رواية ثعبان لم يلدغ كاملة
عبان لم يلدغ
الجزء الاول
احمد وسما اخوات , احمد عنده 35 سنه دكتور نساء فى مستشفى "بدون ذكر الاسم"
وسما عندها 25 سنه متخرجه من كلية تجاره جامعة القاهره ومش بتشتغل بتحب قراية القصص وبتحب الموسيقى
احمد وسما كانوا قريبين اوى من بعض وكانت سما متعلقه بيه اوى وبيحكوا كل حاجه لبعض
احمد كان خاطب بنت اسمها منى وقابلها فالمستشفى وحبها واتخطبوا
بس للاسف احمد كان عنده مرض السكر ومات
بداية القصه
عزا احمد اخو سما فى بيت اهله وكل الناس قاعده فى العزا سما سابت اللى قاعدين وطلعت اوضتها
دخلت الاوضه ونامت على السرير وغمضت عنيها وحلمت والحلم ده هو القصه كلها وهو :
فتحت سما عنيها لقت قدامها تعبان كبير فى اوضتها وصوتت وهيا بتصوت
التعبان: متخافيش
سما يغمى عليها من الصدمه لما لقت التعبان بيتكلم , وبعدين فاقت لقت التعبان لسه موجود قامت مفزوعه
سما بفزع :انت..انت.. حقييييقى
التعبان:اهدى متخافيش انا هنا عشان اساعدك
سما:ايه الجنان ده انت بتتكلم ..اكيد انا بحلم
التعبان: اه ده حلم فعلا
سما:طب انا عايزة اصحى دلوقتى
التعبان:انا جاى هنا عشان اثبتلك الناس اللى حواليكى وكمان عشان اثبتلك ان اخوكى عايش
سما باستغراب: انت بتقول ايه اخويا مات وفى عزا تحت دلوقتى
التعبان :تعالى معايا وانا هثبتلك
سما:ااجى معاك فين , وازاى اصلا امشى معاك كدا فى البيت وفى الشارع
سما بعد تفكير : اوك انا جاتلى فكره انا هحطك فشنطة السفر بتاعتى
التعبان: بس انا كدا هتخنق
سما تبص للتعبان بكل استغراب
وفعلا سما تحط التعبان فى شنطة السفر وتاخد الشنطه وتنزل وتلاقى مامتها قعده عادى ومفيش عزا ومامتها تشوفها بالشنطه وتقول
ام سما: ايه ده..انتى راحه فين وايه الشنطه دى
سما: مسافره
ام سما: خير راح فين
سما بعد تفكير:انا وصحابى طالعين رحله كام يوم كدا ومتأخرين اوى يلا باى ياماما
وتبوس مامتها وتمشى ومامتها تبصلها باستغراب وتقولها
ام سما:طب خلى بالك من نفسك
سما بصوت عالى : حااضر
سما خرجت وراحت على عربيتها وحطت شنطة السفر فى الكنبه اللى ورا , وركبت عربيتها وطلعت بيها.
وهيا ماشيه بالعربيه سمعت التعبان بيتكلم
التعبان:افتحى بقى الشنطه دى انا هتخنق
سما باستغراب: يتخنق ازاى يعنى
ووقفت بالعربيه على جنب وفتحت الشنطه وطلع التعبان منها مره واحده وسما اتخضت وقالت
سما: خضتنى دى طلعه مش كفايه انك تعبان كمان تطلع بالطريقه دى
التعبان: كنت هتخنق انا جوا الشنطه دى وشكلك نستينى
سما: تتخنق ايه ياعم انت ده انت تعبان
التعبان: ايه التعبان يعنى مش روح ده
سما : ماعلينا متتكلمش كتير انا حاسه انى مجنونه اصلا لما بتكلم معاك , ها هنعمل ايه دلوقتى, قولتلى ااجى معاك هنروح فين دلوقتى
التعبان: اطلعى على المستشفى اللى اخوكى بيشتغل فيها
سما: ليه
الثاني من هنا
