رواية اصبحت اسيرته الفصل الثالث عشر 13 بقلم سمسم
((أصبحت أسيرته))
الجزء الثالث عشرچواد......تالين
تالين.......نعم يا قلب تالين
چواد.....انا
لم يستطيع اكمال كلامه ولكنه اطلق تنهيدة قوية
تالين.....ايه التنهيدة دى كلها
چواد.....كل ما حاول اقنع نفسى انى اسامحك افتكر اللى حصل ببقى نفسى اكسر دماغك يا تالين
تالين.....واهون عليك
چواد.....ماهو علشان انا بحبك وكمان انتى حامل هو ده اللى سكتنى
تالين..... ياريتك كنت عملت اى حاجة بس متبعدش عنى ياروحى
چواد....مش قادر انسى يا تالين
تالين.....وبعدين هنفضل طول عمرنا كده
چواد......مش طول عمرنا ولا حاجة بس لما اقدر اسامحك
تالين.....طب وبعدين
چواد....انا همشى
تالين....برضو مصر على رأيك
چواد....صدقينى نفسى ارجع زى الاول بس لو رجعت دلوقتى هيبقى فى حاجز بينا
تالين.... هسيبك تمشى يا چواد بس متصدنيش لما احاول اصالحك هعتبر الفترة دى كأننا مخطوبين
چواد... اقتراح كويس
تالين.....بس ياريت متتقلش عليا أوى
چواد بابتسامة ......انتى وشطارتك
تالين.....وانا مش همل ولا هزهق لازم نرجع زى الاول
چواد....هنشوف انا ماشى دلوقتى
تالين.....طب ممكن طلب قبل ما تمشى
چواد.....عايزة ايه
تالين.....عايزة حضن احضنى جامد
قام چواد باحتضانها وكان يشعر انه سيتخلى عن عناده بمجرد ان اخذها بين ذراعيه ولكنه تدارك نفسه
چواد..... عايزة حاجة تانى
تالين......ده كفاية لحد دلوقتى
..........
فى الصباح
نزلت تالين ووجدت حماتها وديما يجلسون لتناول الإفطار
تالين.....صباح الخير
كريمة..... صباح النور
ديما.....مكتوب على وشك الفشل
تالين.....بس اسكتى متفكرنيش
ديما......دا انتى عاملة ولا اللى راجعين من حرب الاستنزاف
تالين......حرب الاستنزاف والنكسة وكل اللى نفسك فيه دى دماغه انشف من الحجر
كريمة.....ماهو اصل عيب ست تمد ايدها على جوزها
تالين بتوتر.......هو چواد اللى قالك
كريمة.....لاء مش چواد
تالين.....امال مين اه خلاص عرفت انتى يا ديما صح
ديما....هاا مين انا لا ابدا
تالين....لا والله مش انتى اللى قولتلها
كريمة ....مش مهم مين اللى قالى المهم هتصلحى مصيبتك دى ازاى
تالين.....انا مش عارفة اعمل ايه تانى مع ابنك
ديما.....اتلحلحى شوية يا فاشلة
تالين..... بلاش الكلمة دى بتعصبنى
ديما.....طب يا فاشلة يا فاشلة
تالين....والله البسك طبق الاومليت فى وشك
كريمة...هو ده وقت خناقكم
تالين.....خليها تسكت الرخمة دى
ديما....هو انا بقيت رخمة وانتى السبب منك لله زعلتى چواد مش لاقية حد ارخم عليه وانرفزه
تالين.....والله دا تلاقيه مش راضى يرجع بسبب رخامتك
ديما.....وانا اللى كنت هقولك تصالحيه ازاى
تالين بأمل......ازاى قولى بقى
ديما.....دا انتى واقعة أوى
تالين.....واقعة من الدور العاشر اخلصى وقولى بقى اصالحه ازاى
ديما.....چواد عيد ميلاده بعد يومين وهتصالحيه يوم عيد ميلاده بس مش هنا هناك فى شقته
تالين.....ازاى يعنى
كريمة.....انا معايا مفتاح احتياطى للشقة هدهولك روحى انتى وديما جهزوا الشقة واعمليله جو حلو كده
تالين....ولو روحت وعملت كده وكسفنى كالعادة هعمل ايه
ديما.....اخرجى من عنده وعلى النيل عدل وانتحرى
تالين......هههههه ظريفة اوى على فكرة يا ماما انا هروح اطمن على بسام علشان بابا وماما سافروا
كريمة.....ماشى يا حبيبتى
ديما.....هاجى معاكى
تالين.....انتى راشقة فى اى مصلحة
ديما.....اه اذا كان عاجبك
...........
فى منزل والد تالين
تالين......يا حلاوة دا بسام عامل الشقة ولا مقلب الزبالة
ديما.....دا واخد راحته على الاخر
تالين.....يلا بقى يا حلوة ساعدينى نروق الشقة
ديما.....مين انا
تالين.....امال خيالك
ديما.....انا ايه اللى خلانى اقولك اجى معاكى
اثناء تواجد تالين فى المطبخ رن جرس الباب
تالين.....افتحى الباب يا ديما
ديما....ماهو انا الشغالة اللى جيباها معاكى
تالين.....اخلصى وافتحى الباب
فتحت ديما الباب وكان سليم
ديما..... ايوة مين حضرتك
سليم.....هو انا غلطت فى الشقة ولا ايه
ديما.....حضرتك عايز مين
تالين.....مين اللى على الباب
ديما....مش عارفة واحد باين عليه تايه
تالين....ايه ده سليم
سليم....ازيك يا تالين
تالين....تمام اتفضل بسام جوا
سليم....امال مين دى هى امك كانت مخلفة بنت غيرك وانا معرفش
تالين....ههههه دى قريبة جوزى ديما وده يبقى سليم ابن خالتى
سليم...... ادى القرايب ولا بلاش
شعرت ديما بالاحراج من كلام سليم
سليم....... اهلا
ديما.....اهلا بيك
لم تعرف ديما ماهذا الشعور الغريب الذى تسلل الى قلبها منذ ان قابلت سليم
............
قامت تالين بالاتصال على زوجها فقد بدأ چواد فى اللين من ناحية تالين وهى تنتظر الوقت الذى يسامحها بشكل نهائي
تالين......وحشتنى
چواد.....وانتى كمان
تالين.....وانا كمان ايه
چواد......وحشتينى اوى يا عمرى
تالين....يااااه بقالى كتير مسمعتهاش منك يا چواد
قامت تالين بارسال اغنية المطربة صباح ((الحلو ليه تقلان اوى)) الى چواد
عندما قام چواد بسماع الاغنية ابتسم على محاولات زوجته فى استمالة قلبه من ناحيتها.
.........
فى المنزل
ديما.....مايلا بينا خلينا نشوف هنعمل ايه فى يومك ده
تالين.....اهدى شوية احسن مش هيحصلك كويس انا اصلا هرموناتى طافحة عليا
ديما....علشان نلحق نعمل جو فى الشقة كده قبل ما يرجع بس تعالى الاول اشتريلك فستان حلو كده تغريه بيه
تالين.....يلا يا اختى
قامت تالين وديما بشراء الفستان وايضا اشياء لتزيين الشقة وايضا تورته عليها صورة زوجها
............
فى شقة جواد
ديما.....خلاص كده تمام اوى كل حاجة جاهزة جاهزة يا حجة
تالين....هههه جاهزة يا بنى
ديما.....ياريت تفلحى بقى ومقومش من النوم الصبح الاقيك فى البيت هناك
تالين.....ماهو ناقك ده اللى جايبنى ورا
ديما.....سلام بقى انا همشى ماشى
تالين....ماشى مع السلامة
كانت الشقة مزينة بأجمل الورود وقامت بعمل قلب من الورد على السرير واضاءت الإضاءة الخافتة وظلت تنتظر زوجها
تالين.....بقولك ايه بقى يادى الساعة بلاش تتلكعى النهاردة يا ريت تمشى بسرعة
...........
فى الشركة
چواد..... خلاص كده فى حاجة تانية
السكرتيرة......فى واحد حضرتك بس من العملاء عايز يقابل حضرتك
چواد.....خلاص خليه يدخل
استغرق چواد وقت كبير مع هذا العميل
فى نفس الوقت كانت تالين تنتظر مجيئه وهى ترتدى فستان جعلها كتلة من الجمال
تالين......وبعدين بقى انا قربت انام وهو لسه مجاش
تأخر الوقت كثيرا ولم يحضر چواد
تالين ......بركات نقك يا ديما
........
فى الشركة
چواد.....انا خلاص ماشى دلوقتى
السكرتيرة.....مع السلامة يا افندم
چواد....حضريلى بكرة الملف بتاع العميل اللى كان هنا
السكرتيرة.....حاضر يا فندم
خرج چواد من الشركة متجها إلى المنزل ولكنه استغرب عدم اتصال تالين اليوم
................
فى الشقة
قام چواد بفتح باب الشقة وعندما حاول إضاءة النور سمع صوتها
تالين..... حمد الله على السلامة
چواد.....تالين انتى بتعملى ايه هنا
اضاءت تالين الانوار الخافتة وعندما رآها لم يصدق عينه فهى امامه مثل الحوريات بفستانها الجميل وشعرها الطويل ونظرة عينها التى تغريه بدون ان تتحدث
تالين.....كل سنة وانت طيب يا حبيبى
چواد.....وانتى حبيبتى
وذهبت اليه واخذها فى عناق حار جدا ليعوض ما فاته
تالين......بحبك
چواد..... بعشقك انتى اللى عملتى ده كله
تالين.....انا وديما
چواد.....انتوا بقيتوا اصحاب اوى
تالين.....الصراحة اكتشفت انها طيبة وعمايلها دى هبل مش اكتر
چواد.....دى احلى مفاجأة لما يبقى يوم عيد ميلادى وانتى بين ايديا
تالين...... عايزة ابقى بين ايدك على طول متعاقبنيش العقاب القاسى ده تانى
چواد بهمس...... خلاص يا عمرى مفيش عقاب تانى
تالين...... تعالى نقطع التورتة واتمنى امنية
چواد....اظن مفيش امنية احسن من انك انتى تكونى حبيبتى وام ابنى
تالين.....قصدك ام ولادك انا عايزة اخلف منك عيال كتير
چواد....كتير اوى يعنى
تالين.....كفاية عشرة
چواد....عشرة بس انتى خلفى ده بس الاول
تالين.....وحشتنى أوى اوى
چواد.....مش اكتر منى
ضمها اليه بكل قواه وخبأ وجهه فى خصلات شعرها الناعم وراح يداعب رأسها بحنان
تالين....ما تسيبنيش يا چواد
چواد.....مش هسيبك ابدا ابدا
.............
فى الصباح
مر الوقت سريعا كانت تالين لا تزال تستلقى على ذراعه تتنفس بارتياح والإبتسامة على ثغرها كم تمنت لو تبقى فى هذا الوضع ألاف السنين ولكنها تذكرت انها لم تأكل شىء منذ أمس فنهضت من مكانها
چواد...... راحة فين
تالين.....هعمل فطار
كان قلبها يخفق اكثر لان نظراته تكاد تتغلغل الى روحها
چواد....تعالى هنا
تالين .......انا مكلتش حاجة من امبارح
چواد.....خلاص ماشى احسن ما يغمى عليكى
ذهبت الى المطبخ لتحضير الإفطار ولحق بها چواد بعد ان تجهز للذهاب الى الشركة
وابتسم لها ابتسامة عريضة جعلت قلبها ينبض من الفرح
خلال الفطور خيم صمت جميل صمت العشاق
چواد.....انا لازم اروح الشركة
تالين.....ماشى يا حبيبى
چواد.....خليكى هنا متروحيش هنفضل هنا شوية
تالين.....ماشى
ضمها اليه بشوق فتنفست رائحته الساحرة
چواد.....انا لازم امشى دلوقتى والا مش همشى خالص
تالين.....ماشى يا روحى مع السلامة
نظرت اليه نظرة اخيره قبل خروجه وابتسمت له وهو غمزها باحدى عينيه فارتعش قلبها من الفرح
.................
فى غرفة جميلة تزين جدرانها صورة تلك الجميلة التى منذ ان انقذته وهو لا يفكر فى احد غيرها وخصوصا عيناها الخضراء التى لم يرى فى جمالها كان جالسا ينفث دخان سيكاره وسحابة من الدخان تكسو وجهه
كان يقف امامه ذلك الرجل وهو يرتعش من الخوف فهو منذ ان رجع الى مصر وهو يبحث عنها فى كل مكان حتى وجدها
.........انت قولت ايه
الرجل بخوف........بقول لحضرتك انها اتجوزت
عند سماعه هذا الكلام كسى وجهه سحابة من الغضب فمن تجرأ على خطف ملاكه المنقذ
........اتجوزت مين
الرجل.......اتجوزت رجل اعمال اسمه چواد النصراوى
.........من امتى
الرجل.......من كام شهر
........وانت ازاى متبعتش تقولى على اللى حصل
الرجل......حضرتك كل حاجة حصلت بسرعة هى اصلا كانت مخطوبة لواحد تانى وبعدين اتجوزت چواد النصراوى
..........انا عايز اعرف كل حاجة عن جوزها ده
الرجل......اوامرك بس فى حاجة كمان
........حاجة ايه
الرجل.......هى دلوقتى حامل
...........انت بتقول ايه
عند سماعه هذا الكلام تملكه الغضب الشديد من استطاع اخذ تالين منه وليس هذا فحسب بل انها اصبحت تحمل طفلاً
..........انا عايزك المراقبة تبقى 24 ساعة عليها وعلى جوزها
الرجل......وحضرتك ناوى على ايه
............ناوى أخلص من جوزها خالص
