رواية احبك يا بنت عمي الفصل الخامس عشر 15
بحبك يابنت عمى
الحلقه 15
وحين تجد من تحب لا تتكبر على مشاعرك والا خسرته وندمت
.........................
مى,,,,,ها مطعم ايه
مازن,,,مش عارفه مطعم ايه, الى بتشتغل فيه
مى,,,اه بشتغل انت مالك
مازن,,,يعنى ايه انا مالى ,انتى ناسيه انتى بنت مين
مى,,,, بنت مين ؟
مازن,,,,بنت احمد القاضى, بنت اشهر عايله فالقاهره
مى,,,, بنت عمك يعنى ؟
مازن,,,,اه طبعا بنت عمى
مى ابتسمت,,, ومازن اول ماشاف ابتسامتها سكت وحس انه مبسوط
مازن,,,, ايه
مى,,,,اصلك اعترفت انى بنت عمك
مازن,,,, لا انا اقصد قدام الناس
مى,,,,بئه كده, طيب اسمع بئه انا اشتغل براحتى امال هصرف منين
مازن,,,انا هديكى الى انتى عوزاه
مى,,,,وانا مش عاوزه منك حاجه
ومسكت مازن من ايده وطلعته من الاوضه
مازن اول مامسكت ايده مسكها هو كمان ومكنش عارف هو حاسس بأيه
مى,,,سيب ايدى
مازن ,,,,قرب من عنين مى لا مش هسبها
مى,,,,مازن انت جرالك ايه سيب ايدى
مازن,,,طيب سيبى الشغل
مى,,,لا مش هسيبه انا مش هأخد منك قرش واحد , انا اكرملى اغسل الاطباق فى مطعم ولا انى احتاج لواحد زيك
مازن اول ماسمع كلامها داس على ايدها جامد
مى,,,اااه وجعتنى
مازن ساب ايدها بسرعه , انا اسف مقصدتش
مى,,,, انت قولت ايه
مازن,,,قولت مقصدتش
مى,,لالا الى قبل مقصدتش
مازن,,,,اسف
مى,,,معقول مازن القاضى يتأسف
مازن,,,, قرب منها وبحنيه يسلام وفيها ايه
مى,,,,عشان انت مفروض تقولى اسف على حاجات كتير
مازن,,,,طيب انا مستعد بس تسيبى الشغل
مى,,,معقول لا مش مصدقه
مازن,,,,انا نفسى مش عارف بقول ايه اظاهر فيه وحده كده غيرتنى
مى,,,ههههههههههه لا مصدقش ان حد ممكن يغيرك
مازن,,,,ضحكتك حلوه على فكره
مى,,,ايه ده انت هتعاكس ولا ايه
مازن,,,هو فيه حد يعاكس بنت عمه
مى,,,, بنت ايه ؟
مازن,,,ايوه انتى بنت عمى
مى,,,, يعنى خلاص اعترفت
مازن ايوه , ها هتسيبى الشغل
مى لا مش قبل ماتتأسفلى على حاجات كتير
مازن ,,,ماشى ياستى وانا مستعد
مى,,,اول حاجه انك خلتنى اتبهدل فى الموصلات
مازن,,,,انا اسف انى سببتلك بهدله فى الموصلات
مى,,,تانى حاجه انك قولتلى انى بشحت منك
مازن,,,انا اسفه انى قولتلك الكلمه دى ومن النهارده فلوسى هى فلوسك
مى مستغربه اووى من كلام مازن ومش مصدقه ان ده هو مازن المغرور الى هى تعرفه
مى تالت حاجه انك احرجتنى وانا بأكل معاكم على السفره
مازن قرب من مى اوى,,,انا اسف على كل حاجه عملتها وزعلتك منى
مى,,,مش مصدقه
مازن,,,لا صدقى ومن بكره تفطرى معانا وتسيبى الشغل ماشى
مى ,,,سكتت
مازن ,,,ها ماشى
مى,,,حاضر
مى,,,هو ايه سبب التغيير ده
مازن,,,انتى ومشى
مى قعدت سرحانه شوى انا
مازن رجع اه نسيت اقولك على حاجه
مى ايه
مازن,,,,تصبحى على خير يابنت عمى
مى,,,وانت من اهله
مازن دخل اوضته وكلن مبسووط اووى, هو ايه الجنان الى انا عملته ده كل ده عشان مسكة ايدها ,, عملتى فيا ايه يامى ,غيرتى مازن, مش مهم كل ده المهم انى مبسوط اووى
مى,,,دخلت اوضتها وهى مش مصدقه ان ده مازن وكانت مبسوطه اوى بكلامه وحاسه بحاجه غريبه فقلبها
الصبح
مى ,,,خارجه من الاوضه لقيت وليد فوشها
وليد.... ايه القمر
مى,,,نعم
وليد نعم ايه بس وقرب من مى اوى
مى,,,ماتحترم نفسك ونزلت جرى على السلم لقيت الكل بيفطر
مازن تعالى يامى افطرى
ليلى وهبه استغربو تغير مازن
مى,,,حاضر
وفطرو وبعد كده مى قالت انا هقوم عشان اخرت
مازن ,,,انا قولت للسواق يوصلك
مى,,,حاضر ,,مازن كنت عوزاك برا
مازن حاضر
ليلى وهبه قاعدين هيتشلو من تغير مازن
مازن ,,,خير يامى
مى,,,الى اسمه وليد ده اذاى هتخليه يقعد قصاد اوضتى
مازن,,, وفيها ايه
مى,,,هو انت بتتغير من يوم وليله
مازن,,,, ايه يامى مفهاش حاجه يعنى
مى ,,,انت مش خايف عليا, ماشى يامازن ,سلام ,وركبت العربيه ومشيت
مازن,,,مالها دى ,وخد عربيته وراح الشركه
على السفره
هبه انا هقوم اروح الشغل
ليلى ,,,,ماشى ياقلبى
وليد,,,البت مى دى عجبانى اوى ياخالتى
ليلى,,,,مفيش حاجه تغلى عليك
وليد,,,,يعنى ايه
ليلى,,,يعنى الى انت عاوزه هتاخده
