رواية اذا كان له قلب الفصل الثالث 3 بقلم سمسم
(إذا كان له قلب))
الجزء الثالثصبا....... أنت أنت عارف اسمى؟
مؤيد......ايوة طبعا
صبا......انت عرفت ازاى
مؤيد.....يهمك تعرفى
صبا......ايوة طبعا
مؤيد.....ماشى هقولك
صبا......قول
مؤيد.......لما بابا قالى انه لقى نهى بنت اختى وانه طلب منها تيجى تعيش هنا طبعا كان لازم اعرف ان اللى لقاها دى نهى بنت اختى بجد ولا لاء سألت عنها وعرفت ان هى فعلا بس عرفت انها سافرت برلين اليوم اللى قبل ما تيجى هنا ولما جيتى وبابا قالى ان بنت اختى جت استغربت ازاى جت وهى مسافرة لما شوفتك عرفت انك مش هى وانتى كنتى مش موجودة فى اوضتك دخلت فتشت فى حاجتك لاقيت بطاقتك وعرفت اسمك الحقيقى وعرفت انك ضحكتى على بابا
صبا.....لما عرفت من اول ما جيت ليه مقولتش
مؤيد....انتى عارفة بابا عنده القلب وفرح لما لقى حفيدته جت محبتش اضايقه فسيبتك تكملى تمثيل بس الصراحة طلع ليكى حضور طاغى خليتى الكل هنا يحبك
صبا...... وانت هتعمل ايه دلوقتى
مؤيد....ولا حاجة هسيبك تكملى تمثيل
صبا.....ليه
مؤيد.....انتى عارفة فرح اسيا قرب وانا مش عايز شوشرة فانتى هتفضلى هنا لحد ما اشوف حل فى الموضوع ده
صبا......بس انا همشى مش هقعد هنا
مؤيد....لاء هتقعدى مش بمزاجك لاء غصب عنك
صبا.....وايه اللى يغصبنى اقعد هنا
مؤيد....ماهو يا هتقعدى المدة اللى كان مفروض تقعديها يا اما بقى
صبا.....يا اما بقى ايه
مؤيد.....هسجنك
صبا بصدمة......ايه تسجنى
مؤيد......ايوة متنسيش انك منتحلة شخصية واحدة تانية يعنى اقدم فيكى بلاغ صغير وهتتحبسى
صبا......انت ممكن تعمل كده
مؤيد.....اه ممكن اوى فالاحسن ليكى تقعدى وانتى ساكتة حتى يبقى احتراما لراجل حبك زى حفيدته
صبا......دا انت طلعت معندكش قلب كل اللى يهمك نفسك وبس واللى يخدم مصالحك
مؤيد....القلب ده سيبتهولك يا ام قلب رهيف
صبا.....يعنى انت بتخيرنى يا اقعد يا هتحبس
مؤيد.....ايوة صح كده فاسمعى الكلام احسن وانتى يعنى هنا عايشة كويس ومستوى كويس
صبا......انا ممكن اقعد بس لحد فرح اسيا وهمشى
مؤيد......وهو ده المطلوب تقعدى على ما احل الموضوع ده من غير ما يأثر على صحة بابا
عندما سمعت صبا ذلك وان ربما والده تتأثر صحته بسبب ظهور حقيقتها اضطرت الى الموافقة
صبا.....ماشى انا موافقة اقعد
مؤيد.....تمام بس فى حاجة
صبا......حاجة ايه
مؤيد....ياريت وانتى بتمثلى تمثلى كويس لان تمثيلك فاشل اوى يا صبا
صبا......مؤيد
مؤيد....نعم
صبا......انت واحد حقير
مؤيد.....طب امشى من قدامى دلوقتى احسن ما اوريكى حقارتى بجد وانتى اللى هتبقى خسرانة
سمعت ذلك وجرت الى غرفتها تشعر بالخوف من تهديداته لها وتخاف ايضا من شعورها نحوه
..............................
ظلت صبا تتعامل مع اهل البيت على انها نهى وظلت تتجنب اى مواقف تجمعها بمؤيد لان نظرة عينيه لها تدل على احتقاره فكان ذلك يشعرها بالحزن الشديد لان الرجل الذى أحبته لاينظر اليها على سوى انها محتالة
اخبرتها اسيا انها تريد ان تذهب معها لشراء بعض المستلزمات الخاصة بزفافها
اسيا......نهى
صبا......نعم
اسيا .....البسى وتعالى معايا هنشترى شوية حاجات علشان عارفة الفرح قرب
صبا بابتسامة......بس كده حاضر
اسيا.....البسى على ما حازم يوصل علشان هييجى معانا
صبا......قولتيلى بقى حازم جاى معانا
اسيا.....قصدك ايه
صبا.....هو انا قولت حاجة بس باين عليه بيحبك اوى
اسيا.....وانا بموت فى اهله
صبا.....ربنا يسعدكم
اسيا.....تسلمى يا حبيبتى عقبالك هو صحيح مفيش حد كده ولا كده بتحبيه
صبا بتوتر.....انا لاء طبعا
اسيا.....ليه يعنى دا انتى قمر
صبا.....لسه محصلش نصيب
اسيا.....هيبقى نصيبك ان شاء الله حلو
صبا.....ان شاء الله
فهى الان اصبحت لاتتمنى شىء سوى ان تظل فى هذا المنزل الذى منذ ان دخلته فقدت قلبها
استعدت صبا للذهاب مع اسيا وعند نزولها تقابلت مع مؤيد الذى من الواضح انه عاد من عمله للتو
مؤيد......انتى لابسة كده وراحة على فين
صبا.......خارجة مع اسيا
مؤيد.....على فين كده ان شاء الله
صبا.....هتشترى شوية حاجات
اسيا....يلا يا نهى عمو احنا هنخرج نشترى شوية حاجات وبعد كده هنروح السينما مع حازم
مؤيد.....هو حازم رايح معاكم
اسيا.....ايوة والظاهر طارق ورزان كمان جايين
مؤيد.....طب استنوا هغير هدومى وجاى معاكم
ظنت صبا ان مؤيد لم يأتى سوى لرؤية رزان فشعرت بلوعة الغيرة الا يكفيه ما يفعله بها
ذهبوا جميعا الى السينما فكانت صبا جالسة بين اسيا ومؤيد ورزان تجلس بجواره على الجانب الآخر
اندمجت صبا مع الفيلم لعلها تتناسى ما يحدث بجوارها فمنذ قدومهم ورزان تستحوذ على كل تركيزه وكلما تنظر اليه تجده يبتسم لها ارادت ان ينتهى الفيلم سريعا فهى لم تعد تحتمل فقد شعرت ان دموعها ربما تسقط في اى وقت
طارق......عجبك الفيلم
صبا......اه جميل اوى وقصته حلوة
طارق....اتمنى تكونى مبسوطة هنا
صبا.....اه كان وقت لطيف شكرا
طارق.....اتمنى انها تتكرر تانى
صبا.....ان شاء الله
رزان .....ماتيجوا نتعشى فى اى مطعم
حازم......ماشى يلا يا اسيا
صبا.......معلش انا تعبانة وعايزة اروح
اسيا......ليه بس مالك
صبا.....دماغى مصدعة بس شوية
مؤيد بلؤم.....لاء الف سلامة عليكى خلاص يلا يا اسيا نروح معلش يا جماعة خلو العشا مرة تانية
رزان.....خلاص خليك انت يا مؤيد وحازم يروح يوصلهم
مؤيد.....لا انا عندى شغل الصبح كفاية كده
وصلوا الى المنزل وصعدت اسيا الى غرفتها ولكن مؤيد نادى على صبا
مؤيد......تعالى معايا على المكتب
صبا.......خير فى ايه
عند دخلوهم الى المكتب استغربت صبا هيئته فهو على ما يبدو انه منزعج من شىء
صبا......فى ايه
مؤيد.....انتى اللى فى ايه انا مش قايلك بلاش كلام مع طارق
صبا......هو انا عملت ايه يعنى انا كنت بكلمه عادى
مؤيد..... ياريت متخليهوش يتعشم فى حاجة مش هتحصل
صبا......حاجة ايه
مؤيد.....هو انتى بتعملى كده علشان تضمنى شاب غنى يتعلق بيكى ويتجوزك
صبا بنرفزة......انا مسمحلكش
مؤيد.....صوتك ما يعلاش انتى فاهمة وانا بحذرك ياريت متورطيش نفسك فى مشكلة تانية كفاية الورطة اللى انتى فيها
صبا......انا مش عارفة اقولك ايه بس فعلا انت واحد مبيحسش ولا عنده قلب
مؤيد.....ما قولتلك القلب ده سايبهولك
صبا.....تصبح على خير انا عايزة انام
مؤيد.....وانتى من اهله وخليكى فاكرة كلامى كويس يا صبا
.............................
رياض.....انتى مبسوطة يا حبيبتى هنا
صبا......اه الحمد لله
رياض......انا عايزك بقى تفضلى هنا معايا اديكى شايفة اسيا وقربت تمشى من هنا ومش هيبقى فى واحدة فى البيت
صبا.......ربنا يسهل
رياض......فكرى فى كلامى انا هبقى فرحان اوى لو فضلتى هنا
خرجت صبا الى الجنينة ولكنها لاحظت ان روفان تجلس ترسم
صبا......بتعملى ايه يا روفان
روفان.....برسم تيجى ترسمى معايا
صبا.......ماشى
قضت صبا وقت جميل مع الطفلة فهى قد تعلقت بها وايضا روفان احبت صبا
روفان.....الله رسمك حلو
صبا.....علشان انا كنت مدرسة اطفال
روفان.....بجد يعنى هتذاكرى معايا
صبا......ماشى تمام
روفان......طب تعالى نطلع اوضتى ونذاكر سوا
ذهبت صبا مع روفان الى غرفتها وكانت الصغيرة سعيدة جدا بشرح صبا لها
روفان..... انتى شرحك احسن من الميس بتاعتى
صبا بابتسامة......بجد
روفان.....ايوة انا بحبك يا نهى
صبا......وانا كمان بحبك يا روفان
روفان بحزن.....هو انتى هتمشى من هنا
صبا.....هييجى يوم وهمشى
روفان.....بس انا مش عيزاكى تمشى اسيا هتتجوز وانتى هتمشى ومحدش هيقعد معايا هبقى لوحدى وبابى بيبقى طول النهار فى الشغل هو انا ليه معنديش ماما زى اصحابى
شعرت صبا بدموعها تنساب من عيونها بعد سماع كلام روفان فقامت باحتضانها فهى قد تعلقت بالصغيرة كما تعلقت بوالدها
روفان......خليكى معايا يا نهى
صبا......ايه رأيك انام معاكى النهاردة
روفان بفرحة.....بجد
صبا.....ايوة وهحكيلك حدوتة
نامت صبا بجوار روفان بعد ان قصت عليها بعد حكايات الاطفال ولم تشعر بذلك الذى دخل الغرفة ووجدها تنام محتضنة ابنته ويغرقان فى نوم عميق
مؤيد.....يا ترى ايه اللى خلاكى تظهرى فى حياتى يا صبا
...........................
اخبرت صبا مؤيد انها تريد ان تاخذ روفان إلى الملاهى
صبا.....انا عايزة اخد روفان الملاهى
مؤيد......باين عليكى مهتمة بروفان اوى
صبا.....ان شايفة على طول قاعدة فى البيت ومش عايشة زى الاطفال اللى فى سنها هى محتاجة حد ياخد باله منها
مؤيد.....قصدك يعنى انها محتاجة ام
صبا.....اكيد كل طفل محتاج ام
مؤيد.....ماهو ان شاء الله شكلى هجبلها ام قريب ايه رأيك فى رزان
عندما سمعت صبا ذلك شعرت بتمزق فى قلبها
صبا......كويسة
مؤيد......تنفع ام
صبا......تنفع مبروك
مؤيد......ومالك بتقوليها كده انتى مش مبسوطة علشان روفان هيبقى ليها ام
صبا .......وانا ايه اللى هيزعلنى ربنا يسعدكم عن اذنك
خرجت قبل ان تنزل دموعها أمام الشخص الوحيد الذى لا يجب أن يراها
..................................
فى غرفة صبا
اسيا.....نهى فى واحدة جت تسأل عليكى
صبا باستغراب......واحدة مين
اسيا.....بتقول اسمها صبا
نظرت صبا الى اسيا بعيون متسعة من الدهشة فعلى ما يبدو ان القادمة لم تكن سوى نهى الحقيقية
صبا......هى فين
اسيا.....تحت
صبا.....معلش يا اسيا ممكن تخليها تطلع هنا
اسيا.....ماشى تمام
صعدت نهى الى غرفة صبا وعندما شاهدتها
نهى...... حبيبتى وحشتينى
اسيا..... طب عن اذنكم
صبا......اتفضلى يا اسيا
بعد خروج اسيا من الغرفة نظرت الى نهى وجدت تنظر لها وعلى وجهها ابتسامة باردة
صبا......انتى رجعتى امتى
نهى.....رجعت امبارح
صبا......ليه مش كنتى هتقعدى حوالى شهر
نهى....اتخانقت مع رئيس القسم فرفدنى ورجعت مصر
صبا.....اترفدتى
نهى.....ايوة رفدنى ابن اللذين
صبا.......وانتى جيتى هنا ليه
نهى.....اصل انا هتجوز
صبا.....تتجوزى مين
نهى.....واحد كنت اعرفه من فترة
صبا.....بس انتى مجبتليش سيرة عن الموضوع ده
نهى.....عادى هو كل حاجة لازم تعرفيها
صبا......على رأيك ما انتى دبستينى هنا وطلعتى منها
نهى.....ودى تدبيسة دا انتى عايشة ولا البرنسيسات
صبا......انتى اصلا ما تعرفيش اللى حصل
نهى.....حصل ايه
صبا.....خالك طلع عارف كل حاجة وعارف انى مش نهى
نهى.....خالى مين مؤيد
صبا.....هو انتى تعرفيه
نهى.....اه اعرف ان ليا خال اسمه مؤيد بس مشفتوش
صبا.....احسنلك متشوفهوش
نهى.....على العموم انا مش جاية علشان كده
صبا.....نهى انتى لازم تحلى الموضوع وامشى من هنا قوليلهم انك نهى الحقيقة علشان امشى
نهى.....اه وجدى ما يصدق ويقعدنى جمبه
صبا.....وفيها ايه يعنى ده جدك
نهى.....قولتلك انا مش عايزة حد يتحكم فيا وانا مش عايزة اقعد هنا انا قولتلك هتجوز وجايز جدى ما يوافقش على جوازى
صبا......وانتى جاية ليه دلوقتى وعايزة ايه
نهى.....عايزة مليون جنيه
صبا بدهشة......بتقولى ايه
نهى.....بقولك عايزة مليون جنية وانتى اللى هتجبهملى
صبا..........................
...................................
رأيكم يا حلوين
