رواية قمر الفصل الثالث 3 بقلم فاطمة عبدالعزيز

حلقه الثالثه

قمر
فاطمه
اللهم صلي على سيدنا محمد وعلى اله وصحبه اجمعين..
استغفرک ربي حتي ترضي عني

أستغفرک ربي خضوعاً لک

.
-أستغفرک ربي تعلقاً بكک

.
-أستغفرک ربي طلباً لمغفرتک

.
-أستغفرک ربي شوقاً إلى جنتک

. -أستغفرالله العظيم وأتوب إليه

~ ‏نستغْفِرکَ ربي حِين تلهينَا الدُّنيا عن ذِكرک. ‏- أستغْفرُالله العظيم رب العرش العظيم من كل ذنب اذنبته وأتُوب إليْه

محسن بصوت عالي:بسنت انا ساكت من بدري اي قله ادبك دي انتي المفروض تحترمي اهلك لو مش هتحترمي اهلك مش هتعرفش تحترمي الناس التانيه وبالتالي مفيش حد هيعرف يحترمك و كمان
ملحقش يكمل كلامه حط أيده ع قلبه و وقع ع الارض كلهم صوتوا و فضلو يصبحوا فيه لكن مش بيصحي مفيش نبض ....
قمر قامت اتصلت بالاسعاف قالوها هتيجي بعد ربع ساعه
عملت لمحسن اسعافات اوليه نبضه رجع بس بسيط جدا
.................................................
ف مكتب مازن..
مازن الصبح بدري راح المكتب
ساره:غريبه حضرتك جاي بدري انهارده
مازن:فرق ساعه يعني مش اكتر
ساره:حضرتك منور المكتب
مازن:شكرا (كمل)بقولك اول ما قمر تيجي خليها تيجيلي المكتب ماشي
ساره:افندم حضرتك قمر اخده اجازه اسبوع
مازن ضرب ع رأسه :ياربي فعلا باباها
ساره:ايوا ربنا يقومه بالسلامه
مازن:يارب طيب روحي انتي ي ساره
ساره:عن اذنك
مازن: ساره
ساره:نعم ي أستاذ مازن
مازن:عايز رقم قمر
ساره:حاضر ثواني هجيب تلفوني
جابته فونهاعطيته الرقم و شكرها ..
................................................
ف المستشفي ....
الدكتور قالهم أن الحاله حرجه و أن لازم يعمل العمليه ف اسرع وقت حضروا اوضه العمليات و حدود الميعاد
قمر:ربنا يستر يارب قومه لينا بالسلامه يارب
فتحيه:هيعملها لسه بعد ساعتين
قمر:الساعه عشره ي ماما ربنا يسهل
فتحيه:قمر روحي انتي و بسنت انا هقعد هنا روحوا انتو
قمر:انا مش هسيب بابا و لا هسيبك
بسنت:انا عايزه امشي بابا هيبقي كويس
قمر:ماشي روحي
فتحيه:خدي المفاتيح اهوو و خالي بالك من نفسك
بسنت:حاضر سلام
قمر:خالي بالك من نفسك
مشت و مردتش عليها
فتحيه:كنتي روحتي معاها
قمر:انا مش هسيب بابا ابدا ي ماما ماشي
فتحيه:ربنا يكرمك يارب و يخليكي لينا و ميحرمناش منك ابدا
انا مش عارفه لما تتجوزي هنعملي اي
قمر:لسه بدري ي ماما ع الموضوع دا
تلفون قمر رن استأذنت من توحه أنها هترد ع التلفون
قمر:السلام عليكم
مازن:و عليكم السلام
قمر:مين حضرتك
مازن:انا مازن
قمر:مازن مين . استاذ مازن
مازن:ايوا انا جبت رقمك من ساره
قمر:اه ف حاجه
مازن:مش حاجه معينه بس عايز اتكلم معاكي شويه
قمر:و انا مش فاضيه
مازن:مش فاضيه لي طيب هو والدك عامل اي عمل العمليه ولا لسه
قمر:انا مش فاضيه علشان والدي ..والدي كويس هيعمل عمليه القلب
مازن:ربنا بقومه بالسلامه بس ماله والدك
قمر:مافيش جيه علشان يعمل العمليه بس
مازن: ربنا يقومه بالسلامه
قمر:شكرا
مازن:هيعملها امتا طيب
قمر: الساعه ١٠
مازن:كمان ساعتين يعني
قمر:ايوا
مازن:و هيخلصها امتا
قمر:معرفش
مازن:طيب رقمي معاكي لو عوزتي اي حاجه انا موجود و تحت امرك
قمر:جراك الله خير
مازن:مع السلامه
قفل معاها و هو قلقان نادا ع ساره
ساره:ايوا ي أستاذ مازن
مازن:اتصلي بقمر و اعرفي ابوها ف انهي مستشفي
ساره:لي
مازن بصلها:كده و متقوليش اني انا الا قولتلك انتي بتسالي علشان صحبتك و هتيجي تطمني ع والدها و انتي مروحه تبقي عدي عليها ماشي تعرفي العنوان بتاع المستشفي ماشي
ساره:حاضر عن اذنك
................................................
ف شقه محسن..
بسنت لسه واصله الجرس رن فتحت اتفاجأت بحازم قدام عنياها
بسنت بإبتسامه عريضه:حازم اتفضل
حازم:انا عايز عم محسن
بسنت:هو بصراحه مش موجود تعب امبارح و اتحجز ف المستشفي من امبارح و ماما و قمر معاه
حازم:نتي بتقولي اي طيب هو كويس
بسنت:هيعمل العمليه الساعه ١٠
حازم: انا هروح المستشفي مشي خطوتين و رجع تاني ..انهي مستشفي
بسنت:هاجي معاك
حازم:يلا ..

(فاطمه ....قمر)

حازم راحلهم المستشفي قمر استغربت وجود حازم و ازعجها جدا فتحيه رحبت بيه و استغربت من بسنت جت لي الساعه جات١٠ و دخل اوضه العمليات وسط قلق الكل كل واحد بيدعي ف سره خوف رعب صمت قاطع كل دا مازن
مازن:السلام عليكم
بصوا لمصدر الصوت مازن استغرب وجود حازم و حازم برضوا استغرب وجود مازن
ردو السلام
فتحيه:ف حاجه يبني
مازن:انا
قمر قاطعته:دا أستاذ مازن ي ماما
فتحيه:اهلا ي أستاذ مازن
مازن:اخبار الحج اي
حازم ادخل:كويس ف العمليات اهو
مازن عمل نفسه عبيط:حازم بتعمل اي هنا
حازم:انا قريب الحج محسن
مازن بص لقمر:اه طيب كويس
مازن و حازم مراقبين قمر كل حركه بتعملها مرقبنها اضايقت جدا من مراقبتهم استاذنت و قعد ف مكان بعيد عنهم العمليه فضلت ساعتين وسط قلق و خوف و دعي
الدكتور طلع كلهم جروا عليه
الدكتور:اي ي جماعه هو الحمدلله كويس جدا صحته مستقره جدا
حازم:يعني هو كويس
الدكتور: الحمدلله
قمر:يعني ممكن نشوفه
الدكتور: هو لسه مفقش من البنج لما يفوق تقدروا تشفو بس شخص واحد الا يدخل عن اذنكم انا تحت لو احتاجتو حاجه
كل واحد اخد نفسه إلا كانت مكتومه من ساعه العمليه راحه لكل واحد ..
مازن بيدور ع خطيب قمر الا هو راسمه ف دماغه بس حازم قربهم يبقي اكيد يعرفها يبقي حازم هو حببها لا مستحيل هو لازم يتأكد بقي بلاش شك
مازن:قمر ممكن كلمتين ع جنب
قمر بصت لفتحيه شاورتلها اه برأسها :اتفضل
حازم اضايق جدا من تصرف قمر كان المفروض ترفض دا والدها ف العمليه .ما هو طلع .بس تعبان
قمر:خير ف حاجه
مازن:خير بإذن الله قمر من غير لف و دوران انا عايز اعرف حاجه مهمه جدا عنك
قمر:اتفضل
مازن:نتي بتحبي مخطوبه ف حد ف حياتك انا اسف ع الاساله دي دا ولا وقته ولا مكانه عارف بس والله انا محتاج اجابتك جدا
قمر:طيب بص ي أستاذ مازن انا مش مخطوبه و لا بحب ولا بكلم حد ف التلفونات ف الشغل و من قبل اصلا ما تقول انا كنت بقفل تلفوني وانا داخله المكتب انا مليش ف الحب و كلام المراهقين دا
مازن بإرتياح:يعني انتي مافيش حد ف حياتي
قمر شاورت برأسها لا:لا لا
مازن:طيب انا كده اطمنت الف سلامه على والدك و اسف ع ازعاجك امشي انا بقي .
قمر:اتفضل شرفت
مازن مشي قمر استغربت اسالته بس مهتمتش بس من جواها فرحانه فسرت دا ع أنها فرحانه لنجاح عمليه محسن
فضلت اسبوع قاعده ف المستشفي مع محسن طلبت اسبوع اجازه كمان من مازن بس مازن رفض دا اطرت انها تمشي و تسيب فتحيه معاه كانت تخلص شغلها و تروح المستشفي و فضلت كده اسبوعين اسبوعين و محسن روح البيت محسن كان قاعد بيقرا الجورنال ف البلكونه و كوبايه الشاي
بسنت ماسه الفون تطلع تنزل ف الفيس بتحاول تسالي نفسها بس زهقانه برضوا فتحيه دخل لقتها ماسك الفون:ي بت ذاكري شويه مش كفايه انك ساقطه سنه ذكري علشان تخلصي
بسنت:حاضر
خرجت فتحيه بسنت فضلت تفكر في حازم طوله كلامه ضحكته كل دا بتفكر فيه طيب لي قمر بتحرجه كده لي مش طايقه لي لازم اعرف

قمر جات شافت محسن ف البلكونه طلعت تشوف
قمر:يا حج البيت كان وحش من غيرك اووي
محسن:ي بت هو نتي اصلا كنتي بتيجي البيت هنا علشان تعرفي وحش ولا لا دانتي من ساعه ما روحت المستشفى و انتي هناك
قمر:امال عايزني اسيبك يعني ي حج
محسن:لا انتي حببتي
قمر:هو حضرتك فاضي عايزه اقولك حاجه
محسن:قولي
قمر:ممكن استنا لما تخلص
محسن:قولي انا افضالك لو مش فاضي
قمر:انا زهقت من حازم كل شويه جايلي الشغل قال عايز يعرف القضيه و صلت لفين
محسن:هو رخم عليكي
قمر:مش كده بس زهقت منه
محسن: متتكلميش معاه
قمر:انا زهقت منه انا بكرهو اووي كل ما بيدخل مكان بيولعه
محسن:بلاش يبنتي الكره دا كله ليه

روايه قمر بقلم (فاطمه عبدالعزيز)
"سبحان الله وبحمده سبحان الله العظيم"

قمر بصتله بدهشه كمل كلامه:هو فعلا طريقته للجواز غلط بس ..سكت.
قمر:بس اي ي بابا
محسن:بس الله اعلم اي الا خاله يعمل كده
قمر:يعني حضرتك شايف أن هو ممكن يكون ف حاجه ضغطه عليه علشان يطلب مني الجواز بالشكل دا
بسنت:جواز اي و مين دا الا عايز يتجوزك
قمر و محسن بصوا ل بسنت ...
محسن:حازم
بسنت بإستغراب:حازم عايز يتجوزك انتي
محسن:ايوا
بسنت:طيب لي
محسن:لي اي
بسنت بتفكر:اقصد لي موفقتش
قمر:علشان مينفعش
بسنت:لي
قمر:كده و خلاص
بسنت:هو غبي اصلا ازاي عايز يتجوز واحده زايك مشفهاش غبيه فيها كل حاجه وحشه
محسن:بسنت احترمي نفسك لو سمحتي كلمه زياده عن اختك وهعلمك الادب من اول و جديد
بسنت:طول عمرك بتحبها هيا و بتكرهني
قمر:حبيبتي بابا
بسنت بدموع:اسكتي خالص انا ماشيه
مشت
قمر:بابا
محسن:روحي هديها بدل ما هيا بتعيط كده
قمر:حاضر
...........................................................
ف مطعم:
حازم و نهي قاعدين بيتغدو مع بعض حازم قاعد ساكت و باصص لبعيد
نهي:اي هتفضل ساكت كده ولا اي
حازم:هاا بتتكلمي
نهي:لاوالله
حازم:اي ي نهي
نهي:سرحان ف اي
حازم:شويه شغل كده شغلني
نهي:حازم احنا بنخرج مع بعض ولا بنتكلم ولا ف اي حاجه من الا بيعمله المخطوبين
حازم:هو المخطوبين بيعملوا اي
نهي:حازم انا معرفش عندك غير اسمك بس فاهم
حازم:كتير والله اسمي كتير عليكي
نهي:والله
حازم:والله
نهي:ماشي عن اذنك
حازم:اتفضلي
نهي:انتا عادي كده
حازم:مش انتي الا عايزه تمشي
نهي:طيب امسك فيا شويه قولي لا خليكي شويه أو مثلا استني هوصلك كده يعني
حازم:انابقي معنديش دم
نهي:هو فعلا كده
حازم:متشكر
نهي:انا همشي
حازم:اتفضلي
نهي مشت خطوتين و رجعت تاني:همشي بجد
حازم ابتسم غصب عنه من حركتها :استني هوصلك بس علشان انا جدع و خالي بالك مش هعديلك الكلمه الا قولتيها من شويه دي
نهي بتفكر :الا هيا اي
حازم:انتي عارفه
نهي:اااا......لا ...لا
حازم:ماشي بس مش هعديها
نهي:انتا الا قولت ع نفسك انك معندكش دم انا مالي
حازم وقف و حط ايده ع وسطه:يعني عارفه اهوو
نهي بطفوليه:ايوا
حازم:طيب يلا اروحك زاي ما جبتك ماشي
نهي:ماشي يلا
ركبو العربيه نهي بصتله و فكرت بصمت:يااا ي حازم لو تعرف انا بحبك اد اي بس مش عارفه اخليك تحبني زاي ما بحبك كده بحبك اوووي نفسي اقولها باعلي صوت نا بحبك بحبك بحبك ي حازووووم
علت صوتها ف حازووووم
حازم بصلها:اي
نهي:اي
حازم:اي حازوم دي
نهي:دلع
حازم:دلع ممممم
نهي:اي وحش
حازم:لا بس حازوم غريب
نهي:طيب انتا بتحب دلع اي
حازم:ماليش ف الدلع قولي حازم احسن
نهي:لا حازوم حلو او.........زومه حلو برضوا
حازم:اي يبنتي دا انا عمري ما حد قالي الأسماء دي قبل كده
نهي:يعني مامتك مكنتش بتدلعك
حازم افتكر معامله ليلي لي ازاي كانت بتعامل بنتها مروه احسن معامله أنما هو كانت بتزعقله و تضربه و قدام مصطفي تدلعه
افتكر .....ف يوم كانت
ليلي قاعده بتاكل مروه و حازم قاعد لوحده بيعيط و دموعه ف عينه
حازم بطفوليه:طيب انا عايز اكل
ليلي:روح هات اكل من المطبخ و كل اعملك اي يعني
حازم:ما انتي بتاكلي مروه
ليلي:و انتا مالك انتا استني ي مروه هجبلك فوطه ي حببتي
مروه:حازم اتفضل كل دا انا عارفه انك بتحب البشاميل
حازم بإبتسامه :لا شكرا كلي انتي انا مش جعان
مروه:انتا لسه قايل لماما انك جعان خد دي علشان خاطري
حازم:ماشي بس علشان خاطرك
ليلي جات شافت الطبق ف ايد حازم:انتا كمان مش عايز اختك تاكل أخص عليك ما انتا ابن
مصطفي:ف اي ي ليلي حازم عمل حاجه
ليلي بتوتر:لا بس حازم بيد الطبق بتاعه لمروه و هو مش عايز ياكل ف انا بزعقله علشان مش عايز ياكل هو شاب و لازم ياكل و بتغذي كويس
مصطفي:شوفت ي حازم ماما بتحبك ازاي
حازم:ايوا صح منا كمان بحبها
ليلي:انا اكتر ي حبيبي روح انتا ي مصطفي ارتاح و انا هخلي صفيه تجبلك الاكل لفوق اكل انا و انتا
مصطفي:ماشي انا طالع كل كويس ي حازم
مصطفي طلع ليلي شدت الطبق من ايد حازم :روح جيب من المطبخ انا مش هديك حاجه حازم بصلها و راح للمطبخ :طنط لو سمحتي ممكن اكل
صفيه:حاضر ي حبيبي هجبلك البشاميل الا بتحبه ثواني
ليلي:صفيه هاتي صنيه البشاميل علشان انا و مصطفي مكلناش
صفيه بإستغراب:بس ي هانم
ليلي:ماليش دعوه هو اكل بره هو بس عايز كل شويه يأكل يلا هاتي الاكل انا فوق
صفيه:حاضر ي هانم
ليلي مشيت
صفيه:خد يبني الحته دي كلها
حازم:شكرا
حازم اكل و طلع اوضته بعد شويه ليلي جتله
ليلي:بقي بتاخد من بنتي الأكل انا هوريك
فضلت تضرب فيه بالحزام و هو ولا ينطق نطق كتير و باباه بيكدبه و يصدقها بيعيط و بس
سمع صوت طويل:حازم حااااسبببب

( فاطمه.قمر)

ف شقه محسن ...
قمر دخلت روا بسنت لقتها بتعيط بتعيط
قمر:بسنت
بسنت:امشي ابعدي عني
قمر:بسنت لو سمحتي متعيطيش انا مش بحب اشوفك بتعيطي
بسنت:اصلا انتي بتعملي كل دا علشان تخليني اعيط انتي اصلا مش بتحبي غير نفسك و بس
قمر:مستحيل انا بحبك والله انتي اختي الا طلعت منها من الدنيا احنا ملناش غير بعض ي حببتي
بسنت:انتي راسمه صورتك ملاك قدام الناس بس من جواكي شيطان نار بيحرق اي حد
قمر:لي بتقولي كده
بسنت:انتي بتاخدي مني كل حاجه بحبها كل حاجه بحبها بتاخديها مني
قمر:حاجت اي ي بسنت انا مش فاهمه
بسنت:حازم ي قمر هو بيحبك و انا بحبه و انتي مش بتحبيه أو عمله كده كأنك مش بتحبه بس الاوضح انك بتكرهي حازم بس هو بيحبك و جدا كمان
قمر بذهول:اي ي بنتي المسلسل الا انتي عايشه فيه دا حازم بيحبك و انتي مش بتحبيه و بتكرهيه اي دا
بسنت:امال اي
قمر:بصي حازم طلب مني الجواز هو قال علشان بزنس بس انا مش مصدقه أو هو قالي كلام محبتوش منه انا كنت بحترمه جدا لحد ما طلب مني الجواز بالشكل الا طلبه دا نزل من نظري اووي
بسنت:لي هو عايز يتجوزك عرفي
قمر:حاجه زاي كده بس والله انا رفضت ولا انا هبقي يوم زايه ولا هو هيبقا ف يوم زاي فهمتي احنا مختلفين تماما عن بعض
و بعدين اي بتحبيه دي انتي مش عارفه انه خاطب
بسنت:عرفت بس بحبه بحب وجوده حركته ابتسامته
قمر: استغفر الله العظيم و اتوب اليه اي ي بسنت الا انتي بتعمليه دا حرام يبنتي تبصي ف تفصيله كده غلط
بسنت:بس انا بحبه
قمر:هو مش جوزك علشان تعملي كده انتي كده بتعملي حاجات غلط و انا من واجبي اني افهمك ..
حازم دا ولا من أصلنا ولا احنا من أصله فاهمه هو عمره ما هيكون زينا ولا احنا عمرنا ما هنبقي زايه فاهمه
بسنت:بس تنا ب..
قاطعتها:بقولك اي بلاش بحبه دي بصي حازم خاطب و كمان شويه هيتجوز فاهمه ف انسيه خالص و استغفري ربك و ادعي أن هو يطلعه من قلبك
و انسيه و انتبهي لدرستك لسه بدري عليكي حب اي لما تتجوزي تبقي حبي جوزك هو دا الحب الحقيقي الا ربنا هيبقي راضي عنه و هيبارك فيه فاهمه
مش تكلمي شاب من ع النت و تبقي خايفه لو باباكي أو مامتك بص ف الفون المفروض تخافي من ربنا
بسنت:يعني انتي عمرك ما حبيتي
قمر:و انتي بتسمي الا ف الجيل بتاعكم دا حب
بسنت:امال اي يىست العارفين
قمر:دا مرهقة ي حببتي احنا بنشوف حاجه عايزين نقلدها حتي لو كانت غلط تلاقي واحده ع الفيس عندها ١١ .١٢ سنه تقولك حبيبي سبني...
ي موكوسه هو دا حب كله كوم و الا بيخرجه مع بعض دول كوم تاني يعني ازاي يقبلوا ع نفسهم كده يمسك اديها و حجات استغفر الله العظيم ربنا يهديهم و يبقوا ١٦ سنه يعني نتي عندك ١٦ ١٧ سنه وراكي مذاكره اعبدي ربنا صلي اعملي اي حاجه غير الكلام دا....
دا حرام دي علاقه محرمه والله العظيم علاقه محرمه ربنا يهدي يارب اهديهم.......
بصي عايزاكي تنسي حازم دا فاهمه و نرجع زاي زمان كانت كل اسررنا مع بعض و عمرنا ما قولنا لحد حاجه من اسررنا ..
تعالي نرجع زاي زمان ..
بسنت:حاضر ي ستي نرجع زاي زمان
محسن:قول للزمان ارجع ي زمان زمان اي الا عايزين ترجعوا؟
قمر:ولا حاجه ي حج و بعدين انتا شكلك رايق ع الآخر
محسن:ايوا بصراحه بس جت بنت ال....نكدت علينا
بسنت :الله ي حج انا مالي انتو الا... سكتت
محسن:اي سكتي لي
قمر:هو حد فيكو جعان انا هموت من الجوع
بسنت:ايوا و انا كمان والله هموت
محسن:الف بعد الشر عليكوا
قمر:طيب هشوف ماما .
.....................................................
ف شقه مازن:
الصبح قام عايز يمشي بسرعه
حنان:بص بقي منتا مش ماشي من هنا غير لما تفطر
مازن:انهارده هفاتح قمر هاخدها بعد الشغل و نتغدا برا
حنان:والله كأن دا مش بيتك
مازن:يعني اي مش فاهم ما دا بيتي ي حجه
حنان:اقصد يعني انتا هتعزمها بره من غير ما اشوفها من بره بره كأن امك ميته
مازن بأس ايد أمه: بعد الشر عليكي ي امي ..ولا والله مش دا قصدي . بس انا قصدي علشان متتعبيش
حنان:التعب منك راحه ليا
مازن:بعد الشر عنك ي ست الكل
حنان:دنتا بكاش
مازن:والله بحبك
حنان:منا عارفه و انا بحبك اكتر المهم هتعزمها هنا
مازن:حاضر انهارده
حنان:انهارده الحق بقي البت عزه تبقي موجوده تساعدني
مازن:عزه
حنان:اه عزه
مازن:لو عرفت بالموضوع ممكن تحطلها سم ف الاكل دي بنت
حنان:عزه عمرها ما تعمل كدا لو ي سيدي ع الموضوع قمر و كده مش هقولها غير و هيا جايه معاك
مازن:ماشي ي ست الكل انا نازل بقي
حنان:ماشي ... تعالي هنا انا قولت مش هتنزل غير لما تفطر
مازن:بس ي ماما
حنان:بس اي هتفطر يعني هتفطر
بسكدا....
توقعاتكم.. قولو توقعاتكم ي جماعه و تتناقش مع بعض
بحبكم في الله