خلاص سبهالي ؛ بس لو طفشت الشركة كلها متلمنيش
- اتفضلي قدامي
- طيب بس متزقيش لأظبطك
" في نفس الوقت
- بيلا ممكن أدخل
- اتفضل ي عمو محمد ؛ جبت كل حاجه
- أيوا بس مش عارف أنتي بتعملي اية بكل الاعشاب دي ؛ وليه كل الكتب دي زاحمة بيهم الاوضة ليه!
- دي كتب مهمة أوي عن العلاج بالاعشاب
- روايات وقصص طبعا
- عمو محمد لم يعد لي وقت لك يالا
- ها يعنى ايه؟
- بالليل هبقي أقولك اتفضل بقي متعطلنيش
"يبصلها من فوق لتحت أمال لو كنتي كبيرة شويه كنتي عملتى فينا ايه!!
- ممكن تركزي بقي في الكومبيوتر بتبصيلي كدا ليه!!
- كلام أدم طلع صح فعلا أنتي مش بس حلوة ذكية كمان
-بإبتسامة تلقائية" بجد قال عليا حلوة!
- افندم!! ودا يخص البرنسيسة في ايه ان شاء الله؟!
- لأ مش قصدي انتي الا قولتى مش انا
- بس تصدقي غريبه شوية ي مني لما أنتي معاه بقالك سنتين وقبلها كنتم صحاب يعني كنتي موجودة في حياته قبل ما يتجوز المرة التالتة ليه مفكرش فيكي انتي مع اني شايفة انك تستاهلي التفكير الصراحة
- بستغراب " ايه الكلام الفارغ دا!
- بإبتسامة "ايه انتى كنتي مرتبطة ولا ايه؟!
