رواية عائلات راقية بفسادها الفصل الثالث 3 بقلم اروي طاهر المسلاتي
رقيه:تمسح في الطاوله وهيا سارحه !
هل تقدر تشوف طريقه تتصالح بيها مع اهلها وتفهمهم انها هربت بسبب الضغط النفسي عليها؟!
او مش رح يكون فيه طريق لي الصلح خلاص ولو يعرفو مكانها يقتلوها!!؟
خذت نفس بي عمق وشافت لي الشي الايجابي يلي صار في حياتها
في النهايه عندها مكان تشتغل فيه وتبات فيه
قاطع كلامها مع نفسها صوت حفضاته كويس 
أمير:رقيه
رقيه:بلعت ريقها ويديها يرجفو...نعم استاذ
امير:ضحك بسخريه ...استاذ؟!
رجع نضرته الجديه ....بطلي تناديني بي الاسم البايخ هاذا
اسلام خوي وين،؟
رقيه:مروحش مريتاش
امير:ماريا وين!؟
رقيه:م م ماريا فوق في دارها
امير:امم تمام ...عطاها بضهر بعدين رجع تلفتلها
بنسألك
رقيه:تفضل
امير:شاف من الروشن وقام حاجبه....البنت يلي سكنت جديد في حوشنا
رقيه؛النازحين؟
امير:اي ....متعرفي عليها شي !
رقيه؛لا ...كل يلي نعرفه ان اسمها هبه وتقرا شهاده ثانويه نفس ماريا اختك
امير: عقد حواجبه وهوا يشوف للحوش من بعيد ....تمام
طلع امير ورقيه قعمزت ع الكنبه يلي كانت تلمع فيها
رقيه:الحاله هاذي تصيرلي كل ما نشوفه 
نبدا نرجف ونحس ان نار الدنيا والعه فيا ونتصبب عرق مع بعضي
نتوتر معش نعرف حتى شنو نحكي منعرفش علاش
كل ما نشوف امير يصير فيا هكي
_____________________________
هبه:بدلة حوايج المدرسه وطلعت لي امها في المطبخ
احلام:تحرك في الطنجره وبدون ما تقيم عيونها...كيف المدرسه الجديده؟
هبه:كويسه
احلام:تنهدت....عارفه انها مدرسه رخيصه ومش نفس المستوى يلي كنتي متعوده عليه بس لازم نتحملو لين تفوت الازمه هاذي ع خير
هبه:صبت العصير في الكوب ومردتش
احلام:تلفتت لي بنتها ومسكت خدودها..عارفه الوضع رح يكون جديد عليكم انتي وخوتك
..عارفه الوضع رح يكون جديد عليكم انتي وخوتك معش في سفر زي قبل ولا فيلا ولابيبي سنتر لي خوتك بس لازم نحاولو نتكيفو مع الوضع لين بابا يرجع احسن من قبل
هبه:ابتسمت بي رضا وهزت راسها بمعنى تمام
احلام:شاطره....ورجعت اطيب
تلاقيتي مع ماريا؟
هبه:منو ماريا؟
احلام:بنت عمك احسان يلي عطانا الحوش
اهوا حوشهم جنبنا الحوش الكبير
هبه:شافتله من الروشن....اهااا
لا متلاقيناش او ممكن تلاقينا وانا مش مركزه
احلام:حاولي تكونو صاحبات وخلي علاقتك بيها كويسه لان محتاجين تكون علاقتنا حلوه بيهم
هبه:ان شاء الله ...انا بنمشي نرقد راسي يوجع فيا
احلام:تمام اوقدي شويه لين نحط الغدي
هبه:رجعت غرفتها وخلت امها غارقه في الاسئله بينها وبين نفسها
كيف بتقتنع ان راجلها مستواه المادي معش زي قبل!؟
كيف بتتقبل فكرة انها معش بتلبس من ماركات عالميه ومعش بتسافر كل سنه؟
كيف بتواجع صاحباتها يلي كل وحده من طبقه ارقى من يلي قبلها!؟
هلبا اسئله مليهاش اجابه وهلبا حاجات بنسبه لي عقلها هيا تشوف فيها صعبه ....
______________________________
رؤى:فتحت عيوني وكل شي جنبي ضلام!!
منشوف في شي
نشم في ريحة مطهرات قويه نفس مطهرات المستشفى
نسمع في اصوات اجهزه وصوت خطوات ناس
قعمزت بسرعه وحاسه جسمي مكسر
حطيت يدي على عيوني وقلبي طاح لما تلمست شاش ابيض ملفوف عليهم
بديت نسترجع في ذكريات شن صار معاي !!!
اذكرت اني كنت طالعه من حوش زبونه وقصيت طريق السريع
كل يلي نذكره خبطه قويه دفتني لي مكان بعيد واخر شي شفته شنطة خدمتي طاحت والمكياج يلي فيها كله تبعثر وتكسر ع الارض
خذت نفس وهيا مرعوبه مش فاهمه وين موجوده ومنو معاها ...علت صوتها وهيا تنادي
رؤى:انا وين؟؟؟في حد هنااااايا؟؟؟
في حد هنااااايا!
جاوبها بسرعه صوت رجولي ....متخافيش فيه حد معاك
....متخافيش فيه حد معاك رؤى:خدت نفس وصوتها مرتبك....وين انا!؟
رعد:مشفى قريب من المكان يلي انضربتي فيه
وطبعا الغلط منك مش مني انتي يلي طلعتي فجآه وتشوفي لي شنطك مش لي الطريق
رؤى:تتلمس في المكان جنبها....امي اكيد بتنشغل عليا
تالفوني وين
رعد:عندي في السياره حجاتك كلها
رؤى:نبي نكل ن .....عيوني؟؟؟؟
شن صاير في عيوني ليش منشبح في شي!
رعد:خدي نفس وسكت
رؤى:نكلم فيك
نكلم فيك جاوبني مسكتش ....يا اخخخ
وين مشيت نعميت انااااا
رعد:بنبرة هزوه....لا طبعا شنو الدراما يلي انتي فيها هيا!
لا نعميتي لا سو متركبيليش تهمه مدخليش فيها
رؤى:لو منعميتش ليش منشوف في شي هكي !
رعد:بملل.....واضح يعني عيونك مغطيات
رؤى:نزلت رجليها ع الارض وحاولت توقف تهيئ في روحها انها تمشي
من اول خطوه طاحت لان متشوف في شي قدامها ورجلها كانت ثقيله بكل
رعد:نزل من كرسيه وساعدها ترجع لي سريرها.....بالله خليك في مكانك لين يوصلو اهلك
حالتك الصحيه كويسه وعيونك مغطيات لان مدايريلهم تنضيف
رؤى:تتلمس في رجلها بعد ما حستها رزينه....رجلي مجبسه؟
....رجلي مجبسه؟مكسوره انا!!
رعد:رجع شعره للخلف بملل....اسمعي
وربي ماعندي خلوق لي الدوه يكفي انك معطلتيني على شغلي
امورك طيبه عندك شوية خدوش ورجلك صايرلها كسر بسيط ممكن تسكتي لين يجي حد من اهلك!!
رؤى:اتكت ع السرير ويدها ع قلبها ....
ساد الصمت بينهم ومفيش حد تكلم
رعد قعد ساكت زي عادته اطمن لما عرف انه مقتلش رؤى بي الحادث وانها كويسه وخلاص معش فكر في شي تاني
رؤى:خدت نفس وهيا تتوجع وسألت نفسها في خاطرها علاش مش مرتاحه في حياتها هكي !؟
تتعب في الخدمه وحتى لبس كويس معندهاش ويعلم ربي قداش شاقيه في الدنيا وتوا زادها الحادث!
كأنه الهم ميعرفش طريق غيرها؟
تنهدت وطلعت من فمها دعوه بصوت سمعه رعد وهيا تقول ....بنتي ياربي بس
بنتي لو صار فيا شي احميها ارجوك
رعد:نزلت الدعوه هاذي زي الموس في قلبه
فتحتله جرح قديممم....تلفت وهوا مضايق وبعد فتره سألها ....عندك بنت!
رؤى:كانت مضايقه من تصرفه الغير لائق معاها وكلامه بطريقه مهينه ليها وهيا تتوجع ....والشي هاذا خلاها متردش عليه!
رعد:تبدلت ملامح وجها وقرر يقعد معاها لعند يجي حد من اهلها ويعتني بيها كويس حتى لو دفع ثروته كلها عليها بعد الدعوه يلي فتحتله جرح وخلاته ينزف من جديد
رِوَايـــــــــات بـــَـنـُـــووتِـــة الشـِــيـــْـخأروى الــــطـــاهــــر المــســلاتــــيماريا:مقعمزه تتصفح في النت وتقلب في صور شركات التنسيق....بوحت التالفون وعيطت ع امها....مدخلللييييييش
ليا سنه نقول بنديره كبير عيد ميلادي متعفسيش فياااا
ليلى:وانا مقلتش لاا...ديري تورته واعزمي صاحباتك وعشي خفيف ومفيش داعي لي شركة التنسيق وطاولات وكراسي كأنه عرس بطلي مصاريف زايده.
احسان:خش لي الصاله وهوا يمسح في وجها بي المنشفه.....شن صاير خيركم
ماريا:ناضت من مكانها وهيا تعلي في صوتها على بوها......تعالا شوف ماما شن تقول
انا البنات يلي يقرو معاي كلهم فلوووووس واعياد ميلادهم في الصالات علاش حتى انا منديرش هكي
مطلبتش قاعه انا
احسان:قعمز ع الصالون وهيا يقلب في عيونه بملل....شنو طلبتي امالا؟
ماريا:وقفت قدامه وهيا تعد على صوابعها....نبي تورته على 3ادوار
وشركة تنسيق نبي ندير طاولات وكراسي في المزرعه وزينه
ونبي عشي حار وسموثي وشكلاته
واخر شي هدايا للمعازيم لما بيروحو
و .....اي اي نبي قفطان حلو نلبسه ونبي مصوره تجي تصور الحفله كلها
اسلام:خش عليهم فجآه.....ونجيبلك واحد من صحابي لابس بدله رسميه ياخدك مره وحده
نقرو الفاتحه ويروح بيك نفتكو منك
ماريا:سكفممممك انت مدخلكش....هيا بابا وراسك انت عارف البنات يلي يقرو معاي منو يكونو اهلهم
احسان:يصير خير
ماريا:خلاص يعني موافق راهو بنبدا نحجز مدخليش
احسان:اعزمي بنت صاحبي عمر
ماريا:عقدت حواجبها من عمر؟
احسان:النازح يلي في حوشنا ...بنته اسمها هبه صح!
ماريا:بس بوها حالته الماديا كانت فلوس وتوا ولا شي!
احسان:عقد حواجبه بغضب....الف مره نقولك معش تقيمي الناس بي فلوسهم لامتى بنقول نفس الكلام راهو والله نقطع عليك كل شي
ماريا:لا بابا خلاص اسفه اكيد رح نعزمها
احسان:ورؤى بنت عمك جلال حتى هما جنب حوشنا بزبط خلط متعزميهاش
ماريا:اوكي
احسان:تنهد ....وين القهوا؟
ماريا:خدت فونها ونطلقت لي دارها طول
احسان:وين خوك امير؟
اسلام:منعرفش
احسان:وانت وينك 3ايام مريتش وجهك هنايا؟
اسلام:كنت مزرد
ليلى:شافت لي ولدها اسلام بنضرات غضب وقلبت عيونها بدون ما تحكي معاه
احسان:كلم خوك شوفه وين انا سهور الليل هاذا معش يمشي معاي
اسلام:ان شاء الله ....وخدي مفاتيحه وركب بسرعه هارب من نضرات امه يلي قريب تفضحه قدام بوه بسبب السر يلي كشفاته...
_______________________________________
احلام:معش تزيدنييييي معش تزيدني يكفي يلي صاير
بدل ما تطلع ادير حل ادبر كيف تحافض ع المستوى المعيشي يلي كنت معيش فيه صغارك مقعمز م.......
محمد:24ساعه مستوى معيشي معيشي معيشي خلاااااااص درهتيلي كبدي ياااسر يلي صاير
هاذا امتحان من ربي وانا راضي بيه مش عاجبك خليلي صغاري وبري لي قصر بوك
احلام:مش على ......بب ب ه هبه؟
حبيبتي من امتى هنايا انتي ؟
هبه:واقفه تشوفلهم بخيبة امل....توا جيت بس
بابا نبي ن نبي ....نبي نطلع نتمشى شويه في المزرعه بنشم هواء عادي !؟
محند:قعمز وهوا منحرج من الكلام يلي سمعاته بنته.....عادي بنتي بس ردي بالك المزرعه كبيره وانتي متعرفيهاش خليك قريبه
احلام:لا متخليهاش تطلع منعرفوش حد هنايا
محمد:مفيش حد غير ولاد احسان صاحب المزرعه اسلام وامير والاثنين كويسين خلي البنت
احلام:في حوش تاني قدامنا ممكن يكون ف.....
محمد:قاطعها....حوش جلال نعرفه معنداش شباب غير واحد وفي الحرب تقريبا حتى توفى ....شاف لي هبه
اطلعي سلم بنتي وردي بالك بس
هبه:هزت راسها وخدت وشاح وطلعت ....كانت مضايقه ومش قادره حتى تحكي بسبب الازمه يلي يمرو بيها
__________________________________
رؤى:حطت يديها على عيون امها ومسحت الدموع....خلاص بطلي بكي انا بخير كويسه والله
حسنه:خفت على بوك مقلتلاش والله كنهادا يطيح من طوله
رؤى:الحمد الله جتني بسيطه ...بيسان
بيسان بنتي وين؟!
حسنه:خليتها مع بوك تلعب
رؤى:سكتت
رعد:ماشي جاي في الممر ويدخن رغم ان التدخين ممنوع !....وقف لما شاف نضرات واعره تشوفله بغضب
ناجيه:شن يلي درته ؟....لعند امتى بنعاودو على سواقتك يلي قريب تهبل من سرعتها!؟
رعد:جاوبها بي ملامح جمود....مش انا الغالط
الغلط فيها هيا
ناجيه:شن صارلها!؟ماتت!!
رعد:كسر في رجلها وعيونها منعرفش شنو بزبط لكن بخير دارولها تنضيف وغطوهم قالو يبو 3ايام مغطيات مع المداويه
ناجيه:حسابك مع بوك....وفتحت الباب بكل حزم وخشت
___________________________________•
ماريا:راقده ع ضهرها وتلف في خصلة شعرها وتحكي ع الهاتف.....منعرفش
موده:براحتك ميمي لكن جديات لو عزمتيها بيسألوك هاذي بنت منو شنو شنو بتقوليلهم؟
بنت النازح يلي مسكنينهم في حوشنا الزايد !!
ماريا:افففف نفس الشي نفكر بس بابا مسكر راسه
موده:نبي حفلتك تكون كلاس وفخمه .....انا هاذا قصدي بس
ماريا:بنعزمها عشان بابا ورح نخليها منبوذه بروحها زي في المدرسه مقعمزه بروحها وبس
موده:تم يا حبي ....انا بنمشي ندور موقع حلو نوصي ع قفطان للحفله ....انتي من وين خديتي قفطانك!
ماريا:اءءء اء ب بابا قال بيوصي عليه من ايطاليا
موده:اممم اوكي اوكي نتلاقو
ماريا:باي ....سكرت التالفون ولوحاته وهيا حاسه بضيق !
تاعبه بسبب الجهد يلي تبذل فيه عشان تبين قدام صاحباتها ان عائلتها من العائلات الراقيه
حتى لو كان ع حساب هلباااا حاجات !...المهم متحسش روحها اقل من صاحباتها
_________________________________
هبه:تتمشى في المزرعه ودموعها سبقتها
دموعها نزلت كل ما تذكر ان بوها يعاني بسبب خوته يلي تخلو عليه في محنه زي هاذي
نزلت دموعها لما شافت اعز صحاب بوها يلي كانت حالته بسيطه وبعد الحرب بدي فلوس فجآه وتخلى ع بوها
فكرت داخلها علاش كل شي بدي فلوس هكي !!!
قاطع تفكيرها صوت كلب ينبح بطريقه تخوفف
حطت يدها ع قلبها وكانت بتهرب بس قل الخوف لما شافت ان في شخص ماسك الكلب من رقبته
امير:متخافيش ....هوا عاقل بس انتي جديده ومش متعود عليك
هبه:بلعت ريقها ...لل ل ل لا عادي
امير:شن اديري هنايا!؟
انتي عارفه ان القدام في جابيه في الارض ولو منتبهتيش راهو طحتي فيها!؟
هبه:فكرت ان نشم هواء شويه اسفه لو جيت مكان مش ليا ....وعطاته بضهر وكانت راجعه للحوش
امير:قعد واقف يراقب فيها لين خشت الحوش وعلامات الفزع قاعده على وجها !.....رجع ربط الكلب بس اللوحه كانت خلاص بتنفك
___________________________________•
في السياره:-
ناجيه:احمد ربك ان البنت طلعت تسكن جنب حوش احسان صاحب بوك
والعيله طيبه كنهادا الليله مش رح تكمل على خي ابدا!
رعد:يسوق وهوا ساكت
ناجيه:تتكلم بجفاف.....زورها كل يوم وارفع معاك بضاعه ليها
مواد غدائيه وهكي لين تنحي الشاش يلي في عيونها وتتأكد انها بخير
رعد:درس بقوه قدام الحوش ونزل وسكر الباب
نزلت امه وراه ونفتح باب الحوش الضخم
الحوش يلي مليان حزن وكآبه واسرار مش مفروض اي حد يعرفها
رِوَايـــــــــات بـــَـنـُـــووتِـــة الشـِــيـــْـخأروى الــــطـــاهــــر المــســلاتــــييوم الخميس:-
الساعه8ونص في مدرسة الثانويه :-
هبه:بدي نهار ممل جديد زي العاده قعمزت بروحي في اخر الصف مفيش حد دار معاي صحبه ولا عندي نيه كلم حد اصلا !!
حطيت راسي على المقعد بس قمته لما سمعت الابله تقول
يالله انتي وياااااها ...اليوم عندنا طالبه جديده في مكان ولا!
ماريا:شافت لي هبه بي استهزاء....في اي
موده:ان شاء الله تكون نفس المستوى بس 
ماريا:ابتسمت بي مكر
الابله:جنان ....تفضلي خيرك واقفه برا
الفصل كله كانت عيونهم على الباب يستنو في الطالبه الجديده كيف شكلها!!
اكيد من عائله معروفه لان المدرسه هاذي خاصه وغاليه مش اي حد يخشلها
كل بنت فيهم رسمت شكل معين للبنت الجديده بس للاسف مطلعش مطابق لي اي وحده
خشت جنان وهيا لابسه البدله الثانويه مع اكسسوارات غريبه
مش متحجبه وشعرها قصير زي الولد
سبيدروها كأنه ليه سنين وقاعد يقاوم ...الشنطه واصله لعند الارض ووقفتها كأنه وحده جايه بسيف للمدرسه
الابله:كانت مستغربه من منضر جنان بس خلت نفسها عاديه قدام الطالبات ....تفضلي حبيبتي عرفني بنفسك
جنان:وقفت قدام فصل فيه30طالبه شافتلهم كلهم بنضره وحده ونطقت ....انا جنان
ضحك الفصل كله
الابله:هما عارفين الشي هاذا عطيهم معلومات اكتر عليك وين كنتي مثلا!من اي مدينه ومدرسه جايه!
جنان:شبحت بنضره مطوله للابله ....معنديش خلوق ندوي هلبا
الابله:بلعت ريقها.....تمام حبيبتي تفضلي جنب ...
وقعدت ادور بي عيونها.....جنب زميلتك هبه
جنان:قدمت بخطوات بطيئه للمقعد لوحت شنطتها وقعمزت بطريقه شاب معكس في قهوا
موده:هاذي هكي واسمها جنان!
ماريا:مفروض سميها مزابل ع منضرها
موده:ضحكت بصوت عالي
ماريا:عليك شكالات قاعده تجينا مل يوم
الابله:يالله انتي وياها انتبهي معاي
______________________________________.
حسنه:تفضل تفضل .....
رعد:زايد فضلك
حسنه:رؤى مقعمزه برا جلال بعيد شويه يسقي في الزرع اليوم نو هلبا يا لطيف
رعد:ربي يعاونه
حسنه:من بكري تراجي فيك اكتى تجي باش تنحي القطن يلي في عيونها زي ما طلبت تنحي بحضورك والله قريب تهبل تعبت من الضلام تبي تشوف بنتها
رعد:يتكلم بسيف...تمام
حسنه:مشت ورعد وراها لين وصلت في رؤى يلي كانت مقعمزه تتلمس في الورد يلي كان مزروع جنبها
حسنه:رؤى ...رعد جي
رؤى:تنهدت....اخيرا
رعد:كيف حالك؟
رؤى:بخير .....اليوم صح!
رعد:اي ان شاء الله
رؤى:بابا يسقى ويبي لعند المغرب عشان يروح مش قادره نصبر امي نحيلي هيا
حسنه:قربت ع رؤى وحطت يدها ع القطن ....حاولت تنحيه من على عيون بنتها وكانو يديها يرجفو
شافت لي رعد .....والله منقدر نحس في لحمي شوك شوك كله تعال نحيه ولدي
رعد:استغرب من طلبها بس قرب لانه معنداش اي حل تاني
فكلها الشاش الابيض وهوا يدعي داخله تكون عيونها بخير وينفد من القصه هاذي !
فك الشاش الابيض يلي كان ماسك القطنات وتوا معش في شي غيرهم
نحاهم من عيونها بشويه وكان مركز فيها
رعد:افتحي عيونك
رؤى:فتحت عيونها وفي البدايه كان كل شي مضبب لين وضحت الرؤيه عندها واول شي شفاته بعد الضلام كان وجه رعد يلي مقدرتش تنزل عيونها من عليه
____________________________________
هبه:مر اليوم بسرعه بدون اي كلمه بيني وبين البنت الغريبه يلي جت اليوم
كانت في عالم تاني بروحها السماعات في ودانها مش معبره لا استاد ولا ابله ولا حتى مهتمه بي البنات يلي يضحكو عليها!
دق جرس المرواح وطلعنا كلنا
وقفت في الساحه نراجي في بابا وانا سارحه لين قطعت عليا افكاري مخلوقه مكنتش نتوقع في يوم توقف تكلمني !
ماريا:اهلا بي النازحه
هبه:شافتله ومردتش
موده:ضحكت ....متقصدش ره صاحبتي بارده
هبه:لا عادي
ماريا:جيت عشان نعزمك اليوم عيد ميلادي
مش معقوله مسكنينكم في حوشنا الزايد ومتجيش يعني الحفله في النص بين حوشنا وحوشنا يلي انتم ساكنين فيه
وحوشنا الثالث متع عمي جلال
هبه:اختصري وقولي حياشنا الثلاثه
ماريا:ضحكت......مبردني ولا ماهو نسيت كم عندنا حوش
هبه:ان شاء الله نحاول نجي
ماريا:لا مش تحاولي لازم تجي حتى5دقايق اوكي !
هبه:يصير خير
موده:الطرف وصل
ماريا:شافت لي امير.....خوي الامير اسم ع مسمى
يالله باي
موده:عيونها في امير....باي
هبه:فهمت ان الشاب يلي تلاقت بيه امس كان نفسه اخ ماريا
قربت هبه ع الباب حطت راسها ع الحيط تراجي في بوها وتفاجأت ان ماريا جتها من جديد بس المره هاذي جوها مش تمام ابدا
ماريا:تفضلي اركبي معاي
هبه:نعم!؟
ماريا:بوك كلم بابا وحصلنا فيك لان ميقدرش يجي
هبه:حست بي الاحراج....يتعطل عادي نراجيه تقدري تروحي
ماريا:بكيفك ....ورجعت لي السياره وسكرت الباب
امير:شنو؟
ماريا:قالت بتراجي بوها هيا امير روح بيا الف حاجه بندير للحفله اليوم
امير:انزلي جيبيها بوي عطيته كلمه
ماريا:فوتها خليها تراجي
امير:انزلي
ماريا:بعناد....لااااااااا
امير:نزل من السياره واتجه لي هبه !
كان الوقت مرواح والدنيا زحممممه بنات
فجآه ساد الصمت في الساحه كلها وهما يراقبو في امير يلي كل يوم يجي يروح بي اخته وخاطر عيونهم اليوم نازل لي البنت يلي انتقلت جديده ويقرب عليها
امير:اهلين
هبه:ارتبكت لما شافت اكتر من300طالبه واقفين يشوفولها ...ا اه اهلين
امير:ياريت متحطينيش في موقف بايخ مع بوي عطيته كلمه بنروح بيك
هبه:جف حلقها وهيا مصدومه بي كمية البنات يلي يبحلقو في عيونهم ....اءء م مم منبيش نتعبكم نراجي عادي
امير:لو قعدتي بنتعرض لي موقف بايخ واني مش قد كلمتي خودي بخاطري المره هاذي وتعالي
هبه:سكتت شويه وبعدين هزت راسها موافقه
امير:مد يده
هبه:قامت حاجبها مش فاهمه !؟؟؟
امير:شنطك
هبه:لا لا عادي
امير:خطف الشنطه منها واشرلها بيدها بمعنى تفضلي
هبه:تمشي بي ارتباك من عيون البنات عليها والهدوء يلي واضح ان المدرسه كلها مركزه فيها
تسمع في الهمس متعهم من تحت لتحت
مش هاذي هبه الجديده ؟شن عرفها بي امير خو ماريا؟حي ركبت معاه شوفي كيف ماسكلها الشنطه
فتحلها الباب شوفوووفو
سمعت الكلام هاذا وتمنت الارض تنشق وتبلعها من الاحراج يلي هيا فيه اول مره تكون العيون عليها هكي 
ركب امير وطلع من السياره وماريا بتتفجررررر
طلعت السياره وهله منزله عيونها معش تبي تشوف البنات كيف فاتحين عيونهم فيها !!
لين طلعت ....قامت راسها وتجي عينها في عين امير ع المرايا ....الباين انه كان يراجي فيها تقيم عيونها
_______________________________________
رعد: نزل القطنات من على عيون رؤى وقعد مركز عليها !
سبب تركيزه مكانش يبي يطمن انها تشوف او لا!
بس كان مركز كيف لي قطنات صغيرات هكي قادرين يخفو عيون بجمال عالم تام
محسش بي الوقت كيف فات!
ولا امتى دخل بوها وفرح بي بنته ولا كيف ودعهم وطلع من الحوش !!
محسش بشي كأنه عقله وقلبه متوقفين في اللحضه يلي شاف عيونها فيهم لاول مره !
____________________________________
هبه:خشت دارها بسرعه وطاحت ع السرير تراجع في الموقف يلي صار معاها !!!
كيف لي شخص واحد قادر يخلي 300طالبه تسكت وتتفرج عليها!!؟
حطت يديها على عيونها لما اذكرت كيف امير مسك شنطتها وفتحلها الباب
كان تصرف مقدرتش تفهمه حلو او غلط قدامهم
طق طق طق
احلام:هبببببه هببببه انتي كويسه؟
هبه:اي يا ماما نبدل ونجيك
احلام:به
رِوَايـــــــــات بـــَـنـُـــووتِـــة الشـِــيـــْـخأروى الــــطـــاهــــر المــســلاتــــيالساعه8ونص في الليل:-
كانت المزرعه ضاويه هلبا
مزينه ومنسقه بطريقه خياااليه تجنن !!
رقيه مشغوله تجهز في الضيافه وترتب في الدنيا مع ليلى ام ماريا
وبدو المعازيم يحضرو (كانو المعازيم كلهم بنات من الثانوي يقرو مع ماريا وبنات عمها وخالها)
مفيش حد كبير في العمر غير امها حاضره
ماريا:شافت لي نفسها نضره اخيره ع المرايا بي فستانها الاسود وشعرها يلي كان يجنن
كانت راضيه ع نفسها ....طلعت من غرفتها ونزلت من الدروج
واول ما طلعت لي الجنان عيطو البنات كلهم
سبرااااايز
وماريا حطت يديها ع فمها وبدت تضحك وبدو يغنولها وولعو الشموع
كان اسلام يراقب فيهم من روشن داره....اختك دارت روحها مصدومه ويديها ع فمها
كأنه مفاجآه ع اساس مش تخططله ليها اسبوع الكذب
امير:يصب في القهوا من المكينه .....خلي البنات في حالهم
اسلام:بضاعت النازحين مليحه يابرو
امير:قام عيونه....مني؟
اسلام:تعالا شوف بنت النازح صاحب بوك هوا
امير:قرب بسرعه عشان يشوف
وفعلا شاف
هبه كانت واقفه بروحها بي فستانها الابيض القصير وتسريحتها الناعمه
كان واضح انها جايه بدون نيه كأنها مغصوبه اسلام:بننزل لي رقيه بالك تحن عليا وناخدو منها عشي قبل ما يفرقوه
امير:كان مركز ع هبه ومسمعش حتى خوه شن قال
____________________________________
حسنه:فتحت الباب بهدوء وخشت....مش كان مشيتي للعيد ميلاد وغيرتي جوك احسن؟
رؤى:تمسح على شعر بنتها الراقده ...بي رجلي المكسوره امالا
...بي رجلي المكسوره امالا حسنه:عادي راهو ساعدوك
رؤى:حفله للبنات يقرو مع بعض علاش نضايق فيهم
حسنه:تنهدت
رؤى:لاحضت ملامح الضيق على وجه امها ....شن فيه!
حسنه:شن بيكون فيه!....خوك ليه اسبوع قال بيروح ومروحش ولا كلمنا
قلبي نار والعه فيه
رؤى:اهدي وراس الغاليه راجع بي اذن الله متخافيش عليه
حسنه:يارب
___________________________________
ماريا:تستقبل في الهدايا وتبتسم بسعاده لين وصلت فيها هبه
موده:ياترى شنو هديت جارتكم ؟
هبه:قدمتلها الهديه بتردد.....بطول عمرك
ماريا:اااااه صحيتي بجد مش لايمه عليك عشان ضروفك
هبه:حست بي الاحراج للمره الالف وهاذا شعور مش غريب لما تبدا جنب ماريا
ماريا:شافت فونها يشرين ....موده
موده:فهمت....اوكي تمام
ماريا:قامت فستانها وطلعت بسرعه من ورا الحوش مخليه المعازيم ياكلو ويهدرزو
موده:ليش مكليتي شي؟
هبه:شكرا صحتين اصلا مش معطله جيت عشان ماريا
موده:مذقتيش حتى التورته ....راهو تورته بالك تسحابيها تحفه ههههههههه
هبه:عارفه انها تورته
موده:قلت بالك اول مره تشوف تورته هكي يعني مش متعوده البنت
هبه:لا متعوده وشايفه احلامن هكي قبل بس منقدرش ناكل
موده:وعلاش!؟متعوده ع حاجات افخم من هكي ياروحي
هبه:لا عشان عندي السكر
موده:نصدمت.....اللهم عافينا
هبه:ابتسمت.....قلت السكر مش ورم
موده:بلعت ريقها وشافت للمعازيم وبدت تحكي بصوت واطي.....شوفي حبيبتي
واضح ان ماريا مش طايقاتك ولا انا صواحه وانتي هنايا عشان بوها جبرها تعزمك
هبه:وانا هنايا عشان بابا جبرني نجي
موده؛حلو متفقين ....معناها يلي صار في المدرسه اليوم مع امير معش اديريه
هبه:ليش شنو يلي درته انا !؟هوا جاني برجليه
موده:ابتسمت ...انتي وافقتي ياماما في الجديد يطلب منك اي شي بعدددددي احسن ما تتعبي ...وزادت ابتسمت ومشت
هبه:ضحكت بي هزوه ع مشاكل المراهقين يلي تشوف فيها وهيا عندها مشاكل اكبر من هكي تفكر فيها !!
ادكرت لي موقف امير في المدرسه والموقف هاذا يفسر عيون البنات في الحفله والتوشويش يلي ع هبه !
_______________________________
ماريا:تجري بي قفطانها خايفه حد يشوفها لين تكمل
وقفت في نص الطريق تساوي في شعرها قبل ماتكمل طريقها شافت قدامها كلب امير
ماريا:انت انتلف غادي باهي يلي رابطينك
الكلب قعد ينبح بصوت عالي
ماريا:ضم فمك فضحتنا
استمر الكلب ينبح ويجري يحاول يفك نفسه واللوحه متحملتش ونفكت
هجم الكلب ع ماريا لين طاحت في الطين وقعدت تعافر فيه وتعيط حست ان نهايتها قربت ع يد كلب امير الاسود الكبير يلي كان متوحش ويخوف لكن في اخر لحضه الكلب رجع مكان وقعمز
ناضت ماريا وهيا ترعش لما شافت شخص مدلها يده
مسكت يده وناضت وقلبها بيطلع شنو بتقول لي خوها امير ؟؟؟
ليش موجوده هنايا !!!!
بس لما وقفت وبانلها الضي انصدمت!!!!
ماريا:داهشه والطين مغطي ملابسها وشوي من وجها ....اءء اء انت مني!!!!!
جاوبها صوت رجولي بي اسمه.....أرسولان ....يتبع
