أخر الاخبار

رواية اللقا نصيب الفصل الثاني 2 بقلم هند محمد هنودة

رواية اللقا نصيب الفصل الثاني 2 بقلم هند محمد هنودة

 لفصل التاني

دعواتكم ليا حبيباتي 💕💕💕💕
قراءه ممتعه

ف بيت ريحانه
كانت قاعده سرحانه انهارده العريس جاي وهي مش عارفه هي ازاي وافقت تقابله كده
ايه ياريحانه هتوافقي عليه والا ايه. طب وابنك لو موافقش عليه هتعملي ايه
اتفزعت.. لا لايمكن انا اصلا هتجوز عشانه يقوم يحرمني منه استحاله
ريحانه :يارب خليك معايا انا مش حمل بهدله والنبي يارب

بعد وقت طويل
حضر العريس ووالدته
ربنا يستر🙈🙈
بعد السلامات والترحاب والمشاريب
ميرفت والدة العريس :امال عروستنا فين
سعاد :حاضر ثواني
حضرت ريحانه وسلمت عليهم وقعدت
نادر العريس ": ازيك
ريحانه بخجل :الحمد لله
ميرفت :عروستنا بتتكسف والا ايه
سعاد :هههههه انتي عارفه البنات ف المواقف الي زي دي
ميرفت بتهكم :اه مع انها مش اول مره
بعد هذه الجمله قلقت ريحانه جدا

بعد كلام كتير ومشاورات
ميرفت :الجواز بقي بسرعه قولتي ايه ياسعاد
سعاد :مفيش مشكله
ريحانه :بالسرعه دي
نادر :في اي مشاكل
لا برئ يلا... يالهوي اسفه اني اتكلمت اعمل ايه لساني
ريحانه :ادوني وقت شويه كده افكر
ميرفت :هتفكري ف ايه كل حاجه جاهزه متقلقيش ونادر جاهز مش فاضل غيرك وخير البر عاجله
سعاد :يلا بقي ياريحانه عداهم العيب الف مبروك يابنتي وزغردت
وحاولت ريحانه تعترض تاني مقدرتش وتمت الليله بعد قراءه الفاتحه والاتفاق ع الجواز بعد شهر

ف بيت يوسف
فريده :سيده هاتيلي القهوه
بعد وقت
دخلت اوضتها وقفلت ع نفسها
طلغت نفس الصندوق وفضلت تتفحصه بحزن وطلعت ورق مهم جدا وبصت فيه ودمعت
فريده :الله يسامحك حرمتني من احلي حاجه كانت هتسعدني . وكل ده ليه عشانه الله يسامحك بقي مت وسبتهولي اربيه بس مش ههنيه ع حاجه كل جوازه هخربها عليه عشان يتعذب بذنبك انت ومش هيعرف حاجه الا لما انا اعوذ اعرفه.
وحطت الاوراق ف الصندوق وعنته وخرجت

بعد وقت كبير
رجع يوسف من بره
طلع لفوق غير ونزل
دور ع امه ملقهاش
خرج بره ف الجنينه لقاها بتتمشي

يوسف :بدور عليكي حبيبتي. الجو هنا يجنن صح
فريده بضحك :اه يجنن. جيت امتي
يوسف :من شويه اتعشيتي والا مستنياني
فريده :اه مستنياك يلا بينا
ودخلوا اتعشوا وشويه وطلعوا يناموا
مملين صح ههههه بس لسه التقيل والمتعه جايه... يااااختي
........
ف منزل حسام
رجع من بره تعبان كالعاده من كتر الشغل
استقبلته بنته مريم . جريت عليه بضحك
مريم :بابي وحشتني
حسام :حبيبه قلب بابي لسه صاحيه مش عوايدك يعني
مريم :بكره مفيش حضانه
حسام :امممم عشان كده
مشيره :حمد الله ع سلامتك يابني
حسام بتعب :الله يسلمك ياحبيبتي جعان جدا ممكن
مشيره :غير وتعالي احنا اصلا مستنينك
حسام :ماشي
مريم :بابي هي مامي فين
مشيره :يالهوي
حسام بتكشيره :فين ياحبيبتي. هي مش هنا والا ايه ياماما
مشيره :هااا لا يابني
حسام :نننننننعم يعني ايه الساعه 10 بالليل والهانم مش هنا قالتلك رايحه فين
مشيره بتوتر :ها لا بس زمانها جايه متقلقش
حسام :والله. وطلع فونه اتصل عليها مردتش
والله عال الهانم مبتردش لما تجيلي يامايسه الزفت
مشيره :استهدي بالله يابني زمانها جايه
بعد وقت كبير

الساعه :12ص
رجت مايسه البيت وعادي جدا
لقت حسام ومشيره ف انتظارها

مايسه : مساء الخير
حسام قام ناحيتها وحط ايده ف جيوبه
ما لسه بدري ياهانم
مايسه :انت جيت
حسام :لا لسه بره. كنتي فين لدلوقتي ومع مين
مايسه 'مع اصحابي
مسكهامن شعرها
مايسه :اااااه
حسام :كنتي فين ياصايعه يا الي ملكيش كبير
مشيره :اهدي يابني
حسام :انطقي
مايسه خلصا نفسها منه وبعدت
بقولك ايه ملكش دعوه بيا
حسام :نعم ليه مش جوزك انا والا ايه
مايسه :هههههه جوزي هو فين ده ياحبيبي كل واحد نايم ف اوضه وبعيد عني ولا حتي بتقربلي يبقي ايه جواز ده والا ايه

حسام :انتي الي عارفه احنا مش قابلين بعض وانتي عايشه هنا عشان مريم وبس وانتي راضيه بكده. متغيريش الموضوع كنتي فين لدلوقتي
مايسه :قولتلك كنت سهرانه مع اصحابي

حسام:ومقولتليش ليه والا ملكيش راجل
مايسه :انت مشغول ومبتردش
حسام:بس انتي مرنتيش
مايسه :مش هتفرق. انا تعبانه وعايزه انام
مسكها من دراعها جامد

حسام :قسما بالله لو اتكرر دي تاني لهطلقك يامايسه وهرميكي بره ومش هتشوفي بنتك تاني
مايسه :انت بتهددني
حسام :ايوع بهددك والله لهرميكي بره ومفيش خروج الا باذني. يلا غوري

مشيره :اهدي يابني معلش هي كده
حسام 'ايه هي كده ازاي قوليلي ياماما مخبيه عني ايه

حكتله ع خروجتها الكتير من غير اذنه بس كانت بترجع بدري دي اول مره تتاخر

حسام :معرفتنيش ليه والا انا طرطور هنا
مشيره :لا يابني بس كنت خايفه ومش عارفه اقولك والا لا
حسام :والله لهرميها ان قررتها واديني بقولك اهو

وطلع ينام
.......
تاني يوم
ف شركه الشربيني
ساره راحت بدري شويه عن ميعادها طلعت ع المكتب ملقتش سهام وصلت قعدت ع المكتب وبدات شغلها
حسام صحي بدري معرفش ينام من التفكير ف الي بتعمله مايسه وبيفكر يطلقها بقي ويرتاح بس بنته هيتمها وامها عايشه.
قام خد دوش ولبس ونزل ملقاش حد صاحي لسه بدري شويه
خرج ركب عربيته وراح ع الشركه حتي مستناش السواق وراح هو

دخل الشركه ومنها للمكتب ملقاش سهام ع مكتبها بص ف ساعته لقاها لسه نصف ساعه ع ميعادها
جه يدخل ع مكتبه سمع صوت انثوي رقيق اينعم مش اول مره يسمع صوت حلو بس ده فيه حزن وشجن غريب

وقف يسمع مين دي مع انها مش عادته بس ميعرفش ليه راح ناحيه الصوت ووقف

ساره : لا خلاص مش هروح هناك تاني انا اجرت شقه ع ادي كده وخلاص
..............
ساره :قولتلك مش جايه انا قبضت شهر مقدم عشان اعرف ادبر نفسي شكرا ليكي
........
ساره :ماشي شكرا لسؤالك مع السلامه
وقفلت
ساره :اووووووووف ياربي اعمل ايه دي لزقه امال لو كنا اصحاب كانت عملت ايه كل ده عشان اتعرفنا ع بعض ف البنسيون يبقي خلاص
شكلها بت شمال وعايزه تخليني زيها يارب انا مليش غيرك ينجدني يارب

حسام اول مالمحها قلبه وقف. ايه الجمال ده معقوله ف كدع
وصف ساره (محجبه. قمحيه البشره بس فاتح. عيون زرق لوالدتها. رفيعه جدا تكاد تكون 60 ك. خجوله لدرجه تشل)

كانت واقفه بتجيب ملفات من مكان بيعينوا فيه الملفات المهمه. حست ان ف حد بيراقبها بصت وراها ملقتش حد
اول مالمح انها هتبص عليه استخبي وميعرفش ليه

دخل مكتبه ع طول وقفل عليه
قعد ع مكتبه وهو مستغرب نفسه ازاي وقف يبصلها وليه استخبي. طب مين دي وليه مروحتش تكلمها

حسام لنفسه :ايه ياحسام اهدا كده ف ايه دي حته بت ممكن تكون السكرتيره الجديده او غيرها مالك كده اول مره تشوف حريم. انا احسن حاجه اشوف شغلي
وانهمك ف عمله

بعد فتره
جت سهام ودخلت مكتب حسام لقته جوا
خرجت وعرفت ساره الي استغربت انه جوا وهي مشافتهوش

ساره :جوا. طب جه امتي
سهام :بقاله ساعه انتي مشوفتيهوش والا ايه
ساره :لا يمكن جه لما كنت جوا ف مكتب الملفات
سهام :طب يلا ادخلي هو مستنيكي
ساره باستغراب :عايزني؟ طب مقلكيش ليه
سهام بضحك :هههه مالك كده مسهمه عادي عايزك ف شغل خايفه كده ليه
ساره :"ها.. لا مفيش انا... هدخل اهو
ودخلت وهي متردده مش عارفه ليه
خبطت واذن ليها ودخلت

كان واقف مديها ضهره وقلبه بيدق مش عارف ليه
ساره :احمممم حضرتك طلبتني
لفلها وبصلها بصه تنحت ليها
وهو استغربها كمان
ساره :حضرتك طلبتني يافندم
قعد ع كرسيه
حسام :انتي ساره السكرتيره الجديده
ساره :ايوه يافندم
حسام :اقعدي ياساره
تنحت له
ساره :هاااا
حسام بابتسامه :اقعدي في حاجه
ساره :احممم لا عادي
وقعدت
حسام :ها عامله ايه ف الشغل
ساره بتوتر من نظره عنيه :احم الحمد لله بحاول... افهم
حس بتوترها
حسام ملاطفا للجو:طب الحمد لله سهام قربت تولد وخفت متستوعبيش الشغل بسرعه كويس انك فهمتي ع طول
ساره بابتسامه دوبته :لا متخافش بستوعب بسرعه الحمد لله

تاه ف ابتسامتها وعيونها الي دوبوه مش عارف ازاي بسرعه كده
حاول يبعد عيونه عن عيونها معرفش فخلاها تخرج لحسن يتهور والا حاجه
حسام :ماشي اتفضلي هاتيلي الورق الي سهام هتديهولك بسرعه
قضبت مابين حاجبيها بغير فهم وخرجت
ساره :حاضر

اول ماخرجت خد نفس كبير جداااااا

تعليقات



حجم الخط
+
16
-
تباعد السطور
+
2
-
close