رواية لماذا يا ابي الفصل الثاني 2 بقلم ام عائشة
انتهى لؤى من محاضراته وذهب لوالده الذى لا يعرف احد انه والده سوى مازن وزياد
السكرتيرة: باشمهندس طارق فى واحد عايز يقابل حضرتك
طارق الصياد :مين؟؟؟
السكرتيرة:بيقول اسمه لؤى طارق يافندم
طارق الصياد:مين؟!.....طب دخليه
وما ان دخل لؤى الى المكتب حتى هجم عليه ابوه وامسكه من ذراعه وقال:
ايه اللى انت عملته ده
لؤى باظهار عدم الفهم:عملت ايه
طارق الصياد:انا مش قلت لك ميت مرة اسمك لؤى عادل .فاهم ولاافهمك بطريقتى؟
لؤى بانكسار : فاهم يابابا
غضب طارق عندما لفظ هذه الكلمة(بابا).وقال:اخلص جاى ليه انا مش فاضى لك
لؤى:انا كنت عايز ....عايز عربيه بعد اذنك
طارق الصياد:نعم يا خويا عايز ايه..قال عربيه قال ..قوم امشى من هنا بدل ما اطلعهم عليك
لؤى :ليه لا ،،ما انت جايب لكريم ابنك وهوا اصغر منى اشمعنى انا حارمنى من كل حا....قاطعه والده :كريم اه قولتلى بقا ...انت مالك انا اجيب لهم اللى هما عايزينه انت لا ويلا غور بلاش كلام فاضى (كان طارق يتعمد ان يغضب لؤى ويحطمه الا اقصى درجه .،وهتعرفوا السبب بعدين)
خرج لؤى حزينا على معامله والده والتفريق بينه وبين اخوته بهذا الشكل
***************
ذهب لؤى الى منزلة وانكب ع مذاكرته يفرغ فيها كل غضبه فهو يعشق العلم ولا يمل منه ابدا
******/************
على الجانب الآخر
فى قصر طارق الصياد
حضر كريم كعادته الى المنزل كعادته متاخرا
طارق :ما لسه بدرى يااستاذ ايه اللى اخرك لحد دلوقتى
كريم :اتاخرت فين بس يا بابا ماانا جيت ع معاد العشا اهو
نور:طبعا هوا حد يقدر يتاخر على مواعيد الاكل دى اشياء مقدسه عند ماما
دى كانت الدنيا تتقلب
كريم:طيب ياختى نقطينا بسكاتك
طارق:كريم ده اخر تحذير لك ،انت لو ما اتلمتش وعديت السنه دى بتقدير كويس انت عارف هعمل فيك ايه !!!
كريم :يا بابا ما انا بذاكر اهوه هيه بس كليه الطب دى صعبه اوى
طارق:ولد !!!!
كريم :حاضر حاضر هطلع اذاكر ،بعد عايز اكل جعاااان
صافى هانم :خلاص بقا يا طارق سيبه ياكل معاد العشا جه وانت عارف مبحبش نتاخر ع مواعيد الاكل .....وشرعوا جميعا على تناول الطعام
نور :بابا ممكن اطلب من حضرتك طلب
طارق : خير يابنتى فى ايه
نور: بابا كنت عايزة عربيه ،بدل التكسيات كل يوم
طارق: نعم تكسيات ايه ..انتى اخوكى بيوصلك كل يوم الصبح
وانا ببعت لك العربيه بالسواق يرجعك البيت بعد الجامعه
نور :بس بابا كل صاحباتى عندهم عربيات ،،،يرضيك نور الصياد بنت باشمهندس طارق الصياد مش معاها عربيه
كريم :انتى لسه صغيرة ..
نور: وانت مالك انت .انا ف اولى جامعه مش صغيرة
صافى هانم :خلاص ياطارق هات لها اللى هيا عايزاه
طارق وقد خطرت بباله فكرة
طارق :خلاص تمام بكرة اخدك مركز التدريب وتتطلعى الرخصه
وبعدين يبقى عندك احسن عربيه
نور بفرحه :بجد انا مش مصدقه وقامت باحتضان والدها من الخلف وهو جالس وقالت شكرا شكرا يااحلى اب بالدنيا
طارق : بنظره خبيثه العفو ياروحى ..وقال ف نفسه ده انتى سهلتى عليا كتير
