رواية عشقت بنت استاذي الفصل الرابع 4
البارت الرابع
اخدت اروى سكينه من المطبخ وحاولت تفتح الباب وبعد محاوله كبيره منها الباب اتفتح
_______________
وصلت سلمى عند البنات
جيهان: اتاخرتى ليه
سلمى: مفيش يلا ولا ايه
جيهان: طيب تعالوا اعرفكوا ع المدرج بتاعكوا الاول
مريم: واخيرا لاقينا حاجه نستفيد بيها منك ههههههههههه
جيهان: بقى كده ماشى يا ست مريم يلا
طلعوا المحاضره ودخلت دكتوره وعرفتهم عن المنهج ومكملتش نص ساعه وطلعت
هااا بقى هنروح ع فين
مريم: الكافتيريا هو ف غيرها ف الجامعه دى
فايزه: مالك يا جميل
سلمى: هااا لا ابدا بس ماما وحشتني
مريم: يا حبيبتي علشان انتى مش متعوده بس كلها كام يوم وتتعودى
سلمى: انا هكلمها
مريم: ماشى
خصلت سلمى المكالمه مع مامتها ورجعت للبنات
سلمى: ايه يا بنويت هنعمل ايه
فايزه: نفطر ونروح
مريم: البت جيهان جت
سلمى: ايه يا عم الناس اللى مقضياها محاضرات دى امال احنا مالنا
جيهان: يا اختى متستعجليش بكره تزهقى من المحاضرات
سلمى: بنات انا هروح
فايزه: ليه يا بنتى
سلمى: عادى نمت متاخر امبارح وعايزه انام شويه
مريم: خلاص يلا اصلا اول اسبوع مفيش حاجه مهمه وبيتعرفوا بس
فايزه: هتيجى معانا يا جوجو ولا ايه
جيهان: يلا الفشل باين من اول السنه ههههههههههه
رجعوا السكن
ازيك يا طنط
صاحبه السكن: الحمد لله يا جيهان عاملين اية يا بنات
سلمى: الحمد لله يا طنط
وطلعوا الشقه
فايزه: الواحد تعب من السلم كنا اخدنا شقه تحت بدل السادس احنا قادرين نطلع كل يوم
مريم: خلاص يا فوز علشان تخسى شويه
سلمى: بس بقى انتى وهى احنا وصلنا مش مستاهله يعنى
ودخلوا الشقه واتفاجئوا بوجود الباب مفتوح
سلمى: انتى بتعملى ايه هنا
اروى: والله المفروض ده يكون سؤالى
سلمى: يبقى انتى اروى
اروى: واكيد انتى سلمى ع العموم يا حلوه انا مش جايه اتعرف عليكى دى اوضتى وانا دخلتها
سلمى: انتى قليلة ذوق وانا مش هرد عليكى ولو على الاوضه انا مش هخرج منها بالعند بقى
اروى: العبى ع قدك ياما وزقت سلمى كانت هتوقع
تدخلت جيهان انتى مجنونه كان ممكن توقع
اروى: القطه طلعلها لسان ولا ايه
فايزه: وبتخربش كمان
سلمى: تعرفى انى ممكن انادى طنط دلوقتي واتهمك بالسرقه وخاصه ان القفل مكسور
اروى: بس انا مسرقتش
كلهم ف نفس الوقت بس احنا شاهدين ههههههههههه
جيهان: لما طنط تطردك من السكن يبقى نشوف الموضوع ده
اروى: المطلوب
سلمى: تقولى لطنط انك مش معارضه انى اخد الاوضه
اروى: بس
سلمى: من غير بسبسه
اروى: ماشى لما نشوف بقى مين اللي هيضحك ف الاخر
سلمى: اتفقنا اه وكمان ملكيش علاقه بينا خلاص ولو شوفتينا ف مكان ياريت متجيش فيه
اروى سابتهم ومشيت وفى نفسها: والله ما هسيبك ترتاحى يوم واحد هنا ويا انا يا انتى مش ف الاوضه دا ف السكن كله
اليوم كان عادى ومحصلش حاجه
فايزه: انا هعمل ساندوتش جبنه حد عايزه
مريم: اعمليلى
فايزه: وانتو
سلمى: لا مش عايزه
فايزه: وانتى يا ايمان
اه ايمان دى اللى مع جيهان ف الاوضه تانيه تجاره عسوله بس بتتاثر بالكلام شويه
ايمان: لا مليش نفس هاكل لما جيهان تصحى
فايزه: تمام
سلمى: انا عايزه اخرج
ايمان: دلوقتي
مريم: سلمى اهدى يا ماما الساعه ١٠
سلمى: مخنوقه
ايمان: من ايه يا بنتى
مريم بضحك : اصلها مش متعوده ع الغربه
سلمى بنرفزه: مش وقتك يا مريم
ايمان: طيب تعالوا نطلع فوق السطح
مريم: يلا
سلمى: هى اروى هتفضل ف الاوضه دى تقريبا مخرجتش من وقتها
ايمان: هى اصلا مبتخرجش سيبك منها
مريم: هى منين
ايمان: من المنصوره
سلمى: ملناش علاقه بيها يلا
ايمان: يلا
مريم بصوت عالى : فايزه احنا فوق
طلعوا فوق وفضلوا يتكلموا شويه وكل واحده تتكلم عن نفسها اكتر
فايزه طلعت عليهم : مريومه يا مريومه
مريم: اخلصى يا فايزه مكنش ساندوتش ده
فايزه: امسكى والله انا غلطانه
قاطعهم صوت صويت تحت نزلوا جرى ومش فاهمين ف ايه
واتصدموا لما اتاكدوا ان ده صوت اروى .......
يتبع........
