رواية اللقا نصيب الفصل الرابع 4 بقلم هند محمد هنودة
لفصل الرابع
بسم الله الرحمن الرحيم.. اللهم فك كرب المكروبين وازح عنا الهم والغم والبلاءقراءه ممتعه
ف بيت ريحانه
الفرح كان قرب وكل يوم بيقرب الفرح بتخاف اكتر مش عارفه كده ليه.. قلقها من نادر.. والا قلقها ع ابنها.. والا من حماتها والا من العيشه معاهم مش عارفه هتخاف من ايه والا من ايه.
تعبت من كتر التفكير وزهقت خالص من ان الفرح بسرعه كده فقررت تسيبها ع ربنا والي مكتوب هتشوفه.
.........
ف بيت نادر
خلص كل حاجه ف الشقه. هي كانت شقته القديمه كان متجوز قبل كده ومراته توفت
فجدد حاجات بسيطه بس
دخلت عليه ميرفت امه الشقه
ميرفت :ايش.. ايش.. ايه ده كله.. كل ده للمحروسه شكلك واقع اوي
نادر :اه مقعش ليه ده موزه ع الاخر وانتي شوفتيها اد ايه حلوه وتملي العين والا ايه
ميرفت :طب وابنها هتاخده معاها والا ايه
نارد وهو يحك ذقنه :امممم مش عارف.. ممكن نستني اسبوع او اتنين ونجيبه عادي يعني
ميرفت :وهتصرف عليه وع امه كده كتير يابني. اقولك خليها تشتغل احسن
نادر بتفكير عميق :والله فكره اما تيجي بس
........
ف بيت حسام
قاعده والدته وحطه ايديها ع قلبها مايسه بقالها 6 ساعات بره
وحسام قرب يجي وهي لسه مرجعتش وتتصل بيها متردش
طب تعمل ايه
مشيره :وانا مالي بقي هما متجوزين واحرار يعمل الي عايزه فيها انا مليش فيه حاولت امنعها مرضيتش
..........
ف شقه ع النيل
قاعده بقميص نوم عريان خالص وهو راقد ع رجليها
مايسه :بيبي انا زهقت وهقوله يطلقني بقي
هنا حس ان مخططه هيفشل ومش هيعرف ياخد منها اي مليم تاني
خالد :يطلقك ايه دلوقتي.... طب وبنتك
مايسه :مبقتش طايقه خلاص هفرقع من القرف والاهمال الي انا عيشاهم ف البيت ده
قام من ع رجليها ووقف
خالد :بصي يابيبي... استني شويه بس..... هناخد قصدي خدي منه الاول الي تقدري عليه لانه لما يطلقك هتبقي ع الحديده
مايسه بزعل :حديده... امال الفلوس الي بديهالك دي ايه مش عشان نبني حياتنا.. والا انت... ضيعتهم
خالد بربكبه :هاااا لا ضاعوا ايه متعانين ف الحفظ والصون متخافيش بس انتي هاتي اكتر والي تقدري عليه عشان نقدر نعيش ف مستوي كويس
مايسه بقلق من كلامه :م. ماشي
باسها من خدها وخدها فحضنه
خالد :اطمني طول مانتي معايا.. ماشي
..........
ف شركه حسام
كان قاعد ف مكتبه دخلت عليه ساره
ساره :لوسمحت ياحسام بيه
انتبه ليها
حسام :ف ايه
ساره بتوتر :ممكن استاذن ساعه انهارده
حسام قطب مابين حاجبيه :خير ليه ف حاجه
ساره :رايحه... ازور واحده صحبتي ف المستشفي
حسام :ااا... ماشي اتقضلي
خرجت مسرعه
هو حس انها بتكذب
فقرر انه يخرج وراها.. مش عارف عمل كده ليه.. يمكن عشات بحبها.. والا مش واثق ف كلامها
لبس الجاكت وخد حاجاته وخرج
استناها ركبت تاكسي ومشي وراها بعربيته من غير ماتاخد بالها
وصلت لكافي بعيد عن الشركه شويه
دخلت وقابلتها واحده صحبتها
وقف بره مستغرب هي كذبت ليه. ماهي هتقابل صحبتها اهو بس مش مستشفي
جوا الكافي
قعدت ساره بزعل وضيق
ساره :نعم... عايزه ايه
سهر :ايه ياساره ف ايه بتتكلمي كده ليه
ساره :انتي عايزه مني ايه سبتلك الاوضه ف الزفت البنسيون عايزه مني ايه تاني.. والا عايزه تجريني للقرف الي انتي فيه
سهر :انا مش عارفه بتتكلمي عن ايه. وحشتيني فحبيت اشوفك فيها حاجه دي
ساره بحاجب مرفوع واستغراب:وحشتك.. لا مصدقش قولي ياسهر عايزه ايه واخلصي
سهر :جيبالك عريس ايه رايك
ساره بعصبيه :نعممممم لا ده انتي اتجننتي عريس ليه ده انا مقولتلكيش دوريلي ولا عايزه تاني.. والا استني استني تلاقيه واحده شمال من الي انتي عرفاهم صح
احسنلك ياسهر تبعدي عني وملكيش دعوه بيا تاني وتبعدي عن السكه دي عشان خاطرك ومصلحتك قربي من ربنا افضل ليكي
انا قايمه مش عيزاكي تكلميني تاني من فضلك.. سلام
حسام لمحها قايمه استخبي
سهر :غبيه من يومك ضيعتي السبوبه الي كانت هتطلعلي من وراكي
خرجت ساره وهي دموعها ع خدهاوقفت تاكسي للبيت
المفروض تروح الشركه تاني بس حالتها وحشه
ف التاكسي
عماله تعيط بحرقه ومن غير صوت
ازاي تفكر فيها كده. هي شيفاني ايه الله يسامحك ياحماتي لو كنت فضلت عيشه معاكي مكنش حد اتجرا وقالي كده
فينك يا احمد دلوقتي ليه سبتني وموت كنت خدني معاك
ااااه ياقلبي يارب دبرني من عندك لحسن مبقتش قادره
...........
ف بيت يوسف
فريده قاعده ف الجنينه وبتشرب قهوه
وبتفتكر الي حصل من 8 س لما يوسف اتجوز
فلاش باك
يوسف رجع من بره جري ع امه. او الي فاكرها امه
يااااختي محدش ياخده ف باله لحسن ده موضوع يطول شرحه ههههه
يوسف :ماما.. انتي فين ياقمر
فريده :انا هنا ف الاوضه يابني تعالي
دخل الاوضه وقرب منها وباسها من دماغها
يوسف :حبيبه قلبي وحشتيني
امه :يابكاش... ف ايه قول
يوسف :مش كان نفسك اتجوز اديني هريحك مني واتاهل واتجوزايه رايك
فريده باستغراب :بجد ومين سعيده الحظ دي
يوسف بسعاده :واحده زميلتي ف الجامعه بنحب بعض من اولي جامعه ياريت ياماما توافقي عليها
فريده :ع طول كده مش نعرف اصلها من فصلها
يوسف :انا عارف وهي بنت ناس كويسين اوي ارجوكي تعالي نروح لاهلها بكره ممكن
فريده بابتسامه :ماشي يابني اتفق معاها
يوسف باسها من خدهاومشي يكلم مني
فريده بتنهيده :وبعدين بقي شاكلخ واقع طب والعمل
ااااه هو ده
تاني يوم ف بيت مني
قاعدين يوسف وانه ومني وامها وخالها
اتكلموا ف كل حاجه واتفقوا ع الجواز بعد شهر ودي كانت رغبه يوسف وفريده سكتت لمخطط ف دماغها
العرسان كانوا بيحضروا لفرحهم وفرحانين جدا
ف يوم
مني راحت مع يوسف فيلتهم عشان تشوف عمل ف جناحهم ايه
قابلتها فريده بترحاب وعادي جدا
يوسف خد مني وطلعوا فوق
يوسف :ايه رايك
مني :روعه جدا... طبعا هستني ايه من اكبر مهندس للديكور ف مصر
قري منها بحب وخطف بوسه ع خدها
هي انكسفت وبعدت
مني :بس الالوان مالها باهته كده ليه
يوسف :لا استني
اضاء الاضاءه الخفيفه لقت الانوار تجنن
مني :طب انت عاملهم كده ليه وبالذات الخفيفه
يوسف :عشان لما نبقي مع بعض هنا مش عايزين النور الكبير ف حاجه
وغمزلها
والا ايه
اتكسفت وضحكت ف صمت
كانت بتعدي الايام زي الحلم بالنسبه للحبيبه
يوسف من كتر سعادته مكنش مصدق ان خلاص ايام وتبقي حبيته معاه
وف يوم
مني كانت راكبه تاكسي ورايحه مشوار عملت حادثه كييره اوي ماتت فيها
يوسف ساعتها انهار جدااااا وفضل ايام بل شهور وسنين
فضل سنتين منغلق ع نفسه وحياته تقريبا بقت بتدمر
معرفش مين الي عمل كده قالوا انها حادثه عاديه
وهو مبقاش عارف يحب ولا يكمل حياته
باك
هنا ا تنهدت فريده براحه
فريده :يااااه ولسه يايوسف كل اما حياتك تستقر هلغبطهالك استني عليا كل الي حصلي من ابوك هطلعه ع جتتك
........
ف شركه حسام
رجع من بره متضايق جدامن ساره
ليه عملت كده وكذبت ومين صحبتها الي كانت تقريبا بتتخانق معاها دي
فضل كتير بيفكر ومنتظرها تيجي مجتش. رن عليهاكتير مردتش الا بعد محاولات كتيره
ساره :افندم ياحسام بيه
حسام :انتي فين مجتيش ليه.
ساره بتعب :معلش تعبت فروحت انا اسفه مقولتش لحضرتك
حسام بعصبيه :يعني ايه هي سايبه لا لازم تيجي انا الي غلطان اني اديتك ساعه مش هتتكرر تاني
وقفل
رمت الفون ورمت نفسها ع السرير وبعياط شديد
ساره :يارب مبقتش مستحمله ارحمني ياربي
.............
ف بيت حسام
مايسه رجعت من بره ملقتش حسام جه
مشيره قاعده ف اوضه الليفنج منتظراها
مشيره :ما لسه بدري
مايسه :اوووووف. وبصتلها بغرور
نعم ف ايه
قربت منهاوراحت ضرباها بالقلم ع وشها
مايسه :انتي ازاي تعملي كده. ايه مش مكفيكي جوزتيني لابنك بالغصب ايه انتو مفترين كده ليه
مشيره :اخرسي الحق عليا اني اعتبرتك بنتي وخدتك لابني بعد امك ما ماتت وامنتني عليكي. المفروض كنت اسيبك لابوكي واعمامك يربوكي من تاني
جوزك لسه مجاش وتقريبا ميعرفش عن خروجك حاجه ولو متظبطيش انا الي هخليه يربيكي وانتي عارفه قلبت حسام شكلها ايه وهيحرمك من بنتك الي تقريبا اشك انها تفرق معاكي ف حاجه
مشيت من قدامها بغيظ وطلعت ع فوق
مايسه :ماشي يا.. حماتي وحياتي بنتي لندمك انتي وابنك
ف وقت متاخر
رجع حسام البيت
متعصب جدا ومخنوق من كدب ساره وعنادها
طب اعمل ايه.. ماشي ياساره انا هعرفك تكدبي عليا ازاي
...........
عند ريحانه
جه يوم الفرح
كتبوا الكتاب وقاعد هو وهي لوحدهم
نادر :مبروك ياعروسه
ريحانه :"مبروك ليك انت كمان
نادر :مش يلا بقي نروح بيتنا
ريحانه بخضه :هااااا دلوقتي.. طب نستني شويه
نادر :نستني ليه يلا بسرعه لحسن مش قادر ع بعدك
اتخضت جامد بعد الكلام ده وقلبها اتقبض جامد
ريحانه :ماشي ثواني هنده لمحمد
نادر :لا استني... هيستنا اسبوع والا اتنين وهنجيبه
ريحانه بغضب :ايه لا طبعا انا متفقه معاك من اول يوم
نادر :عشان بس ناخد راحتنا
ريحانه :"مش هروح معاك من غير ابني فاهم
دخلت امه ع صوتهم
ميرفت :ف ايه يابني.. وبصت لريحانه بتهكم
مالك يا عروسه ابني
ريحانه :مش هروح معاكوا الا بابني
سعاد :استني اسبوع والا حاجه وانا هجيبه
ريحانه بزعيق :لا يعني لا وطلقني فاهم
ميرفت :ياختي شوفي البت مش قولتلك دي عيارها فالت وهتتعبك
يلا يابني وابقب ابعتلها ورقتها وعوضنا ع الله ف الفلوس الي دفعناها
نادر :"استني بس يا ماما.. ماشي انا موافق
ميرفت بقت واقفه تلوك شفايفها
ولسه ياما هنشوف يا بن بطني
سعاد ندهت لريحانه وخرجت بعد محايلات منها هي وابنها
راحت مع نادر وامه بشنطتها هي وابنها
لتبدا حياه جديده الله اعلم سعيده ام تعيسه
خلصت الحلقه
ارائكم وتوقعاتكم متي سيقابل يوسف حب حياته وهل سيدوم ام لا
ماهو السر الذي تخباه فريده وسيقلب حياه يوسف راسا ع عقب
ساره وحسام هل ستجمعهم حياه ام ان للقدر راي اخر
انتظروني
الخامس من هنا
