recent
روايات مكتبة حواء

رواية طفلة عدوي الفصل الثاني عشر 12 بقلم رنا سليمان

الصفحة الرئيسية

رواية طفلة عدوي الفصل الثاني عشر 12 بقلم رنا سليمان

 لفصل الثاني عشر

بسم الله الرحمن الرحيم
واقف بيبص عليها بصدمة ومش فاهم هي بتقول ايه
ممدوح:بابا مين ال بتتكلمي عليه دا
انتي مين اصلا
هند ابتسمت وقربت منه
هند:يعني انت مش عارفني يا ممدوح بيه
ممدوح:انا شوفتك قبل كده في مكتبي وجيتي وطلبتي انك تشتغلي سكرتيرة في الشركة وانا رفضت وطردك
بس انتي بتعملي اية هنا وجايالي ليه
هند:ما انت ذاكرتك قويه اهو وفاكر كانت
ويا تري بقي فاكر بنتك ال رميتها في الشارع اول ما اتولدت وخرجت للدنيا وانت شوفتها بعد اسبوع رميتها في الشارع وسط الزبالة ومسألتش فيها
بصالها ب صدمة وفضل ساكت اتكلم ب صعوبة
ممدوح:اا انتي
كملت كلامها
هند:ايوة انا يا ممدوح بيه
انا البنت ال رميتها في الشارع وكأنها كانت نتيجة غلطة انت ارتكبتها وبتحاول تخلص نفسك منها
انا بنتك ال انت رميتها ومهتمتش بيها والست ال كانت بتشتغل عندك قلبها كان احن عليا منك ومهانش عليها انها تسيبني مرمية في الشارع و حاولت تعمل ال تقدر عليه ودخلتني دار ايتام في اسكندريه علشان تطمن اني هعيش حياه كويسة والوحيدة ال مكانتش بتسبني رغم بعد اهلي وكرهم ليا حتي امي ال كانت بتيجي تشوفني كل فين وفين كانت بتيجي في السر
بنتك ال فضلت حياتها كلها تتعلم وتدرس وتشتغل لحد ما وصلت للمكان ال انا فيه دلوقتي دا علشان اكون احسن واشطر محامية واقدر اكون قدامك دلوقتي واخد حقي منك واندمك على ال انت عمالته فيا زمان ورميتك ليا دي
كان واقف باصصلها وهو ساكت ومش قادر يتكلم ولا عارف يقول ايه
ممدوح ل اول مرة يحس بندم تجاه حد
طول عمره شخص اقل ما يتقال عليه انه معندهوش قلب شخص طباعه غريبه كمية الحقد والكره ال في قلبه تجاه كل الناس كبيرة جدا في تفكيره ان ابوه فرق في المعامله بينه وبين اخوه وعلشان كده هو بيكره اخوه ال مش بس اخد حب ابوه منه لا دا كمان اخد حبيبته ال حبها زمان ممدوح فكر ان كل البنات خاينين بعد ما حبيبته سابته وراحت ل اخوه ميعرفش ان القلوب دي مش ب ايده ولا ب ايد غيره وان المكتوب ليه هو ال هيحبه وهيكون خير ليه
وعلشان خيانة حبيبته ليه دا بدأ يكره كل البنات ومبقاش يطيق يشوف اي بنت ودا السبب في انه يرمي بنته الاولي و يعذب بنته التانيه ال مكانش ليهم اي ذنب في ال حصاله دا ولا هما ولا اي ضحية ماتت أو اتعذبت بسببه وال هند قررت تجيب حق كل الضحايا دي منه
قعدت على الكرسي ال قدامه وهو واقف وباصص في الارض وحطيت رجل على رجل وابتسمت وبصاتله
هند:تفتكر اني ممكن اخرجك من هنا وهفضل شايفاك وانت بتتعذب في السجن وسط المجرمين وتاخد في الاخر اعدام على كل قضاياك السودا دي
فضل ساكت شوية وبعدين رفع راسه وبص في عينيها
ممدوح:انتي عندك حق في اي حاجه هتعمليها فيا ومحدش يقدر يلومك بس انا نفسي انك تديني فرصة تانيه علشان احاول اني هصلح ال انا عمالته فيكي زمان و اخليكي تسامحيني
فضلت باصة عليه وهي حاطه ايديها على خدها ومبتسمة
هند:هو المفروض اني اصدقك صح؟!
هو انت شايفني عيلة صغيرة هتضحك عليها ب كلمتين ولا اية
تصلح غلطة اية وتخليني اصلحك ازاي هو انا عيلة صغيرة كسرتلها لعبتها وجاي عايزها تسامحك
ملهوش داعي على فكرة الشو ال انت بتعمله دا لاني فاهماك كويس
متقلقش يا ممدوح بيه انا هخرجك من هنا ومش هسيبك زي ما سابتني زمان
قامت وعديت من جمبه ومشيت خطوتين وبعدين وقفت تاني
هند:اه صح
انا مش هعملك كده لله وللوطن انا ليا اتعابي وبصراحه انا اتعابي كبيرة شوية مهو انا مش ماسكة قضية قليله علشان اطلب فيها ملمين وخلاص دي تجارة مخدرات وسرقة وقتل كمان ف صعب اني اخرجك منها
وانا بقي مش هاخد اقل من 10 مليون جنيه علشان اقدر اخرجك من هنا
بصالها بصدمة
هند:افتكر ان دا حقي
وبعدين انت حر لو مش عايز تخرج من هنا دا قرارك بردو
سابته وخرجت من المكتب ولقيته واقف برا مستنيها
قرب منها بصاتله بحزن
هند: بصراحه يا كمال باشا القضية دي صعبة جدا وانا بصراحه خايفه اني مقدرش اني أكسبها عايزة بس حضرتك تديني فرصة يومين بس افكر وهرد على حضرتك
كمال:لا ارجوكي انا محتاج ان ممدوح بيه يخرج في أسرع وقت
هند: للدرجه دي خروجه يهمك
هز راسه ب اه وهو مش قادر يتكلم ولا يقولها اي حاجه علشان خايف علي حور
كمال:ارجوكي امسكي القضية دي وخرجيه منها
بصيتله ب حزن وهز رأسها ب ماشي
هند: اوعد حضرتك اني هحاول
عن اذنك
كمال: اتفضلي
مشيت وسابته وهو واقف محتار ومكانش عارف يعمل ايه ولا يتصرف ازاي وكل تفكيره كان في حور وكان خايف عليها وعايز يرجعها في اقرب وقت
اتبعتتله رسالة فتحها بسرعه وبص فيها وقراها
....:طول ما انت شاطر وبتسمع الكلام ال بنقولهولك وبتنفذه أتأكد ان البنت في أمان بس لو فكرت انك تغلط ولو غلطة صغيرة ف احنا كده هنعتبرك بتقولنا اخلصوا منها وانك مش عايزها خلاص
كان بيقرا الكلام وهو مش فاهم حاجه وعمال يبص حواليه ومش عارف مين ال بيعمل كده والسبب في كل دا وال بيعمل كده عايز منه اي
_____
فضل قاعد على السرير بيسمعلها ب صدمة وانه مش مصدق أن طه بيحبها وانه فتح قلبه للحب مرة تانيه
فضل حاطط التلفون على ودانه وهي بتتكلم بس مكانش مركز معاها خالص
يوسف شخص طيب وجدع ولما بيحب حد بيحبه من كل قلبه صعب انه يعترف ب حبه لحد مهما كان بيحبه يوسف صاحب جدع جدا ويقدر يعمل اي حاجه علشان صحابه واعز صحابه دول كمال وطه بس لما بيدايق من حد او يزعل منه أو حد يغلط في حقه بيتحاول ل انسان تاني خالص وبينسي كل حبه ل الشخص دا وبيتحاول 180 درجة وبيوري الشخص ال حبه دا وشه التاني ال عمر ما حد يتخيل ان ال قدامه دا هو يوسف
جميله مش حب يوسف الاول ولا حب طه الاول بس يمكن تكون هي الشخص ال اشتركوا في حبهم ليه هما الاتنين بس هي ممكن تقدر تخسرهم بعض او تحب شخص فيهم وتخلق بينهم كره هما الاتنين وحقد ولا صدقتهم هتكون اقوي من حبهم ليها!
فضلت تتكلم معاه كتير وهو قاعد حاطط التلفون على ودانه ومش مركز معاها لحد ما سمعها بتقول
جميله:انا مش عارفه انا اتصلت بيك ليا واتكلمت معاك بس انا كنت محتاجه اني اتكلم مع حد ومفيش غيرك اعرفه اصلا بجد شكرا انك فضلت تسمعني انا فعلا مش عارفه اشكرك ازاي
مع السلامه
قفلت معاه وهو اتصل على طه وطه رد عليه
طه:الو يا يوسف
عايز ايه
يوسف:انت فين؟!
طه:هكون فين يعني في المدرسة
يوسف:هتخلص حصصك امتي
طه:انا فاضلي حصة واحدة بس وهاجي ل كمال علشان في حاجه غريبه بتحصل وكنت عايز اتكلم معاه
هو في حاجه ولا ايه
يوسف:هقابلك في القسم
قفل في وشه
....يتبع

الثلث عشر من هنا
google-playkhamsatmostaqltradent