recent
روايات مكتبة حواء

رواية احبك يا بنت عمي الفصل الثالث عشر 13

رواية احبك يا بنت عمي الفصل الثالث عشر 13

 الحلقه 13

هو احنا ليه بنجرح ناس بنحبها ناس مننا وعلينا عشان بس عقلنا رافض يصدق قلبنا
...............................................
مى صحيت بدرى عشان تعوض الايام الى راحت منها وبما انه الجمعه كمان اجازه من الشغل
مى قعدت تذاكر ساعتين وحست بالجوع خدت الكتب بتاعتها وحطتها فى الجنينه وخرجت تجيب اكل
مازن كان صاحى وواقف فى البلكونه وشافها حطت الكتب وخرجت وقال لنفسه رايحه فين دى هستنا اشوف يامى
مازن خد شاور وطلع بص من البلكونه لقى مى جايبه اكل وقهوه من برا وبتفطر اتغاظ اوى ونزل يكلمها
مازن,,,ايه ده
مى,,,الناس تقول صباح الخير الاول ولا احنا مش قد المقام
طبعا مازن متكبر ورافض يكلمها بأسلوب احسن
مازن,,,بقولك ايه ده
مى,,,ايه فطار
مازن,,,وخرجتى جبتى من برا ليه ما احنا هنفطر بعد شويه
مى,,,بس انا مش بأكل معاكم
مازن,,,ليه مش قد مقام حضرتك
مى,,,,لا يا باش مهندس , انا عندى كرامه ومحبش حد يحسسنى انى بشحت منه حتى الاكل
مازن لسه هيتكلم موبيل مى رن
مى,,,الو صباح الخير يادكتر
حسام,,,صباح الخير يامى عامله ايه
مى,,,الحمد لله وانت اخبارك ايه
طبعا مازن متغاظ اوى ومش عارف هو ليه مدايق متكلم الى تكلمه
حسام,,,,انا تمام انا بس حبيت اطمن عليكى مكنتيش مركزه فى السكشن امبارح
مى,,,فيك الخير والله يادكتر حسام مهو محدش بيسأل عليا غيرك انت وساره
مازن,,,واقف وعاوز يضربها ومى حست بكده فكانت بتغيظه اكتر
حسام,,,انتى تستاهلى كل خير يله مش هعطلك
مى,,اوك يادكتر وشكرا علة سؤالك
حسام,,,مفيش شكر بينا , سلام
مى,,,سلام
مازن,,,مين ده
مى,,,وانت مالك
مازن,,,يعنى ايه انا مالى, وايه محدش بيسأل عليا غيرك دى
مى,,,مادى الحقيقه محدش بيسأل عليا غيره هو وساره, عمرك كلفت نفسك وسألتنى انا محتاجه ايه يا ابن عمى,,ولا ااه نسيت انت مش بتعتبرنى بنت عمك اصلا
مازن,,,اه مش بعتبرك بنت عمى ولا هعتبرك
مى غصب عنها نزلت من دمعه
مازن حس ان قلبه وجعه اوى اول ماشاف دموعها لسه هيتكلم
مى,,,ممكن لو سمحت تسبنى وحدى عاوزه اذاكر
مازن مشى ومنطقش ولا كلمه
مى مسحت دموعها وقعدت تذاكر
مازن كان مخنوق وخد عربيته وخرج
وهو سايق بيكلم نفسه
انا ليه قلبى وجعنى كده اول ماشفت دموعها , انا ادايقت اوى كده اول ماسمعتها بتكلم واحد ,ومين حسام ده كمان ياترى يامى بتحبيه ولا ايه
مازن قعد يفكر كتير وقرر انه يتجاهل مى ويسبها تعمل الى تعمله
عدا اسبوع ومى من الكليه للشغل وكانت ترجع البيت متأخر , ومازن كان بيستنا يشفها كل يوم ,ويطمن عليها من غير مايسألها ,لانه مكنش بيعرف ينام من غير مايشفها ومكنش عارف هو ليه بيضعف كده
فيوم كان اجازة مى بتكلم ساره ومازن عدا من قدام الباب وسمع كل الكلام
ساره,,ها يابنتى ماما عزماكى النهاردع على الغدا هتيجى
مى,,طبعا جايه انا بقالى 15 يوم عايشه على الشبسى والجبنه وحشتنى اللحمه
ساره,,,ههههههه ياحرام ليه مش بتكلى فى المطعم
مى,,,لا والله مش بأكل , والله شغل المطعم ده تاعبنى اوى وايديا ورجليا بتوجعنى ومش بعرف اذاكر
ساره ,,, معلش ياحبيبتى , ومازن مش عمل حاجه
مى,,,مازن لو عليه عاوز يطردنى من البيت , وميعرفش اى حاجه عنى ولا بيسأل نفسه انا بصرف منين ولا بأكل منين
طبعا مازن سامع الكلام ده وزعل اوى
ساره,,معلش هانت عمك هييجى ويريحك
مى امتا ,,بس ييجى عمى انا تعبت انا مليش غيره اصلا
ساره,,وانا رحت فين يختى
مى,,,ربنا يخليكى ليا يارب
ساره,,طيب انا هقفل عشان اساعد ماما فى المطبخ
مى,,,,ايون ظبطى صحبتك جعانه هههههه
ساره,,,,هههههههه من عنيا يله سلام
مى,,,سلام
مازن راح على اوضته وهو زعلان اوى
ايه الى انت عملته ده يامازن , مى بتشتغل معقول عشان تصرف على نفسها, بقالها 15 يوم مش بتأكل , وفجأه لقى دمعه من عنيه نزلت
ايه ده, انا بعيط , لا مستحيل , ويرد على نفسه , خلاص يامازن استسلم انت بتحبها بقالك اسبوع هتجنن عشان هى مش بتكلمك, دنته حتى اما كانت بتتخانق معاك بتحس فرحه لمجرد انك بس شفتها او هى كلمتك
طيب وبعديييين يامى شكلى كده
بحبك يابنت عمى ولا ايه
ونكمل الحلقه الجايه

google-playkhamsatmostaqltradent